الرد على الموضوع

رد: ابي اطلع اخذ لغة نصايحكم ارائكم

أخالفك بشكل كبير إذا كانت لغتك صفر تروح بره خصوصا اذا كنت رايح لحالك
على الأقل عد مرحلة مبتدئ يعني تعرف شوي جُمل و كلمات و قواعد

واذا تبي تطور لغتك ، من تجربة شخصية شوف افلام وبرامج إنجليزية كثير و ( ترجمها بنفسك )

أيضا في كتب شاملة وقوية فيها جمل ومحادثات كاملة عن كثير من الحالات سواء مثلا مطار او وظيفة او مطعم ..الخ

وبالنسبة لترك ثالث ثانوي لا أؤيدك على الإطلاق


أشوف 6 شهور كافية جدا عشان تبدأ مرحلة المتقدمين

رد: ابي اطلع اخذ لغة نصايحكم ارائكم

ريان أنا بإذن الله ادرس موضوعك بيني وبين حالي لأنك أنت جايب العيد ترى!!

وراح أجمع لك بعض عناوين الكتب والسلاسل اللي تقرا فيها ولو في اولها وراح تمشي الأمور معك لو أصير لك مدرس خصوصي


وبالمناسبة حري بالذكرأنك تفكر باللغة في هذا العمر أنت من فئة قليلة من الناس اللي سخروا فكرهم لحياة أفضل

أتعب وانت صغير ترتاح وأنت كبير

بعدين شوف أنا أأيد كلام أخوي الووووووو على مسألة ثالثة ثانوي لأنها مقياس المستقبل والسنة اللي عقبها يقولون فيه تطوير وهيك
إذا كنت أنت ألحين في ثالثة ثانوي معي بنفس السنة الدراسية

عن نفسي ما أرضى أسحب ملفي وأسافر وقبل الإمتحانات النهائية أرجع
لأني كذا بأخرب على نفسي وبأكون طيلة السفرة أفكر بالنسبة لكن ياحبيبي أول ما تخلص الدراسة زي ماقالك خوينا الحبيب ألووووو أطلع نيوزلندا وكثيريين عيال سووها السنة اللي مضت أنا خرجت عقب الإختبارات بـ 10 أيام تقريباً وكان في الطائرة أكثر من 20 طالب ثانوية وأنا بينهم! وكان فينا طلاب الجامعات اللي يبون كورسات كانوا أثنين أو ثلاثة مش متذكر


غير اللي قابلتهم بالمطار والميترو و و و و و وحتى بالمعهد عيال كثير زي كذا!!

رد: ابي اطلع اخذ لغة نصايحكم ارائكم

س/ وشي الدولة اللي تنصحون فيها , و وشّي المعاهد الكويسة فيها ؟
ولله مدري بس يمدحون كل نيوزلندا
س/ كم المدة اللي بتخليني اتقن مبادىء اللغة الانجليزية .. ؟
6 شهور حلوهـ مرهـ ..
س/ لو اكمل دراسة ثالث ثنوي ( الفصل الدراسي الثاني ) بـرآ .. تتوقعون بأفلح ؟ وهل فيها مدارس وبنفس قوة شهادتي بالسعودية؟ وباقدر اوفّق بين وقت المدرسة ووقت المعهد ؟
ما انصحك ابد اول شي انت ثالث ثنوي يعني مايبيلك لعب ثاني شي لغتك شينه كيف تروح بتجيب العيد
س/ انا الحين ماعندي لغة اببببد .. كيف اقدر اعرف مبادىء اللغة في هالفترة قبل لا اطلع ؟
على حسب اذا انت مثلا راعي نت احرص دايم تعود اذنك على الانقليزي ما اقصد اغاني لا اي شي اخبار رح يوتيوب اكتب nEws مثلا ؟ و الافلام وترجم اي كلمه تلقاها وحاول ترددهـآ في اكثر وقتك يعني عود نفسك بالنقلزي على بلاطه
س/ انا افكر اعتذر الفصل الثاني من المدرسة و اطلع لاي دولة .. واجي على وقت الاختبارات النهائية اختبر .. و اختبر تحصيلي وارجع .. تتوقعون تخطيطي كويس ؟

ما انصحك مره مره مرهـ اذا تبي الشور اسمع ..

انت الحين خلص الفصل الاول وركز جب نسبه زينه الفصل الثـآني نفس الكلام ,, اذا بدت العطله اوووووول يوم بعد اخر اختبار لك ادعس نيوزلندا وضبط امورك قبل الاختبـآرـآت طيب .. ادرس 6 شهور وبعدين ابدا قدم على البعثه وزي كذا انا هذا رايي ولا انصحك تروح تدرس ثالث ثنوي وهي فتره يبيلها نسبه وانت ماعندك لغه

ابي اطلع اخذ لغة نصايحكم ارائكم

سلآم عليكم

شباب ابدخل بالموضوع دوغرري ..
انا اطلع لنيوزلندا او اي دولة تنصحون فيها لمدة 6 شهور تقريبا
والغرض طبعآ اني آخذ لغة
طبعا لغتي ضعيييفة جدآ جدآ جدآ .. او صففففرر
وانـآ الحين رآيـح لثالث ثنوي ..
و ان شاء الله اني باكمل درآستي الجامعية برآ اذا ظبطت الامور ..

وعندي كم سؤال .. /
س/ وشي الدولة اللي تنصحون فيها , و وشّي المعاهد الكويسة فيها ؟

س/ كم المدة اللي بتخليني اتقن مبادىء اللغة الانجليزية .. ؟

س/ لو اكمل دراسة ثالث ثنوي ( الفصل الدراسي الثاني ) بـرآ .. تتوقعون بأفلح ؟ وهل فيها مدارس وبنفس قوة شهادتي بالسعودية؟ وباقدر اوفّق بين وقت المدرسة ووقت المعهد ؟

س/ انا الحين ماعندي لغة اببببد .. كيف اقدر اعرف مبادىء اللغة في هالفترة قبل لا اطلع ؟

س/ انا افكر اعتذر الفصل الثاني من المدرسة و اطلع لاي دولة .. واجي على وقت الاختبارات النهائية اختبر .. و اختبر تحصيلي وارجع .. تتوقعون تخطيطي كويس ؟


و هذآ اللي عندي الحين ..

ان شاء الله ان الموضوع في القسم الصّح ..

وآسـف على ازعـآجكم ..

ريـآن