الرد على الموضوع

رد: أسئلة عن البحرين

جزاكم الله خير ماقصرتوا ..
انا افضل الطائرة لكن نوعا من التغيير حابين نروح البر بس اعتقد بنغير رأينا
دمتم بخير وعافية اخواني

رد: أسئلة عن البحرين

طريق البر ممتع بس كيف ما تفضل احد الاخوه ان طريق الاحسا شوي يخربط و نحن ظيعنا فيه يوم رجعنا من اسبوع وحاولوا اختي اذا بتطلعون رحله بريه طلعوا من بعد صلاة اففجر بكون أامن لكم والدنيا نهار,,

ونحن طلعنا من البحرين اساعه 8 الصبح و وصلنا البيت المغرب ,,, مع انه نحن في العين ,,, فاعتقد الدرب لدبي بيكون اقرب ,,,,

و حاولوا بعد ما تطلعون في الويكند لان جوازات الحدود تكون زحمه ,, نحن اول ما دخلنا البحرين كان في الويكند و تبهدلنا ساعتين ,,,,

بس في الرجعه طلعنا في نص الاسبووع و كانت اجرائات الجوازات سلسه جدا

رد: أسئلة عن البحرين

ام البتول ..... بحكم روحاتي و جياتي من الدمام الى دبي .... كثير اللي يضيعون و خصوصا في الاحساء.

لكن ولكن انا قبل كنت اسافر بسيارتي لان اسعار التذاكر غاليه. الحين من البحرين الى دبي الى البحرين تكلف من 600 درهم الى 1200 للشخصين.

نصيحتي و هي .. بما انها 3 ايام لا تضيعون يومين في الطريق . حجزي من احد المواقع اللي بعطيك ايها و اذا وصلتوا البحرين اخذوا سياره من المطار.


الاول و الارخص... http://www.flydubai.com بس ماجربته.
الثاني طيران البحرين ... ممتاز و على المواعيد.
الثالث طيران الجزيرة و كثير اللي يمدحونه.

و اذا بتطيرون من الشارقة عندك العربية.

و الخيار في الاخير لكم

رد: أسئلة عن البحرين

هلا بج اختي


بالنسبه للطريق تقريبا 9 ساعات بسرعة 120 او زياده شوي ..


الاناره ماتوقع موجوده على الخط والله اعلم .. لكن راح اسأل زوجي واخبرج


والفنادق دخلي على هذا الرابط وراح تشوفين كل الفنادق الموجوده


http://www.arabtravelersforum.com/travel246629/

أسئلة عن البحرين

السلام عليكم ورحمة الله وبركاتة
كيف حالكم ان شاء الله مرتاحيين ؟؟
نحن عدنا أجازة 3 أيام وحابين نسافر للبحرين عن طريق البر
فكم ساعة تبعد دبي عن المنامة ؟؟ وهل في الطريق أستراحات ؟؟ وانارات يعني أمان ؟؟
وارقى فندق عندهم خمس نجوم ؟؟

وجزاكم الله خير
بنتظاركم ..