الرد على الموضوع

رد: محتار اسوي الرحلة بنفسي ولا شركة سياحيه

امسي عليك اخوي السوادي وجميع اخواني واخواتي اعضاء المنتدي الرائع
بخصوص فيزاء الراجحي مسبوقه الدفع علي ماعتقد تختلف عن فيزاء مشتريات وافضل ان تتاكد
انا حجزي للطيران من جده في نفس تاريخك والاخواني نصحوني ان انتظر المعرض الماليزي بعد شهر لحجوزات الفنادق وانت شوف الي يريحك

رد: محتار اسوي الرحلة بنفسي ولا شركة سياحيه

يا أخوان مالقيت ويستن لنكاوي .. بوكنق وهل يطلع مع الاطلاله والافطار ؟

رد: محتار اسوي الرحلة بنفسي ولا شركة سياحيه

أخوي واآفي الله يوفقك ويسعدك ويسعد والديك ... شكرا على دعائك وأمنياتك الطيبه ك طيبة قلبك ..
اسال الله ان يوسع لك في رزقك ويبارك في صحتك وأهلك ..

أخوي طائر حائر .. المشكلة إني تورطت وحجزت في الخطوط وماعاد حصلت .. شكرا على إهتمامك ..

مسافر حائر .. يامرحبا ومسهلا .. عريس جديد أجل ؟
الله يبارك لكم ويبارك عليكم ويجمع بينكما بخير ..
من جد من كثر ماقريت حسيت إنها قليله 11 يوم بس ..
لكن تورطت وحجزت وغير كذاآ يازينها تروح وانت استانست وفليتها احسن من انك تروح وانت متكررة عليك
المواقع ومليت ...
راآح أبدا واسال الله في العون وما استغني بعد الله عنكم ..

رد: محتار اسوي الرحلة بنفسي ولا شركة سياحيه

وعليكم السلام ورحمة الله وبركاته
أولاً : ألف مبارك مقدماً على عش الزوجية , وأسأل الله لك التوفيق في حياتك الزوجية لتكون سعيداً دنيا ودين .
ثانياً : أنت قلت كلمة جميلة في بداية مشاركتك عن المنتدى "" السراج لكل تائه "" وهذا إطراء تشكر عليه فلا تحتاج لمكاتب سياحية ولا شركات ..... والخ .
ثالثاً : عدد أيامك احسها قليلة , انا مثلك حجزي في شهر جون وحجزت 11 يوم غير يومي السفر وندمت إني خليتها 11 يوم , صدقني مع الحماس وحجز الفنادق والتذاكر والألعاب والإطلاع على التقارير تحس ان ماليزيا حقها 15 يوم على اقل تقدير .
رابعاً : الإخوان ماقصروا وكل رواد المنتدى بخدمة الغاليين امثالك , لكن أعيد واكرر كلام حبيبنا الغالي ( وافي . . . ابو هلا ) ولايهون البقية "" زمن المكاتب السياحية ... ولى وأنتهى "" مع وجود منتدى العرب المسافرون .
خامساً : انا مثلك ما أعرف شئ في البداية عاد مو مرة ( ههههه ) بس ترى ما أتوه فيها وان بعد مارحتها .
سادساً : متعة إنك تعمل الحجز بنفسك وترتب سفريتك بنفسك وتحس بمتعة السفر بعدين , تراها متعة لا تضاهيها متعه.

ملاحظة / بالنسبة لمكاتب السياحة نعم بعضها يعطيك حجز فنادق أرخص من موقعي بوكينك وأجودا , لكن صدقني يطلعها منك من ناحية المواصلات والتذاكر ....... الخ .

أقولك همسة / تراني وفرت على نفسي لحد الآن قرابة الـ 7000 ريال وهذا كله بفضل الله أولاً وآخراً ثم بفضل هذا المنتدى .

إليك موضوعي بعنوان / شكر وعرفان
http://www.arabtravelersforum.com/travel797499/
وموضوع ترتيب لسفريتي
http://www.arabtravelersforum.com/travel799874/

رد: محتار اسوي الرحلة بنفسي ولا شركة سياحيه

نسيت اقولك كان ميزانيك تسمح خلها 12 ليله على الاقل ولاراح تندم بإذن الله

رد: محتار اسوي الرحلة بنفسي ولا شركة سياحيه

سوها بنفسك طال عمرك و اعتمد على الاخوان الموجودين بهذا المنتدى ولا راح يقصرون
من ترشيح فنادق و عمل جدول يومي لك بعد الانتهاء من الحجوزات
العام الماضي حددت الايام المناسبه بنفسي واطلعت على تقارير الاخوان عن الفنادق واخترت الي يناسب ميزانيتي
والجدول اليومي رتبه لي المغادرون 2007 ومشيت عليه خطوه بخطوه الله يجزاه خير ماقصر معي

رد: محتار اسوي الرحلة بنفسي ولا شركة سياحيه

ألف مرحبا والله ... حياك الله ( as_awad )

كل الأماني ... لك ياغالي ... بدوام التوفيق في الدنيا والآخرة ...

ماقصروا ( الأساتذة ) قبلي .. كفوا ووفوا ... الله يسعد قلوبهم يارب

وأنا عندي بعض التوجيهات ( على عجالة ) ...

طبعا الآن عصر النت ... وكل العالم تحجز من النت ... وتوفر الوقت والجهد والماااااااال

زمن المكاتب السياحية ( ولى .. وأنتهى ) ... والدليل كل الأخوان هنا نعطيهم الخطوات ويحجزون من النت

لذلك ياغلانا ... أنصحك تبدأ خطوة بخطوة في ترتيب الرحلة ... وهذا موضوعي راح يفيدك بأذن الله

http://www.arabtravelersforum.com/travel750185/

صدقني يالغالي :

ترتيب الرحلة ( متعة ) ... والتخطيط لها ( روعة ) تضاهي روعة السفر نفسه ...

وبأذن الله تكتشف ( سهولة ) الحجز بنفسك ... وأي خدمة ومساعدة ... كلنا هنا نخدمك بعيوننا

أسأل الله أن يسعدك ... ويوفقك ... ويسهل لك كل عسير ... في الدنيا والآخرة ... تحياتي لك حبيبي

http://img688.imageshack.us/i/27423172.png/

رد: محتار اسوي الرحلة بنفسي ولا شركة سياحيه

الله يوفقكم .. الله لايحرمكم الأجر .. !

رد: محتار اسوي الرحلة بنفسي ولا شركة سياحيه

اخوي الموضوع سهل انا كنت ما اعرف ومثلك شهر عسل وباقي شهر عليه كل اموري بالسليم ان شاء الله

الفيزا حقت الراجحي نوعين ( تسوق و أنسان ) الفرق ان فيها نقاط ربحيه الاولى لك والثانيه لجمعية أنسان الخيريه


وتشحنها المبلغ الى تبغى


بخصوص الحجوزات مثلا بوكنق فيه شروحات تستفيد منها وكل شي عربي وواضح
مثلا ندخل البوكنق وتضع تواريخ سفرك للمدينه الى تبغاها
مثلا تاريخ 18 - 6 - 2013 الى يوم 20-6-2013 لمدة ليليتن تطلع قائمه الغرف المتوفره تبغى شامله الفطور او لا تبغى اطلاله او لا كل شي مكتوب واختار الغرفه الى تناسبك المبلغ مسترجع او لا


انا والله اول مره اسافر لماليزيا وشهر عسل بس العمليه سهله والواحد لابد يعتمد على نفسه ويشاور الاخوان هنا ماهم مقصرين وراح توفر كثير ولك حريه الاختيار

رد: محتار اسوي الرحلة بنفسي ولا شركة سياحيه

تفضل إقرأ موضوع حبيبنا وافي راح يفيدك كثير ..

http://www.arabtravelersforum.com/travel750185/

رد: محتار اسوي الرحلة بنفسي ولا شركة سياحيه

في إنتظاآركم ... الله يجزاكم الجنه !

رد: محتار اسوي الرحلة بنفسي ولا شركة سياحيه

الله يسعدك ويسعد والديك يا اخوي الشمري فيزا الراجحي عندي ( المشتريات ) أسمها أتوقع .. لكن المشكله اني ماعرفت كيف احجز الغرف مع الافطار واختيار الاطلاله ..
وتعرف شهر عسل .. وما ابي اتلخبط وخصوصا انها اول سفرة خارج حدود الخليج ..
ومعي أهلي لو عزوبي مافي مشكله تغامر ولو لاقدر الله غلطت !

رد: محتار اسوي الرحلة بنفسي ولا شركة سياحيه

هلا وغلا اخوي .. شف انا نفسك كذا محتار لكن بكل بساطه الشركه يكسرون ظهرك من فنادق وطيران داخلي يعني يطلع بفايده اكثر من 2000 وازود وانت اولى فيها والعمليه سهله جدا وانا سويتها

تطلع بطاقه ائتمانيه فيزا تسوق من الراجحي
تحول من رصيدك الى البطاقه مبالغ الحجوزات والفنادق
تدخل مواقع اقودا وبوكنق وكذا موقع وتبحث عن انسب الاسعار وانتبه لنقطه الضريبه والخدمه كثير من الناس يتجاهلها احسبها كلها مع المبلغ
والطيران الداخلي احجز من اير اسياء وسهل وفيه شروحات بالمنتدى وكل شي واضح
بالتوفيق اخوي وانصحك تحجز من الحين واغفر همها لان تحصل عروض للطيران خصوصا الداخلي


وبالتوفيق لنا ولك ولكل من قام بمساعده الناس في هذا المنتدى

رد: محتار اسوي الرحلة بنفسي ولا شركة سياحيه

استفسار الاخوان وافي والعدني والمغادرون هل لكم حسابات في تويتر ؟؟

رد: محتار اسوي الرحلة بنفسي ولا شركة سياحيه

مازلت في الانتظار وكلي أمل أن يتم التفاعل مع موضوعي ...!

محتار اسوي الرحلة بنفسي ولا شركة سياحيه

بسم الله الرحمن الرحيم

أول موضوع لي بهالمنتدى او بالاصح السراج لكل تائه حيث هنا فقط تجد ضالتك لأي دوله وفق الله الجميع لما يحملون من نوايا طيبه وسعة في الصدور اسال الله ان يوفقهم دنيا وآخره وهنيئاً لهم الاجر ان شاء الله والدعوات بظهر الغيب ..
موضوعي أني قريت الكثير من التقارير هنا .. وقررت ب إذن الله ان يكون شهر العسل في ماليزيا ومما استفدته ان أبدا الحجز للطيران الدولي وهذا ماتم حجزة تاريخ 16 / 6 / 2013 م والعودة 26 / 6 / 2013 م من جدة كوالا دايركت السعر لشخصين خمسه الاف وسبعين ريال !
وودي تكون اول يومين سيلانجور الصن واي لاقون .. اليومين اللي بعدها لنكاوي الويستن .. اليومين اللي بعدها بينانق القولدن ساندس .. بعدها كوالالمبور التريدرز .. ومن ثم العودة هل لكم اي آقتراح ع جدولي ...
ونصيحتكم أحجز بنفسي .. ولا اشوف لي أي شركة علماً إني قريت تقرير سميحة المليحه وحجزت من شركة تقول أنها
أرخص من بوكينق ؟؟
رديتم ولا مارديتم .. الله يوفقكم جميع ..
وأهني واآفي بزمن جافي والعدني .. ومزمز .. المغادرون . والجميع بكثرة الدعاء في ظهر الغيب !