الرد على الموضوع

رد: احتاج لايجار سيارة بدبي بدون الفيزا

هناك مجموعة مكاتب قريبة من دوار السمك وهو كما اعتقد نفس المكان الذي يقصدة الزميل ( مهندس ملي بملي ) الفرق بينها وبين مكاتب المطار قد لايقل عن 50درهم باليوم ولا تشترط الفيزا فقط الجواز او البطاقة المدنية للكويتي لكني نسيت كم كان التأمين ، عالعموم التعامل معهم سهل ولا ادري ان كان الاخوة المشرفين يسمحون بذكر اسم المكتب الذي اتعامل معه

رد: احتاج لايجار سيارة بدبي بدون الفيزا

هل يمكن احصل على مكتب يؤجر من دون بطاقة الفيزا؟ ولا كل المكاتب تشترط الفيزا



لا مو كل المكاتب تشترط فيزا
أنا حجزت من مكتب في الشارقة بدون فيزا ..

رد: احتاج لايجار سيارة بدبي بدون الفيزا

يا اخ المحتاج حتى احنا كل البنوك فيها فيزا الكترون وبعد بالكرت فيه الشبكة الخلجية بس كلها ماظنها بتنفع الفيزا غير عنهم انا بحاول وبشوف وان حصلت كان بها وان ماحصلت بتكون خيرة معنه عندي جهاز الملاحة القارمن بجهازي الموبايل فقلت استغله بالسفرة
بس سمعت بس مو متاكد انه لو عندك حساب عندهم بالامارات يردون فلوس التامين ال1000 بالحساب بعد ما يتاكدون انه ماعليك مخالفات والله أعلم انا بس اسافر الاحد بتاكد وان رجعت انشاءلله بخبركم بس انت متى بتسافر يالمحتاج؟

رد: احتاج لايجار سيارة بدبي بدون الفيزا

أخوي http://www.arabtravelersforum.com/user262120/ الله يعيننا بس اتمنى ان فيزا الكترون تكون مقبولة

رد: احتاج لايجار سيارة بدبي بدون الفيزا

والله احترت شكلها السالفة تطول وعباله روح وتعال وطالب بحقوقك بديرة ماهي ديرتك
ياجماعة اللي يعرف مكتب امين وثقة وجربه يرد التأمين يقولنا وكم يوم ويرجعون الفلوس ؟؟
تكفون ياجماعة الرد أنا الأحد القادم بدبي

رد: احتاج لايجار سيارة بدبي بدون الفيزا

ياغالي تقدر تستأجر مثل ما قالو الاخوان من المكاتب برا المطار تشديدهم أقل ,, لكن ياخذون تأمين 1000 درهم

يرجعونه لك بعد 14 يوم من العودة ,, لكن انا تعاملت مع مكتب للأسف ما كان كويس ماطل وما رجع لي التأمين الا


بعد ما سويت سكان للعقد وارسلته لشرطة دبي وكتبت السالفة بعد إرسالي بكم يوم أتصل علي موظف المكتب يقول لي كم رقم حسابك وحول لي التامين

( شرطة دبي في قلوبنا )

رد: احتاج لايجار سيارة بدبي بدون الفيزا

وماذا عن الفيزا الكترون (الخدمة موجودة في بعض بطاقات الصرافات بالبنوك السعودية) هل تفي بالغرض أم لابد من فيزا وماستركارد
أرجو ممن سبق وجربها يخبرنا
شكرا

رد: احتاج لايجار سيارة بدبي بدون الفيزا

طيب شنو عن أبوظبي ممكن أحصل سيارة إيجارها من 70 إلى 100 درهم

وشنو أسماء هالمحلات

أنا بإذن الله راح أكون في أبوظبي بعد العيد وراح أحتاج لسيارة أجار..ممكن تساعدوني؟

رد: احتاج لايجار سيارة بدبي بدون الفيزا

مشكلة والله الفيزا ... والتأمين مايرجع الا بعد مدة طويلة وبعض الاصدقاء مارجع لهم شي
بس سمعت انه في دخل دبي وقريب من دوار الساعة محلات تأجير سيارات بدون فيزا وتأمين
مثل السعودية ... واليوم من 70 الى 100 درهم

رد: احتاج لايجار سيارة بدبي بدون الفيزا

مشكورين اخواني عالردود والاهتمام عموما تطمنت مايحتاج فيزا لانه اذا بفتح كرت فيزا ماراح يسعفني الوقت شكرا جزيلا واللي يعرف اكثر لايقصر والشباب ماقصروا

رد: احتاج لايجار سيارة بدبي بدون الفيزا

عندك ابن هادي لتاجير السيارات في المطار ياخذ عليك 1000 درهم

رد: احتاج لايجار سيارة بدبي بدون الفيزا

رح للمحلات الي برا المطار... فيه عندك صفة محلات في تقاطع شارع ابو بكر مع المرقبات.. بتجيك اشارة ثلاثية (يعني تقطع من 3 اتجاهات).. انت ادخل على رجولك مع الاتجاه الرابع وبتلقاهم..

رد: احتاج لايجار سيارة بدبي بدون الفيزا

هلا بك اخوي الـتأمين تاخذه بعد عشر ايام انا قالي ممكن اخذه من فرعهم الي بالسعودية ومدري اذا عندهم فرع بالكويت
كان ايجار السيارة 110 درهم باليوم ونوعها هوندا سفيك 2008 اتوماتيك الكيلوات مفتوحة وسالك عليك
وانا في تصفحي في الموقع لقيت بعض الاخوان حاطين اسماء وعلشان كذا اسم المكتب بن هادي لتأجير السيارات
تحياتي لك ورحلة موفقة

رد: احتاج لايجار سيارة بدبي بدون الفيزا

يعطيك ألف عافية أخوي http://www.arabtravelersforum.com/user188068/ والله ماقصرت عالرد السريع جزاك الله ألف
خير لاني فعلا متوهق الأحد الجاي سفرتي مع الأهل
بس اخوي عندي كم سؤال
1-التأمين متى تاخذه منهم عند تسليم السيارة؟
2- كم كان ايجار السيارة باليوم وشنو نوعها ؟ مع العلم احتاج صغيرة لشخصين بس تكون اتوماتك


اخر طلب ياريت اذا بعد اذن الادارة الموقرة أن ترسل رقمهم أو حتى اسم المكتب عالخاص

مشكور يا اخ http://www.arabtravelersforum.com/user188068/ جدا واتمنى من اللي عنده علم يفيدنا
تحياتي للجميع

رد: احتاج لايجار سيارة بدبي بدون الفيزا

اخوي انا اجرت قبل اسبوع وفي البداية الفيزا ما شتغلت وقلتله وش الحل قال خلاص عطنا تأمين 1500 درهم واجر السيارة بس بعدها اشتتغلت معاي الفيزا يعني يأجرون والمشكله اخاف اعطيك اسم مكتب التأجير يكون ممنوع هنا في المنتدى بس على العموم هو في المطار اول ما تطلع تلاقي مكاتب على اليمين وعلى اليسار هو قبل الاخير على اليسار
وتحياتي لك وسفرة سعيدة

احتاج لايجار سيارة بدبي بدون الفيزا

السلام عليكم
احتاج لايجار سيارة صغيرة ل5أيام بدبي
هل يمكن احصل على مكتب يؤجر من دون بطاقة الفيزا؟ ولا كل المكاتب تشترط الفيزا