الرد على الموضوع

رد: أول مره أزور الكويت وهذا إنطباعي عن الكويت وأهلها بدون مجامله

تسلم أخوي على هذا التقرير و هذي المشاعر
و حياك الله بكل وقت

رد: أول مره أزور الكويت وهذا إنطباعي عن الكويت وأهلها بدون مجامله

موضوعك وايد حلو

مو غريب على أهل الكويت بطيبتهم وشهامتهم

ان شاء الله بزور الكويت في إجازة العيد متحمس للزيارة

رد: أول مره أزور الكويت وهذا إنطباعي عن الكويت وأهلها بدون مجامله

شرفتنا ياخوي بموضوعك
وترا الخليج كلهم اهل واخوان
ونشيلكم بعيوننا...

رد: أول مره أزور الكويت وهذا إنطباعي عن الكويت وأهلها بدون مجامله

شرفتنا ياخوي
من نزلت للكويت لين طلعت منها ولين كتبت هالموضوع
واحنا يالخليج اهل واخوان والكويت بيتك...

رد: أول مره أزور الكويت وهذا إنطباعي عن الكويت وأهلها بدون مجامله

مرحبا بك في بلدك الثانية الكويت, واريد ان أفيدك بخصوص الاسواق الكويتية التي تبيع الملابس بصناعة محلية وهي كالتالي:

- سوق السالمية بجانب جوازات حولي في منطقة السالمية (والتي تسمى بسوق سيتي سنتر).

- مجمع نقره الشمالي والجنوبي في منطقة حولي.

- مجمع الحمرا المول ومجمع العربيد في الفروانية.

بالاضافة الى اسواق منطقة الفحيحيل التي لم أزرها لكني سمعت عنها.

اما بالنسبة للاسواق التي زرتها خلال زيارتك مثل المارينا وسوق شرق فأغلبية المحلات التي فيها تبيع الملابس الماركة وقليل ما تجد فيها محلات تبيع ملابس محلية.

ارجو ان اكون قد أفدتك بهذه المعلومات البسيطة عن اسواق الكويت.

مع تحيات

fanna__3

:36_15_17

رد: أول مره أزور الكويت وهذا إنطباعي عن الكويت وأهلها بدون مجامله

اهلا فيك ببلد الثاني و نتتظر زياره اخرى لك

رد: أول مره أزور الكويت وهذا إنطباعي عن الكويت وأهلها بدون مجامله

شكرا يا مهاجر

رد: أول مره أزور الكويت وهذا إنطباعي عن الكويت وأهلها بدون مجامله

والله اسلوبك كان روعة وموضوعك شدني حيييييل لدرجة اني كملته للاخر غير بعض المواضيع اللي ممكن تملل الواحد

رد: أول مره أزور الكويت وهذا إنطباعي عن الكويت وأهلها بدون مجامله

بصراحه ومن غير مجامله اي والله انا من عشاق الكويت ومن عشاق اهلها الطييين :24: اللي محبتهم فوق الراس والعين ولا تستغرب اذا شفت اهلها طييبين لان اهلها اذا طابوا مايستغرب عليهم الطيب:101: وشكرا للجميع

رد: أول مره أزور الكويت وهذا إنطباعي عن الكويت وأهلها بدون مجامله

يا مرحبا فيكم بين أهلكم زارتنا البركة منورين ديرتكم :101:

رد: أول مره أزور الكويت وهذا إنطباعي عن الكويت وأهلها بدون مجامله

ياناسينا

ضاري

الخبله

أشكركم جميعا وماقصرتوا

رد: أول مره أزور الكويت وهذا إنطباعي عن الكويت وأهلها بدون مجامله

ماألومك يوم تكلمت عن الكويت واهلها

رغم الرجه اللي فيهم احسن شيء

لكن محترمين اللي قدامهم واللي جنبهم وكل اللي حولهم

بس بصحح لك اسم المطعم الهندي اللي بالمارينا
كل مااروح لها اول يوم اذا جينا نريح ونجي له طيراااااااان حشى خخخخخخخخخ

اسمه (( أشاز )) ومثل ماقلت هذا الاكل الهندي الصح
بس خسارة الكويت يبغالها اكثر من يومين



عما قريب ان شاء الله جايتكم

رد: أول مره أزور الكويت وهذا إنطباعي عن الكويت وأهلها بدون مجامله

والله تقرير جميل جدا صراحه
و فيه الكثير من الإحساس الطيب منك اخوي...
و عسا الله لا يغير علينا إن شاء الله

إن شاء الله تتكرر هذه الزيارات في المرة القادمة و تكون أجمل من السابقة...

شكرا...
تحياتي لك

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم واسف ع التأخير انا اخر وااحد يمكن اتكلم ههههه حمدلله على السلامه وهذي ديرتك الثانيه موغريبه تاخذ حريتك بين اهلك واخواانك والله عيوني دمعت وانا اضحك من سوالفك نورت وزدت النور انواار نورك ونور اهل المملكه بغيابهااا بس لاتطوفك بالشتاء وحمد لله على السلامه يا اتش اس ورقمين

ودمت سالم

رد: أول مره أزور الكويت وهذا إنطباعي عن الكويت وأهلها بدون مجامله

دلة رسلان

مشكور يالحبيب وإن شاء الله بلبد من هالخلاقين وما يكون الى خير


زعطوطه

مشكوره وماقصرتي انتي وكل الكويتيين الي معنا بالمنتدى وماهي غريبه

عليكم الطيبه والنخوه

رد: أول مره أزور الكويت وهذا إنطباعي عن الكويت وأهلها بدون مجامله

حياك الله زراتنا البركة

عاد الحين الجو غير و و الكويت بكون غير و ان شاء الله الوناسه بتكون غير


ان شاء الله تستانس معانا اكثر من المره الاولى

و اذا بغيت اي شي انا و اللي معاي هني بالخدمه



حياك الله

رد: أول مره أزور الكويت وهذا إنطباعي عن الكويت وأهلها بدون مجامله

يا مرحبا والله ومسهلا

وزارتنا البركة

إلبس شتوي لأن الجو هذي الأيام بارد عندنا

وفقك الله

رد: أول مره أزور الكويت وهذا إنطباعي عن الكويت وأهلها بدون مجامله

تقرير رااااااااائع ومشوق ..

يعطيك العافية أخوووي..

رد: أول مره أزور الكويت وهذا إنطباعي عن الكويت وأهلها بدون مجامله

يعطيك العافية أخوي على التقرير الروعة
والمشاعر الأروع
والكويت ديرة كل الخليجيين كلهم


تسلم وماقصرت











زارا

رد: أول مره أزور الكويت وهذا إنطباعي عن الكويت وأهلها بدون مجامله

تقريرك حلو وتحمست كثيييييير لزياره الكويت بس ممكن سؤال محلك وين علشان نجي نشتري منك خخخخ

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم



حياك الله بالكويت و ان شاء الله تردلنا و تزور اللي ما زرته
و اي خدمه .. لا اردك اللا كيبوردك


لا تبخلون علينا بشوفتكم

و اسفه عالرد المتأخر ...


تحياتي
زعطوطه

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة salman1199
http://www.arabtravelersforum.com/tr...5/#post1546425

اخى العزيز شكرا على تقريرك الأكثرمن رائع واسلو بك الحلو بس مادرى وش صار فى البضاعة ودى اعرف وين عرضتها عشان اشترى منها اختك من السعودية



salman1199

أشكرك على الأطراء

وأعتذر عن ذكر اسم المحل او عنوانه بسبب (( قوانين المنتدى تمنع وضع

دعايه او اعلانات تجاريه ))

لكن أعدك بوضع اعلان مدفوع الثمن في منتدى العرب المسافرين ..

أرجو قبول اعتذاري

رد: أول مره أزور الكويت وهذا إنطباعي عن الكويت وأهلها بدون مجامله

اخى العزيز شكرا على تقريرك الأكثرمن رائع واسلو بك الحلو بس مادرى وش صار فى البضاعة ودى اعرف وين عرضتها عشان اشترى منها اختك من السعودية

رد: أول مره أزور الكويت وهذا إنطباعي عن الكويت وأهلها بدون مجامله

العجمي راكان

بنت جابر

شايب معصقل

أشكركم جميعا على التعليق

رد: أول مره أزور الكويت وهذا إنطباعي عن الكويت وأهلها بدون مجامله

!! قلت طيب لا تلقفين

وتحاسبين أحد مره ثانيه !!! هههههههههههههههههههههه




















حياك الله اخوي وهالعباره كان يقولها الشهيد فهد الاحمد الصباح
( انتم اهل الدار وحنا عندكم ضيوف)



حياك الله بديرتك الكويت والانسان اللي يسمع ان الكويتيين مغرورين ومن هالكلام خله يزور الكويت وراح يشوف بعينه















الاكوابارك كما قلت عنها حصلت على المركز الرابع في العالم
والمدينه الترفيهيه حصلت على المركز الثالث بالعالم بالاماكن الترفيهيه

الاولى في لندن والثانيه في امريكا




اتمنى انك استمتعت بالكويت وان شاء الله في مشاريع كثيره تنتظر الكويت من الابراج والاماكن الترفيهيه والاسواق

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم


اولأ..حياكم الله في بلدكم الثاني الكـــــويت.

ثانيا.. انت الي مشكور علي الزياره لأخوانك واهلك في بلدك الثاني ..

ثالثا..هذي ليست غريبه من أهل الكويت وليست غرور مني ولكن شعب الكويت ودود وطيب ومظياف..

والشعوب الخليجيه عموما كريمه وطيبه ومظيافه ايضا.

وأشكرك علي موظوعك الشيق والممتع بالتفصيل ..

ونقولك نيابه عن اهل الكويت(عين غطا وعين فراش) ونترقب زيارتكم الثانيه.بس اذا كانت في الشتاء ياليت

تثقل الملابس شوي لأن جونا صحراوي بارد جدا والعكس في الصيف.

أخوك.راكــــــــــــــــــــــان.

رد: أول مره أزور الكويت وهذا إنطباعي عن الكويت وأهلها بدون مجامله

الله يعطيكم العافيه جميعا

وأشكركم على التواصل

رد: أول مره أزور الكويت وهذا إنطباعي عن الكويت وأهلها بدون مجامله

حياك الله اخوي ,,

والكويت ديرتك الثانية تشرفنا في اي وقت ومتى ما حبيت ,,


والسلبيات اللي ذكرتها هذه حقيقة و انشاء الله يغيرون شي بالمطار بعد موضوعك لأنه غاثني من زمان


عالعموم تحياتي لك اخوي وسلم لي على مرتك ياخي حرام عليك والله احسها فنانة وانت ظالمها لوووووووووول ,,

رد: أول مره أزور الكويت وهذا إنطباعي عن الكويت وأهلها بدون مجامله

مشكووووووووووووووووووور علي رايك وهذا من طيبك
والكويت نورت فيك انت وزوجتك
علي قولتك

رد: أول مره أزور الكويت وهذا إنطباعي عن الكويت وأهلها بدون مجامله

حياك الله في بلدك الكويت

رد: أول مره أزور الكويت وهذا إنطباعي عن الكويت وأهلها بدون مجامله

انا جلت في المنتدى هذا
عشان ارد على تقريرك

الكويت بلدكم الثاني
اهلا و سهلا فيكم ..
اسلوبك في الكتابة رائع و مشوق

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم ورحمة اللة وبركاتة
اخوي عيال الكويت عيال جابر رحمة الله عليه عزالله انهم يجبرون الخاطر
تحيـــــــــــــــــــــــــــــاتي

رد: أول مره أزور الكويت وهذا إنطباعي عن الكويت وأهلها بدون مجامله

لكل الاخوه والاخوات الخليجيين ابي اقولكم وبلسان الكويتيين كلهم حياكم الله بديرتكم وترانا اخوان واهل وصدورنا تنشرح لما نشوفكم بينا

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم

بالفعل انا زرت الكويت وكانت قمة في الروعه واهلها قمة في الاخلاق والذوق
ومن جد مريحه للنفس وانا عن نفسي ارتحت فيها اكثر من دبي والبحرين:24:

بس ااخ كاتب الموضوع ماقلت لنا عن محلك او مشغلك عشان نزوره
مادام فيه تقليد للموديلات الكويتيه عز الطلب هذا اللي نبيه

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة سائح بلا أجنحة
http://www.arabtravelersforum.com/tr...6/#post1432546

hs99تحياتي لك مهنا زعل يالحبيب لكن الكويت عبارة عن إمارة صغيرة وممكن السيطرة بكل سهولة على السلبيات التي ذكرتها أنا وفي الختام شكرًا على دعابتك الجميلة!

نسيت شئ عندنا الشباب في العاصمة الرياض يركبون مع سائق التاكسي ويسطرونه مضبوط ويأخذون السيارة وخذ ياتــفحيط%%%%%%%%%% المقصد من كلامي انني استغربت السلبيات في الكويت وهم أقدم منا خبرة وفي الاحتكاك بشعوب العالم




اشكرك على تقبل المزحه بروح رياضيه

رد: أول مره أزور الكويت وهذا إنطباعي عن الكويت وأهلها بدون مجامله

hs99تحياتي لك مهنا زعل يالحبيب لكن الكويت عبارة عن إمارة صغيرة وممكن السيطرة بكل سهولة على السلبيات التي ذكرتها أنا وفي الختام شكرًا على دعابتك الجميلة!

نسيت شئ عندنا الشباب في العاصمة الرياض يركبون مع سائق التاكسي ويسطرونه مضبوط ويأخذون السيارة وخذ ياتــفحيط%%%%%%%%%% المقصد من كلامي انني استغربت السلبيات في الكويت وهم أقدم منا خبرة وفي الاحتكاك بشعوب العالم

رد: أول مره أزور الكويت وهذا إنطباعي عن الكويت وأهلها بدون مجامله

ترافلز مان تحياتي لك ولروحك الطيبة وكلامك عن الطرق ريحني كثير وطيب خاطري


أنا سنويًا أزور الكويت ويفترض أني بعد عشرات المرات من الزيارات للكويت أني أحفظها واحفظ طرقها وشوارعها لكن النسق المعتمد للوحات هي السبب وشكرًا لك.

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة سائح بلا أجنحة
http://www.arabtravelersforum.com/tr...8/#post1422158

ونعم بأهل الكويت ولكن لاننس الكثير من السلبيات وهي:

1- الزحام الرهيب عندالمارينا مول الأربعاء والخميس والجمعة والتجمعات الشبابية والتسكع بالقمصان والبنطولانات الزاهية الألوان وكل واحد يتوقع هذه البنت أو تلك صيد ثمين. وين الهيئة عنكم !

2- اللوحات ومسميات الطرق والمحافظات فيها من الأرباك والتوهان لأي زائر (( أنت في الطريق الدائري الخامس وتريد طريق خادم الحرمين ((الملك فهد)) باتجاه النويصيب اللوحات الموضوعة مربكة لأي سائق غريب فهناك لوحات مخصصة لمستخدمي طريق الخدمة وأخرى للطريق الرئيس الدائري وفجأة تجدك أتجهت إلى طريق آخر في حلقة من التوهان بلا نهاية.
3- ظاهرة التفحيط والاستهتار من بعض الشباب.

في الختام وكلمة حق تقال عند أهل الكويت أشياء رائعة مثل:

1- احترامهم للمشاة عند عبور الطريق وعندنا ممكن يدهسك بالسيارة.
2- الأكل عندهم غاية اللذة والمتعة وعندنا تلوع كبدك في كثير من المطاعم.
آمل عدم الزعل ياأهل الكويت ونتمنى للجميع التوفبق




لأن الموضوع انا الي طرحته فأستأذن الأخوه بالرد على نقطتين فقط لأن

اللوحات ماانتبهت لها عشان كذا ما أقدر اعلق عليها

بخصوص الزحمه الي عند المارينا والمطاعم أيام الويك اند !!!

صراحه جبتها !! فعلا هذه من سلبيات الكويت الي ماتغتفر !!!

وشلون الحين سوق فخم وسينما ومقاهي رايقه

ومطاعم وجلسات روعه ويصير فيها زحمه بالويك اند :109:

لازم تصير فاضيه او على الأقل يقسمون انفسهم (نص بالليل

ونص بالنهار) معقوله كل هالعالم تروح بالليل !!!

معك حق ...ما يصير المفروض انهم يشوفون صرفه لها الزحمه !!

وبخصوص الشباب الي يتسكعون ويلبسون القمصان والبناطيل على قولتك

رغم اني والله ما شفت منهم الا كل خير .... بس عندي حل لهم !!

اول شيء يمنعون بيع القمصان والبناطيل !! ويعاملون اي واحد يهرب

من برى قميص او بنطلون معاملة الي يهرب خمر :11ight:

ثم يقومون الله يسلمك على هالشباب ويصيدونهم واحد واحد ..

ثم يجمعونهم في كونتينرات ويرسلونهم لجمهورية غينيا الأستوائيه لمدة

سنتين عشان يصيرون زي مانبي :109:

أما بخصوص التفحيط ....

صراحه طحت من الضحك ...لأن في الوقت الي قاعد اقرى ردك

صوت التفحيط مزعجنا له حوالي ساعتين (( بوسط حي سكني))

على الأقل يمكن التفحيط عندهم في أماكن محدوده !!

أما عندنا ( الله يصلح شبابنا ) فالتفحيط في كل مكان...عند المدرسه,

عند المستشفى , في شارع رئيسي , شارع فرعي , وسط الحاره ..

...وصدقوني اني يوم من الأيام ماراح استغرب لو سمعت التفحيط في

سطح بيتنا :109:


- أخيرا تقبل دعابتي بصدر رحب ( عشانك من ربعنا وأمون عليك :109: )

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة سائح بلا أجنحة
http://www.arabtravelersforum.com/tr...8/#post1422158

ونعم بأهل الكويت ولكن لاننس الكثير من السلبيات وهي:

1- الزحام الرهيب عندالمارينا مول الأربعاء والخميس والجمعة والتجمعات الشبابية والتسكع بالقمصان والبنطولانات الزاهية الألوان وكل واحد يتوقع هذه البنت أو تلك صيد ثمين. وين الهيئة عنكم !

2- اللوحات ومسميات الطرق والمحافظات فيها من الأرباك والتوهان لأي زائر (( أنت في الطريق الدائري الخامس وتريد طريق خادم الحرمين ((الملك فهد)) باتجاه النويصيب اللوحات الموضوعة مربكة لأي سائق غريب فهناك لوحات مخصصة لمستخدمي طريق الخدمة وأخرى للطريق الرئيس الدائري وفجأة تجدك أتجهت إلى طريق آخر في حلقة من التوهان بلا نهاية.
3- ظاهرة التفحيط والاستهتار من بعض الشباب.

في الختام وكلمة حق تقال عند أهل الكويت أشياء رائعة مثل:

1- احترامهم للمشاة عند عبور الطريق وعندنا ممكن يدهسك بالسيارة.
2- الأكل عندهم غاية اللذة والمتعة وعندنا تلوع كبدك في كثير من المطاعم.
آمل عدم الزعل ياأهل الكويت ونتمنى للجميع التوفبق



ملاحظاتك على الراس والعين بخصوص شوارع الكويت فهي تختلف عن الشوارع في كل دول الخليج حيث يتم توزيع شبكة الطرق بالكويت على 7 دوائر وهو نظام شبيه في ولاية كلفورنيا الآمريكية وبخصوص اللوحات الارشادية تم البدأ بتركيب لوحات جديدة تدل على الطريق للحدود السعودية او العراقية بالشمال

رد: أول مره أزور الكويت وهذا إنطباعي عن الكويت وأهلها بدون مجامله

ونعم بأهل الكويت ولكن لاننس الكثير من السلبيات وهي:

1- الزحام الرهيب عندالمارينا مول الأربعاء والخميس والجمعة والتجمعات الشبابية والتسكع بالقمصان والبنطولانات الزاهية الألوان وكل واحد يتوقع هذه البنت أو تلك صيد ثمين. وين الهيئة عنكم !

2- اللوحات ومسميات الطرق والمحافظات فيها من الأرباك والتوهان لأي زائر (( أنت في الطريق الدائري الخامس وتريد طريق خادم الحرمين ((الملك فهد)) باتجاه النويصيب اللوحات الموضوعة مربكة لأي سائق غريب فهناك لوحات مخصصة لمستخدمي طريق الخدمة وأخرى للطريق الرئيس الدائري وفجأة تجدك أتجهت إلى طريق آخر في حلقة من التوهان بلا نهاية.
3- ظاهرة التفحيط والاستهتار من بعض الشباب.

في الختام وكلمة حق تقال عند أهل الكويت أشياء رائعة مثل:

1- احترامهم للمشاة عند عبور الطريق وعندنا ممكن يدهسك بالسيارة.
2- الأكل عندهم غاية اللذة والمتعة وعندنا تلوع كبدك في كثير من المطاعم.
آمل عدم الزعل ياأهل الكويت ونتمنى للجميع التوفبق

رد: أول مره أزور الكويت وهذا إنطباعي عن الكويت وأهلها بدون مجامله

:113: :24: :24: :113:


جياك الله أخي الكريم hs99 أنت وكل (( أهلنا أهل خليج الخير )))
في بيتكم الثاني
وكم تمنيت وأنا أسمع كلماتك الجميلة في وصف درة الخليج
لو أتيحت لـــــي الفرصة بالتلاقي مع شخصكم الكريم
لأن المثل يقول


@ معرفة الناس تجارة @


والجايات أكثر وأنا جاهز لأي شيء على الخاص

أدام الله على خليجنا الأمن والأمان
وسائر بلاد المسلمين

رد: أول مره أزور الكويت وهذا إنطباعي عن الكويت وأهلها بدون مجامله

الله يعطيك العافيه على التقرير المميز
صراحه اسلوبك في الكتابه وايد حلو
وحبيت اشكرك وايد على الكلام الطيب عن الكويت والكويتيين وهذا من ذوقك
وحياك الله في دريتك الثانيه الكويت الحبيبه

رد: أول مره أزور الكويت وهذا إنطباعي عن الكويت وأهلها بدون مجامله

أبدعت في كتابتك للتقرير,,,,والحقيقة تقال بأنك خالفت (مقولة خير الكلام ماقل ودل) من خلال موضوعك

المسهب الممتع ليتحول المثل إلى (خير الكلام ما يتحف ويلطف)

عندما يوصف الشعب الكويتي بالغرور والكبرياء والعجرفة أو أي مفرده تنتمي إلى ذلك المسمى أعتقد بأنها واقع وستلاحظها لدى الناس في لحظة الغضب !!! لكن جميعنا كخليج عربي(جزيرة العرب) نعاني من هذه الصفة المذمومة والسبب يعود إلى بيئتنا التى ترعرعنا به للأسف البيئة تؤثر بشكل كبير على تكوين شخصية الفرد...وهي قاعدة عامة( لكل شعب أو عرق بيئته الخاصة به )ونعلم هذا جيدا من خلال تاريخنا وأدبنا (الشعر).....

بالمناسبة الشعب الكويتي أحيانا ينظر إليه بأنه شعب يحب التهكم والسخرية على الأخرين ربما نقوم بذلك لكن هذا مايمنعنا أحيانا بالتهكم والسخرية من أنفسنا وإطلاق الدعابات والنكت على حالنا بإختصار شعب لديه روح الدعابه والفكاهة وسعة صدورهم لا تقاس بأي مكيال ربما أسهبت بالمدح والثناء أرجو بأن لا ألام من قبل البعض... ماذا عساني أن أفعل إنها بلدي !!!! وهذا غيض من فيض,,,(ولاقصور بأهلي أهل الخليج العربي والشام ومصر وبلدان المغرب العربي والسودان وتواليها)

أتفق معك في خصوص السلبيات لأن سياستنا وحكومتنا تولي إهتماماً إلى الخارج أكثر من الداخل...نعم مثلما ذكر الأخوة الأعضاء بأن هناك خطة مدروسة بعد تفكير عميق أدركوا بأن المطار يمثل واجهة للبلد فهاهي الخطة بدأنا نرى نورها ونقطف ثمارها على أرض الواقع وهاهم يقومون بإجراء تعديلات وإصلاحات في المطار الدولي مشرفة على الإنتهاء...

نعم أصبت كبد الحقيقة...ويبدوا لي إنك مطلع على الشأن الكويتي خصوصا عندما ذكرت كلمة التجار!!! لأن أغلب إستثمارتهم في الخارج ويعيبهم أيضا الحسد فيما بينهم.....

(بس خمس دنانير واااااااااااااجد كبقشيش...أعتقد العامل اللي أخذ الخمس دنانير حول تقاعد كككككك خمسة دنانير فيها تعبئة كرت تقدر إتسولف فيه أكثر من ساعتين كمكالمة محلية ).....

تحياتي للجميع وأأسف على الإطالة....سلام ياكرام

رد: أول مره أزور الكويت وهذا إنطباعي عن الكويت وأهلها بدون مجامله

يعطيك العافية يا اخوي وبصراحه كلامك كان كله ذوق
وهذا ان دل فانما يدل على طيب اصلك يا الغالي

انا اوافقك الراي بان مطار الكويت يعتبر نوعاً ما فيه تقصير من حيث الحجم والخدمات والاسواق بس لا ننسى ان توهم خلصو التوسعه الي فيه والحمد لله اهو الحين اكبر واحلى من قبل بس للحين ناقصه وايد اشياء .

والنقطه الثانية الي ذكرتها ما اختلف معاك ان اغلب المستثمرين الكويتيين تلاقيهم يستثمرون بالامارات بدل الكويت صحيح لان الفترة السابقة ما كان في استقرار للمنطقة بسبب النظام المخلوع لصدام .
اعتقد ان هذا الشيئ اثر تاثير كبير على الدولة من ناحية النهضة في هذا المجال ، بس الحين بلشووو بالابراج الكبيرة والمشاريع الضخمه واعتقد ان الكويت خلال السنوات القريبة راح تتغير للافضل من هذه الناحية .

شكرا على تقريرك الحلو وكلامك و الاحلى عن شعب الكويت وانتمنى ان تزورنا مرة اخرى في بلد الثاني وتستانس اكثر واكثر واكثر في كل مرافق الكويت .

مو بس جذي اتمنى ان يكون هذا الانطباع عند جميع زوار الكويت
وهم انتمنى لهم طيب الاقامه .

مع تحياتي ،،،

رد: أول مره أزور الكويت وهذا إنطباعي عن الكويت وأهلها بدون مجامله

السلام عيكم
حياك حبيبي بالكويت وهذا بلدك الثاني
وعلى فكره هذي اول مشاركه لي بالمنتدى
وتستاهل اخوي على موضوع الحلووة

رد: أول مره أزور الكويت وهذا إنطباعي عن الكويت وأهلها بدون مجامله

يعطيك العافيه على التقرير الحلو

ونتمنى انك تعود الزياره قريبا

رد: أول مره أزور الكويت وهذا إنطباعي عن الكويت وأهلها بدون مجامله

مهيب غريبه على الكويت واهلها

الله يحفظكم جميعا

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة عنود الرياض
http://www.arabtravelersforum.com/tr...6/#post1386766

[color="Red"]الكويـــــــت وبس .. ياحبيلها


على كثر الدول الأوروبيه والخليجيه اللي رحت لها .. بس مايكون لي شوق إلا للكويـــت


ديره راااائعه بمعنى الكلمه والسبب يرجع لأهلـــها والله بذوقهم وأخلاقهـــم


أنا رحت لها مره سياحه ومن بعدها وأنا كل أجازة عيد وأنا فيها





الاخت عنود الرياض

تحية طيبة لك ولاخلاقك الطيبة وذوقك الرفيع واشكرك كثيرا على مشاعرك الطيبة تجاه الكويت واهلها

واعلمى يا اختى ان اهل الكويت يشرفهم استضافتك ويقدرون لك تلك المشاعر واهلا وسهلا بك دائما فى

بلدك الكويت .

رد: أول مره أزور الكويت وهذا إنطباعي عن الكويت وأهلها بدون مجامله

الاخ hs99 الكريم

تحية طيبة معطرة لك ولعائلتك الكريمة واهلا بكم دائما فى بلدكم الكويت .

اخى العزيز اشكرك كثيرا على تقريرك المتميز عن زيارتك الاخيرة للكويت وايضا اشكرك كثيرا على

مشاعرك الطيبة تجاة اشقائك اهل الكويت .

اخى العزيز لقد ذكرت فى تقريرك انك حسيت فى راحة نفسية لما تجولت فى البلد وانا اعتقد ان السبب

بسيط وهو انك لم تشعر انك قد خرجت من المملكة فالكويت والمملكة هم شعب واحد وبلد واحد ومصير

واحد الى يوم القيامة .

رد: أول مره أزور الكويت وهذا إنطباعي عن الكويت وأهلها بدون مجامله

تصحيح لمشاركة للأخت أحلى كيميائية ( مجمع المنشر موجود بالفحيحيل بجانب مجمع الكوت وليس بالجهراء)
وشكرا للأخت أحلى كيميائية على مجهودها فى المشاركة

رد: أول مره أزور الكويت وهذا إنطباعي عن الكويت وأهلها بدون مجامله

اخي الحبيب مشكور على الكلام الطيب

انت وكل الاخوان والاخوات

وكلنا اهل لو تفرقنا الحدود وان شاء الله

الحدود بتنزال والعمله بتوحد وبتشوف

الكويتي لابس شماغ والسعودي غتره بيضاء

وطاقيه شخال هههههههه لكن بعد ما يقرها

مجلس التعاون سنة 2275 يالله تصبروا راح

الكثير ومابقى الا القليل هههههههههه


الله يوفقك اخوى ومشكور مره ثانيه

رد: أول مره أزور الكويت وهذا إنطباعي عن الكويت وأهلها بدون مجامله

اهليييين ومرحبتين كباار وصغار

صراحه موضوعك عجبني وخاصه سرد الأحداث من طأطأ ليه السلام عليكم

بالنسبه لشعب الكويت الحمدلله كوني كويتيه مو معناه اني متكبر ابد .. بالعكس للأسف ان الكثير ينظر هالنظره الخاطئه .. والحمدلله ان اثبت وشفت العكس بعينك ..

وبالنسبه لهدوء وراحة الكويت .. صدقت .. ان على الرغم من سفراتي لخارج بلدي الكويت لما ارجع لها احس بلهفه مو طبيعيه وانتظر اليوم اللي برجع فيه لها ...



بالنسبة لمطار الكويت طبعا كلامه صحيح وان المطار الحين في حالة تجديد وان شاءالله تشوف المطار اليديد


وبالنسبه لأسواق الكويت .. ففيها الكثير .. مثال :


منطقة السالمية
نبدي اول شي بمجمع مارينا مول , الواقع في منطقة السالميه على الشريط الساحلي (على البحر) فيه جميع انزاع الملابس والاكسسوارات , والمجمع الثاني الفنار ايضاا بالسالميه لكن يقع في شارع سالم المبارك , وجنبه مجمع البستان و مجمع ليلى غاليري ومجمع جاليريا2000 ومجمع بلازا (كللهن في نفس الشارع) .

منطقة الشرق (مدينة الكويت)
سوق شرق يقع على الشريط الساحلي لكن في منطقة شرق (قريب من قصر دسمان) ومجمع الثريا ايضا في منطقة شرق ومجمع سوق الذهب ويقع في قلب مدينة الكويت قريب من سوق الاوراق الماليه , وسوق المباركية وسوق الحريم , وشارع الاجهزه الالكترونيه .

منطقة حولي
ابرز المجمعات التجاريه في هذه المنطقة السكنيه التجاريه:
مجمع بيروت , مجمع النقره الشمالي والجنوبي , مجمع العدساني , مجمع المهلب , مجمع البحر سنتر .


منطقة الري
مجمع ذا افنيوز , ويقع في منطقة الري على الدائري الخامس .

منطقة الفروانيه
تكثر في هذه المنطقه الاسواق والمحلات الشعبيه , ومحلات الذهب ومحلات الخامات (حق العبي والدراريع والشيلات) وفيها مجمع الحمراء مول - المترو مول


منطقة الفحيحيل
مجمع الكوت , ويقع على الشريط الساحلي في نفس المنطقة , ويوجد الكثير من المجمعات في ميدان مجمع الكوت , وتكثر في هذه المنطقه الاسواق الشعبيه ومحلات الذهب.

منطقة الجهراء
مجمع المنشر و مجمع الخيمة موول .


وان شاءالله اكون وفقت في كتابه المولات الموجوده بالكويت ..

يعطيك الف عافيه على تقريرك .

وسلم على زوجتك ..

ورحله موفقه ..

رد: أول مره أزور الكويت وهذا إنطباعي عن الكويت وأهلها بدون مجامله

أخ hs99 نشكرك على هذا الإسلوب الأكثر من رائع حيث انك استطعت ان تصف زيارتك القصيرة بكم كبير من المعاني والوصف الدقيق والشيق وباسلوب مختصر 00 واشهد ان لك اسلوب جيد فى الكتابة وكتابة التقارير وقد استمتعت بتقريرك0
وان كنت اتمنى قبل زيارتك للكويت في المرة القادمة ان تدخل المنتدى وتستفيد من تقارير الأخوة في المنتدى لتكون زيارتك اكثر فائدة0
واخيرا شكرا على هذا التقرير وبانتظار التقرير القادم ان شاء الله تعالى 0

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة A B D U L A Z I
http://www.arabtravelersforum.com/tr...5/#post1378815

السلام عليكم ورحمة الله وبركاته

حياك الله اخي العزيز hs99 في بلدك الكويت

انا استمتعت جداً بطريقة سردك للأحداث وسجلت مخصوص علشان اشكرك

فعلاً ماكنت ابي يوقف السرد بس مدة بقائكم بالكويت كانت قصيره جداً

اخوي الخليج كلهم اخوان وعسى الله يديم هذا الترابط ولا يفرقنا

اتمنى لك زياره ثانيه لا تقل متعه عن الاولى

وسلامة عمرك مثل ما قلت بالبدايه استمتعت بسردك وسجلت مخصوص علشان اشكرك


بالتوفيق***

يا ملا العافيه والله يا بوسعود والله يحييك في المنتدى بين أخوانك

وزي ماقلت انت كلنا بالخليج واحد (الله لا يغير علينا ) وبصراحه انا ماكنت

متوقع اني باستانس في الكويت هالوناسه رغم قصر المده ...وفغلا انا اذهلني وشدني

يا أخوان طبيعة اهل الكويت وذرابتهم وسنعهم أكثر من اعجابي في البلد نفسها رغم

انها حلوه وممتعه (خصوصا للعوائل ) ...عشان كذا طلعت الي بخاطر كتعبير عن حبي

وعشقي لها الديره الي صار من اول لقاء ... رغم اني ماخليت ديره مارحتها !!

حب غريب ... وأحساس عجيب !!!

( الحين بتجي هالمطفوقه تحسبني قاعد أتغزل في حريم الكويت :109: )

صراحه حسستوني اني أعرف اكتب صدق :101:

بس فعلا الرحله كانت قصيره عشان كذا المواقف الي فيها قليله .. لذلك

طلعت بسيطه وسهله وقريبه للقاريء

ومشكورين كلكم

رد: أول مره أزور الكويت وهذا إنطباعي عن الكويت وأهلها بدون مجامله

حياااااااااك الله

وتقريرك أكثر من راااااااااااائع

يزاك الله خير على الكلام الطيب

وفي أماكن واايد ما زرتها بس بما أنك كنت ياي حق السوق فعلى قولتك مامداك بس ان شاء الله تزورها مره ثانيه وثالثه ورابعه

رد: أول مره أزور الكويت وهذا إنطباعي عن الكويت وأهلها بدون مجامله

السلام عليكم ورحمة الله وبركاته

حياك الله اخي العزيز hs99 في بلدك الكويت

انا استمتعت جداً بطريقة سردك للأحداث وسجلت مخصوص علشان اشكرك

فعلاً ماكنت ابي يوقف السرد بس مدة بقائكم بالكويت كانت قصيره جداً

اخوي الخليج كلهم اخوان وعسى الله يديم هذا الترابط ولا يفرقنا

اتمنى لك زياره ثانيه لا تقل متعه عن الاولى

وسلامة عمرك مثل ما قلت بالبدايه استمتعت بسردك وسجلت مخصوص علشان اشكرك


بالتوفيق


***

رد: أول مره أزور الكويت وهذا إنطباعي عن الكويت وأهلها بدون مجامله

المشاركة الأصلية كتبت بواسطة hs99
http://www.arabtravelersforum.com/tr...1/#post1369101

ختاما وكما وعدت الأخوه بذكر الأيجابيات والسلبيات (( وهي تمثل وجهة نظري أنا

ووجهة نظر زوجتي فقط ))

# الأيجابيات في الكويت بإختصار

1- الشعب .... الشعب .... الشعب .. بصراحه الغالبيه ناس راقين ومثقفين...

وتحس فيهم طيبة المعشر وحبهم لنا كخليجيين وقد تسمع عبارات الثناء للسعوديه

ولحكامها وأهلها في اي موقف يعرف فيه الكويتي هويتك...

تقول لي مرتي يوم درت اني اكتب الموضوع اكتب يتميز اهل الكويت بالذرابه .

2- كما سبق وذكرت ( تتميز الكويت بقلة الأزدحام مقارنه بدول الخليج الأخرى) وأعتقد

ان السبب الرئيسي ... النظام الصارم المطبق في الكويت .

3- تتميز اسواق الكويت ( بالنوع ) وليس الكم !! بمعنى آخر ان الأسواق ليست كبيره

بس عندهم بضايع مميزه .. ويتضح فيها الذوق العالي لنوعية المتسوقين .

بصراحه المده القصيره ما خلتنا نشوف الكويت كلها بس اوعدكم في الزياره القادمه

إن شاء الله ( ايام عيد الأضحى القادم ) سوف اكتب موضوع آخر عن الزياره .


# السلبيات :110:

1- بصراحه مطار الكويت الدولي حلو ... بس مهوب على مستوى الكويت.. ويفترض

انه يكون أفخم وأفضل من هذا خصوصا اذا علمنا ان الكويت لديها امكانيات كبيره

ومطار واحد ( يعني هالمطار الوحيد لازم يكون قمه وتحفه لأنه واجهة البلد ).

2-احس فيه تقصير من تجار الكويت في بناء الأماكن الترفيهيه والمجمعات السكنيه

خصوصا إذا علمنا ان معظم اسواق وعماير دبي ( يساهم فيها بنسب كبيره

تجار كويتيين ) ..


بس هذا الي عندي وأتمنى اني أكون نقلت صوره مبسطه عن جولة يومين في

الكويت ... وأعذروني على القصور

.



الله يحييك اخوي بالكويت وصدقني ثلاث ايام ما تكفي انك تقول رايك كفايه وانت قلت رايك بحسب عملك وهو التجاره اما لو كنت سائح اكيد راح تختلف وجهه النظر

بالنسبه لمطار الكويت الحين طبعا احسن من قبل بواجد خصوصا بعد افتتاح مول المطار الجديد وفي بعد توسعه له وتوسعه للمدرجات اللي فيه وجهه نظر نتقبلها بصدر رحب وان شاء الله عن قريب تشوف مطار الكويت المجدد

تقول في تقصير من تجار الكويت يعني يمثلا المارينا مول ملك لتاجر كويتي واكثر المجمعات فيها ترفيه وسينما والعاب للاطفال
والمجمعات السكنيه يمكن انت ما شفتها بحكم المده القصيره ماشاء الله الحين الكويت بعد موافقه البلديه لبناء المجمعات السكنيه اكثر من 10 ادوار تشوف كل يوم مجمع سكني كبير

ان شاء الله جيتكك الثانيه تشوف الكويت عدل وبعد تزيد المده خصوصا ان موعدك راح يكون في عيد الاضحي يعني الجو اكيد يكون حلو


تقريرك رائع واسلوبك اروع والله يحفظك انت وزجتك وتشتري لها كل شي تستاهل بس لاتخربها على الشيشه خصوصا انت ما تشيش :109:

رد: أول مره أزور الكويت وهذا إنطباعي عن الكويت وأهلها بدون مجامله

الله يحيك بديرتك وقريتك وبين أهلك وجماعتك

وأتمنى منك مره ثانيه تخبرنا بوصولك عشان عندي عرض مجاني لك .....

أسلوبك رائع بسرد رحلتك حتى لو ما كان فيه صور بس كان إسلوبك المتسق وتسلسل عبارتك السهله الممتنعه .... تحسس القاريئ إللي شاف الأماكن إللي زرتها كأنها مرسومه أمامه

ما شالله عليك

وبودي يا أهل نجد تعرفون إن كثير من الكويتيين الأصليين من نجد ولا يهون باقي أهل الكويت الغالين .....وأظن هذا من أسباب عدم إحساسك بالغربه بالكويت ......


على فكره حبيبنا الغالي ترى في منطقه إسمها الفروانيه يوجد فيها شارع كامل فيه مجمعات للجلابيات مثل مجمع الحمرا مول والدبوس

كما يوجد مجمع بمنطقة شرق إسمه الأوقاف صحيح إنها مجمعات بنيانها متواضع بس فيها جلابيات حلوه وسعرها مناسب وصناعه كويتيه ...

وكما توجد منطقه حلوه بالكويت إسمها الأحمدي يوجد فيها عدة مجمعات ومنطقة الفحاحيل يوجد فيها مجمع الكوت الشهير ومجمع المنشر وفندق حلو لصيق فيهم إسمه روتانا بس منطقة الفحاحيل تبعد عن العاصحه أو السالميه ما يقارب النصف ساعه ولا يوجد فيها .....ربشة = صخب السالميه لأن معظم ساكنيها من العوائل الكويتيه البدويه المحافظه ،،،، أما في النهار وحتى العاشره مساءا فهناك المجتمع الكويتي كله يتسوق .

وعساك من عواده ......

رد: أول مره أزور الكويت وهذا إنطباعي عن الكويت وأهلها بدون مجامله

ماشاء الله تقرير رائع واسلوب مشوق العموم الحمدالله على السلامة وفعلا عدم زيارة مجمع الأفنيوز خسارة لآنه مع اكبر واجمل المجمعات في منطقة الخليج وكذلك مجمع الكوت في منطقة الفحيحيل وايضا المركز العلمي والذي هو قريب جدا من مقر اقامتكم في فندق مارينـا

هذه صورتين لمجمع الكوت في الفحيحيل




وبالنسبة لملاحظتك بخصوص المطار الدولي فهو فعلا لايليق بمستوى الكويت الأقتصادي والأقليمي والسبب طبعا هو السياسة التي تعطل المشاريع التنموية في البلد ولكن يتم حاليا تطوير المطار الحالي حيث يتم تجديدة بالكامل واضافة بوبات جديدة واضافة مدرجات جديدة لأستقبال الطائرات وزيادة اسطول الخطوط الكويتية وطيران الجزيرة ومن المتوقع ان تبدأ شركة طيران ثالثة قريبا

رد: أول مره أزور الكويت وهذا إنطباعي عن الكويت وأهلها بدون مجامله

استمتع بقراءة تقريرك بصراحة وكنت متابع له والحين مافضلت اني اطلع منه بدون رد

تسلم والله وهذا من ذوقك وطيب اصلك

واحنا والسعودية واحد هالجملة دارجة وهي بالقلب قبل لاننطقها

عالعموم إن شاء الله ماتكون آخر جية لك للكويت وإذا نورت مرة ثانية ففي اماكن بعد ننصحك تزورها مثل اللي ذكرها اخوي فارس الكويت