الرد على الموضوع

رد: بخصوص الكرسمس و عيد راس السنه ؟ هل تتوقف المعاهد معها

ياجماعه انا ما بعد حجزت الى الحين ولا شيء
مجرد تفكير جاد في الذهاب
واذا جزمت سيكون في شهر يناير

رد: بخصوص الكرسمس و عيد راس السنه ؟ هل تتوقف المعاهد معها

عبدالله وش قررت

يا ليت ترد وش اخترت قبل لا تروح

رد: بخصوص الكرسمس و عيد راس السنه ؟ هل تتوقف المعاهد معها

على كذا مافيه سفرة الا بعد عطلة راس السنة

رد: بخصوص الكرسمس و عيد راس السنه ؟ هل تتوقف المعاهد معها

ياليت نتواصل و أستفيد من تجربتك خصوصا أني بعدك

رد: بخصوص الكرسمس و عيد راس السنه ؟ هل تتوقف المعاهد معها

انا ياب15 ديسمبر يا في أول يناير خصوصا بعد كلامك
وافكر اني ادرس شوي زبادة قبل ما اطلع
المدن توي بادي أختار و احيانا افكر اروح مدن ما قد راح لها أحد
من الخيارات المطروحه
نلسون
نيبارا
تونقا
واحد من الشباب يمدح كريسشيرش مادري وش اسمها بس الظاهر
ان نص شباب المنتدى راحوا لها

رد: بخصوص الكرسمس و عيد راس السنه ؟ هل تتوقف المعاهد معها

انا زيك عبدالله لين الحين افكر في المده .. بس اليوم قررت بطلع بعد العيد لمدة شهرين فقط و ارجع .. بخصوص المدينه و المعهد باقي .. لكن مافي امل اروح اوكلاند .. و انت وش قررت ؟ و مشكورين اللي تجاوبوا

رد: بخصوص الكرسمس و عيد راس السنه ؟ هل تتوقف المعاهد معها

لا و الله ما بعد سجلت
نحن الآن في تحديد المدة بعدين المدينة بعدين المعهد
وإذا عندك نصايح تكفى لا تخلينا

رد: بخصوص الكرسمس و عيد راس السنه ؟ هل تتوقف المعاهد معها

اخ عبدالله انت سجلت في معهد ولا للحين...

رد: بخصوص الكرسمس و عيد راس السنه ؟ هل تتوقف المعاهد معها

اخوي حساس و الله البلشه إن كان الوضع مثل ما قلت
يعني العايله اللي أنا معاهم ما يمشوووني؟؟
يمكن انت عشانك عند سوني شايب
والا وش الرأي

رد: بخصوص الكرسمس و عيد راس السنه ؟ هل تتوقف المعاهد معها

نصيحه لا تروح

كل شئ يقفلّ والادهى والامرّ ان كل الانشطه بعد تقفلّ لانها فلّ

اذا انا بعيد الفصح اكلتها على راسي انا والشباب كل مانبي نطلع مدينه او نحجز سياره او بيت او او او
نلاقيها فل
تخيل قعدنا داخل المدينه
اللي حتى باصاتها مواعيدها تغيرت وبعضها توقفت عن العمل بحكم الاجازة

رد: بخصوص الكرسمس و عيد راس السنه ؟ هل تتوقف المعاهد معها

والله انا سمعت ان المعاهد تتوقف من تاريخ 21-12-2007 الى 7-1-2008

رد: بخصوص الكرسمس و عيد راس السنه ؟ هل تتوقف المعاهد معها

من 15 ديسمبر تاريخ تقريبي أنا الى الحين ما حددت بالضبط الى 15 مارس بتكون3 اشهر تقريبا , والمشكله اني مرتبط بعمل ما ادري متى يقولون تعال..
و لو بغيت ازود شوي باكلم المعهد يسوون لي فيزه مثل كلام الشباب
لكن ما فيهه حل الا اني ابكر بالروحه مثل اول سبتمر اصير درست لي كم اسبوع قبل الاجازة
والا أاخرها الى 4 يناير
تارتي وش المدينه التي اخترت؟

رد: بخصوص الكرسمس و عيد راس السنه ؟ هل تتوقف المعاهد معها

اخوي عبدالله بس بعدها يعني لازم شهر ثاني فصار المجموع ثلاث شهور و اسبوعين و يعني ذلك لازم فيزا .. لان ماتوقع فيه معهد بس اسبوعين !!

رد: بخصوص الكرسمس و عيد راس السنه ؟ هل تتوقف المعاهد معها

و الله المشكلة أنه لازم أرجع في 15 مارس او محاريها فإذا رحت بشهر يناير بيكون جلستي بس شهرين, و الله فعلا الموضوع محير ومربك, و 15 يوم تدفع فلوس ولا تقدر تدرس تضيق الصدر شوي, بس ممكن تكون تقدر تروح مع العائلة في الكريسمس و يمشونك و يكون احتكاك باللغة, لكن هذي تنفع للي لغته كويسه

و ننتظر من الإخوة مزيدا من الآراء

رد: بخصوص الكرسمس و عيد راس السنه ؟ هل تتوقف المعاهد معها

المشاركة الأصلية كتبت بواسطة عبد الله1427
http://www.arabtravelersforum.com/tr...0/#post1592260

و الله انا كنت ناوي اروح في15يسمبر
وش الحل ياجماعه مصاريف بدون دراسه والا فرصة الواحد يطيح التمشي من رأسه قبل الدراسه



هلا أخوي أنا انصحك أنك تخلي رحلتك من هنا في 2 January
بتوصل هناك ان شاء الله في 4 January والدراسة تبداء في 7 January
لأنه ما راح يمديك تدرس الا اسبوع واحد في حال انك جيت في 15 December
الا اذا تبي تجي تقلبها تمشيه في البداية
هذا شيء ثاني
الله يوفقنا وياك يارب

رد: بخصوص الكرسمس و عيد راس السنه ؟ هل تتوقف المعاهد معها

و الله انا كنت ناوي اروح في15يسمبر
وش الحل ياجماعه مصاريف بدون دراسه والا فرصة الواحد يطيح التمشي من رأسه قبل الدراسه

رد: بخصوص الكرسمس و عيد راس السنه ؟ هل تتوقف المعاهد معها

تسلم يالغاااااالي ...

و انا جالس اراسلهم كذلك .. و اللي عنده خبر ياليت يفيدنا

رد: بخصوص الكرسمس و عيد راس السنه ؟ هل تتوقف المعاهد معها

اللي اعرفه انه اغلب المعاهد تتوقف في هذا الوقت لمدة اسبوعين من 25/10
وانا قاعد ارتب مع بعض المعاهد الحين
وراح اطرح هذا السؤال عليهم
والله يوفقنا وياك اخوي

بخصوص الكرسمس و عيد راس السنه ؟ هل تتوقف المعاهد معها

السلام عليكم اخواني ..

انا كنت ناوي اسافر لـ نيوزلندا لمدة ثلاث شهور لدراسة الإنجليزي طبعا .. و تحديدا من ( 18 اكتوبر ) حتى ( 20 جانوري ) ..

و لكن سؤالي هنا ..

في 25 ديسمبر عندهم الكرسمس ....... و كلذلك في 31 ديسمبر عند عيد راس السنه !!

يعني تقريبا ً راح يتوقفون اكثر من 15 يوم .. يعني وجودي في نيوزلندا ماراح يكون منه فايده !! و يعني ذلك اني وقتها راح اروح شهرين !!

انا اسال هنا هل المعاهد تتوقف مع احتفالاتهم و وو و و و ... اتمنى تفيدوني عشان اعرف هل احجز شهرين ام ثلاثه ..

و شاكرين