الرد على الموضوع

رد: جولاتنا في صيف البحرين

حلو تقريرك مره الله يعطيك العافيه
ويخليلك الصغير ضحكني كلي شي بحلقه هئ هئ هئ

رد: جولاتنا في صيف البحرين

جزاك الله ألف خير

رد: جولاتنا في صيف البحرين

هلا فيكي ملاك و حلالاوة الصراحة مبدعة
الموضوع سرد جميل و صور حلو مع ان بعضها من الجوال بس ما يعيبها عادي و مرات تنسين الكامرة
هم شيئ طبيعي بس الحمد الله انكي ما نسيتي تحطينهم بامنتدى ههههههههه
التقرير حلو بس ملاحظ المتاحف كثيرة فيه و انا مو من هوات المتاحف و المباني التاريخية بس اعجبتني صورة الجثة الي بلارض بودي اولادي عندها هههههه بخرعهم مع ام العيال اشوي
و بانتظار الباقي التقرير و انا المفروض من اول الداخلين على الموضوع بس العتب على النظر تاخرت بس مو مني العمى عمى القلب مو العيون

رد: جولاتنا في صيف البحرين

السلام عليكم .....التقرير روعة وجميل تصدقين يا ملاك انا قرات التقرير اليوم لان لي نية ايي البحرين وقلت 20 يوم ما يمديني اشوف التقرير لحزة السفرة .......بس وصلت اهني وما في تكملة ليشششششششششششش عسى المانع خير ......يلا رجعي كملي لنا التقرير.

رد: جولاتنا في صيف البحرين

روووووعه التقرير والبلد وكاتب التقرير

رد: جولاتنا في صيف البحرين

شكرا ملاك انتي وحلاوه يعطيكم العافيه داشين بحساب واحد
طرح مميز وابداع بصراحه
تحياتي

رد: جولاتنا في صيف البحرين

شكرا اختي امنياتي لك بالتوفيق

رد: جولاتنا في صيف البحرين

يعطيك العافية ماقصرتي

رد: جولاتنا في صيف البحرين

ملوكه يلا فديتج لاتطولين
متابعين معاج

رد: جولاتنا في صيف البحرين

الله يعافيج اختي الغالية مشكووورة وما قصرت والله انج تشجعيني اكثر واكثر كل ما يصيبني كسل الله يحفظك ويخليج ..

ومبارك عليج الشهر والله يتقبل منكم صالح الاعمال ..

رد: جولاتنا في صيف البحرين

يعطيج العافية أختي ملاك .... مبارك عليج الشهر ...

اسمحي لي انا كنت ناوية من كم يوم أعدل لج الصور .. بس صار اللي صار في المنتدى وما قدرت

ألحين الوضع أوك ... ويعطيج ألف عافية .. على هالجهد الرائع اختي ..

رد: جولاتنا في صيف البحرين

مبارك عليكم الشهر الفضيل ..
سامحوني تأخرت عليكم بس العلة مو مني من المنتدى ما تتحمل الصور وما يفتح عندي الا بالغصب والزور ؟ كل ما افتح شئ صارلي ايرور ..
ان شاء الله قريب انزل لكم باقي الاجزاء ..

رد: جولاتنا في صيف البحرين

سوري يا جماعه المنتدى ما ادري وش فيه هالايام ما اقدر ادخله ولا اقدر حتى افتحه ولا اقدر احمل منه ؟؟
انتظرو حلقة عين عذاري ... ومجمع السيف ومطعم ........ ؟!!

كوكو ..
اي انا بعد اموت على هالباستا بس مرة تذوقتها في الفرع اللي بعين عذاري على ربيان وكان الربيان ني ومن يومها خلاااص عفتها ؟ لاعت جبدي هههههههههه ..
والمجمع حلو للقعده فيه بس ما ادري ليش المحلات اللي فيه اشويه وما فتحت ليلحين ..

رد: جولاتنا في صيف البحرين

يعطيج العافيه حبيبتي على هالجولات الحلووه ..

واما كانتري مول صج ذكريااااااااااااااات .. بحكم انه قريب من جامعتي فكنا تقريباً كل يوم نتغدا فيه اذا عندنا بريك او في رجعتنا للبيت

وكان ادماني باستا من يم يم تري روووووعه .. واحياناً اذا ما فينا جوع عدل ناخذ من مؤمن هم حلوو

وسوري على التأخير بس المنتدى فيه زهايمر هاليومين ما يرضى يدخلنا الاقسام :109:

رد: جولاتنا في صيف البحرين

نكمل لليوم الثامن ..
هاليوم ما فيه فعاليات كثيرة وهذا لان اهل زوجي رجعو من السفر فنص اليوم قضيناه وياهم ..

طلعنا اول شئ على اي دي ديزاين .. اللي في البديع لاني ما لقيت شغله في فرع مجمع سترة .. وقالو لنا نحصلها هناك ..
وهذا موقعهم .. :101:
http://www.iddesign-sa.com/
بعدها مرينا الفود قاردن جواد .. فيه بعد محل اثاث .. وما طولنا ..
وبعدين رحنا الكانتري مول ..
المجمع حلو وهادئ حق كوفي في كوستا لان موقعه رهيب يطل على الشارع والا المحلات عادية جدا ما عجبتني .. الا الفود كورت .. جنبها محلات خاصة للاطفال محل حلاقة خاص للاطفال عجبتني كراسيه على شكل سيارات والعاب ومخلين تلفزيونات بعد ملونة حلوة فيها رسوم كارتونية .. يقصون شعر الياهل وهو مستانس من حلاة المكان بس اسعارهم غالية اشويه ..
وفيه محل تختار فيه حصالة ولا تحفة فخارية وتقعد تلونها مع طفلك .؟..

صورت صورتين بس :112:






فيه اللعاب العملة المعدنية .. متوزعه بالمجمع .. لو يجمعونها بمكان واحد احسن ..

وخلاص رجعنا البيت وتعشينا مع الاهل .. :11ight_li


على العموم اللي يحب يضيف اماكن حلوة للبرنامج ترى المحلات اللي على شارع البديع تستحق الزيارة ..

وبعد في ساحل ابو صبح ممشى حلو وعلى البحر .. جمعت لكم صور من النت.. عشان تأخذون فكرة عنه لان ما اشوف احد جاب طاريه ..



بس اتذكر رحته من فترة طويلة وحلو فيه العاب لليهال وحشيش للقعده وممشى .. يستحق الزيارة ..







صور الساحل مو من تصويري من منتديات اخرى .. معذرة لصاحبها ..







وبعد ممكن تضيفون على البرنامج سوق واقف اظن هذا كفايه يخلص اليوم وانت ما خلصته .. :101:






وهاذي صور اخرى لساحل بو صبح ..











او تروح .. مجمع سينما سار ..



او تروح مسجد الخميس ..




سوري هاليوم ما صورت فيه لان كنت مشغولة مع محل الاثاث وافكر واحاتي وانسق .. :114: ما كان لي مزاج اصور :105:

بس تراني محضرة لكم ثلاث حلقات من العيار الثقيل ..:101: انتظروني .. كملت من تحميلهم لا تروحون بعيد .. :11ight:

رد: جولاتنا في صيف البحرين

اليوم السابع ..
الجزء هذا قليلة فيه الصور ما ادري شصار فيني ذاك اليوم ما حبيت اصور خخخخ ..
هاليوم كنا ناوين على برنامج غير بس مطخبنا اليديد طلع فيه اشويه اشياء لازم يعدلونها فلازم نروح لهم المحل .. اسمه مطابخ والمنيوم البحرين ..
واحنا طالعين من المحل قلت حق زوجي خل نشوف وراه بحر وشكله حلو .. نزلنا فيه وتمشينا المنظر كان رااااااااائع جدا احب البحر ..










وللاسف البحر مو نظيف .. مخلفات كثيرة فيه .. حسافة بحر بهالجمال يتعاملون وياه جذي ؟
وانا تمشيت على الحجر والا اشوف حشرة تتحرك واصااارخ كأن طالع لي بعبع؟؟ اتاريها مو حشرة سرطانات البحر صغييييييييرة جدا .؟.. توهم فاقسه من البيضه هههههه .. وبعد حلزونات وما ادري وش اسمائهم .. المهم انا من الخرعه رجعت السيارة ..
وانتظرنا نشوف غروب الشمس الحلو ..


ومشينا ..

لقينا على يدنا اليسار مجمع سترة وقلنا ندخل نشوفه لان فيه اي دي ديزان محل اثاث .. ولي مارش .. ومحلات حلوة فيه بس مو واايد والمجمع هادئ وفيه قسم للمطاعم ..
ما صورت شئ لان ما حملت وياي الكاميرا ..
بعد ما طلعنا رحنا مودا مول .. وهاذي صور من الطريق ..




المجمع هادئ جدا ... وما فيه ناس وااايد .. بس تجربه حلوة ..
وصارت حزة الصلاة وطلعنا من المجمع .. ورحنا سيتي سنتر ..
لاني ذاك اليوم ما تسوقت اصلا الا قليل فرجعنا له .. اخذت اشويه اغراض للمدرسة وللعيد .. ورحنا كارفور مسوي عروض لشهر رمضان الكريم .. وما خلصت تسوق الا يوم قفلو المحلات ههههه .. حتى اليهال ما لحقو لعبو اشويه ..
بس حصل لنا موقف طريف ..
يوم رحنا الفود كورت طلبنا عشاء من اصفهاني .. طلبنا جلو كباب لحم لزوجي وانا جلو كباب دجاج .. صورت وجبتي بالتلفون .. .. الوجبة حلووووة بس اخذوها مع عيش احسن



وجبة زوجي وولدي ما لحقت عليها انقضو عليها لانهم هلكو من التسوق وياي كككككك ..


ولدي اصر انه ما يأكل الا من كنتاكي .. ابوه طلب له كيدز ميل وعندهم عرض على هالوجبات تمسح ويطلع لك جائزة ..
واحنا قاعدين عالكراسي زوجي راح يجيب وجبته وانا اشوفه من بعيد جاي شايل له كارتون كبييييير وثقيييييل ومو قادر يشيله ؟
شنو صاير وليش هالكارتون ؟؟ وانا اضحك على شكله ؟؟
والا اتاريه طلعت له جائزة حذاء القفز وهذي صورته ههههههههههه .؟


رجعنا البيت وما نام الا وهو شادخ جم شدخه على جم طيحه على جم ضربه من هالجوتي ما تسوى عليه هههههههه ..
وتابعوني لسسسسسسه باقي حلقات حلوة وان شاء الله ما راح يجي رمضان الا ومخلصه لكم الموضوع .. وحياكم الله بكل الزوار واالاعضاء واللي يردون واللي ما يردون ..

رد: جولاتنا في صيف البحرين

سامحوني تأخرت عليكم كنت اجهز حق شهر رمضان الفضيل + الرجوع للمدارس ..

كوكو .. و ربووش ...
الشر ما يجيج .. تسلمون عمري ..

الماسه ..
يا هلا بالطش والرش ..
اهلين ومرحبيتن .. مبروووك على انتهائك من الامتحانات ..
ونبي منج الموضوع مدام انج ناويه تسوين مثله ..
يعني اكيد له نكهته المميزة والخاصة من يدج طبخه مو موضوع ..
شاكرة لج ردج اختي الغالية ..

مزون ..
شكرا لمتابعتج .. يسعدني تواجدك ..

رد: جولاتنا في صيف البحرين

ملاك الله يعطيج العافيه

امتعتينا الصراحه بهالجولات الحلوه ..

متابعين معاج الغلا ..

رد: جولاتنا في صيف البحرين

انا ييت ونورت البيت ويه مضيع
ملوكه يعطيج العافيه حبيبتي كنت مجهزه تقرير تقريبا مشابه حق تقريرج
بس دامج سبقتيني عليج بالعافيه
انا انشغلت مع امتحاناتي وتوني مخلص

متابعين معاج وعساج ع القوة

رد: جولاتنا في صيف البحرين

سلامتج اختي ما اتشوفين شر
ع راحتج ف تنزلين البرت السابع

رد: جولاتنا في صيف البحرين

خذي راحتك حبيبتي وما تشوفين شر ...

رد: جولاتنا في صيف البحرين

كوكو ..
كأنج صدقتي ههههههههه ... يالله ليش لا يمكن تصير ونتجمع خخخخخخ
...
اسمحو لي اليوم تأخرت عليكم اشويه بس وااايد تعبانه ما ادري وش فيني ؟ جايتكم باليوم السابع ..

رد: جولاتنا في صيف البحرين

ههههههههههههههههه

لا ما نبي العرين وايد بعيده .. نبي مكان وسط قريب من الكل :biggrin:

رد: جولاتنا في صيف البحرين

كوكو ..
اي يبيله .. بس عاد نودي ويانا بلادي البحرين مرشد سياحي .. عشان ما نضيع ؟ ولا انت تدلين ؟

رد: جولاتنا في صيف البحرين

وااااااااو شكرا على النجوم ... ما قصرتو والله فرحتوووني وشجعتوووني .. ذكرتوني بايام المدرسة هههههه ..
الله يعطيكم العافية على جهودكم المتواصلة ..

رد: جولاتنا في صيف البحرين

والله كانت على لساني بقول بلاج الجزائر بس قلت شكلي رحت وايد بعيد :109:

الصور روووووووووووووعه والبحر جنااان ، خبري بالبلاج من كم سنه كنا نروح له مع جماعه من الاهل عندهم شاليه فيه

يعطيج العافيه على التقرير الرووعه ، ومتابعين ....

رد: جولاتنا في صيف البحرين

المشاركة الأصلية كتبت بواسطة ملاك و حلاوووة
http://www.arabtravelersforum.com/tr...5/#post3250615

كوكو ..
اي يبيله انسوي طلعه لحريم بوابة البحرين عاد نبي خصم نص السعر بنسوي لهم دعاية ولا وش رايج ؟



والله فكره
شرايكم نلتقي كلنا بمكان ونتعرف على بعض قبل رمضان :106:

رد: جولاتنا في صيف البحرين

سوري بطيت عليكم لان اليوم الجمعه واتعرفون زيارة الاهل ..
وصلنا لمحمية العرين وبنيان تري وجنة دلمون المفقودة ..



بعدها قلنا ما لنا الا نروح بلاج الجزائر .. صارلي جم سنة ما رحته وكنا نستأجر شاليه ولمة الاهل .. يعني رجعت لي ذكريات حلوة ؟..:surf

شوفو حلات المكان راااااااااائع جدا الشاطئ حلو وحسافة ما كنا حاملين معانا ثياب احتياط للسباحه .. ولا اليهال عجبهم الوضع ..

من شفت الصور وانا اغني .......:106:
شايف البحر شو كبيييييييييييييير ... كبر البحر بحبك ...
شايف السما شو بعيييييييييييييده .. بعد السما بحبك ..





و عجبتهم الالعاب لكن ولدي الكبيرحلت عليه النظافة ذيج الحزة .. لو تتوسخ ريوله حبة رمل قام يصيح يغسلها ؟ ؟:105: وهقنا اخر الوقت حملناه وامرنا لله :110: واما الصغير حالته حاله شوفوه وش قاعد يسوي ؟؟؟



انطلق مع الطفولة وجنه اول مرة يدوس على رمل لو ما لحقنا عليه جان بلع رمل البلاج كله ؟؟:109::110::112:اللي متابع وياي من اول بيكتشف ان هالصغير كل شئ يبي يكتشفه يحطه في حلجه :109: مختبر مو حلج ؟:114:







في مكان مخصص للعوائل فقط واكثرهم عوائل هندية لان يوم الاحد .. اجازتهم .. .. خخخخ جنه الاسكندريه كككك



لاحضو تدرج الصور وشلون غابت الشمس وحل الظلام ..








وهني ظلمت الدنيا وطلع قمرنا الحلو ..


وصورته تحدي مع زوجي اقدر اصيد القمر واصوره ولالا ههههه وطبعا فزت بالتحدي ..!!! قدها وقدود ..


عجبتني عايلة كبيرة حاملين وياهم ثلاجه متروسة ثلج ومشروبات وماي و عشاهم وياهم وسجادتهم وملابس السباحه يعني صج رحلة عجيبة .. حتى الصلاة فرشو سجادات الصلاة وصلو على الرمل .. :24:عفي عليهم ..

احنا عاد طلعنا عقبها لان ما حضرنا لهالرحلة ولا كانت في الحسبان وقررنا المرة الجاية نستعد عدل مثل هالعائلة .. :gathering ورجعنا ديرتنا لان خلاص انا ثيابي من تحت رمل وماي البحر لان حطيت ريلي في الماي .. والصغير بعد ما قصر... شفتوه قاعد على الارض ويأكل وجبته ...
انظف واحد فينا ولدي الكبير خخخ اول مرة !!

على العموم اتمنى ان صور حبيبي البحر عجبتكم .. لان اكثر الصور فيها العائلة الكريمة او رؤؤس اوادم ما ابي اقصص فيها وافقدها جمالها ..

رد: جولاتنا في صيف البحرين

فارسه ..
يسعدني تواصلك حياج الله يالغلا ..

رد: جولاتنا في صيف البحرين

كوكو ..
يبيلج تروحينها .. تراها تووونس للصغير و للكبير مع ان الحيوانات اللي فيها مو وااايد .. بس اذا تبين تستانسين .. روحيها والجو حلو مو االلحين بهالحر ما تسوى .. والباص ما لحقنا عليه لان وصلنا متأخر .. بس راكبينه من قبل ..

بلادي ..
اتصدق عاد اهو بنفسه يقولي روحي مع ربعج احسن .. تستانسين بس انا خووافه .. والشارع احنا في الطلعه دليناه .. اتاريها ما تضيع .. بس بعد المنطقة تخوف لحريم بروحهم في الليل ؟؟ اقول لو يغيرون وقتها ويخلونه من الصبح للمغرب وااايد احسن .. واااي لا يسمعك زوجي لازم احجب ردك ؟؟ خخخخخخ لان دايما يقولي اعتمدي على نفسج وطلعي بروحج مو لازم وياي ؟؟ يبي الفكه بس انا اللي لصقه .. ههههههه ..

كوكو ..
اي يبيله انسوي طلعه لحريم بوابة البحرين عاد نبي خصم نص السعر بنسوي لهم دعاية ولا وش رايج ؟

رد: جولاتنا في صيف البحرين

المشاركة الأصلية كتبت بواسطة بلادي البحرين
http://www.arabtravelersforum.com/tr...1/#post3248491

شكلة ما يبغيك تروحين لسبب ما :114:، يعني هو راح واستانس وانتي لا :11ight:. اتفقي مع اصدقائك واخذي ولدك وروحي بتستانسون كثير، خلي عندك شخصية تري المراة مثل الرجل وبعضهم اقوي :11ight_li انتي في البحرين بلد الامان والحرية. قبل كان الرجال يدشون الغوص لشهور ويسافرون للتجارة ويأمنون نسوانهم علي عيالهم وبيوتهم وانتي تخافين تروحين جنة دلمون بروحك



بصراحة عجبني كلامك :24:
قليل من الرجال اللى يفكرون مثلك

رد: جولاتنا في صيف البحرين

ملووكه حبيبه قلبي رووووعه مازلت متابعتج
يعطيج العافيه خيتوو

رد: جولاتنا في صيف البحرين

عقب طلعتنا تجولنا في المنطقة ندور جنة دلمون المفقودة زوجي رايحها من قبل ولكن مع ذلك ضيع طريقها ؟؟؟ وشلون يبون الحريم يوم الخميس يروحون لهم وبالليل بعد ؟؟؟؟؟ أي حرمة بتسوق في هالطريق الوعر ؟؟؟ صج ما عندهم سالفه ...!! وهذا كلام زوجي طبعا لاني اقوله ابي اروحها بروحي مع ربعي بس قالي انا بدليك الطريق وانت احكمي ...مدخلها بس كفايه ...



قبل محمية العرين توجد اشارة ضوئية جديدة تلفين عليها يسار وتواصلين الي نهاية الشارع ثم يمين بتحصلين جنة دلمون.
الشارع جديد وما يخوف واصبح الوصول لها سهل جدا .
بالنسبة لكم عند خروجكم من العرين كان لازم تلفون اول يمين والباقي سهل
زوجك شكلة ما يبغيك تروحين لسبب ما :114:، يعني هو راح واستانس وانتي لا :11ight:. اتفقي مع اصدقائك واخذي ولدك وروحي بتستانسون كثير، خلي عندك شخصية تري المراة مثل الرجل وبعضهم اقوي :11ight_li انتي في البحرين بلد الامان والحرية. قبل كان الرجال يدشون الغوص لشهور ويسافرون للتجارة ويأمنون نسوانهم علي عيالهم وبيوتهم وانتي تخافين تروحين جنة دلمون بروحك :109:
منطقة العرين ستصبح منطقة اقتصادية وسياحية مهمة خلال السنوات الاربع القادمة
واصلي التقرير الجميل متشوقين للباقي

رد: جولاتنا في صيف البحرين

حلوه الحلقة ولو ان الصور قليله
وانا قد شفت لها صور عن المحمية كامله
واظن فيه رحله بالباص ؟؟
تصدقين ولا مره رحت لها ، مع ان المدارس كانوا يسوون لها رحلات بس ما كنت اروح ماحب
تسلمين ...

رد: جولاتنا في صيف البحرين

تقرير متميز ..
وبالانتظار

رد: جولاتنا في صيف البحرين

ربووش ..
هلا فيج اختي .. شكرا لتواصلج ..
الاكل والله من يوصل انسى كل شئ هههههههه
ااكل شنقل ومنقل على قولة الماسه .. هذا افتح له وهذا اعطيه ؟؟ وين لي خلق اصور هالحزه هههههههه ..
تابعي ويانا لا تنسين التقرير متوووووووووووواصل ؟..

لايف كويت ...
اخوي اهلا فيك بالتقرير وبالبحرين بعد ..
وهذا الهدف من التقرير ان نشجع السياحه لبلدنا الحلو ..
وما كو احسن من بلاد الخليج صج حر ..بس ما اتحس بالغربة .. وامان .. جني اسوي دعاية خخخ
حياك الله ولما ترجع من السفر ايكون التقرير كمل ان شاء الله ..

جلنار ..
يسعدني مشاركتك ..
شكرا لك ..

سوري اذا تأخرت عليكم ان شاء الله اكمل لكم قريب .. انتظروني ..

رد: جولاتنا في صيف البحرين

تقرير رائع يعطيك العافية
في انتظار باقي التقرير
الى الامام بارك الله فيك

رد: جولاتنا في صيف البحرين

ملاك و حلاوووة..... تقرير روعة الله يعطيج العافيه
وكل الشكر لج ..... ان شاءالله اليوم مسافر من الكويت للبحرين طبعا عن طريق البر لزيادة المتعه والمغامرة في السفر.
بصراحة تم تدوين الاماكن الي انتي زرتيهم ,,, و سوف ازورهم ان شاءالله .

رد: جولاتنا في صيف البحرين

ما شاء الله عليج نزلت كمن بارت
البارتات حلووووووووووه
ياختي شكلج مو من محبي تصوير الاكل خخخخخخخ
انا عندي اهم شي بطلعه اكل لازم يتصور خخخخخخخ مو شكلي طلعت عن الموضوع
المهم واااصلي اختي تقريرج رووووووووعه
ان شاء الله اتشوفين نجمااااااااااات جريب

رد: جولاتنا في صيف البحرين

اليوم السادس .........يوم الاحد ...


اليوم جولتنا على منطقة الصخير .. نروح محمية العرين .. وصلناها متأخر اشويه ؟؟؟ انا اشوف ان توقيتهم في الصيف كللش خطأ ؟
لفينا فيها داخل بدون الباص تمشينا فيها واكتشفت اني نسيت الكاميرا في السيارة ..وزوجي هو اللي صور لكم .. يعني الصور يمكن مو واضحه ..:109:




















على العموم ولدي غرااااااااااااامه محمية العرين .. يحب الحيوانات واااايد ولازم كل كم شهر نزورها ...على قوله بشوف صديقي الجمل واصدقائي العصافير ..

يعني انتظرو تقريري لها هالمرة اصورها لكم بكاميرتي شبر شبر

عقب طلعتنا تجولنا في المنطقة ندور جنة دلمون المفقودة زوجي رايحها من قبل ولكن مع ذلك ضيع طريقها ؟؟؟ وشلون يبون الحريم يوم الخميس يروحون لهم وبالليل بعد ؟؟؟؟؟ أي حرمة بتسوق في هالطريق الوعر ؟؟؟ صج ما عندهم سالفه ...!! وهذا كلام زوجي طبعا لاني اقوله ابي اروحها بروحي مع ربعي بس قالي انا بدليك الطريق وانت احكمي ...مدخلها بس كفايه ... :110: جان زين مو بعيدة ... موقعها :108:

ومرينا على بنيان تري .. بعد ..

وما اخذت صور ها ها ها ها .. لاني مشغولة مع اليهال واحد يبي حليبه وواحد يبي حلاوى ؟ :105:

بعدها قلنا ما لنا الا نروح .................؟؟؟؟ تابعوني :gathering..عشان تعرفون :114:

رد: جولاتنا في صيف البحرين

كوكو ..
صحيح كلامج وزيدي عليه الحديقة اللي في قلالي اللي فيها حصان وبوني خخخخخخ ..
لا يكون زوجي اخوج وانا ما ادري ؟؟ هههههههههه ..!!!
بقولج على شئ خالتي مسافرة مصر اهي اهي اهي ...!!! من اسمع احد مسافر مصر ينشلع فؤادي كككك ..

رد: جولاتنا في صيف البحرين

[color="Gray"]بين ولدج وعيال اخوي ذوق متشابه :109:
يحبون يلعبون في جسميز فرع الأهلي بالذاات
ويحبون ملاهي الدانه على قولتج شاكازولو حتى ماعرف انطقها سويت كوبي بيست خخخخخخخ
يحبونه اكثر من مجك آيلاند السيف وملاهي السيتي

رد: جولاتنا في صيف البحرين

تابعوني الليلة ان شاء الله انزل اليوم السادس ..

رد: جولاتنا في صيف البحرين

كوكو ..
روووعه حضورج ..
المعرض انا من شفته لاعت جبدي من الحشرات ؟ بس لما شافه ولدي توهقنا فيه مو راضي يطلع منه تولع بالحشرات الكبيرة اللي تتحرك يبي يأخذها للبيت ..ويبي يركب فوقها ويبي يصور وياها ويبوس فيها ؟؟
وشاكازولو .. احنا دااااايما نروحها مو حبا فيها .. طبعا .. حكم قراقوش ولدي الكبير

رد: جولاتنا في صيف البحرين

معرض الحشرات اللى بالسيتي دايم من امر صوبه ألقى الناس تصور عيالها فيه :109:

ملاهي الدانه دخلتها من كم سنه مع عيال اخوي وكانت اول وآخر مره :biggrin:

وعليكم بالعافيه ...

مستمتعين معاج

رد: جولاتنا في صيف البحرين

ترانا وصلنا لخامس يوم ..

رد: جولاتنا في صيف البحرين

نسمات سفرية ..
شكرا لتواصلك ..ومتابعتك ..
حياج الله بالبحرين زورينا ..
سعيدة ان الصور عجبتك ..

رد: جولاتنا في صيف البحرين

اليوم بنزل لكم جولة جديدة عشان بلادي البحرين لا يعصب:112: ويقول نقطع في التقرير مع اني مشغوولة وااايد بس تعودت على التحميل من المنتدى وعرفت استخدمه اخيراااااااااااا:106: ويالله عاد ابي اشوف تفاعل انجليزعلى قول بلادي !!:109:...مع هالجولة ..:113:
اليوم رحلتنا لمجمع الدانه ...

اول ما وصلنا تسوقنا اشويه في المحلات
ولما شاف ولدي العاب شاكازولو .. اصر انه يروح يلعب مع اني ما تسوقت عدل خخخخ ... :108:
كانت الالعاب هادئة جدا لاول مرة .. والحلو فيها ديكوراتها ..
بس لو يهتمون فيها اكثر لان بدأت بعض الالعاب تخترب وبركة الماء اللي فيها جفت ..
شوفو الالعاب ..
























بعدين اذن للصلاة وطلعنا ندور مكان الصلاة .. لقيناه بره المجمع اخر مكان في الباركات في الزاوية هلكنا واحنا ندوره .. بس الحمد لله المكان نظيف ..



توجهنا عقبها لمطعم ابل بيز عشان نتعشى .. اول ما وصلنا استقبلنا العامل وقعدنا في مكان الغير مدخنين .. وبعدين عطو اليهال اللوان وورق تلوين ..
شوفو الالوان ولدي الصغير شنو سوا فيها عضها واكلها زين لحقت عليه ؟ :109:



ولدي من وناسته بالالوان ما يدري عن لعبته المفضلة وقعدت انا ابدع وياه ..



وتفضلو المنيو ..








طلبنا كان ..
ولدي اخترت له من الكيدز ميل ميني برغر .. حلووة .. بس ما عجبه عصير البرتقال مر .. ب دينارين


وانا طلبت دجاج بالباستا والبروكولي وصلصة الفريدو ..4و500دينار
وزوجي طلب ..دجاج فيستا لايم 4 و900دينار



تقيممي للمطعم ..
الديكور .... 6من 10
الاكل .......8 من 10
الخدمه .....8 من 10
السعر ......6 من 10
وعلينا بالعافية ..
ما اتذكر بكم طلع الحساب ..مع المشروبات والخدمه :114:

انتظر رأيكم :gathering

رد: جولاتنا في صيف البحرين

تقرير مميز...وصور جميلة..
يعطيك العافية..وشاكرين لك مجهوداتك..

رد: جولاتنا في صيف البحرين

عقبها رحنا السيتي سنتر دخلنا رحنا للصلاة والحلو في المجمع عندهم غرفة لتبديل الاطفال .. وسحبنا فلوس عشان التسوق ..
وهذا اللي يعجبني في السيتي سنتر خدماته المتنوعه ..







ورحنا نتسوق وما قدرت اصور وااايد لان زحممممممممه مع ان المجمع كبير وكل مرة اروح له ما نشوف الناس واايد لانه وااسع ..بس هاليوم غير .. حتى الباركات كانت مليانه ..

واحنا راكبين شفنا فوضى وتجمع شفنا من فوق االمنظر صبيان يرقصون الهيب هوب .. واغاني انجليزية وعجبوني يوم اذن اذان العشاء وقفو العرض .. وهذا الحلو في المجمع انك تسمع الاذان داخل المجمع ..
لكن للاسف ما راحو يصلون ما ادري هم الظاهر مو عرب ولا شنو سالفتهم .. وكملو عرضهم بحركات هباله فيهم ؟







وبعدها رحنا المحلات اغلبها مسويه تخفيضات اقل شئ 20 % واكثرها 75% ...

شفنا معرض الحشرات وولدي غرامه هالاشياء مات من الوناسه يوم شافهم .. عاد انا كنت شايفته قبل مرة واقول بايخ حده .. يوم ويانا ولدي غير حسيت بالوناسة وانا اقوله واعلمه واصوره ..



















وشفنا نافورة جنبه عجيبة قعد صور جنبها .. والتفتنا الا هو مستانس بصورة بارني الا اتاريه حجز تذاكر للعرض وللاسف مخلصين ما عندهم ..
:112:وهذا اللي قهرني في عرض بارني ؟؟!!!



ورحنا فوق نتعشى في ساحه المطاعم .. واخذنا من كنتاكي وجبة مايتي زنجر سبايسي .. من الجوع ما صورتها هههه ... واحنا قاعدين نأكل والا اشوف جماعة لابسين غتر وثوب ويزعم رزه وكشخه .. ويطالعوني ويضحكون لي وواحد يأشر لي بالتلفون وانا هني من البرود اللي صادني اطالع فيهم باستغراب وش السالفه ؟؟؟ اتاريه يبغاني افتح البلوتوث ؟؟ ؟؟ لاحظو وزوجي قاعد على جنب بعد ؟؟ شفتو وقاحه اكثر من جذي ؟ وعقب ما استوعبت الموقف جان اقول حق زوجي شوف هاذيلا هناك يمكن يعرفونك طالعهم يوم شافوه الا كل واحد عيونه بالطاولة ؟ حسافة ما صورتهم ذيك اللحظة :109: انشر صورهم بالنت ؟


رحنا الالعاب وقعدنا نلعبهم ....







خلص يومنا ورجعنا البيت بس انا ما تسوقت واايد .. وانا اشوف المحلات تخفيضات عندها لابد ارجع يوم ثاني :114:...

رد: جولاتنا في صيف البحرين

الغالية ..
اهلا فيج مشرفتنا والله يعافيج وشكرا على تواصلج ..
وانا بعد مثلج احب هالمنطقة جداااااااا ..

بلادي البحرين ..
اهلا وسهلا فيك اخي الكريم ..
وانا مو القصد من الموضوع الردود الكثيرة ولكن عشان احس ان في احد متابع وياي ؟؟ يعني مو اكلم نفسي ؟؟؟ كفاية كلمة طيبة منكم تحسسني بالفرحه ..
واكيد تشجيعكم لي يخليني اواصل ... ويزداد حماسي اكثر ..
خصوصا ان هذا اول تقرير مصور انزله في النت ...
والتقرير والله ودي اخليه متواصل لكن التحميل من المنتدى بطئ وممل عشان انزل جزء يبغالي جم ساعه عشان اخلصه وانا وراي اشغال غير النت مو فاضية .. هههههه ..
خلك متواصل ويانا وخل عنك الكسل .. هههههه ..
حياك الله ..

رد: جولاتنا في صيف البحرين

ايل بامبينو ..
اهلا فيك اخي الكريم شكرا لك ..

كوكو شانيل ..
الخيول عند حديقة المطار بس احنا ما رحناها لان وااايد هنود فيها ... وزحمة ..
واقول لزوجي صورتي احلى يقولي ربعج اكيد بيختارونج ..؟
والتشجيع ........يعطيني دافع للاستمرار .. وعشان احس في احد متواصل وياي ..
شكرا على تواصلج يالغلا ..

حمد م التميمي ..
اتصدق ان احنا اغلب الاماكن اللي رحناها مفتوحه .. يمكن حر الجو اشويه ورطوبة .. بس المتعه دائما تكون بالمغامرة ...

فارسة ..
شاكرة لج تواصلك ومتابعتك ..

رد: جولاتنا في صيف البحرين

متابعين :24: ، انتي خلصي التقرير لاحقين علي المديح والاطراءات
انا افضل التقارير الطويلة تكون متصلة بدون تعليقات ممكن تفقد الموضوع ترابطة
انا لو كنت مشرف كان منعت التعليقات الي ان ينتهي اصحاب التقارير منها.
مشكلة العرب اذبحهم علي المديح والمجاملات :109:
تقرير ممتاز وعجيب ورائع وما فوقة فوق، ها كفاية ولا بعد :101:
تذكريني باحد الاعضاء يتحسس اذا سوي شيء وما حصل مديح :112: او اذا جاوب سؤال وما حصل شكر :110:
اوكي خلصنا المزح، واصلي ابداعك اختي ملاك و مشكورة
:x1::x1::x1::x1::113::113::113::113::x1::x1::x1::x 1:

رد: جولاتنا في صيف البحرين

يعطيج العافية أختي ...

صورتج أكيد أحلى ... وانا من عشاق جزر أمواج والمنطقة ذيك حوالين المطار ...

الأماكن والمناطق اللي رحتيها حلوة ...وايد حلوة ... وكل الشكر لج إنج ألقيتي الضوء عليها ...

متابعين معاج ... وعساج عالقوة حبيبتي ..

رد: جولاتنا في صيف البحرين

روعه حبيبتي ملاك
والف مبرووووووووك التثبيت
صراحه عيشتينا بجو الجولات
الله يعطيج العافيه وماقصرتي

رد: جولاتنا في صيف البحرين

ملاك وحلاوووة:x1:
الله يعطيك عافية
صحيح البحرين حلوه............
فيها أمكان سياحية بس يفضل زيارتها في الشتاء

رد: جولاتنا في صيف البحرين

حلووووه جزيرة امواج تصدقين ما عمري رحتها مع انها يمنا ..
والخيول هذي في قلالي اخوي احياناً يودي عياله يوم الجمعة ..
وبالنسبة لصورة الطياره بصراحه صورتج احلى
وطيران البحرين جربتها هالشهر صج صغيره كأنها باص على قولة وحده من البنات ههههههه بس حلوه
يعطيج العافيه حبيبتي
ولا تيأسين دايماً بداية التقرير هالحال وبعدين يصير تفاعل ،،
وعلى النجوم اعتقد هالخاصيه عند المشرفين بس لان مافيه تقييم !!

رد: جولاتنا في صيف البحرين

رووعة
الله يعطيج العافية

رد: جولاتنا في صيف البحرين

الذين يشاهدون محتوى الموضوع الآن : 5 ( الأعضاء 5 والزوار 0) ‏http://www.arabtravelersforum.com/user263329/ , ‏http://www.arabtravelersforum.com/user148414/ , ‏http://www.arabtravelersforum.com/user187170/ , ‏http://www.arabtravelersforum.com/user116535/ , ‏http://www.arabtravelersforum.com/user155180/

جنون السفر ..
اخيرا احد رد علي هههههههه ..
شكرا لانك صوت لي ...
وشكرا لانك تتابع اول تقرير لي ..

رد: جولاتنا في صيف البحرين

جهد تشكرين عليه اختي

ماقصرتي والله ومتابع معك ......... وطبيعي الصوره الثانيه ازين