الرد على الموضوع

رد: رايح لمايزيا شهر عسل وابي المساعده

مايقفل ياحبيبي ... شغال كل الوقت

http://img94.imageshack.us/i/29831790.png/

رد: رايح لمايزيا شهر عسل وابي المساعده

طيب وبالنسبه للتلفريك متى يقفل للصيانه من الموبايل

رد: رايح لمايزيا شهر عسل وابي المساعده

هلابك يالغالي ..

كل الألعاب والحدائق وأماكن الزيارات تعمل مدار الأسبوع

إلا ألعاب ( صن واي لاقون ) بسلانجور ... تغلق فقط ( كل ثلاثاء ) للصيانة

http://img803.imageshack.us/i/77466626.png/

رد: رايح لمايزيا شهر عسل وابي المساعده

اخوي وافي

انا سمعت بعض النشاطات في ماليزيا تقفل للصيانه مثل التلفريك وغيره
اذا تقدر تفيدي بالشي هذا عشان ما اضيع وقتي واروح لمكان مقفل واقدر ارتب وقتي

مشكور على سعة صدرك. 😊 من الموبايل

رد: رايح لمايزيا شهر عسل وابي المساعده

حياك ياغلاهم ... تفضل الجدول اليومي :

اليوم الأول ( سلانجور )

الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك


اليوم الثاني ( سلانجور )

جولة على بوتراجايا لمدة أربع ساعات من ( 9 ص - 1 ظهرآ ) وبعدها زيارة ألعاب ( الصن واي

لاقون ) إلى 6 مساء ..

وفي المساء التوجه إلى ( الماينز وندر لاند ) أو الراحة في الفندق أستعدادآ للسفر غدآ إلى لنكاوي

اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..

اليوم الثاني في ( لنكاوي )

زيارة التلفريك عند العاشرة صباحآ ثم القرية الشرقية ...

وبعدها جولة خاصة على لنكاوي لمدة أربع ساعات ... وزيارة الحدائق ومزرعة الخيول والشلالات ...

اليوم الثالث في ( لنكاوي )

الأفطار صباحآ ثم التوجه إلى عالم تحت البحار .... والعودة للفندق بعدها

وعند الثالثة عصرآ ... رحلة المانغروف والعودة بعدها للفندق والراحة ...

اليوم الأول في ( بينانغ )

الوصول والراحة في الفندق ثم التجول مساء في شارع الباتو فرينجي الشهير

اليوم الثاني في ( بينانغ )

الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ

في المساء كالعادة ... التجول بشارع الباتو فرينجي والتسوق والعشاء هناك

اليوم الثالث في ( بينانغ )

زيارة منطقة جورج تاون وهضبة بينانغ ... ثم العودة للفندق عند العصر ...

وممارسة الأنشطة البحرية إلى المساء ... ثم تمضية بقية المساء في الباتو فرينجي


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك

اليوم الثاني في ( كوالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )

زيارة ( جنتنغ ) من الساعة ( 10ص- 6 مساء ) ... عن طريق باصات ( قو جنتتنغ )

ومكتبهم في محطة ( كي ال سنترال ) ... وتحجز الباص قبلها بيوم ...

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية

وفي المساء التوجه إلى أحد مجمعات شارع العرب للتسوق ثم والعودة للفندق أستعدادآ للعودة للوطن

اليوم الأخير ( بورت ديكسيون )

للراحة والروقان والأستجمام .. والجلوس بالمنتجع ..

ومن الغد توجه للمطار قبل الرحلة بأربع ساعات

رد: رايح لمايزيا شهر عسل وابي المساعده

تسلملي اخوي وافي

توزيع جدولي
يومين سلانجور
ثلاث ايام لنكاوي
ثلاث ايام بينانغ
اربع ايام موالالمبور
ويوم بورت ديكسون مالكا من الموبايل

رد: رايح لمايزيا شهر عسل وابي المساعده

هلا بوجه ( السعد ) ... هلا حبيبي ( سعد ) ...

* عطنا توزيع الأيام ... وأبشر بأجمل جدول سياحي

* الأفضل تخرج من الفندق قبل الرحلة الداخلية بساعتين ونص ...

* الأفضل الخروج من الفندق للعبارة البحرية ... قبل الرحلة ( بساعتين ) ..

http://img11.imageshack.us/i/62227491.png/

رد: رايح لمايزيا شهر عسل وابي المساعده

يا الربع ليش محد رد علي

تكفون احد يرد علي من الموبايل

رد: رايح لمايزيا شهر عسل وابي المساعده

خلاص قرب موعد رحلتي انشاء الله بشنو تنصحوني
بالبرامج السياحيه
وبالنسبه لمطار اير اسيا قبل الرحله بكم لازم الحضور
والعباره الي بلنكاوي لازم بكم الحضور قبل الرحله

ممكن احد يفيدني من الموبايل

رد: رايح لمايزيا شهر عسل وابي المساعده

يالبى قلبك بس

وربي فرحتني حبيبي ... وتستاهل كل خير والله

رد: رايح لمايزيا شهر عسل وابي المساعده

الحمد لله لقيت حجز بفندق وستن لنكاوي

البركه بوجهك 😘 من الموبايل

رد: رايح لمايزيا شهر عسل وابي المساعده

اللهم آمين يالغالي ... الله يسعد قلبك حبيبي

رد: رايح لمايزيا شهر عسل وابي المساعده

الله يوفقك بالدنيا والاخره من الموبايل

رد: رايح لمايزيا شهر عسل وابي المساعده

هلا سعد ...

فندق ( فرنجي باني ) راقي جدآ ... ويستحق التجربة ... من أفضل فنادق لنكاوي

أعتمد يالغالي ... الله يسهل أمرك يارب

http://img694.imageshack.us/i/96875764.png/

رد: رايح لمايزيا شهر عسل وابي المساعده

تكفون يا الربع احد يرد علي ويعطيني رايه بالمنتجع هذا
فندق و منتجع فرنجيباني لنكاوي The Frangipani Langkawi من الموبايل

رد: رايح لمايزيا شهر عسل وابي المساعده

مالقيت حجز بلنكاوي الا بالفندق هذا شرايكم فيه
فندق و منتجع فرنجيباني لنكاوي The Frangipani Langkawi من الموبايل

رد: رايح لمايزيا شهر عسل وابي المساعده

المشاركة الأصلية كتبت بواسطة saad--alenazi
http://www.arabtravelersforum.com/tr...8/#post7589168

طيب هل هو قريب من مطار كوالالمبور من الموبايل

هلابك سعد ...

البورت ديكسيون تبعد عن المطار ( 50 دقيقة ) ... وهذا التقرير عنها

http://www.arabtravelersforum.com/travel455764/

رد: رايح لمايزيا شهر عسل وابي المساعده

طيب هل هو قريب من مطار كوالالمبور من الموبايل

رد: رايح لمايزيا شهر عسل وابي المساعده

الكل يمدح فيه

رد: رايح لمايزيا شهر عسل وابي المساعده

شرايك في هالمكان في اخر قبل السفر من ماليزيا والعوده الى ارض الوطن Grand Lexis Port Dickson من الموبايل

رد: رايح لمايزيا شهر عسل وابي المساعده

يارب ييسر امرك

رد: رايح لمايزيا شهر عسل وابي المساعده

تكفون ابي مساعده بحجز منجعات لنكاوي بتاريخ 24-03-2013 الى 27-03-2013 أو 27-03 -2013 الى 30-03-2013 بس تكون مطله على البحر مالقيت شي الى بفندق Tanjung Rhu Resort ومطله على الحديقه تكفون يا الربع 😢

رد: رايح لمايزيا شهر عسل وابي المساعده

طبعا اخوي البيراميد ملاصق للصن وي جميل ويوجد به اجمل مول في سلانقور والمشهور عالميا بالديزاين الفرعوني
احجزه ديلوكس او سوبيريور افضل من ستاندرد

رد: رايح لمايزيا شهر عسل وابي المساعده

طيب شرايك بالفندق هذا بسلانجور تنصحني. فيه
فندق بيراميد تاور Pyramid Tower , Sunway

رد: رايح لمايزيا شهر عسل وابي المساعده

والله يالغالي ... فنادق لنكاوي في ( آخر شهر مارس ) ترفع الضغط ... كلها ( فل )

بحثت لك ومالقيت إلا فنادق غالية ... مثل الويستن وغيرها ...

لكن عندك فندق ( فرنجي باني ) هو افضل الموجودين ... فندق راااقي جدآ وسعره معقول

هذا الرابط من بوكينق

http://www.booking.com/hotel/my/the-...tml?aid=358324

http://img688.imageshack.us/i/74885309.png/

رد: رايح لمايزيا شهر عسل وابي المساعده

مالقيت حجز من 23-3-2013 الى 26-3-2013 في فندق بلانجي بيتش ولا في برجايا
شسوي اللحين فيه حل ولاا فيه بديل حلو لاني انا ابي نظام الاكواخ على البحر

تكفى وافي اذا عندك حل ساعدني فيه

رد: رايح لمايزيا شهر عسل وابي المساعده

والله ماعندي علم ... لكن أسألهم افضل ...

اعتقد رقم الجوازات لابد منه ... في حجوزات الطيران عموما

وافي

رد: رايح لمايزيا شهر عسل وابي المساعده

مالقيت حجز من 23-3-2013 الى 26-3-2013 في فندق بلانجي بيتش ولا في برجايا
شسوي اللحين فيه حل ولا فيه بديل حلو لاني انا ابي نظام الاكواخ على البحر

رد: رايح لمايزيا شهر عسل وابي المساعده

طيب عندي استفسار

بالنسبه لطيران قطر لما حجزت من النت ما طلبو اراقام الجوازات

عادي كذا ولا شنو النظام الله لايهينك

رد: رايح لمايزيا شهر عسل وابي المساعده

هلا والله ...

البلانجي بيتش مميز وراقي جدا ... ويستحق السكن

وهذا الرابط حبيبي ... من البوكينق



http://www.booking.com/hotel/my/meri...tml?aid=358324




وافي

رد: رايح لمايزيا شهر عسل وابي المساعده

طيب شرايك ببلانجي بيتش

واذا عندك رابطه عطنياه اذا ماعليك امر

رد: رايح لمايزيا شهر عسل وابي المساعده

هلا والله ياحلو ...

إذا بغيت ( أكواخ ) في لنكاوي ... عندك ( برجايا لنكاوي ) أفضل شيء

أختر ( بريمر شالية على الماء ) ... وهذا الرابط من بوكينق

http://www.booking.com/hotel/my/berj...tml?aid=358324

http://img651.imageshack.us/i/48392975.png/

رد: رايح لمايزيا شهر عسل وابي المساعده

طيب ابي بلنكاوي نظام فندق الي فيه اكوخ على البحر

شنو ترشحلي
وهل الشيراتون فيه نظام اكواخ

رد: رايح لمايزيا شهر عسل وابي المساعده

يالبيه أخوي ( سعد ) ...

بجد أعتذر لك عن التأخير ... والله العظيم من كثر المواضيع نسيت ... سامحني حبيبي

وتفضل الروابط للفنادق اللي رشحتها لك ياغلاي ..

فندق ( صن واي لاقون ) سلانجور

http://www.booking.com/hotel/my/sunw...rt-spa.ar.html?aid=358324

فندق ( شيراتون ) لنكاوي

http://www.booking.com/hotel/my/sher...resort.ar.html?aid=358324

فندق ( القولدن ساندس ) بينانغ

http://www.booking.com/hotel/my/gold...gri-la.ar.html?aid=358324

فندق ( الرويال شولان ) كوالا

http://www.booking.com/hotel/my/the-...lumpur.ar.html?aid=358324

http://img832.imageshack.us/i/77511114.png/

رد: رايح لمايزيا شهر عسل وابي المساعده

وافي بزمن جافي يا النشمي

رد: رايح لمايزيا شهر عسل وابي المساعده

الله يخليك ويطول بعمرك يارب

رد: رايح لمايزيا شهر عسل وابي المساعده

ابشر ياغلاهم ... بس ارجع البيت واعطيك الروابط

لأني الآن اكتب من الجوال

اما العبارة البحرية تحجزها من النت ... وهذا موضوعي يشرح الطريقة



http://www.arabtravelersforum.com/travel616576/

رد: رايح لمايزيا شهر عسل وابي المساعده

هلابك يالغالي ...

الميزانية عندك ممتازة ورااائعة ... وتكفيك لأفضل الفنادق بأذن الله

وأرشح لك الفنادق التالية :

سلانجور ( الصن واي لاقون )

لنكاوي ( الشيراتون )

بينانغ ( فندق الهوليدي إن )

كوالا ( فندق الرويال شولان )


إذا بغيت هذه الفنادق ... راح أعطيك الروابط مباشرة ... عشان تحجزها

أما أهم الأماكن السياحية والجدول اليومي ... هذا علينا أحنا ... لاتشيل همه أبد

http://img15.imageshack.us/i/96101855.png/

رد: رايح لمايزيا شهر عسل وابي المساعده

الله يجزاك خير ويجعلهاا بميزان حسناتك

وبس تنويه انا ميزانيتي تقريبا مابين 20000الى 25000

شنو تنصحني فيه بالفنادق
واذا فيه موضوع عن الاماكن السياحيه الافضل

رد: رايح لمايزيا شهر عسل وابي المساعده

هذا الموضوع ياغالي

http://www.arabtravelersforum.com/travel750185/

رد: رايح لمايزيا شهر عسل وابي المساعده

ياهلا وغلا يالحبيب

رويال شولان موقعه مميز للغاية ... بداية شارع العرب

خمس دقايق بالظبط من الفندق لقلب شارع العرب

وبخصوص الحجوزات وترتيب الرحلة انصحك تقرأ موضوعي هذا

وبأذن الله يفيدك كثيرررر ... ويساعدك ... انصحك تقرأه


http://www.arabtravelersforum.com/travel750185/

رد: رايح لمايزيا شهر عسل وابي المساعده

والله موعارف شي وضاااااااايع

رد: رايح لمايزيا شهر عسل وابي المساعده

طيب وين مكانه رويال شولان قريب من شارع العرب

وبالنسبه لحجز النت اذا تساعدني بالطريقه اكون لك من الشاكرين

رد: رايح لمايزيا شهر عسل وابي المساعده

هلابك يالغالي ...

توزيع الأيام مميز بصراحة ... لكن الأسعار غالية ونار ... لو تحجز من النت أفضل

غير كذا ... فندق ( أستانا ) بكوالا سيئ جدآ ... وأنصحك بتغييره ... خذلك ( رويال شولان )

أما الطيران ... الأسعار غالية بصراحة ... من النت راح توفر ( النص ) ...

والله يالغالي .. زمن المكاتب السياحية والشركات ( ولى ... وأنتهى ) ... الأن من النت كل شيء

http://img201.imageshack.us/i/15235168.png/

رد: رايح لمايزيا شهر عسل وابي المساعده

ليش محد رد علي 😢

احد يرد علي لان قرب موعد الرحله
شرايكم ببرنامجي

رد: رايح لمايزيا شهر عسل وابي المساعده

طيب شرايكم ببرنامجي والاسعار


الوصول 24/3 ـــــــــــــــــــــــــ المغادرة 5/4

من 24/3 الي 26/3 سيلانجور , فندق إمباير صوبانج, غرفة بريمير 390 رنجت ليلتان = 780 رنجت

من 26/3 الي 29/3 لنكاوى , فندق بلانجى بيتش , غرفة ديلوكس عالبحر 940 رنجت 3 ليالى = 2820 رنجت

من 29/3 الي 1/4 بينانج , فندق فلامينجو, غرفة ديلوكس عالبحر 330 رنجت 3 ليالى = 990 رنجت

من 1/4 الي 5/4 كوالالمبور , استانا غرفة غرفه ديلوكس 480 رنجت 4 ليالى = 1920 رنجت

اجمالي تكلفة الفنادق تحديدا كما جاء اعلاة شاملة جميع المصاريف والضرائب و2 افطار يومي للغرفة = 6510 رنجت

الطيران الداخلي ــــــــــــــــــ اير اسيا

يوم 26/3 من كوالالمبور الي لنكاوى للشخص 260 رنجت شخصين = 520 رنجت + 5 ك وزنزيادة للشخص 10 ك وزن زيادة للشخصين 50 رنجت اجمالي = 570 رنجت

يوم 29/3 من لنكاوى الي بينانج بالعباره وللشخص 80 رنجت شخصين = 160 رنجت

يوم 1/4 من بينانج الي كوالالمبور للشخص 220 رنجت شخصين = 440 رنجت + 5 ك وزنزيادة للشخص 10 ك وزن زيادة للشخصين 50 رنجت اجمالي = 490 رنجت

اجمالي الطيران = 1220 رنجت

رد: رايح لمايزيا شهر عسل وابي المساعده

والفنادق احجزها وادفعلهم قبل السفر ولا لما اوصل

ولا احجز عن طريق العربيه للسياحه وشنو رايك فيهاا

وانا عارف سياسة الموقع مو مسموح ذكر اسماء شركات سياحه بس اعذرني ابي اتطمن قبل السفر ومالي بعد الله الا انتم اسالهم

ومشكورين على مجهودكم معي

رد: رايح لمايزيا شهر عسل وابي المساعده

اي والله جزاك الله خير والله يجعلها بميزان حسناتك

وتحملني رح اتعبك معي

رد: رايح لمايزيا شهر عسل وابي المساعده

ماقصرت يا أخ وافي جزاك الله خير على مساعدتك وردودك الوافية الشافية

واسمح لي أن أشكرك نيابة عن أخونا العنزي

رد: رايح لمايزيا شهر عسل وابي المساعده

والفنادق احجزها وادفعلهم قبل السفر ولا لما اوصل

ولا احجز عن طريق العربيه للسياحه وشنو رايك فيهاا

وانا عارف سياسة الموقع مو مسموح ذكر اسماء شركات سياحه بس اعذرني ابي اتطمن قبل السفر ومالي بعد الله الا انتم اسالهم

ومشكورين على مجهودكم معي

رد: رايح لمايزيا شهر عسل وابي المساعده

طيب كم احتاج اخذ معي مبلغ
اخلي معي كاش ولا اخليه كله بالفيزا
وهل الفيزا تسوق يمشي حالهاا
وشنو افضل المطاعم بماليزيا الي تستاهل التجربه

واذا فيه نصايح قبل السفر عن ماليزيا لان اول مره اروح ومتخوف شوي

رد: رايح لمايزيا شهر عسل وابي المساعده

حياك وبياك ... هلا وسهلا حبيبي ...

سفرك في ( مارس ) وهو وقت خارج الموسم ... مافيه سياح كثير

والأسعار فيه من أرخص أسعار السنة ... وبأذن الله تعجبك الأسعار

والأفضل تحجز الفنادق قبل الرحلة بشهر أو عشرين يوم ...

http://img202.imageshack.us/i/45681910.png/

رد: رايح لمايزيا شهر عسل وابي المساعده

طيب كم يكفيني تكلفه بالوقت الي رايح فيه بما انه مو وقت موسم

وبالنسبه للنفادق للحين مو متاكد لكن متى الوقت الانسب للحجز براك

رد: رايح لمايزيا شهر عسل وابي المساعده

يامراااحب حبيبنا الغالي ...

لنكاوي لاقون ... عبارة عن غرف عالبحر مبنية على شكل ( أكواخ ) ...

وإذا بغيت أرخص .. أرشح لك في بينانغ ( الفلامنجو ) ... وفي كوالا ( دورسيت ريجنسي )

لكن الصراحة ... الفنادق في ردي الأول هي الأنسب لك

http://img202.imageshack.us/i/45681910.png/

رد: رايح لمايزيا شهر عسل وابي المساعده

بالنسبه للنكاوي ابي منتجع الي اكواخ على البحر

والباقي اذا فيه ارخص وافضل

رد: رايح لمايزيا شهر عسل وابي المساعده

ياهلا وغلا ... عندك ( 12 يوم ) بالضبط ... وهذا التوزيع الأجمل والفنادق الأنسب لك

يومين سلانجور ... فندق إمباير

ثلاثة أيام لنكاوي ... فندق لنكاوي لاقون

ثلاثة أيام بينانغ ... فندق هوليدي إن

أربعة أيام كوالا ... فندق الرويال شولان

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

http://img202.imageshack.us/i/45681910.png/

رد: رايح لمايزيا شهر عسل وابي المساعده

موعد وصولي لكوالالمبور الساعه 8:30 مساءً بتاريخ 23-3-2013

والعوده الساعه 10:20 بتاريخ 5-4-2013

بس للحين ما قصيت التذكره

ابي اشحن فيزا تسوق واحجز التذاكر

رد: رايح لمايزيا شهر عسل وابي المساعده

هلا وغلا بالحبيب ...

أبشر بعزك يالغلا كله ... بس عطني موعد وصولك لكوالا ( 23 أو 24 ) ؟؟؟

عشان نعرف كم يوم عندك بالضبط ... ونقسم الأيام بشكل مميز ... ونرشح لك الفنادق الأنسب

بأنتظارك حبيبنا

http://img607.imageshack.us/i/37483260.png/

رايح لمايزيا شهر عسل وابي المساعده

بسم الله الرحمن الرحيم الحمد لله و الله وفقني وتزوجت وانشاء الله رح اقضي شهر العسل بماليزيا ورح يكون موعد رحلتي ب 23-3-2013 والرجعه ب 5-4-2013 على متن الخطوط القطريه من الكويت واتمنى تساعدوني بوضع برنامجي في ماليزيا ورح اكون لكم من الشاكرين ورح يكون برنامجي بالبدايه يومين سلانجور ثلاث ايام لنكاوي ويومين بينانقو اربع ايام كوالالمبور مع يوم لجنتنق اتمنى تساعدوني بالفنادق وبالنسبه للنكاوي المنتجعات الي فيه اكواخ على البحر مثل برجايا بس مالقيت فيها حجز 😔 ابي الافضل والارخص بالفنادق واكون لكم من الشاكرين 😊وشكرا