أضف مشاركة إلى الموضوع: محب الخير اين انت ؟؟؟؟؟؟
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: محب الخير اين انت ؟؟؟؟؟؟ اشوف السعر غالي حده 30 الف وكفاية ثاني شئ الشركات العالمية مثل بدجت انا مستأجر سيارة مع السواق كيا جديدة تقريباً 1600 دولار يعنى حول سعر السواق خويكم واشوف انه غالي بس اذا كنتوا بمنطقة واحدة مثل بدمشق اشوف انه غالي مررررررررررررة واذا كنتوا ببتنقلون انا اعرف لى واحد بكسب ثقة وحبوب ومحترم وامين ولا ياخذ اكثر من 3000 ليرة لمشوار نهار على قولتهم وفتلة وتمشى واذا بتطلعون لمكان يوديكم وتواعدنه يجيكم تقريباً 700 ليرة
رد: محب الخير اين انت ؟؟؟؟؟؟
رد: محب الخير اين انت ؟؟؟؟؟؟ حياك يالغالي ولا بيننا لقافة هذا منتدى وكل يدلي برأيه ... إخوي من 2002 وكل سنة أسافر سوريا وبالنسبة للسعر فكان تعاملي مع المكتب بإعتبار أن أول سفرة كانت مهمة رسمية .. وتعاملت مع الشوفيرية اللي بالشارع وحسيت بالفرق ... فرق بين شوفير تكسي مسكرب يسوق ببجامة النوم وشوفير يتبع مكتب سياحي محترم .. السعر بالنسبة لي مو مهم كثر راحتي .. والناس أجناس في ناس مستعدين يتبهدلون ويبهدلون أهلهم علشان الرخص شقة منحطة في منطقة منحطة ما عندهم مشكلة المهم الأرخص شوفير محترم والا مو محترم مومهم المهم الأرخص سيارته سكراب مافيها تكييف مو مهم المهم الأرخص لا مو هذي سياستي صارلي 30 سنة أسافر لاف دول أجنبية وعربية ما أقصر على روحي السياحة مفهومها عندي راحة نفسية بالدرجة الأولى والحمد لله على النعمة . بس حضرتك متى أجرت سيارة مع سايق ب 1000 ؟والا تقصد تكسي ؟
رد: محب الخير اين انت ؟؟؟؟؟؟ اخوي توصيلكم من دمشق الي المطار ب 500 ليره واذا راح تكرمينه مرررره 800 ليره وهذا مرره بزياده اما من المطار الي الفندق بزياده مرره عن طريق المكتب داخل المطار ممكن يوصل الي 1000 ليره بس انا ابي اسئل محب الخير : معليش على اللقافه حقتي بس كم مره سافرت سوريا ومن امتى تسافر لسوريا ؟ انا ماني عارف من فين جايب الاسعار الخرافيه هذه
رد: محب الخير اين انت ؟؟؟؟؟؟ موفقة بإذن الله وإن شاء الله تحصلين من هو أرخص منه .. لكن أنصحج تتفقين مع الفندق على توصيلكم من وإلى المطار وهناك شوفي الشوفيرية وأسعارهم لكن غذا لقيتي سعر أرخص بألف خللج على بو حامد وبتحسين بالفرق سفرة سعيدة وخالية من المتاعب بإذن الله ... حافظكم الله
رد: محب الخير اين انت ؟؟؟؟؟؟ مشكور على ردك .... بس انا قلت اتفق من الحين عشان ما نتبهدل ... بس خلاص شكلي بسوي نفس ماقلت باخذ تكسي من هناك وخلاص ...
رد: محب الخير اين انت ؟؟؟؟؟؟ اخي الكريم مسئله انك تحصل سواق راح تحصل وعلى قفى من يشيل ,,, اما انك تقلي ادفع 7000 ليره في سواق والله لو سايق مرسيدس ماتطلع بهالمبلغ الخيالي . ياخي في لبنان سعر السائق مايوصل هالمبلغ اللي انت جالس تقول عليه في سوريا ... صدقني مليون شوفير بيرضى بأي مبلغ وبلاش من السواقين اللي مسجلين بالمنتدى يتشرطو على الفاضي نصيحتي لك المبلغ مبااااااالغ فيه بزياده واسئل اي شخص بالمنتدى
رد: محب الخير اين انت ؟؟؟؟؟؟ تدري بصلي استخاره مثل ماقلت وبخلي الباقي على الله والله يكتب الي فيه الخير .... لان الحين انا حدي متردده ...بس انا لما كاسرته ماحسيت ان عطاني امل مستحيل ينزل ... وان اتصل على شوفيريه غيره مالي خاطر .....خلاص لما اوصل يصير خير تعبت ... اهم شي انت الله يجزاك خير عطيتنى خطة السفره واهم المناطق الحلوه و اي شوفير بفهمها .....
رد: محب الخير اين انت ؟؟؟؟؟؟ إختي مثل ما قلت لج إتصلي بغيره من الشوفيرية الموجودة تلفوناتهم بالمنتدى الثاني وقارني بارك الله فيج إختي ممكن تحصلين بخمسة آلاف بس سيارته صغيرة وقديمة ويمكن ما يشتغل التكييف وممكن كذلك يقول لج بالتلفون ألفين ولما يخلص مشوار ثاني يوم يقول لكم أبي عشرة والله يا إختي إني جربت غيره وحرمتتوووووووووووبة ثانيا بوحامد موظف بشركة يعني للشركة نصيبها من اليومية والشركة من اكبر وأشهر الشركات السياحية في سوريا وهو يتحمل مصاريف السكن بالفندق خارج دمشق.. لا يضيق خلقج ولا تكدرين حالج إنتوا مجموعة حريم تحتاجون ريال أمين ويخاف الله وخلوق يعاملكم مثل خواته ممكن تحصلين أرخص لكن ما تضمنين أخلاقه وراح تتعبين نفسيا وتعيشين بقلق وخصوصا في المناطق البعيدة كلام الأخ والسعر اللي قال عنه صحيح لكن من زمااااااااان ... من ثلاث سنوات والأسعار ناااااار غلاء المعيشة وارتفاع اسعار الوقود رفعت سعر كل شي وهالسنة الصيف شهر واحد والكل رافع سعره حتى الشقق ثالثا إذا كنتوا أكثر من 5 حريم تحتاجون سيارتين يعني لو فرضنا حصلتوا السيارة الصغيرة بألفين ونص راح تدفعون خمسة آلاف وبالمقابل راح تخترب وناستكم لعدة إعتبارات الفلوس فلوسج ولج القرار الأخير والشي اللي يضحك إن الأسعار في لبنان أضعاف والمعاملة فيها استغلال لكن هناك يتقبل الخليجيين ويستحون يكاسرون اما في سوريا فالأمر يختلف ليش ؟ ما ادري !!... تبين ترتاحين وتستانسين خللج على أبو حامد .. وحاولي تكاسرينه قدر المستطاع إذا كانت عندج مشكلة في الميزانية.. صلي صلاة الإستخارة والله يكتب لكم اللي فيه الخير
رد: محب الخير اين انت ؟؟؟؟؟؟ والله مادري انا تشككت الحين ......يعني شلون ؟؟؟؟ والحل ؟؟؟؟ترى انا ما اعرف اسعار سوريا ؟؟؟؟يعني الشي هذا بالنسبه لهم كثير ولا شوي ؟؟؟؟؟ يعني لو كلام الاخ الي قال ان 1000 وبحبحوحه احس ابو حامد خذ مو الدبل الدبلات .....انا ما اقول ان نصاب او حرامي لان هذا باب رزقه ولي يبيه ياخذه ولي ما يبيه لا ياخذه ....هو كيفه .... بس الحين ابي اعرف اي او لا؟؟؟ او ان اروح سوريا اول يوم واشوف اسعارهم بعدين ااكد عليه ؟؟؟؟ او انه خلاص اخذ سياره من الفنادق الي بنقعد فيها وخلاص ؟؟؟؟؟؟؟ترى انا تنكدت الحين تدري بحط الموضوع بالمنتدى واشوف اراء الناس .....
رد: محب الخير اين انت ؟؟؟؟؟؟ إختي في نفس المنتدى اللي فيه رقم الشوفير بو حامد أرقام عدد من الشوفيرية ما في ما يمنع من الإتصال والمقارنة بالأسعار لكن مسألة إنج تحصلين واحد إذا بحبحتيه ياخذ ألف تحتاجين تردين الزمن عشر سنوات ورا وتأكدي من سعر استئجار سيارة 8 ركاب موديل 2010 مع السايق وبدون السايق علشان تعرفين الأسعار اشلون ارتفعت بسوريا وخاصة بهالصيف .. ومن وجهة نظري شخصيا أدفع زيادة وأشتري راحتي ولا أدور الأرخص وسيارة سكراب ونفسية زفت ولا يدل شي وهذا اللي حصل معاي يوم حبيت أجرب الأرخص الرجال محترم وخلوق ويخاف الله واتهامه بالنصب والحرمنه حراااام ولكل إنسان وجهة نظره
رد: محب الخير اين انت ؟؟؟؟؟؟ معليش على المداخله !!! سعره 6000 الاف ليره باليوم و7000 الاف ليره خارج دمشق وسعره تمام ؟؟ يعني 70000 الف عشره اياام ؟؟؟ معليش على الكلمه هذه بس هذا حرامي مرره , ونصب عليكم بزياده ,,, احنا كنا نستأجر واحد لو مرره بحبحناه عطيناه الف ليره باليوم ويتحمد ربه وجهه وقفى .. اتمنى انك ماتستعجلي بالموضوع ترى المبلغ خيالي مررررررررررررره واسئلي بالمنتدى اكثر والله اشحن سيارتي اوفر لي مليون مره
رد: محب الخير اين انت ؟؟؟؟؟؟ الحمد لله إن السعر عجبكم ومثل ما قال لكم عقب ما تخلصون راح تحسون إنكم ما خسرتوا وإن الريال يستاهل والله يا إختي إني مستانس لكم جنكم من الأهل ... راح يكون تحت تصرفكم من الصبح إلى الليل بالنسبة للمطاعم عادة آنا أخلي وجبته على حسابي لأنه يستاهل وهو ما يطلب أكثر من حاجته ... السعر ممتاز إذا قستيه بتأجير سيارة من غير سايق وإذا توزع على المجموعة بيكون مقبول ... والله يا إختي راح تذكرين كلامي من تشوفين الريال وابتسامته الله يسهل عليكم سفرتكم وإن شاء الله تستانسون وتستمتعون بالمأكولات الطيبة ( لا تخافين ما راح أحسدكم .. عليكم بألف عافية ) وإن شاء الله يكون بو حامد عند حسن الظن فيه وإذا قصر دقي علي من تلفونه وآنا أأدبه إختي لا تنسين تدعين حق المسلمين في كل بقاع العالم بحفظ الله ورعايته إخوج بو عبد الله
رد: محب الخير اين انت ؟؟؟؟؟؟ دقيت عليه وكلمته و اول ما كلمته ....قلت اي وقعد يرحب ويمدح وستاانس . (يالله يعم من قدك ).... المهم يقعد يشرحلي عن سيارته حسسني انها بنتلي كونتنتل (قلت ياحبيبي كم بياخذ على المواصفات هذي)...قال اخذ 6000على اليوم في دمشق وخارجها 7000على اليوم( اهني رجعتلي الروح استانست ) ..قلت له عشر ايام كم تاخذ قال بحدود 70,00 الف ( والله تمام )قلت مافي دسكاوند قال والله عطيتك السعر منيح واسالي ابو عبدالله وكانت عندي سياره قديمه مو جديده واعطي نفس السعر .وقال لما تشوفي وين اوديكم واجيبكم راح تنبسطو وتألوا السعر شوي .... قلت خلاص بنكون على اتصال لما اوصل قال اهلا وسهلا ....وانتهت المكالمه .... في النهايه طلع سعره تمام ولله الحمد ..... انا نويت ادعي لهل الكويت كلهم مو بس فريجكم ....بس خلاص عاد ...
رد: محب الخير اين انت ؟؟؟؟؟؟ إختي بالنسبة للسعر ما أقدر أحدد لج لكني متأكد إنه ما راح ياخذ منكم أكثر من غيركم وفي عدة إعتبارات أول شي إنها سيارة جديدة وكبيرة وثاني شي هو الأهم إنه بشوش وخدوم وصدره وسيع صدقيني آنا جربت غيره وحرمت ولما يعرف إنج من طرفي ما راح يقصر معاكم وبعدين لما تكون جولاتكم داخل دمشق سعر وخارج دمشق سعر ثاني بس آآنا واثق إنه ما راح يزود عليكم السعر وبإذن الله بتصل عليه باجر وأأكد عليه.. نصيحة أخوية خلوه معاكم خلال فترة سفركم ولا تجربون غيره وتندمون وآنا متأكد إنكم أول ما تشوفونه بترتاحون له وتراه خدووووووم وبيكون تحت تصرفكم والسكن عليه إذا طلعتوا برا دمشق وبإذن الله راح تنبسطون برفقته ولكم الدعااااء بظهر الغيب ولا تنسين تدعين حق عيال فريجنا ههههههههه
رد: محب الخير اين انت ؟؟؟؟؟؟ تذكرت شي مهم ...... هو المفروض يطلب بحدود كم يعني ماكسمم كم يطلب ....او كم يستاهل لو خذناه 10 ايام .... ولا ناخذه في مناطق معينه بس ؟؟؟؟ لان انت تدري لما يعرفون ان انت من بره... في اي دول يغلون عليك الدبل ...
رد: محب الخير اين انت ؟؟؟؟؟؟ [color="blue"]إختي أول شي سامحيني على الخطأ غير المقصود لأني كتبت الرقم ناقص 4 بعد الأربعتين عموما عدلت الرقم بنفس المنتدى وكلمته ووصيته عليج ومن حظج الحلو
رد: محب الخير اين انت ؟؟؟؟؟؟ حياج الله إختي ألحين بدز له إيميل وبإذن الله راح أتواصل معاج ولا تحاتين في شوفير ثاني لا يقل عنه خلق بس عطيني فرصة اليوم
محب الخير اين انت ؟؟؟؟؟؟ :0oz5j:مسااااااااااء الخير محب الخير انا الي عطيتني رقم الشوفير ابو حامد .......بس لما اتصلت عليه عشان اتفق معاه قبل السفر ..... طلع ان الرقم لم يوضع بالخدمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :48gbh: عندك رقم ثاني ....او شوفير ثاني ...
محب الخير اين انت ؟؟؟؟؟؟
قوانين المنتدى
