الرد على الموضوع

رد: اول موضوع لي في منتداكم ابي اخذ رايكم

2 : هل استخدم التكاسي او استاجر سياره
لو اخذ مثلن سياره [ كابريس ] كم الاجار اليومي التقريبي او بالظبط .. هل بيكون معه تأمين
غالي او لا .. !!



الأفضل تأجر سيارة .. بتطلع عليك ارخص
في مشكلتين في تكاسي دبي .. الاولى ان تكلفتها عالية .. والثانية انك تخيس في الشمس لين ماتحصل تاكسي
والتكاسي تكون موجودة في الاماكن السياحية المهمة مثل المراكز التجارية .. بس لها موقف خاص .. وتلاقي طابور طويييييييييل .. ممكن تنتظر ساعة لين مايجي دورك
فأجر سيارة افضل
بس نصيحة خذلك جهاز gps لأن الشوارع في دبي شوي صعبة .. لو راحت عليك اللفة ممكن تضيع ساعة عشان ترجعلها

وبالنسبة لتأجير السيارات .. بشكل عام صعب تلاقي كابريس .. اذا لقيتها سعرها مش اقل من 400 درهم في اليوم

اغلب مكاتب تأجير السيارات عندهم سيارات يابانية .. اصغر شي نيسان تيدا .. سعرها 100 درهم تقريبا .. وبعدها كورولا 150 درهم ..وبعدها كامري او اكورد او التيما 200 درهم

رد: اول موضوع لي في منتداكم ابي اخذ رايكم

الإخوان ماقصر الله يعطيهم العافية

رد: اول موضوع لي في منتداكم ابي اخذ رايكم

السلام عليكم
حياكم الله في داركم الثاني الإمارات


بالنسبة للفنادق إن شاء الله بنحاول نفيدك بأسرع وقت


بعض الأماكن السياحية:
http://www.arabtravelersforum.com/travel191790/


19-6-2008 بتبدأ فعاليات مهرجان صيف دبي



.

رد: اول موضوع لي في منتداكم ابي اخذ رايكم

وعليكم السلام

حياك الله يااخوي في دبي

بالنسبه للفنادق شوف هالموضوع فيه اسعار وعروض الفنادق في دبي لهذا الصيف:24:

http://www.arabtravelersforum.com/travel192351/


وبالنسبه للسياره ماعندي فكره عن التأمين وهالسوالف الشباب بيساعدونك ان شاء الله

بس عموما التكاسي تعتبر غاليه شوي


وياكثر الامامكن في دبي خذ لك لفة على تقارير الاعضاء والمواضيع المثبته عشان تستفيد

واذا عندك اي استفسار حاضرين

اول موضوع لي في منتداكم ابي اخذ رايكم

السلام عليكم ,,

شخباركم ان شاء الله بخير ,,

انا ان شاء الله هالصيف راح اسافر لدبي ,,

طبعا اول سفره لي برى المملكه العربيه السعوديه ..

وراح تكون لدبي ,,

1: فـ حاب اعرف منكم ابي فندق يكون قريب من المجمعات وقريب من كل شي
وسعره معقول يعني مايتعدى الـ 700 ريال سعودي

2 : هل استخدم التكاسي او استاجر سياره
لو اخذ مثلن سياره [ كابريس ] كم الاجار اليومي التقريبي او بالظبط .. هل بيكون معه تأمين
غالي او لا .. !!

3 : ابي الاماكن الي تنصحوني فيها


لاتبخلون علي بالنصائح والاراء