رد: مكة والعشق الروحي
مرحبا فيكم
يومنا الأخير
قعدنا من النوم مبجر للصلاة الفجر
ورحنا الحرم صلينا ركعتين سنة وقرينا سورة الكهف وانتظرنا الاذان
والصلاة
في الدور الثاني
وصاير المكان زحمة
رجعنا ورحنا نتريق
شوفو المكان فاضي....عشر دقايق الا مليان
وهذه طاولتنا
دايما تلاقون مطارات الشاي على الطاولة
والحليب تطلبون ايبون لكم مطارة حليب
طلبت حليب لقيت نفس الشي اشياء سودة تسبح بالحليب
قلت له تعال شوف شنو هذا ...انا عارفه انه المطارة مو مغسوله عدل فيصير
هذا السواد وخاصة بالحليب
قلت له شيله خلاص ما ابي
وهذا ريوقي
فول ..
اومليت الفلفل حااااااااار
جباتي وكرواسون واجبان
ومربى ...شفت وحدة عند المربى تدور مربى فراولة
والا مافي اخذت انا معاها مربى مشمش
خلصنا ريوق وعلى الغرفة جهزت شنطي
وعدلت اغراضي
ونمت لحد الاذان الاول لصلاة الجمعه
طلع ابو حسين
وانا للحين بفراشي
قلت يقعدوني البنات
قعدوني البنات وانا راسي دايخ
قلت لا روحو انا بصلي هني
ونومة ما صحيت الا على نص الخطبة فقمت تجهزت للصلاة وصليت
وبعدها رجعوا البنات وتأكدت أغراضهم جاهزة
اتصلنا على الرسيبشن علشان التشيك اوت
وما شاءالله نزلوا شنطنا بسرعه وسوينا التشيك اوت
وخلينا الشنط عندهم ورحنا نتغدى بالمطاعم اللي بالسوق
قطار معلق ما شفته يتحرك ابدااا
الطاولات تقريبا كلها محجوزة
زحمة
انا اللي ابحث عن طاولة مع غنيمة
لقينا طاولتين
وهذا غداي
لذيييذة
خلصت وتطشرنا شوي
والوعد بعد ساعه الا ربع باللوبي للفندق
قعدت هني اول شي
بعدين قلت خل نقعد شوي عند الباب احسن
فاضية ماعندي شي الا التصوير خخخخخ
وبعد ما تجمعوا العيال وابوهم
اخذنا جناطنا ورحنا لنفق التاكسي وركبنا تاكسي
واول ما تحرك جزاه الله خير
قعد يقول لنا دعاء السفر ما شاءالله وادعية كثيرة
وهذه صور من الطريق
فنادق كثيرة وعلى جميع المستويات
ماعندنا جبال
قعدت اصور الجبال واشلون البيوت تبنى على الجبال
كنت اذكر قبل مقابل فندق أجياد مكة بيوت اغلبها لونها ابيض
على الجبال وكانت بيبانها وشبابيكها مقوسة من فوق شكلها كان عجييب
الحين ما شفتهم
سبحان الله سالته عن المسجد اللي تكلموا عنه بالمنتدى
وهو مسجد الراجحي
والا يقول لي هذا اهو
محاولات لتصوير الساعه
وهذه البيوت اللي اعادت لي الذكرى
مخيمات متباعدة يا حظكم
احنا بين كل مخيم ومخيم مخيم
بس الحين شوفو الفن والابداع من تصويري
من دخلنا جدة البنات الظاهر يواعه
كل ما يشوفون مطعم البييييك
الطاااازج .......مادري شنووو
قال لهم راعي التكسي بضحك انتم ما كليتوا من البيك قلنا لا
قال اجل عمرتكم ناقصة
لازم اولها لبيك اللهم لبيك وأخرتها تاكلون من البيك
يضحك معانا وابوحسين يساعده هههه
اعتقد هذه المحطة الرئيسية للقطار اللي قاعدين يشتغلون عليه
طول الطريج واحنا نشوف الاعمال للقطار