الرد على الموضوع

رد: غيرو فندقنا وتوقهتمن هولدي ان ستي سنت الى شراتون ويست بارك

مشكورين على ردودك وماقصرتوا و الله يجعله في ميزان حسناتكم

رد: غيرو فندقنا وتوقهتمن هولدي ان ستي سنت الى شراتون ويست بارك

المشاركة الأصلية كتبت بواسطة om zaina
http://www.arabtravelersforum.com/tr...4/#post4022454

تكفون طلعت رحلتنا عل اللوفتهانز ترانزيت 5 ساعات في فرانكفورت شلون أقضيها خصوصا انا بكون سهرانين طول الليل طيران فتكفون في شي مميز في مطار فرانكفورت مثل مطعم علشان نتريق ونتغدا الله يعينا وفي عندهم مسجد أو مصلى تكفون ولان أمي بتكون معاي الله يطول بعمرها وهي على حد السبعين شنو تقترحون اسوي علشان ترتاح في مكان حق النوم في المطار او اي اقتراح تكفون سفرتي بعد يومين لاتطنشوووووووني علشان الوالدة مو علشاني



هذا الموقع الرسمي للمطار باللغه العربية يوضح كل شيء حتى مكان الصلاة والمطاعم والاسواق وهو عبارة عن صالتين اهم شيء تعرفون اي صالة تنزل فيها اللوفتنهانز والموقع راح يوضحها لك تحيااااااااااتي
http://cmsbak1.fraport.de/quickguide...e/arrival.html

رد: غيرو فندقنا وتوقهتمن هولدي ان ستي سنت الى شراتون ويست بارك

عزيزتي أم زينة

أتوقع إنكم مسافرين مع قروب

لأنه هم اللي يغيرون بالفنادق هذي الحركات يتميزون في بعض المكاتب

يكونون مسبقا حاجزين الفندق نفسه ويأملون الناس ويوعدونهم بفندق ثاني

علشان يسجلون ويكتمل عندهم العدد وغالبا هناك يبلغونهم بإنه الفندق تغبر

وهولا تغير ولاشي هم مسبقا حاجزينه بالاصل لكن يخبرون الناس بفندق قريب من السنتر

واذا مبجرين ويبلغونهم بغنه تغير يبلغونهم قبل السفربوقت بسيط وأيام بسيطة


وحتى الترانزيت بالمطار يخلون الترانزيت طويل علشان التذاكر أرخص ويبيعونها من ضمن البكج أغلى ويحققون ارباح من ورا هذا الشي

وساعات تكون في رحلات ترانزيت مجرد ساعة ولا ساعتين انتظار لكن ما بحجزون عليها لأنها اغلى






لكن بحكم سفري المتكرر لميونخ لا تحاتين ولا يأثر هالشي على فرحة السفر بسبب فندق وشوفي المميزات اللي عندك



اولا: فنادق شيراتون معروفة بمستواها والحمدلله انهم مابدلوه بفندق مو معروف

ثانيا : خطوط اللفتهانزا مستواها جيد

ثالثا : الاندرجراوند بميونخ مافيه اسهل منه

سألي الريسبشين عن اسم المحطة القريبة من المارين

عموما في محطة في وسط المارين أتوقع اسمها مارين بلاتز

هذي تنزلين انتي بوسط السوق وفي محطة ثانية بأول المارين عند تقريبا الكوفهوف اللي بره المارين بلاتز



الشي الثاني حتى لو كنتي ساكنه يالهوليدي إن راح تستخدمين الاندرجراوند

والمحطة في أسفل الفندق تقريبا يعني مجرد باب تفتحينه من لوبي الفندق وتنزلين السلم تلاقين الاندرجراوند


ليش أقولك حتى بالهوليدي راح تستخدمينه

صح نقدر نروح المارين مشي لكن يبيله 10 الى 15 دقيقة مشي

وكنا نستخدم الاندرجراوند لانه ورانا مشي بعد بالمارين للتسوق والتمشي





طبعا أنا اكتب لك هذا الكلام بحكم إني سكنت بالهوليدي اكثر من5 او 6 مرات

واستخدمنا الانرجراوند وما في اسهل منه وحتى اغلب الاوقات هادي



اسأل الله أنه يسهل أموركم ويحفظ لكم الوالدة ويسعدكم برحلتكم

رد: غيرو فندقنا وتوقهتمن هولدي ان ستي سنت الى شراتون ويست بارك

أختي عندي إقتراح ثاني ، وما ادري وجهة نظرج فالموضوع لكن بحطها للفائدة فقط

فالمطار ، فيه محل لعمل المساج وهالأمور .. أحس راح يكون جيّد جداً للوالده ..

وهاذي مواقعه

Terminal 2, Area D, Level 3

Terminal 2, Area E, Level 3


أختي بخصوص هالمواقع ، فقط أكتبي موقع الشي اللي تبينه ، ويوم تسيرين المطار سألي حد من العاملين وهم بيدلونج

رد: غيرو فندقنا وتوقهتمن هولدي ان ستي سنت الى شراتون ويست بارك

تقصد صالة الترانزيت الله يعين عسى الله يسهلها
الله كريم مشكور أخوي وجزاك الله كل خير

رد: غيرو فندقنا وتوقهتمن هولدي ان ستي سنت الى شراتون ويست بارك

worshiping and prayer rooms
هاذي اسامي غرف العبادات ،

وبخصوص الوالده الله يحفظها ، حسب حالتها .. سواء كانت تعبانه أو مرتاحه ..
و أعتقد غرف الصلاه راح تكون ممتازه ، ترتاح فيها وتمدد ، خذي معاج المخده مالت الطياره ، وايد بتفيد الوالده الله يطول بعمرها ..

رد: غيرو فندقنا وتوقهتمن هولدي ان ستي سنت الى شراتون ويست بارك

يسوى اخذ فندق علشان الوالدة ترتاح ولا لأ
وأماكن العبادات شنو مسماها عندهم علشان لا بغيت اسأل عنها
جزاك الله خير ويعطيك العافية

رد: غيرو فندقنا وتوقهتمن هولدي ان ستي سنت الى شراتون ويست بارك

أختي مطار فرانكفورت كبير جداً ، ويعد الثاني على مستوى اوروبا ..

فيه تشكيلة كبيرة جداً من المحلات ، من ضمنها بودي شوب ..

بخصوص المطاعم

Asia Snack Box Terminal 1, Area B, Level 1
Burger King Terminal 2, Area D, Level 3
Ciao Italia Terminal 1, Area B, Level 1
Connection Terminal 1, Area B, Level 2
Cosi Asiate Terminal 1, Area B, Level 3
Kuffler & Bucher Terminal 1, Area B, Level 3
Käfer's Terminal 1, Area B, Level 2
Manzana Terminal 2, Area E, Level 4
Marché Terminal 1, Area B, Level 1
McDonald's Terminal 2,D Concourse

MoschMosch Terminal 2, Area E, Level 3
Sense of taste Terminal 2, Area D, Level 3
Take Off Food Corner Terminal 1, Area A, Level 2

Häagen Dazs Terminal 1,A Concourse



عندج غرف العبادات ( ضمنها المساجد )
Terminal 1, B Concorse, Level 2
أو
Terminal 2, D Concorse, Level 3 المغادرون ، بعد نقطة التفتيش ..


أتمنى أي استفسار اختي لا تترددين في طرحة ..

رد: غيرو فندقنا وتوقهتمن هولدي ان ستي سنت الى شراتون ويست بارك

تكفون طلعت رحلتنا عل اللوفتهانز ترانزيت 5 ساعات في فرانكفورت شلون أقضيها خصوصا انا بكون سهرانين طول الليل طيران فتكفون في شي مميز في مطار فرانكفورت مثل مطعم علشان نتريق ونتغدا الله يعينا وفي عندهم مسجد أو مصلى تكفون ولان أمي بتكون معاي الله يطول بعمرها وهي على حد السبعين شنو تقترحون اسوي علشان ترتاح في مكان حق النوم في المطار او اي اقتراح تكفون سفرتي بعد يومين لاتطنشوووووووني علشان الوالدة مو علشاني

رد: غيرو فندقنا وتوقهتمن هولدي ان ستي سنت الى شراتون ويست بارك

ما اعرف للمترو بس عادي اتعلم عليه أعتقد مايبيلة شي
مشكوريت على التوضيح

رد: غيرو فندقنا وتوقهتمن هولدي ان ستي سنت الى شراتون ويست بارك

:| لا تقولون
احنا حاجزين عليه
عاد انا اكره المتروات ماحبهم

رد: غيرو فندقنا وتوقهتمن هولدي ان ستي سنت الى شراتون ويست بارك

فيه آندر قرآوند .. وقريب وايد بعد .. عشر خطوات يمكن ( و أعنيها حرفياً )
يوديج قريب من المارين بلاتز .. يعني شغل 10 دقايق مشي..

رد: غيرو فندقنا وتوقهتمن هولدي ان ستي سنت الى شراتون ويست بارك

انزين مافي يمه اندر جراوند

رد: غيرو فندقنا وتوقهتمن هولدي ان ستي سنت الى شراتون ويست بارك

أختي هالفندق بعيد عن المارين بلاتز نسبياً
تقريباً 40 دقيقة مشي..

رد: غيرو فندقنا وتوقهتمن هولدي ان ستي سنت الى شراتون ويست بارك

معقووووووووووووولة محد جرب الشيراتون

غيرو فندقنا وتوقهتمن هولدي ان ستي سنت الى شراتون ويست بارك

تكفون أحد عندة فكرة عن فندقSheraton Munich Westpark Hote قبل مستانسه عل الهولدي ان كل من يمدحه بس هذا ماسمعت عنه أحد عنده فكرة زين ولا موزين يم السوق ولا بعيد يمه محطة مترو أومطاعم زيينه تكفووووون أول مرة أروح لميونخ ساااااعدوني ما ابي اتوهق