الرد على الموضوع

رد: ارائكم عن جدولي لرحله شهر العسل

حياك أخي الكريم .. السويت فيه سرير واحد كبير ..

وهي أنواع فيه سويت عادي وفيه ملكي , اللي اخذناه احنا كان سويت ملكي ..

بس كل السويتات فيها جاكوزي لأنها من مميزات السويت ..

وفيه إطلالة مباشرة عالبحر وفيه جزئية .. الرويال كانت اطلالته مباشرة عالبحر ..

ولو لك رغبة في الملكي وماكان متوفر .. احجز سويت عادي ولما توصل سوي ترقية واطلب اللي تبغى ..

احنا كذا .. سوينا ترقية من الفندق نفسه وقت الوصول ودفعنا الفرق ..

رد: ارائكم عن جدولي لرحله شهر العسل

بارك الله فيك اختي

استفسار بسيط معليش


في نوع الي هو سويت بسرير واحد هل هو نفسه الي قصدتيه في جاكوزي ؟ وهل اطلالته مباشره للبحر


وشكرا

رد: ارائكم عن جدولي لرحله شهر العسل

العفو أخ عمر , وهذا واجب ..

سعيدين جدا بتوصلك لخيارات تناسبك .. أتمنالك رحلة ممتعة ..

رد: ارائكم عن جدولي لرحله شهر العسل

مشكوره جدا اخت شموخ .. شاكر لج الرد على الاستفسارات

تم تغير الحجز والحمد لله

رد: ارائكم عن جدولي لرحله شهر العسل

ياهلا أخي الكريم .. أنا سكنت في رويال سويت في الوستن وكان في قمة الروعة والفخامة ..

ومساحته كبيرة جدا وله مدخلين وفيه جاكوزي وحمامين أكرمكم الله .. بصراحة قمة الفخامة والدلع والراحة النفسية ..

أنا شخصيا أفضله عالفلل كمان .. أنصحك بالسويت وبقوة ..

رد: ارائكم عن جدولي لرحله شهر العسل

شاكر لكم نصيحتكم بصراحه ..

عندي استفسار ومنكم النصيحه .. فكرت ان اخذ سويت بدل الغرفه العاديه في وستن لنكاوي .. هل في احد جرب السويت وهل تنصحوني فيه؟

رد: ارائكم عن جدولي لرحله شهر العسل

أضم صوتي لصوت أختي المحترمة شموخ
والمواصلة الى لانكاوي مرهقة ومتعبة جدا جدا ..

رد: ارائكم عن جدولي لرحله شهر العسل

شكرا اختي شموخ

عموما ماشفت ردود على الموضوع واعتمدت الجدول بالطريقة الي ذكرتها فالبدايه


تعمدت وضع لنكاوي فالمقدمه حتى اقلل من تعب السفرات بالطائره ومايكون في سفر بالطائره في نص الرحله


فتره الانتظار في المطار بعد الوصول الى كوالا راح تكون ساعتين تقريبا ومو مشكله التعب هذا السفر ماتشعر بطعمه الا اذا تعبت

رد: ارائكم عن جدولي لرحله شهر العسل

وعليكم السلام ورحمة الله ..

أخي الكريم بكل أمانة برنامجك يحتاج لترتيب ..

بالنسبة للمواصلة إلى لنكاوي ماننصحك فيها لأنها مرهقة جدا .. وهذا أمر بديهي لأن الرحلة إلى ماليزيا طويلة

وتنتظر في المطار وتطلع رحلة داخلية .. وكل من جرب قبلك ( ندم ) على هذه الفكرة ..

وأقترح عليك الجدول التالي ..

2 سيلانجور .. وبالطائرة

4 لنكاوي .. وبالطائرة

4 كوالا .. وبالطائرة

3 سنتوزا .. ويكون الأسهل لك العودة من سنغافورا ..
بالنسبة للفنادق المختارة ممتااااازة بدون شك وهي من أرقى الفنادق ..
وسؤالك عن الوستن .. أنصحك بهذا الفندق وبقوة من تجربة شخصية ..

تمنياتي برحلة ممتعة ..

أختك .. شموخ

رد: ارائكم عن جدولي لرحله شهر العسل

اذا في احد جرب غرفه البريميم مطله على البحر في وستن لنكاوي ياريت يعطيني رايه بالغرفه وهل هي مناسبه

ارائكم عن جدولي لرحله شهر العسل

السلام عليكم


بعد بحث طويل في هذا المنتدى الرائع بصراحه والي افادني كثير في التخطيط




الرحله راح تكون من تاريخ 23 ينيو الى 6 يوليو مقسمه كالتالي:




الوصول لكوالا عن طريق طيران الامارات على طول طيران داخلي الى لنكاوي




4 ليالي في لنكاوي - فند الوستن - غرفه بريميم مطله على البحر




طيران داخلي من لنكاوي الى كوالا عن طريق الماليزية




2 ليالي في سلانجور - فندق صن واي لاقون - غرفة بريميم اكسكيوتف




بعدها بالسياره الى كوالا




3 ليالي في كوالا - فندق جي دبليو كاريوت - نوع الغرفه سويت




بعدها بالطياره عن طريق الماليزية من كوالا الى سنغافورة




4 ليالي في سنغافورة جزيره سنتوسا تحديدا - فندق شنغريلا - نوع الغرفه بانوراما روم ( حقيقه لم احصل على صور كافيه لهذا النوع من الغرف)




ارائكم تهمني وتفيدني ويعطيكم العافية