رحلت ساعة مشتاق الخمسة ايام وخصم ايام دبل من الراتب
رحلت 24 ساعة مشتاق ,الخمسة ايام وخصم 10 ايام دبل من الراتب
اتاني اثنين من الاقارب إلى الرياض من مسافه 1150 كيلوا استقبلت الشباب وقمنا نلف الرياض ومن سالفة في سالفه المهم قالوا الشباب والله ملينا بالله شوف لنا مكان نجلس فيه قلت تبون داخل المدينه والا خارج المدينه قالوا ياليت بعيد عن الازعاج المهم توجهت انا والشباب إلى الثمامة وجلسنا مقابل مدرج المطار من الجهة الشمالية طبعا" انا جلست في المكان هذا ابيهم يشوفون الطيارات عشان تطلع الاسرار المخباة في قلوبهم المهم قال واحد منهم انا رايح المغرب قلت ياخوي توك واصل ارتاح ورتب وضعك اليوم الثاني وتوكل على الله قال والله ولا دقيقة وصلني المطار قلت جوازك معك قال معاي اغراضك معاك قال معاي بس وصلني خلني ادور لي رحله طبعا" الكلام هذا الساع وحده في الليل توجهنا للمطار لقينا رحلة على الخطوط المغربية قال حلوا قصينا التذكرة المهم خويه الثاني دق سلف معاه وقص تذكرة قالوا اطلع معانا قلت والله ما اقدر عندي دوام المهم راحوا الشباب جلسوا 15 يوم اتصلوا فيني قالوا استقبلنا في المطار قلت خذوا لمزين قالوا مطفرين المهم استقبلتهم في المطار الساعه 4 فجرا"رحبت في الشباب عقولهم مو معاي مابقى الا شي بسيط ويبكون قلت عسى ماشر ياشباب قالوا ابد انبسطنا وياليتنا مارجعنا واحد منهم رجع للديرة لان إجازته خلصت الثاني جلس معاي في الرياض جلس يعطيني علومه يومين ماخلص بصراحه شوقتني السواليف المهم تفاجاة ان صاحبي الي معاي في الرياض يقول انا راجع لكازا قلت توك جاي قال والله ما اقعد تمشي معاي قلت معاك ونروح نقص تذكرتين على الخطوط المغربية ونسحب على الدوام ونتوكل على الله ونوصل كازا بدون اي ترتيبات سكنا في شقة في الزرقطوني في الدور السابع الله لا يعيدها من شقة تصدقون مايتعطل الاصنصير الا الصبح الساع 4 الفجر وتعال دور الشقة و تعال احسب الادوار هههههههههههههههه اخرتها لخبطنا في الادوار ونلاقي انفسنا ندق على شقة فيها واحد عميد في الامن بس من حسن حضنا ما كان موجود المهم لقينا الشقة ونمنا ونصحي اليوم الثاني وتعال ياتمشيات المهم ماتركنا مكان في كازا المهم ونرجع الرياض وخصميات يحبها قلوبكم بس
ورحلتي الاسبوع الاقادم بتاريخ 14 اكتوبر وبإذن الله نوافيكم بتقرير رائع ومفصل مدعوم بالصور
هذه اول مرة اكتب فيها تقرير ان شاء الله يكون جميل والقادم اجمل بإذن الله
وتقبلوا تحياتي وتقديري
