الرد على الموضوع

رد: أبس اسافر للبحرين

اهلاوي اذا تبي تقرب من المجمعات الكبيرة
نصيحة اسكن باليت سويت
انا جربته مرتين روعة
وقبل يومين نصحني واحد من الربع بفندق ايواء
وشفت له تقرير بالمنتدى هني
وعزمت بإذن الله اجربه
وميزته قربه من السيتي سنتر
للعلم booking.com
مسوين عرض عليه
اخذت شقة غرفتين بنص الاسبوع
بـ80 دينار كويتي
بس انا سفرتي اول فبراير
بإذن بعد ما ارجع من العمرة على طول
والله يتقبل

رد: أبس اسافر للبحرين

شكرا ميار


شكر الغافقي

رد: أبس اسافر للبحرين

وعليكم السلام

*الفنادق الراقية كثيرة لكن بناء على تجربتي :
1-الريتز كارلتون
2-النوفوتيل
3-فريزر سويت
4-ميركيور

1-2 ما أعتقد ينفع السكن فيها بالشتاء لأن فكرتها منتجع على البحر فالجو على الشاطيء بيكون بااارد.
3-4 مناسبة جدا للعوائل خصوصا من حيث تصميمها و موقعها ( وانصحك شخصيا فيها)
وبالنسبة للأسعار فهي تختلف نوعا ما حسب الموسم لذلك الافضل انك تطلع على مواقع الحجز وبأذن الله تلقى سعر مناسب

* بالنسبة للمطاعم الاخوان بالمنتدى ما قصروا و أفردوا لها مواضيع خاصة بالمنتدى

* أنا أفضل السكن بالبحرين بدل من زحمة الجسر بالاضافة الى أن السكن هناك بحد ذاته متعة

* بالنسبة لباقي الأسئلة للأسف ما عندي خلفية عن الموضوع
رحلة سعيدة

رد: أبس اسافر للبحرين

ابي انصحك نصيحه اسكن بلخبر

رد: أبس اسافر للبحرين

ارخص فنادق البحرين على هالرابط

http://www.fendeq.com/results_w.php?city_id=-784833

وهو من موقع فندق دوت كوم ومضمون وعن تجارب وليس تجربة واحدة، وصور الفنادق والغرف متوفرة بالموقع

رد: أبس اسافر للبحرين

مزون

يعطيك العافية

رد: أبس اسافر للبحرين

بالنسبه للفنادق هذا الرابط ان شاءالله يفيدك


http://www.arabtravelersforum.com/travel224975/


والجو معتدل بحدود ال21 درجه


البطاقه الجديده ممكن تدخل فيها ولازم كل شخص له بطاقه او جواز


ومانصحك انك تسكن بالدمام وتجي كل يوم لان الجسر مرات يكون مزحوم

أبس اسافر للبحرين

السلام عليكم

أبي اسافر للبحرين ومع اهلي

وش افضل الفنادق المحترمة

وكم اسعارها

وأذا فيه صور لها تكفون افيدوني

وش افضل المطاعم ايضا واذا فيه صور افيدوني ايضا ضروري ياأهل البحرين

والأن كيف الأجواء هناك هل هي برد ؟

وكم درجة الحراراة

وهل تفضلون أن اسكن بالدمام واسافر يوميا للبحرين ؟

وهل باستطاعتي أن أدخل أنا وأهلي البحرين بالبطاقة الجديدة وهل يدخل اهلي معي ام يحتاجون جواز سفر ؟

أفيدوني