الرد على الموضوع

رد: بنسافر البحرين واحتاجكم

سلام انشالله توصلون بالسلامه اختي يتروى لي الجوازات مهمه لنه في اغلب الاحيان تصير عرقله كل شوي قرار يطلع
السيارة لازم تفويض من الوالد اما عن طريق المروور او المحكمه او يقدر يدخل هو وحضه لنه انا بحريني وسيارتي سعودية
وباسم الوالد احينن يرجعوني بسبب التخويل بس ارد ثاني مرة وابدل الكبينه بالنسبه حق الفنادق اذا نهاية الاسبوع مستحيل تلاقي
بهالاسعار لنها نار اذا تبي تحجزين ماللك الا البوكنغ علشان لاتفرق الاسعار يعني يقولن لك بسبعين ويوم توصلين يقولون بمية دينار
في فنادق رخيصه واسعارها معقولة حق العوائل مثل فندق اطلس بجنب بناية الكويتي عمر الخيام ورى شارع المعارض
فندق النوفتيل واليت سبا على جسر المحرق فندق ماريوت الجفير شقق الجفير فالجفير الفنادق الي بجهت السيف مول غالية
مقارنه بهالفنادق العائليه ويتروى لي فندق اطلس كسمعه والنوفتيل الافضل حق عوائل وشكرا

رد: بنسافر البحرين واحتاجكم

المشاركة الأصلية كتبت بواسطة super girl
http://www.arabtravelersforum.com/tr...2/#post7584388

السلام عليكم ...
وعليكم السلام ورحمة الله وبركاته

احنا ان شاء الله مسافرين البحرين مع اخوي بالسيارة بس ابي اسألكم شوية اسألة :
سفرة سعيدة وتروحون وتردون بالسلامة

1- عند العبور من الجسر ايش نحتاج بالضبط غير الجوازات وبطاقة العائلة ( الاثباتات ) ؟
تحتاجون جوازات أو الهوية الوطنية الجديدة طبعاً لعمر فوق 21 سنة ، بطاقة العائلة لا تقبل للعبور

2- السيارة باسم ابوي والي بيودينا اخوي هل يحتاجون ورقة معينة بخصوص السيارة ؟؟
لا بد من تصريح لأخوك من الوالد . ومن ثم تدفعو تامين 20 ريال عالسيارة للدخول

3- نبغى نسكن بفندق يكون تحته مول وسينما ومطاعم ايش ترشيحاتكم علما بان الميزانية لليوم الواحد 500 الى 700 ؟
أفضل منطقة للسكن ضاحية السيف بالقرب من السيف مول وسيتي سنتر ، هناك أجنحة السيف الفندقية قد تجدونها في حدود السعر المعروض
ولكن لا أعلم كم عدد المسافرين لكي نفيدك بشكل اكبر .

وشكرا

عفواً .. تروحون وتردون بسلامة

رد: بنسافر البحرين واحتاجكم

حسب علمي اثبات سكن ( حجز فندق)
اما بخصوص السيارة يجب على أب بتصريخ موافقة لابن ان يسوق سيارته تجب تصريح من بلدية في مدينتك
وتاخذ نصريح معك
رحلة ممتعة انشاء الله

بنسافر البحرين واحتاجكم

السلام عليكم ...

احنا ان شاء الله مسافرين البحرين مع اخوي بالسيارة بس ابي اسألكم شوية اسألة :

1- عند العبور من الجسر ايش نحتاج بالضبط غير الجوازات وبطاقة العائلة ( الاثباتات ) ؟

2- السيارة باسم ابوي والي بيودينا اخوي هل يحتاجون ورقة معينة بخصوص السيارة ؟؟

3- نبغى نسكن بفندق يكون تحته مول وسينما ومطاعم ايش ترشيحاتكم علما بان الميزانية لليوم الواحد 500 الى 700 ؟

وشكرا