الرد على الموضوع

رد: دار راسي وانا أحاول اسوي برنامج يا ليت تساعدوني

بخصوص اماكن في كوالالمبور

عندك حدايق عامة وحلوهـ
حديقة تيتيوانغسا
والحديقة الثانية ليك جاردن


وفيه حدائق مدري ماعجبتني بس يمكن اذا فيه معاك اطفال اتوقع تعجبهم
حديقة الفراشات وحديقة الطيور جنب بعض
وعندك حديقة الحيوان zoo negara تبعد عن كوالا تقريبا 20 دقيقة او اكثر شوي


مولات فيه كثيررر بشارع بوكيت بنتانج (شارع العرب)
افضلها
بافليون
وعندك مول فيه عشر ادوار (اسمه: برجايا تايم سكوير) وفيه ملاهي داخليه كبيرة
وفيه كثيرر




اماكن اكثر ومولات اكثر بهالموضوع راح يفيدك كثيررررررررررررر


http://www.arabtravelersforum.com/travel620514/

رد: دار راسي وانا أحاول اسوي برنامج يا ليت تساعدوني

اللي فهمته ان جدولك كالتالي جنتنج ليلتين ثم بينانج 3 ليالي ثم لنكاوي 3 ليالي ثم سيلانجور 3 ليالي ثم كوالالمبور 3 ليالي )


اقترح عليك:
# تاخذ يوم من سيلانجور وتضيفه على ايام لنكاوي. ويصير التوزيع: ( جنتنج ليلتين ثم بينانج 3 ليالي ثم لنكاوي 4 ليالي ثم سيلانجور ليلتين ثم كوالالمبور 3 ليالي )
او
# تختار اما جنتنج او سيلانجور وتضيف ايامها على ايام كوالالمبور .
فلو اخترت جنتنج .. يصير التوزيع: ( جنتنج ليلتين ثم بينانج 3 ليالي ثم لنكاوي 4 ليالي ثم كوالالمبور 5 ليالي )




بخصوص الانتقال من جنتنج الى بينانج : فيه باصات تنقلك من جنتنج الى بينانج .. وبرضه تقدر تستخدم التكاسي .

رد: دار راسي وانا أحاول اسوي برنامج يا ليت تساعدوني

تخفيضات لتذاكر السفر والفنادق تصل لغاية 30 بالمائة
احجز الان والسفر بأي تاريخ تختاره

سارع بالحجز واستمتع بافضل العروض

لمزيد من المعلومات والاستفسار يرجى المراسلة على

[email protected]

رد: دار راسي وانا أحاول اسوي برنامج يا ليت تساعدوني

بليز ليش محد رد علي

؟؟


سفري تقدم صار من 1 اغسطس يعني الجمعه من الموبايل

دار راسي وانا أحاول اسوي برنامج يا ليت تساعدوني

السلام عليكم

بما اني تأخرت في الحجز معظم الفنادق اللي كان ودي اروحها انحجزت فحاولت اغير الاماكن و التواريخ لين ما ضبط لي هذا البرنامج فياليت تنصحوني اذا اوكي او لا؟

وشنو أحسن انواع المواصلات من حيث المسافة و السعر

أول شي تاريخ السفر بيكون من 13 الى 28 اغسطس 2014

حبيت أبدي بالاماكن البعيدة اول و بعدين اجي للاماكن القريبة ما لقيت حجز وكانت خطتي اني ابي سيلانجور و كوالامبور اخر محطتين

فقلت اول ما اوصل تاريخ 14 اروح الى جنتنغ اقعد فيها ليلتين بعدين الى بينانغ و حصلت فندق هوليدي ان في بينانغ وبقعد فيها 3 ليالي لكن ابي طريقة وصول سهلة ؟؟ و سعرها اوكي

وبعدين من بينانغ الى لنكاوي وبقعد فيها 3 ليالي

ومن لنكاوي الى سيلانجور و اتوقع بيكون هذا الخيار عن طريق الطائرة الى مطار كوالالمبور وبقعد فيها 3 ليالي

وبعدين 3 ليالي في كوالامبور

وفي شغلة ثانية ابي اعرف شنو الاماكن الي اروح لها في كوالالمبور لانه اقراه موجود فيها البرجين وبس وانا ما احب هالسوالف بروج ما بروج ابي اشياء حلوة أسواق تسوق بس طبعا ابي بأسعار حلوة
وكمان حدائق

وياليت تخبروني برايكم بالبرنامج وهل التنقلات فيه بتكون اوكي مريحة ولا بتعب لانه عندي طفل عمره 5 سنوات و فيه احتمال اني اخذ بنتي عمرها سنة ونص


الفنادق اللي اخترتها بتكون
جنتنغ first world لانه ما اعرف واحد ثاني قريب من الملاهي الداخلية والمجمع (سمعت انه الملاهي الخارجية مبندة )..؟؟

بينانغ الهوليدي ان
لنكاوي فيرنجي وجنني ما فيه الا حجز لغرفة وحدة فقط وان شالله يضبط التاريخ وممكن اقتراحاتكم بفندق ثاني بنفس المكان وبنفس السعر و الجودة

سيلانجور سن وي

كوالامبور ممكن الحياة بس شوي غالي فمن جذي بعدي ما حجزت قلت اخليه لاخر شي فيا ليت تساعدوني


وبحق هالشهر ان شالله ربي يعطيكم الصحة و العافيه