أضف مشاركة إلى الموضوع: ممكن خدمه اسأل عن احسن طريق من الرياض الى الكويت الحبيبية؟
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: ممكن خدمه اسأل عن احسن طريق من الرياض الى الكويت الحبيبية؟ الطرق الي قالها الاخ الكريم كلها ممتازة بس بيني وبينك احسن طريق وتوه جديد هو طريق الرياض رماح شوية الرفيعة قرية العليا من هناك عاد سهلة للكويت اما عن طريق الخفجي او الحفر شف من الرياض للرماح معروف ومن رماح للشوية يبي لك تطلع من رماح باتجاه الشمال لمنطقة اسمها شوية بعدها في خط اسفلت جديد لقلب الصمان الرفيعة ثم إلى قرية العليا وهذا في رائيي اسرع طريق من الرياض لرماح 110 كيلو تقريباً ومن رماح لشوية 90كيلو تقريباً ومن شوية للرفيعة 160 تقريباً ومن الرفيعة لقرية العليا 170 تقريباً ومن هناك لك حرية الاختيار احد المنفذين مع اني انصحك عن طريق الخفجي
رد: ممكن خدمه اسأل عن احسن طريق من الرياض الى الكويت الحبيبية؟
رد: ممكن خدمه اسأل عن احسن طريق من الرياض الى الكويت الحبيبية؟ حياك الله بالطائرة بالباخرة بالسيارة كل الطرق تودي الى روما بس نبي منك رسالة خاصة حتى نستطيع ان نقوم بالواجب انتو عزيزين علينا يا أهل السعودية مو تسوى مثل الاخ بو عبد اللطيف والاخ سينباار وياهلا وغلا ...... وعساك على القوه يالسائح الهروي لا خلا ولا عدم
رد: ممكن خدمه اسأل عن احسن طريق من الرياض الى الكويت الحبيبية؟ ما فيه أفضل من الطياره وتروح وترد بالسلامه ان شاء الله
رد: ممكن خدمه اسأل عن احسن طريق من الرياض الى الكويت الحبيبية؟ بعد طول تفكير قرر اخوكم اموت بالسفر ورفاقه بأن تكون الرحلة عن طريق الطائرة وبالفعل انتهينا من قص التذاكر على الخطوط السعوية وشكرا
رد: ممكن خدمه اسأل عن احسن طريق من الرياض الى الكويت الحبيبية؟ أموت بالسفر رحله موفقه بإذن الله والسائح الهروي ما قصر عطاك التفاصيل و المميزات والنصحيه الزينه بيض الله وجهه وما قصر وانا جربت كل الطرق الثلاثه وهي مطابقه لما ذكره الأخ السائح الهروي وتوكل على الله مع الخفجي بس أنتبه من السرعه وترى الطريق فيه رادارات
رد: ممكن خدمه اسأل عن احسن طريق من الرياض الى الكويت الحبيبية؟ حبيبي والله ومعذور يالغالي وحياك الله بديرتك وياهلا ومرحبا ونتمنى لك رحله سعيده بس ترانا ننطر التقرير بعد رجعتك بالسلامه انشاء الله
رد: ممكن خدمه اسأل عن احسن طريق من الرياض الى الكويت الحبيبية؟ هلا والله اخوي كويت تو والله ان وجهي حمر يوم قريت ( بس لنا عليك عتب ) والله اني غلطان وقليل ادب .. انا بصراحه انهيت اجرائتي على اني اروح للمعرض لكن قدر الله وماشاء فعل ... صادف المعرض مؤتمر لازم نحضره في دولة اخرى فلحمد لله على كل حال ولو اني تمنيت اني كنت عندكم لكن يالله المرات القادمه كثيرة انشاء الله لكن تراني عندكم انشاء الله الاسبوع الجاي من 7-10 فبراير عندنا ملتقى المستثمرون في فندق جي دبليو ماريوت ... وكلش ولا زعل الكويتيين علينا ...
رد: ممكن خدمه اسأل عن احسن طريق من الرياض الى الكويت الحبيبية؟ حياك بالكويت بس لنا عليك عتب ماكتبت تقرير عن رحلتك للكويت ورأيك عن معرض الكتاب
رد: ممكن خدمه اسأل عن احسن طريق من الرياض الى الكويت الحبيبية؟ السائح الهروي قل امين بيض الله وجهك وكثر الله من امثالك والله يسمع منك ياليت عندي مره وعيال انا بعدي طالب في الجامعة وأبسافر انا وواحد معاي ... لكن اسمع كثير يروحون عن طريق المجمعة من الرياض ,,,,
رد: ممكن خدمه اسأل عن احسن طريق من الرياض الى الكويت الحبيبية؟ [align=center]الأخ الكريم اموت بالسفر سلمه الله حياك الله و بياك في بلدك الثاني و الكويت هذي الأيام ما شاء الله منورة بضيوفها الحلوين من إخواننا المسلمين من كل البلدان جايين ما شاء الله ... أخي الحبيب بخصوص سؤالك : أولا: إذا كنت جاي مع أهلك و أولادك فما لك إلا طريق واحد و هو إنك تطلع من الرياض على الدمام و من الدمام تمسك خط أبو حدرية على الخفجي على الكويت مباشرة ... و هذا الخط نظيف و آمن و يتكون من ثلاث حارات رايح و ثلاثة جاي ( على الأقل أغلب الطريق ) و فيه خدمات طيبة و ممتازة ... و هذا قد يستغرق معاك 7 ساعات و نصف إذا كنت تسير بسرعة 130 كم و بدون توقف ... ثانيا: و أما إذا كنت لوحدك أو معاك شباب فبالإضافة إلى الخيار الأول فهناك خيارين آخرين ... أ- تطلع من الرياض باتجاه الدمام و بعد تقريبا 270 كيلو سيأتيك مفرق على النعيرية تأخذ هذه الوصلة و بعد مسيرة 200 كيلو تقريبا ستجد نفسك في الخط المتجه إلى الكويت و بدون أن تمر على الدمام و هذا يختصر لك المسافة 100 كيلو تقريبا و لكن الطريق تعبان شوي و فيه طلعات و نزلات و الله يعينك بس عادي أنا إذا كنت مع شباب ما أروح إلا عليه و الحمدلله ماكو إلا العافية ... و هذا قد يستغرق معاك 6 ساعات و نصف و بسرعة 130كم و بدون توقف ... و هذا الخط و اللي قبله يدخلونك الكويت من منفذ النويصيب و هو مدخل جميل أحسن من المدخل الثاني و هو مدخل السالمي لكن اللي جاي مثلا من القصيم أو سدير أو حايل ماله إلا مدخل السالمي لأنه الأقرب له.... ب- و فيه طريق ثاني أيضا إذا كنتوا شباب إنك تطلع من الرياض على طريق القصيم و إذا وصلت المجمعة تسلك الطريق المتجة إلى الأرطاوية ثم أم الجماجم وصولا إلى حفر الباطن و منها إلى الرقعي فالحدود الكويتية السالمي ... و الوقت قد يستغرق معك من هذا الطريق سبع ساعات تقريبا ... و أنا بكل حال أنصحك بالأول فهو واضح و سهل و ما عليه خلاف إن شاء الله ... و سلامتك و دير بالك على نفسك و اللي وياك ...[/align]
ممكن خدمه اسأل عن احسن طريق من الرياض الى الكويت الحبيبية؟ هلا والله وغلا كيفك وش اخبارك انشاء الله تكون مبسوط يارب ... ابسألك اخوي عن احسن طريق من الرياض الى الكويت انا مسافر انشاء الله الاسبوع الجاي ، وكم كيلو وكم ياخذ من ساعة ومشكورر ...
ممكن خدمه اسأل عن احسن طريق من الرياض الى الكويت الحبيبية؟
قوانين المنتدى
