الرد على الموضوع

رد: مطعم روما و العشاء البديل

بالهنا و الشفا

بس اذا المدام معاك انصحك تروح للغدا

رد: مطعم روما و العشاء البديل

:24:
يعطيك العافية اخي العزيز .... ودنا ندلع المدام شوي :101:

رد: مطعم روما و العشاء البديل

ابو احمد ثلاث وحدات .... لا تلومني والله كان عشاء احلى من التتصور ... بس بالشتاء .. لكن بالصيف مصيبه :109:

osama80... تبي خبر ....:101: عندي بالبيت الخبزه بريال :109:

الله يسلمك مطعم روما غير... مكانه كما يلي.

لو انك واقف عند اشارة فندق الخليج. الفندق على يمينك و الجفير على اليسار. امش سيده لين توصل الاشاره الثانيه. لف على اليمين و روح سيده لين توصل الاشاره.لف يسار وامش شوي لين الدوار الصغير. روح سبده و بتشوف لوحة المطعم على اليمين.

هذي بعض الصور اتمنى تفيدك...







بس ملاحظه في فترة الظهر افضل

رد: مطعم روما و العشاء البديل

ابو احمد ثلاث وحدات .... لا تلومني والله كان عشاء احلى من التتصور ... بس بالشتاء .. لكن بالصيف مصيبه :109:

osama80... تبي خبر ....:101: عندي بالبيت الخبزه بريال :109:

الله يسلمك مطعم روما غير... مكانه كما يلي.

لو انك واقف عند اشارة فندق الخليج. الفندق على يمينك و الجفير على اليسار. امش سيده لين توصل الاشاره الثانيه. لف على اليمين و روح سيده لين توصل الاشاره.لف يسار وامش شوي لين الدوار الصغير. روح سبده و بتشوف لوحة المطعم على اليمين.

هذي بعض الصور اتمنى تفيدك...







بس ملاحظه في فترة الظهر افضل

رد: مطعم روما و العشاء البديل

شهيتني على خبر البحرين .... مطعم روما ياليت تعطيني معلومات اكثر عنه؟ هو نفسه اروما الي بالسيف؟

رد: مطعم روما و العشاء البديل

الحمد لله على السلامة

والنوم على الخفيف زين ويمدحونه

خيرها بغيرها

رد: مطعم روما و العشاء البديل

بالعافيه حبيبي وياحلو التوفير

رد: مطعم روما و العشاء البديل

بحرينيه و افتخر ... بيني وبينك الدهن طااااافح . بس الجباتي حلوه. :109:

y3gop2005 بيني وبينك فيها شوي اسراف:109: لكن لو فكرت انا كنت بروح روما ...يعني اقل شي بدفع 250 ريال.

لكن الحمدلله انها جت كذا:109:

لاني الاربعاء والخميس والجمعه بكون في البحرين....... يعني كل ليله لازم شي.

رد: مطعم روما و العشاء البديل

بصراحه ياخي هذا اسراف وتبذير كثير 9 ونص ريال انا العاده اكل واعزم شخص وياي ب 4 ريال 2 فلافل بطاط و2 بيبسي اسراف 9ونص ريال حرام عليك طالب 4 حليب فراوله واحد يكفي

رد: مطعم روما و العشاء البديل

لو ما الشاي انسدحتون
من المعدة هههههه
اهم شي سديتو جوعكم
مرة ثانية كشخها وعوضها المدام

مطعم روما و العشاء البديل

السلام عليكم....

طبعا كل من شاف العنوان يحسب اني تعشيت في روما :1076: :222: و زعلوني و عطوني عشاء ثاني:101: .. حامض على بوزي "براطمي" "شفايفي" المهم تفهمونها :109:

امس بعد ما وصلت الدمام بعد الدوام... الساعه 4:30 عصرا. بدلت و لبست ثوبي و شماغي :m9: و المغرب طلعنا من البيت انا و مدامتي :mf_leia: .

الحمد لله الجسر ما كان مزحوم و وصلت الرفاع على الساعه 6:15. المهم رحنا نسلم على الاهل و بعد صلاة العشا رحنا الرفاع موووووووووول. عشان ندور اثاث لغرفة الاميره الصغيره :212: :kashkhah: اللي جايه قريب :11ight: ما عجبني شي :110: ... بعدها مريت بيت ثاني للسلام .... و بعدها طلعت و رحت الحد.

الزبده اني من قبل لا امشي من السعوديه مخطط اني بفاجئ المدام بالعشاء :36_3_14: :36_3_2: . لانها ودها تروح روما.

فا بعد السلام على جدي و جدتي و خوالي و و و و و و و و و . زي العاده تمشيت بين دواعيس الحد و رحت الخباز... " ابوي ينبسط على خبز البحرين... لا البيت كله"

المهم بعد الخباز اللي في الداعوس:101: و يوم ركبت السياره انصدمت ان الساعه 10 ليلا :110: :36_1_5: :36_1_44: و اختربت كل الخطه....

تدرون ليش ... لان روما يبيعون شراب ولا ابي اخذ هلي هناك في وقت متاخر.. تفادي للمسخره.

بعدها فكرت بخطه بديله :7: :36_7_4:

الزبده هنا,,,,, الخطه البديله. :101:

مشيت بالسياره شوي و وقفت و طقيت هرن "بوري" بيب بيب
جاني الهندي يركض ويمسح يده في ثيابه. :109: و قلتله:
مدير جيب واحد روبيه جباتي احمر (4 خبزات) .... روبيه يعني 100 فلس :109: :8888:
ثنين روبيه كفته "على بطاطس" (16 حبه)
واحد روبيه سمبوسه خضار (4 حبات)
:24:
نزلت و رحت البقاله و خذت 4 حليب فراوله.

صار المجموع 800 فلس....

الحرمه طار مخها :36_9_1: لوووووووووووول
مبسوووووطه على العشاء شكله كان عندها احلى من اكبر روما :109:

مشيت و احنا ناكل:36_1_35: في السياره و عن طريق الجسر الجديد و كل واحد ساكت لان يده في حلجه "فمه" :101: و يوم وقفت عند اشارة ام الحصم .... سمعت صوت :114: :36_1_3:
اثرها زوجتي تقول هذا يبيله شاي حليب :109: :36_1_21: :36_1_21: :36_1_20: :36_11_6: :36_11_6:

وبدال لا ادخل ام الحصم عشان نتعشى في روما دخلت ولقيت مطعم اسمه العندليب... (حق بابو) (هنود)

فتحت الباب ودخلت... شوي ولا كل اللي في المطعم سكتوا و يطالعون فيني :114: :36_1_3:
حتى العمال محد سألني شو ابي.....:114:

اخيرا اكتشفت اني كاااااشخ و المطعم رايح في عين امها :109: :8888: و مفكريني مضيع ..هههههههههه

المهم خذيت كوبين شاي حليب بـ 150 فلس و طلعت

و صار مجموع المبلغ المدفوع للوجبه كلها 9 ريال و نص ....:24: :11ight:

لا و كنا بطرانين ماخذين 4 حليب فراوله ما شربنا الا واحد. :101:

و كملنا الطريق ورجعنا الدمام وحنا مدوخين نبي النوم بعد العشاء الدسم


و سلامتكم