الرد على الموضوع

رد: مترووو دبي سؤالين بس

المترو راح يكون شغال من تاريخ 9-9-2009

و يوميا من السادسة صباحا لحد الساعة 12 ليلا

شغال خلال الاجازات و الاعياد لانه شغال بالكامل بسائق الكتروني ما ياخذ اجازات ههههههه

و توجد بطاقات خاصة للمترو اسمها "نول" و تختلف اسعارها حسب المقصورة الذهبية او العادية و على حسب عدد الرحلات او تريدها ليوم واحد و عدد الرحلات مفتوح او لاكثر من يوم و عدد الرحلات قد ما تريد تروح لاي محطة و في شخص تساله و تشتريه منه
و تاخذ خريطة منه للمترو
و المحطات تمر بمركز الامارات مول تطلع مباشرة من القطار للمركز
و ابن بطوطة و ديرة سيتي سنتر لازم تنزل من المترو للمركز مسافة بسيطة
و النخلة جميرا بس لازم تنزل من الخط الاحمر عند محطة نخيل و تاخذ تكسي ياخذك و تركب قطار جزيرة النخلة يوصلك لمنتجع اتلانتس
و محطة نخيل تنزلك على شارع الشيخ زايد مقابل الجامعة الامريكية و ملعب دبي للقولف
و شارع الرقة و شارع خالد بن الوليد

و محطة المارينا مقابل مرينا دبي تنزل من المحطة و لازم تاخذ جسر المشاة فوق الشارع و بتكون بالمرينا


و المخلص المفيد :

نصيحة استخدموا المترو للمراكز في البداية و المحطات القريبة للمعالم و ما فيها مشي كثير و تعب و خاصة اذا بتزورون دبي بغير فصل الشتاء اللي هو من شهر 1 لين 3 كل سنة
و خلكم بالتالي:

محطة ابراج الامارات : تصلح لمشاهدة البرجين و التمشي بالمول الصغير تحت و الجلوس بالكوفشوب او غدا او عشا بمطعم فندق ابراج الامارات

محطة خالد بن الوليد : تنزل منه لمركز برجمان و فيه محلات و مطاعم و سينما و اذا تطلع من برجمان و تمشي تلاقي مركز سنتر بوينت و فيه محل ملابس الاطفال و الالعاب و احذية للكبار و الصغار

محطة الرقة : وهاذي حلاتها بمهرجان دبي للتسوق هالشارع فيه عروض و العاب و الحين محلات فقط

محطة السيتي سنتر : و تنزل لمركز ديرة سيتي سنتر و فندقهم ايضا

محطة الراشدية : تقدر منها تزور حديقة الراشدية

محطة مول الامارات : و تزور مول الامارات

محطة ابن بطوطة : لزيارة مركز ابن بطوطة و فيه سينما الاي ماكس الثلاثي الابعاد

و يا مرحبا و سهلا بكم في بلدكم الثانية

رد: مترووو دبي سؤالين بس

راح يكون شغال 24 ساعة ان شاءالله .. ويمر بمجموعة من المولات اهمها

مول الإمارات .. وافتتاحه يوم 9 - 9 قبل عيد الفطر ان شاءالله .. المحطات مبدئيا

9 من أصل 29 محطة على الخط الأحمر ..

رد: مترووو دبي سؤالين بس

يمر على كثير من المولات مثل سيتي سنتر - مول الامارات - ابن بطوطه وغيره

رد: مترووو دبي سؤالين بس

هلا بكـ عزيزي ,,,
بالنسبه للمترو ,, حسب علمي سيتم افتتاحها في الشهر القام سبتمبر وقبل عيد الفطر ,
اما عن محطات المترو .. ومعلومات اضافيه عنه ... فتفضل هذا الرابط راح يفيدك كثير
http://ar.wikipedia.org/wiki/%D9%85%...AF%D8%A8%D9%8A

ايضا هذي صورة تبين خط سير المترو والمحطات ..




بالنسبه للخط الأحمر ,, سيتم افتتاحه في 9 سبتمبر ,,
يعني بعد حوالي 13 يوم من الأن ,
ويتم تشغيله من السادسه صباحا حتى 12 منتصف الليل



تحيــــاتي

مترووو دبي سؤالين بس

السلام عليكم و الشهر عليكم مبارك

ابارك للإمارتين قرب انتهاء مشروعهم العالمي ( المترو )

و عندي كم سؤالين بخصوص المترو و اتمنى القى الإجابة !

- شنهى اهم الاماكن السياحية او المولات التجارية اللي يمر من خلالها المترو .. اقصد يكون نقطة وصول و انطلاق ؟

- و هل بيكون شغال ايام عيد الفطر القاااادم ؟


و الشكر لكم مقدماً