الرد على الموضوع

رد: الفزعة يا اهل الكويت

والله يا اخوووووووووووووانوأخوااااااااااااااااااااات خجلتوني بالتجاوب والشرح المفصل
تشكراتي لكم ورايح السالميه ان قالها الله
شجعتوني اروح بلد العز الكويت

رد: الفزعة يا اهل الكويت

اضيف الي كلام اخواني بأختصار عندك من المركز العلمي الي الابراج علي طول شارع الخليج العربي يوجد اشهر المطاعم اني بغيت اللبنانيه او الامريكيه او الايطاليه او المطاعم الفرنسيه الشهيره وبصراحه اكلها جدا لذيذ ونظيف وجلساتها لوحدها وديكوراتها متعه وحاظرين بالخدمه بس اشر

رد: الفزعة يا اهل الكويت

المشاركة الأصلية كتبت بواسطة عالم من الخيال
http://www.arabtravelersforum.com/tr...0/#post2230637

بعد المغرب على طوووول روح الافينوز والله



الافينيوز يفضل انك تروحه قبل المغرب يكون هادي
و هو مجمع رووووووعة لازم تمر عليه

رد: الفزعة يا اهل الكويت

ماشالله عليييييييييك...عالم من الخياااااااال صرت من أهل الديره

رد: الفزعة يا اهل الكويت

من كلمة ميح شكلك سعودي ويا هلا بيك

سجل عندك

دايما السعوديين يكون وصولهم للكويت من الساعه 10 وطالع ما ادري وش السر

المهم

لنفرض انك بتوصل الساعه 10 على طول دور لك على سكن يناسبك ويكون بالسالميه
انصحك بريتز السالميه سعره مناسب ومكانه مناسب يعني مع الفطور والنت والخدمه الغرفه بــ 34 دينار

المهم نبدأ الجدول
تطلع من الساعه 2 الظهر عشان تستغل الوقت
على طول المركز العلمي تدخل الاكواريوم وبعدها سينما 3d بعدها تطلع شوي على البحر المكان حلو هناك نقول انك خلصت الساعه 4ونص على طول تروح مطعم ميس الغانم وتاخذ ذاك الغدا اللي يحبه قلبك والمكان الرايق والحلو
بعدها قبل المغرب سييييييييده على الابراج بهالوقت يكون حلو برج المشاهده بالابراج وتتقهوى هناك
بعد المغرب على طوووول روح الافينوز والله ما عمري دخلت مجمع بكبر هالمجمع ولا حتى بدبي وتابع اخر الليل سينما وتعشى بالمجمع ورد شقتك (( ون كنت حام مطعم متكتك ورومانس لا تفوت برج الحمام بالليل ))

=================
اليوم الثاني
اطلع الساعه 2 وطوالي على مطعم فريج صويلح مطعم كويتي عدل مدل
بعده روح للمتحف مكان يستحق الزياره صراحه يبيله ساعه ونص تقريبا
بعده تطلع وتروح سوق شرق إلى بعد المغرب
بعده على طوووووووووول للمارينا مول وبالليل بعد التسوق
رووح للمارينا كريسنت بنفس المجمع مطاعم ومقاهي على كيف كيف كيفك ومرسى يخوت رايق
تعشى هناك
وتوكل عل الله
==============================

حياك اخوي

تحياااااااااااااااتي ودعواتك لي

رد: الفزعة يا اهل الكويت

المشاركة الأصلية كتبت بواسطة deer14
http://www.arabtravelersforum.com/tr...0/#post2226802

أخواني أخواتي
السلام عليكم ورحمة الله وبركاته

ابي الفزعة الله يرحم والديكم
:110:مخطط أسافر الى الكويت بس ما أدل أي شي _ميح_
السفرة مخطط لها يومين بس وين أروح

يا شباب وين أحسن الاماكن لي ولعائلتي:24:
علما أني أحب الاسماك:24: والمنتزهات:24: والمطاعم:24: اللى مو وايد غالية

من وين ادخل:108: وين اروح
:108:
يهني الله لا يهينكم جدول سياحي وايد صغير ومختصر

المجمعات ملاينه بها الدير والحمدالله
الافنيوز والمرينا مول
ومجمع المنشر على راس المجمعات الضخمه بالكويت
من ناحيه الاسماك المطاعم كثيره واحلالها من ناحيه الطبخ الكويتي الاصيل
مطعم فريج صويلح على مقربه من المرينا مول
المتنزهات
ممكن الذهاب الى حديقه الشعب والمدينه الترفيهيه
الاسعار معقوله بشكل عام

رد: الفزعة يا اهل الكويت

تاريخ السفر
وقت الوصول
السكن وين
عدد ايام السفره
عطني المعلومات وابشر بسعدك

ما هي افضل اماكن للتنزة في الكويت

أخواني أخواتي
السلام عليكم ورحمة الله وبركاته

ابي الفزعة الله يرحم والديكم
:110:مخطط أسافر الى الكويت بس ما أدل أي شي _ميح_
السفرة مخطط لها يومين بس وين أروح

يا شباب وين أحسن الاماكن لي ولعائلتي:24:
علما أني أحب الاسماك:24: والمنتزهات:24: والمطاعم:24: اللى مو وايد غالية

من وين ادخل:108: وين اروح
:108:
يهني الله لا يهينكم جدول سياحي وايد صغير ومختصر