الرد على الموضوع

رد: مستشفى رويال حياةالكويت

السلام عليكم ورحمة الله وبركاته ..
اتوقع اللي علق على المستشفى والستاف الطبي اغلبهم مو مجربين شخصياً ..\
انا بصراحة ولدت عندهم .. واخترت المكان مو علشان شكل المستشفى .. بالعكس علشان دكتورتي واهي د.أمل عيد العزيز استشارية في امراض النساء والولادة . وكانت رئيسة قسم التوليد في مستشفى الفروانيه سابقا .. يعني ما يبي احد يشهدلها .. وعندكم الدكتورة خالدة المجيبل هم استشارية بس انا ما جربتها ..
والنيرس طبعا كل دكتوره سستراتها غير وفي فترة الولادة ما خلوني واقفين على راسي ماشاء الله عليهم .. وصج الواحد ما يقدر يجذب ولا يقدر يسكت عن الحق الصراحة..والدكتورة انا رحت قبل ولادتي ثلث مرات الفير الساعه 3 الي 5 تقريبا على طول القى الدكتورة موجوده .. ويوم ولادتي حرصت انها تكون متواجدة مارضت ترتاح .. احسن من وايد دكاترة لما يتصلون فيهم الفير ما اييون يخلون السسترات يولدون الحريييييم
كانت الولادة موفقة واختياري للمستشفى والدكتورة كان موفق الحمدلله .. والحين ما اقدر اجرب غيرهم ..وناطرة مولودي الثاني انشاء الله عندهم .
اتعاب الدكتورة 250 وسعر الغرفه قبل كان 350 ليلتين مع استخدام غرفة الولادة والتخدير .
لانه شغلهم وايد ماشي والناس مرتاحه .. زادت اسعارهم صار سعر الغرفه 450 غير اتعاب الطبيب .. والعناية وايد زينه حتى روحة الحمام وانتو بكرامه السسترات معاي .وهالمرة انشاء الله احجز الصالة الكبيرة للاستقبالات واسوي حفلة حلوه .. ونستفيد من خدماتهم واسعارهم معقوله . الحمدلله حط فلوسك بالشمس واقعد بالذلال

والشكر لله والله ولي التوفيق
واي استفسارات عن المستشفى انا حاضرة اييبلكم معلومات لاني على طول انا عندهم عندي مراجعات اهناك مستعدة اسألكم

رد: مستشفى رويال حياةالكويت

شكرا لك اخوي بهاء للتعقيب و صح كلامج luxury كانه فندق بس ما ينصحون فيه من ناحية طبية

رد: مستشفى رويال حياةالكويت

شكرا على التقرير

رد: مستشفى رويال حياةالكويت

المستشفى ( آسفة الفنـدق ) وايـد حلو و راقـي !! و يذكرنـي لما دخلته بفنادق الجزر في ماليزيا و المالديف

بس لما فكرت أولد فيه .... دكتـورتي ما انصحتني فيه .... لأن الستاف الطبي غير مؤهـل بشكل كافي ..... و توجهت للموساة

رد: مستشفى رويال حياةالكويت

شكرا لك ريالو .. انا بالنسبالي ذا ناس عندها فلوس عادي خلتستانس و اتدلل اب مكان جذي و احسن منه

رد: مستشفى رويال حياةالكويت

بالنسبة لي هدة مظاهر الله مايرضي فيها

رد: مستشفى رويال حياةالكويت

حرم الملك كلامك صحيح ووايد اسمع فيه و ايضا في ناس واايد يمدحون بالمستشفى شكرا بانكوكي و اللي يحب ماليزيا و شكرا لج حرم الملك

رد: مستشفى رويال حياةالكويت

المستشفي خدماته الفندقيه ممتازه اما كرعايه صحيه اقل من جيد حتى ممرضاته خبرتهم قليله واعرف وحده حاطه في بالها انها تولد في رويال حياه نصحتها طبيبه استشاريه كبيره ومشهوره جدا بالبلد انها ما اتفكر تولد اهناك ونصحتها بمستشفى ثاني وايضا اعرف وحده ثانيه البيبي وايد تعب عليها فنقلوه بالاسعاف من رويال حياه الي مستشفى الصباح

وانا اهنيه ما اقلل من سمعه المستشفى بس هذا الواقع

وان شالله كل ام تولد بالسلامه

:106: حرم الملك :106:

رد: مستشفى رويال حياةالكويت

المستشفى راقي حيييل بس غالي

رد: مستشفى رويال حياةالكويت

يعطيك العافيــــــــــة .. : ..

رد: مستشفى رويال حياةالكويت

الله يسلمج يا مسافرة كويتية... صح احلى شي ان تشوف البيبي طول الوقت... مشكوورة على المشاركة

رد: مستشفى رويال حياةالكويت

تسلمين اختي عالتقرير

رويال معروف بفخامته ومن مدة شهر وحدة والدة فيه وايد حلو والبيبي تشوفه الام واهي بغرفتها من خلال شاشة.

والله يسهل على كل حامل

رد: مستشفى رويال حياةالكويت

يلا الله يسهل عليج و تولدين بالسلامة ان شاءالله , يعني ماراح اتسوين استقبالج بالمستشفى ؟

رد: مستشفى رويال حياةالكويت

و الله حتى انا اشوف المستشفى واايد اسعاره مبالغ فيها .. بس بالنسبة للخدمة و الدكاترة تغيروا قاموا كله اييبون استشاريين و انا انشالله بولد فيه بس باخذ الغرفة الصغيرة لانه دكتوري يولد فيه و سعرها الاساسي 550 د.ك بس مع الرعايه و الزياده ما نطلع الا دافعين على الاقل 700 و هذا حجي مجربين ....

رد: مستشفى رويال حياةالكويت

فعلا مستشفى راااقي جدااا بس أهم شي الفريق الطبي والخدمة!!!!!!

رد: مستشفى رويال حياةالكويت

الاخت شريفة انا سمعت نفس الكلام بس قالوا لي ان هذا اول ما افتحوا بس عقب يقولون يابوا اطبه اطفال استشاريين!! و الحمدلله على سلامة الاهل

رد: مستشفى رويال حياةالكويت

المشاركة الأصلية كتبت بواسطة الصريح777
http://www.arabtravelersforum.com/tr...0/#post1446380



والله أسعار مبالغ فيها جدا . ونصيحة لمن لديها المبلغ المذكور أن تلد في سويسرا أو فرنسا أو بريطانيا


على الأقل بصير مثل الكاكاو اللندني !!!



:109: والله خووش فكره


attractive149 بالعكس ما حسيتهم مبتدئين امدحولي خدمتهم! بس ما اقدر احكم من غير تجربة..ز شكرا للمرور

الاخت دبدوبة مشكووورة على االمعلوات اول مرة ادري عن هالاشياء

شكرا عميد البوابة الكويتية على المشاركة

رد: مستشفى رويال حياةالكويت

والله أسعار مبالغ فيها جدا . ونصيحة لمن لديها المبلغ المذكور أن تلد في سويسرا أو فرنسا أو بريطانيا


على الأقل بصير مثل الكاكاو اللندني !!!

رد: مستشفى رويال حياةالكويت

فعلا المستشفى راقي بس وايد غالي يعني لو اتقارنة بمستشفى دار الشفا الغرفة الامروطورية وولادة طبيعية تطلع الغرفة 1300
المستشفى اسعارة مبالغ فيها والخدمة مو زينة والنيرس مبتدئين يعني تقدر اتقول اذا ما نزلو الاسعار وغيرو الادارة راح يكشون ذبان فاضي المستشفى ما فيه احد حسافة علية
يعطيك العافية على التقرير

رد: مستشفى رويال حياةالكويت

اصغر غرفه في مسشتفى رويال حياة
اسمها ليلي
وليلتها 100 دينار
مع الولادة الطبيعيه توصل 660 دينار ليومين

مسشتفى رويال حياة
متخصص في التجميل
والاطفال
والاسنان
والمسالك البوليه
واهوا قيد التطوير
وفيه جلسات المساج والسبا تايم
والصالون النسائي
والمطعم
وبعض المحلات

رد: مستشفى رويال حياةالكويت

هذا فندق اصلا مو مستشفى


فعلا راقي وغالي والغالي يستاهل الغالي

رد: مستشفى رويال حياةالكويت

حياكم الله و اشكركم على المشاركة, هو وايد حلو و يسوه بس اصغر غرفة بالمستشفى اب 600 و ما تسوه سعرها حييل حييل صغيرة

رد: مستشفى رويال حياةالكويت

ماشاءالله

اصلا شكل المستشفى من الخارج كأنه فندق 5 نجوم

ما تقول عنه مستشفى

وكفتية انه بمنطقة الجابريه

يعني موقع مميز بمنطقة مميزه

ثانكس على الصور العجيبه ..

رد: مستشفى رويال حياةالكويت

مشكور على الصور فلا مستشفى راقي وحلوو وموقع احلى

رد: مستشفى رويال حياةالكويت

يعطيـــك العافيـــه

رد: مستشفى رويال حياةالكويت

يعطيك العافية على الموضوع الحلوو

فعلا المستشفى من احسن المستشفيات بالكويت وشكله راقي جداا
والسعر وايد زيين على خدمات المستشفى

رد: مستشفى رويال حياةالكويت

الله يعيطج العافيه
المستشفى وايد حلو وراقي
ويعطون حق البيبي شهاده فيها صورته واسمه واسم الام والاب والوزن
ووقت الولاده واليوم والتاريخ

رد: مستشفى رويال حياةالكويت

2600 دينار يعني 40 الف ريال سعودي ليومين

رد: مستشفى رويال حياةالكويت

اي والله فندق 5 نجوم و مخصص للولادة !
من مميزاته البيي يكون بنفس دور غرفة امه و امه تقدر تشوفه بتلفزيون غرفتها

رد: مستشفى رويال حياةالكويت

http://www.royalehayat.com/arabic/index.html

رد: مستشفى رويال حياةالكويت

اي والله خوش مستشفى

اعتقد انه بس مخصص للولاده..

رد: مستشفى رويال حياةالكويت

شكرا اخوي فعلا ان هذا المستشفى يعتبر فندق 5 نجوم

مستشفى رويال حياةالكويت

السلام عليكم

مستشفى رويال حياة بالجابرية راقي و جميل , شكله مثل فندق او منتجع صحي ....



https://travel.maktoob.com/photo/sho...p?photo=181301



https://travel.maktoob.com/photo/sho...p?photo=181302



https://travel.maktoob.com/photo/sho...p?photo=181303




https://travel.maktoob.com/photo/sho...p?photo=181304



و هذي الغرفة اسمها لوتس اللي اذكره ان كانت حق الولادة الطبيعية و النومه ليلتين و كل شي اب 2600 د.ك ..... اذا معلوماتي غلط صححوها و اكبر غرفة اسمها Orchid with garden غرفة كبيرة فيها حديقة يوصل سعرها فوق ال 6000 د.ك


و بعد في spa بالمستشفى شكله حلو و ما صورت غير هالغرفة !