رد: ماليزيا وعشره اسئله اطرحها بين ايديكم واتمنى الاجابه عليها
المشاركة الأصلية كتبت بواسطة DEDOO5001
http://www.arabtravelersforum.com/tr...0/#post8215946
السلام عليكم ورحمه الله وبركاته
وعليكم السلام ورحمة الله وبركاته
جيتكم بكميه هائله من الاسئله عاد تقسموها بينكم هههههه كل واحد ياخذ كم سوال ويجاوبني
ماعليك انا اسدك فيها
بالبدايه السفره بتكون باذن الله 10 ايام كامله بدون ايام السفر ..يعني 12 يوم ويمكن تزيد
10 ايام مره ماتكفي زودها حبتين وخليها 12 يوم غير الذهاب والعوده...
الطيران باقي ما حجزت لكن ع الاكيد انه الخطوط السعوديه باذن الله
اول خطوة والاهم حجز الطيران الدولي ومن بعدها الفنادق والطيران الداخلي
اولا/
حابين ندمج ما بين ماليزيا وسنغافوره ولكن الجزء الاكبر لماليزيا .. بخبرتكم شي حلو او لا
والله فكرة ممتازة وشي حلو راح تضرب عصفورين بحجر
المشاركة الأصلية كتبت بواسطة DEDOO5001
http://www.arabtravelersforum.com/tr...0/#post8215946
سنغافورة قريبه جدا من ماليزيا ساعه طيران فقط
ثانيا /
مسار الرحله بيكون (2سيلانجور -2 لانكاوي - 2كوالالمبور - 3سنغافوره-1 او 2 كوالالمبور)
جدولك مرهق جدا انصحك ما تعتمده لان التنقلات من منطقه الى منطقه في ظرف يومين متعب جدا...
زودها يومين وراح ترتاح وتاخذ وقت اكبر لاكتشاف كل منطقه تزورها
2 سيلانجور... 3 لنكاوي.... 3 سنغافورة... 4 كوالا
ثالثا/
الفنادق حيرتني كثييييير كثيييييير بابدا معكم حبه حبه
1/سيلانجور فندق(sunway Resort) جيد او اغيره..؟
ممتاز جدا جدا اعتمد
2/لانكاوي ( ما حددت الفندق ابيكم تعطوني خيارات رائعه لفنادق ع الشاطيء وتكون الخدمات قريبه منها وتقدم وجبه افطار ممتازه وتكون غرفها جميله ولا مانع لو كانت اكواخ ( نبي نعيش جو الريف صح) وهش رايكم بفندق الدانه والشاطيء اللي فيه ..
الدانا ممتاز لكنه عيبه بيعيد ع المنطقه الحيويه شاطئ سينانج
انا انصحك فندق بلانجي بيتش ممتاز جدا وموقع خووورافي
3/ كوالالمبور (فندق في شارع العرب اليومين الاولى ثم السفر الى سنغافوره ثم العوده والسكن في فندق عند البرجين )
انصحك بالسكن عند البرجين منطقة هادئه وجميله وقريبه من شارع العرب
فندق جراند حياه وتريدرز و الماندارين و امبيانا اجمل فنادق منطقة الرجين
رابعا/ معنا طفله عمرها خمس سنوات ناخذها ولا نخليها تنام عند جدتها حالها حال اخوها الصغير ههههه..؟
صدقني السفر بالاطفال متعه وتواجدهم بينكم راحة
انا سافرت ومعي طفل 8 اشهر ولله الحمد ماتعبنا بالعكس ارتحنا اكثر
خامسا / الاماكن السياحيه في سيلانجور وكوالالمبور ولانكاوي .... انا قريت كثير وابي الافضل منكم وترشيحكم ع الاماكن اللي تستاهل الزياره والتجربه..
ادخل ع التقارير اللي في البوابه وشف كل منطقة صورة وتعليق واختر مايعجبك منها
الناس اذواق واللي يعجبني ممكن مايعجبك والعكس...
سادسا/ الحدائق ما احسها بتستهويني كثير فيكفي في جدول سنغافوره زياره حديقه الحيوان .. هل اذا لم ازر الحدائق سافوت على عائلتي الكثير..؟
الحدائق في سنغافورة جميلة ورائعه ومرتبه اكثر من ماليزيا
حديقة الحيوان وحديقة الطيور في سنغافورة تكفيك..
سابعاً / الحجوزات وهالشغلات بنسويها بنفسنا ولكن التاكسي وما التاكسي والتنقلات في ماليزيا وش بيكون وضعها ..؟ وهل عندكم ارقام سواقين ثقه للمناطق اللي ذكرتها
بخصوص التكاسي نهائيا لاتشيل هم متوفرة بكثرة في ماليزيا عند الفنادق والمجمعات والاماكن السياحية
شعب جدا خدوم وطيب وحاول تتفق مع تاكسي في كل منطقه ويكون معك في جميع تنقلات
ثامنا/مانبي نكثر عفش فالاهم هنا الطقس بيكون حار ورطب كما قرات ولكن للاحتياط هل اخذ معي للطفله ملابس شتويه..؟
طقس ماليزيا استوائي وحار في اغلب اوقات السنة ماعدا بعض الاشهر مثل اكتوبر ونوفمبر وديسمبر
تقل الرطوبه وتكثر الامطار ....ماتحتاجون ملابس شتويه نهائيا الا في مرتفعات جنتنق والكاميرون فقط
تاسعا/ العزبه ناوين ع قهوه وشاي والشغلات الزينه ..( بحكم اننا اتفقنا ع شنطتين فقط بالكثير فاغراض العزبه وين موقعها من الاعراب..؟
انصحك تاخذها معك بشنطة صغيرة
عاشرا/ الفيزا لاهل الرياض عارفين من وين ولكن اهل الشرقيه من وين ... ولا تقولون لي مكاتب لانهم نصابين .. وهل يلزم حضور الاشخاص شخصيا لاخراج الفيزا او لا .. لاننا عائلتين عائله من الشرقيه واحنا من الرياض ...
ماليزيا لاتطلب فيزا من السعوديين...
سنغافورة تطلب فيزا تروح للسفارة وتشوف وش طلبات الفيزا وكم رسومها وتاخذ اسبوع وتطلع
هذا اللي اذكره واذا احتجت شي ثاني اكيد برجع لكم ما تقصرون والله
العرب المسافرون في خدمتك في أي وقت
وشكرا لكم جميعا يا من تواجدتكم في هذا المنتدى لمساعده غيركم اسال الله ان يكتبه في ميزان حسناتكم فلولا الله ثم هذا المنتدى لما سارت رحالتنا على ما نبغي وما نريد شكرا لكم جميعا
لا شكر ع واجب واسال الله ان يتمم عليك سفركم هذا
الله يوفقك اخوك ابوفيصل....