رد: سجل تاريخ رحلتك والخطوط الناقلة والفنادق
مرحبا لمشتركين المنتدى
حبيت اشارك معاكم والصراحه اشكر الاعضاء immegrant __lady bird__ hlm
لردهم على استفساراتي البسيطه وساعدتني بالحجز
السفر بتاريخ 22\7 والعوده بتاريخ 7\8 ان شاء اللهالخطوط الناقله هي طيران الامارات
خط الرحله كويت -دبي ترانزيت ساعتين - جولد كوست -سيدني - دبي 6ساعات ترانزيت - كويت
ولو انه غالي بس يسوى الصراحه التذاكر ب 558عن طريق النت وعن طريق مكتب الاماراتيه زياده 30 دينار لكن قررت وحجزت عن طريق النت
عدد الاشخاص 6 كبار - 2 اطفال
الاقامه بجولد كوست 11 ليله \12 يوم في الشيفرون تاورز
عدد شقتين من غرفتين نوم السعر اختلف على حسب المتوفر باليوم المحدد اضطررنا نحجز الشقه الارخص ليله اضافيه لانه وصولنا بيكون الصبح الساعه 7 تقريبا واستلام الشقق مو قبل الساعه 2 الظهر فقررنا نحجز وحده عشان نريح فيها على ماتجهز الشقه الثانيه والسعر طلع اظن 445 و 474
المواصلات من والى جولد كوست قريت من المنتدى انه في ميني باص متواجد بكثره خارج مطار برسبن ويوصل لباب الفندق
من جولد كوست - سيدني
الشركه الناقله هي فيرجن بلو
حجزت من النت طلعت التذكره ب 90 دولار بس من غير شحن امتعه يعني بس هاندباق داخل الطيران فاشتريت عن طريق الموقع وزن 23 كيلو ب 10 دولار فقط وايضا من النت ... للاسف خلال الحجز بالنت صار خطاء مطبعي نسيت حرف اخير لاحد الاشخاص اللي معانا وهم يشددون على الاسماء الحمدلله اني انتبهت فاتصلت عليهم مباشره من الموبايل وتفاجئت بسرعه الرد والاستجابه لتصحيح الخطاء وماكو الا ثواني ودزوا ايميل جديد
السكن في سيدني
شقق فندقيه ميرتون شارع كينت نفس الشي شقتين من غرفتين نوم والشقق سعره واحد ب 345 دينار
اسفه للاطاله