رد: قصة دراستي في نيوزلندا أوكلاند مفصلة بالصور مع الكثير من الفوائد
the house bunny
Spring Breakdown
Van Wilder Freshman Year
بعد رحلة واهيـكي بدت أفضل ايامي بنيوزلندا
بديت اتأقلم بشكل مو طبيعي مع كل شي وخاصة الدراسه
وعلى طاري الدراسه ,, الايام هذي كنا مسوين شغل انا ونيكولا بالكلاس : رجه واستهبال وضحك ووناسه
هالشخص استغربت منه وماتوقعت القى شخص قريب تفكيره ورجته من العرب
المهم : صار الكلاس كله ضحك ووناسه من اول الدوام الى اخر
واللي زااد الوناسه وناستين تعامل المدرسه معنا ,, كانت حبوبه وتجارينا بخفة دمها وتسمينا bad guys
يعني فيه ألعاب فوكلابلري كانت تبعدنا عن بعض وتقول انتوا تخربون دوله كامله بنظامها فـ أحسن لي ولكم بالالعاب كل واحد لحاله
صدقوني ياجماعه من كثر الوناسه اللي كانت بالكلاس ,, أذكر طالبه فرنسيه جت درست معنا يومين بس
والمدرسه شافت ان لغتها أقوى بكثير من هالمستوى وحولتها لمستوى أعلى
فـ بالبريك جتنا وقالت فقدت الكلاس حقكم ,, كله ضحك ووناسه مو مثل الكلاس هذاك ممل وكل واحد يناظر بكتابه
بالنسبه لطلعاتي : كانت 95 % في هذي الايام مع الاجانب لتقوية اللغه
هذي صورة من الكلاس للحديقه اللي جنبنا على طول :
وهذي كنيسه على طريقي كل يوم وانا رايح المدرسه فـ قلت ليش ماصورها :
وحنا بالبريك جتني تاتيانا البرازيليه وقالت ترانا مخططين على under the sea
قلت متى ناوينها قالوا بعد الدوام نتغدا سوا ونمشي
قلت اوك معاكم
طلعنا انا وتاتيانا ولوسيانا ودييغو وكلهم من الجنسية البرازيليه
ورحنا تغدينا سوا وطلعنا لمحطة الباص اللي تودي الى under the sea
هي صوره لنا بمحطة الباص :
اول مانزلنا من الباص :
اخيرا اعذروني على الاطاله وتأكدوا ان هالكلام اللي تشوفونه بدون اي تحضير او مدونة
بالعكس هو من الكيبورد لمنتدى المسافرون العرب فـ عشان كذا ان شفتوا اخطاء املائية ,, بدليات أو شي من هالقبيل اعذروني
تحياتي لك من مر على موضوعي من ضيف أو عضو
