رد: ماهو اجمل بيت أو جمله قرأتها
عقب المتاهات هذي .. استحق استريح ؟
ابطفي انوار عيني .. واسدل ستارها
خلوني اصد .. دام الصبر عندي شحيح
مالله خلقني من الصحرا وصبارها
ماعاد فيني اوقف لجل اوقف واطيح
اشوف لي من ملامح .. بحفظ اوقارها
اخطيت .. بس الخطا كان بعيوني صحيح
وكل الخطايا بريئه قبل تكرارها
ليه اكتب الشعر .. واوراقي مداهيل ريح
تطير لبشع جروحه اجمل اشعارها
مايسمعك من بغا مايسمعك لو تصيح
كم لي وانا مهمل دروبي وخطارها
صرت اتبسم على حزني .. وقلبي جريح
كبر المصايب تضحكني بأصرارها
تبي الحقيقه .. وهي جل الكلام الصريح
بعض الاماني انا ماكنت مختارها !!