رد: سؤال عن النقاب في المانيا
بالنسبة لغلا المعيشة هنا في المانيا فهي مقبوله مقارنة بدول اوربا الأخرى ولكنها بالتأكيد لن تكون ارخص من دول الخليج
اذا توفقتي في شقه مناسبه ومع مطبخ تقدرين تأخذين أغراضك من المحلات الالمانيه واللي متوفر فيها كل شي تحتاجينه للطبخ ولكن انتبهي للخضار هذه الايام واتبعي الإرشادات الخاصه بنظافتها وبالنسبه للأغراض اللي تحتاجين تجيبينها معك فهي بالتأكيد القهوه والتمر والرز اذا امكن
اما باقي الأغراض فتلقينها في المحلات التركيه وما يحتاج تثقلين أغراضك من السعوديه وهي موجوده هنا واعطيك بعض الامثله
الاجبان بأنواعها مثل بوك وكيري والحليب السايل وكامل الدسم والخبز وجميع انواع البسكويتات وجميع المعلبات تلقينها عند الاتراك
بالنسبة للشقق فعلى حسب اي مدينه انتي رايحه ولكن إجمالا ل 6 أشخاص اتوقع غرفتين وصاله كافيه وأسعارها تختلف على حسب المدينه
وإيجار السيارات متوفر وبجميع الأحجام وبإمكانك ترتبي مع احد السواقين اللي يرافقون المرضى للعلاج وتقدرين تتفقون معه يوصلكم مشاويركم او يرتب لكم إيجار سياره