الرد على الموضوع

رد: أمل التوضيح لي ؟؟؟؟؟

صدقت يامودي عندهم مقاييس خاصة عجيبة ! يمكن نسميها مزاجية !
ويمكن نسميها مقاييس ! أعتقد لإن كثرة سفرنا لهم كان عامل مهم في هاللي صار !! ( مجرد إعتقاد ) .

رد: أمل التوضيح لي ؟؟؟؟؟

المشاركة الأصلية كتبت بواسطة NaHaR
http://www.arabtravelersforum.com/tr...2/#post1061723

على فكره ابقولك وش صار معانا حنا 6 طال عمرك ،، اخذنا موعدين مختلفين ( إحتياط )
بحيث انه يطلع 3 في الموعد الأول و في الموعد الثاني .

يوم راحوا اول 3 قالوا وين باقي ال3 ؟ قلنا لهم عندهم موعد ثاني ؟ قالوا لو انتوا اسرة وحدة
مايخالف تجون سوا !!

لحد يعتمد على كلامي ؟ وإنه ممكن يمشي على الجميع ؟ مجرد شي صار معي وقلت اقولكم اياه .





هذا واقع يوضح المزاجية الي تحكم ( بعض ) موظفين السفارة !!!

لكن مثل ما تفضلت لا احد يعتمد على مزاجية بعضهم والي في التعليمات هو الي المفروض يتنفذ عشان يضمن الواحد انه ماشي حسب المطلوب ...

موفقين ان شالله ..

رد: أمل التوضيح لي ؟؟؟؟؟

على فكره ابقولك وش صار معانا حنا 6 طال عمرك ،، اخذنا موعدين مختلفين ( إحتياط )
بحيث انه يطلع 3 في الموعد الأول و في الموعد الثاني .

يوم راحوا اول 3 قالوا وين باقي ال3 ؟ قلنا لهم عندهم موعد ثاني ؟ قالوا لو انتوا اسرة وحدة
مايخالف تجون سوا !!

لحد يعتمد على كلامي ؟ وإنه ممكن يمشي على الجميع ؟ مجرد شي صار معي وقلت اقولكم اياه .

رد: أمل التوضيح لي ؟؟؟؟؟

شكرا لك على التوضيح وقد تم التغيير باقصى سرعه

رد: أمل التوضيح لي ؟؟؟؟؟

اخوي mode كنسل سؤالي بخصوص النموذج DS157
لاني عرفت انه خاص للرجال فقط بس السؤال الاهم هو اني يوم اسجل المعلومات حقتي في طلب الموعد وتحديدا في سؤال المهنه كتبت EMPLOY يعني موظف وانا عسكري هل انا صح ولا اغيرها الى عسكري ضابط وهل بالامكان اني اعدل بالفورم حق الموعد الخاص بي ولا لا ولا مايحتاج اني اغيرها لاني يوم جلست اقرى بالفورم DS157 في فقره تقول اذا انت خدمت بالمجال العسكري ومعلومات عني الرتبه ومدة الخدمه والقطاع وش رايك وش الشور...

رد: أمل التوضيح لي ؟؟؟؟؟

ما ألي غير (mode) صديقي العزيز وامبراطور (بوابة السفر الى امريكا الشماليه والجنوبيه) بدون مجامله وبدون تجاهل بقية الاخوه الاعضاء سؤال توه طرى على بالي النموذج DS157 هذا بس للرجال يعني الحريم ما لهم دخل صح ولا لا .

رد: أمل التوضيح لي ؟؟؟؟؟

هل في مشكله في مخالفتي للتعليمات الخاصه بالاضافه لاني ما اضفت زوج,زوجه او ابن او ابنه وش رايكم؟؟؟؟





لا ما عندك اي مشكلة ... وضعك سليم لأنك ما عندك زوجة او ابناء عشان تضيفهم ( بالقوة يعني بيزوجونك !! ) وفي نفس الوقت من قال ان الموقع ما يسمح بإضافة الإخوة ! ... الإخوة يعتبرون من الإقرباء المباشرين وحتى لو ما بان معك الشي هذا تجاهله لأن الموقع الرسمي يفيد بأن الأقرباء المباشرين هم : الزوج والزوجة والأم والأب والأطفال والإخوة والأخوات ... اي شخص من هالسبعة تبي تضيفه تقدر وما عندك مشكلة طبعا بحدود اربعه على الأكثر غيرك ...









وبعدين انا اخذت موعد ب15 مارس وسفري ب 19 جولاي يعني بعد 3شهور ونص من اخذ الموعد هل ياخذون بالاعتبار موعد السفر عشان يحددون بداية الفيزا ومدتها عشان اخاف انهم يعطونا الفيزا تبدا بمارس وتنتهي اذا جا وقت السفر لان اكثر الفيز السياحيه مدتها 3 شهور




لاتخاف من هالناحية .... شئ اكيد ان تاريخ سفرك له اعتبار وإلا وش تفسر وجود سؤال في الأبلكيشن عن موعد وصولك المتوقع .... وبالنسبة لموعد بداية الفيزا يكون بمجرد استلامك لها قابلة للإستعمال والسفر بها واصلا بتلقى تاريخ اصدار الفيزا موجود فيها ... وبخصوص مدة الفيزا بصراحة فيزتي وفيزة ناس كثير اعرفهم في المنتدى وغير المنتدى كلها كانت سنتين ( طبعا نتكلم عن الفيزا السياحية ) وما اخفيك مامر علي فيزا سياحية مدتها 3 شهور ... هذا ما يعني انه اكيد بيعطونكم سنتين لكن وضعكم كونكم عائلة واذا اوراقكم كاملة وما عندكم مشاكل معينه اتوقع توقع شخصي انه تكون فيزتكم سنتين والله العالم ...


موفقين ان شالله ...

أمل التوضيح لي ؟؟؟؟؟

مساكم الله بالخير

يااخوان انا سجلت بالموقع الخاص باخذ المواعيد واخذت يوزر نيم وكل شي تمام طبعا نظامهم ان صاحب اليوزر نيم يقدر يضيف معه 4 من افراد عائلته معه للموعد حق المقابله طبعا اليوزر بأسمي لاني انا الي دفعت رسوم اليوزر ال45 ريال بالفيزا وبعدين كملت جميع البيانات المطلوبه مني وجت خانة الاضافه لاضافة ابن من الاسره هنا بدات القروشه والدوخه كتبو لي (انك تقدر تضيف 4 من الاشخاص القريبون لك من الدرجه الاولى زوج,زوجه,ابن,ابنه ) وانا ابي اضيف ابوي وامي واخواني الاثنين المهم اني اضفتهم معي للموعد واخذنا موعد
سؤالي:.
هل في مشكله في مخالفتي للتعليمات الخاصه بالاضافه لاني ما اضفت زوج,زوجه او ابن او ابنه وش رايكم؟؟؟؟
وبعدين انا اخذت موعد ب15 مارس وسفري ب 19 جولاي يعني بعد 3شهور ونص من اخذ الموعد هل ياخذون بالاعتبار موعد السفر عشان يحددون بداية الفيزا ومدتها عشان اخاف انهم يعطونا الفيزا تبدا بمارس وتنتهي اذا جا وقت السفر لان اكثر الفيز السياحيه مدتها 3 شهور

شاكر تعاونكم