أضف مشاركة إلى الموضوع: سبق وزرت الكويت ولكن
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: سبق وزرت الكويت ولكن انا رحت للكويت قبل فتره انصحك بفندق مارينا رويال خلف مارينا مول على طول وتحتك مطاعم وكل شي وقريب من البحر كمان وسعره 30 دينار
رد: سبق وزرت الكويت ولكن
رد: سبق وزرت الكويت ولكن شوف فندق ايبس سعره مناسب وموقعه ممتاز هذا موقعه http://www.ibishotel.com/gb/hotel-59...ya/index.shtml
رد: سبق وزرت الكويت ولكن السّلام عليكم مرّة أخرى في الحقيقة يا أخوان ان شكلي هوّنت من السكن في بودل ولذلك لأنّي كلمتهم وأعلموني ان سعر الليلة لـ ثلاث غرف وصالة ومطبخ ودورتي مياه بـ 95 دينار. وهذا مبلغ طيّب ولكن ع كذا بنطلع من الفندق وحنّا نبيع ملابسنا :109: نبي مقترحاتكم ومشورتكم , وترو الوعد قرّب يعني يومين ثلاثة وانا هناك بـ حيل الله والموقع يفضّل يكون في السّالميّة ويستحب ان يكون ع الشاطئ أو ع الأقل قريب شارع المطاعم همّتكم يا أخوان وأخوات بررب خلوني ادوّر :24:
رد: سبق وزرت الكويت ولكن حياك الله يا اهل قطر .. بالنسبه للسكن افضل شئ فندق المارينا حيث يكون في وسط الاسواق ومطل على البحر والمولات كثيره .. الافنيوز - مارينا مول - شرق - 360 - الصالحيه والمطاعم في ايام زمان بالسالميه - فريج صويلح - والاخوان ما قصروا بالرد واي شئ ما يردك الا كيبورك
رد: سبق وزرت الكويت ولكن الاخوان ما قصرووا وحياكم الله بالكويت
رد: سبق وزرت الكويت ولكن أشكر كل من شارك وأدلى بدلوه واتمنّى تزويدي بـ مراكز ترفيهيّة , وأمّا السّكن فقد تم الاتفاق ع بودل اللي بالسّالميّة لـ علمي بها مسبقاً أشكركم مرّة أخرى و تحيّات أخوكم
رد: سبق وزرت الكويت ولكن أنا ردّيت ولكن مدري وين غداااا ..! عموماً , Noosha84 و كويتية زوغة و Ghaddour بيّض الله وجيهكم جميع و شاكر ومقّدر جهودكم تحيّاتي الصّادقة
رد: سبق وزرت الكويت ولكن مرحبا و مسهلا فيك و بالأهل ياولد قطر شوف و أنا أختك .. الجو ما يساعد نهائيـــــــا انكم تروحون أماكن مكشوفة! مو بس حر .. غبار بعد اما اذا تعدل و انتو موجودين و مافي غبار و تبي ملاهي مائية (أكو أكوا بارك يم أبراج الكويت و أكو قرية المسيـلة المائية بالمسيلة) الأماكن السياحية .. أهم شي روح المركز العلمي .. عجيــــــــب! و طبعا أبراج الكويت , و اذا تبون ملاهي (المدينة الترفيهية أو حديقة الشعب بس الله يعينكم على الجـــــــــو! (جيبهم بالشتا(فبراير بالذات) لا تضيق صدورهم الحين منها) المتاحف : متحف الكويت الوطني روعة و الأهل بيحبـــونه حيـــل (شوف صور منه http://www.arabtravelersforum.com/travel46913/) المتحف العلمي = المركز العلمي في مكانه الجديد عالبحر و لا يطوفكم المولات : للماركات الكبيــــرة : الصالحية , الراية , أبراج العوضي (كلهم بمدينة الكويت و تقريبا يم بعض) للوناسة و التسوق و السينما : الأفنيــــــوز (فيه توسعة جديدة فيها ماركات و أهو أكبــــــر مجمع بالكويت و بصراحة يبيله يــــوم كامل عشان تخلصه! و سينماته عجيبة - حتى أكو سينما برايفت -) و هذا مكانه بالري و مارينا مول بالسالمية - هم فيه سوق حلو و سينما حلوة و فيه الكرسنت بره فيه مطاعم و كافيهات عالبحر و سوق شرق .. كفاية ديكوره .. سوقه بعد حلو بس السينما قديمة مو حلوة المهلب (حولي) شكل البوم القديم و السوق حلو و رخيص و السينما مو ذاك الزود لأن طريقة القعدة دائرية بايخة روحو سوق المباركية القديم (شعبي) ونيس المطاعم الخليجية : شاطئ الوطية (بجانب الكنيسة) بوابة الشامية (سوق المباركية) النوخذة بكراون بلازا الفروانية و هذيل تيك أوي بس حيل يمدحونهم خصوصا الزعفراني (منقول) الديوان الكويتي 24823888 الزعفراني 22644421 الشروق 24752300 الطبق الكويتي 26113132 الفنر 22626205 اللواء للمأكولات الكويتيه 25632089 المشاهير 23721116 المطبخ السعودي 24721113 بلاليط 22634342 حار بحار 23711757 راعيها 24896652 ساكت عجيب 24734614 عيال الفريج 23924800 من زمان 22614345 مركز المطبخ الوطني 22622265 و مغل محل - اهو هنديصيني بس البرياني عجيب- و آشاز بعد بالمارينا أما الفنادق فالأحسن الخمس نجوم و اذا تبي بالسالمية فأخذ مارينا أو أحد المنتجعات (النخيل - شيك .. الخ) و حياكم الله يا أهل قطر ..
رد: سبق وزرت الكويت ولكن حياالله اهل قطر الفنادق حلو انك تسكن بفندق المرينا مكانه يطل على البحر وفي جسر يوديك للمول وتحتك كافيهات بعد وروح الابراج القعده حلو فيه بطبعا مطعم فيه ويدور فيك .. روح المركز العلمي فيه اكواريوم الافنيوز موتنسى تروحله وروح مجمع المهلب الي بمنطقه حولي فيه ملابس حلوه حق الاهل مجمع الرايه الصالحيه كله كفيهات ومحلات ماركات يستاهلون العنوه عندك الاكوابارك قريه مائيه بس حر وغبار ماانصحك تروح اماكن مكشوفه وعندك شارع سالم المبارك بمنطقه السالميه كله مجمعات وكافيهات وقريب من مجمع المارينا وبالنسبه للمطاعم انا ماحب الاكل وايد بس فريج صويلح يمدحونه وايد وقيصر والمطاعم شكثره على البحر (الكورنيش)
رد: سبق وزرت الكويت ولكن المشاركة الأصلية كتبت بواسطة Noosha84 http://www.arabtravelersforum.com/tr...4/#post3101764 ياهلا وحياك الله ماشاء الله انت تجي الكويت وانا اروح امريكا ماتبادل؟؟ عمومآ بالصيف مالك الا المجمعات التجارية .. كأماكن سياحيه انا ما انصح لأن الجو مايساعد!! حاااار جدآ مع شوية غبار مع شوية لواهيب مو طبيعيه!! خخخخخخ ماعلينا.. نبلش .. المركز العلمي Funny& intresting الابراج ..امممم حلوه !! عندك قرية المسيلة المائية و الاكوا بارك مع ملاحظة ان في ايام مخصصة للعايلات والحريم والشباب.. المجمعات الكبيرة .. الافنيوز حاليآ التوب بينهم وبعده المارينا مول وشارع سالم المبارك .. وك فنادق .. الموفنبيك .. المارينا.. حق الصيف نايس وموجود تقارير عن باجي الفنادق.. وبس هذا اللي عندي حاليآ اتمنى باقي الاخوه يفيدونك وشرفت يا هلا ومرحبا , والله يا خوك سالفة الحر لابد منها ولكن ما فيه غيرها في الخليج إلا صلالة ومتردد من الروحة لها وأبها والتي تفتقد لـ الراحة النفسيّة ووجود بعض المضايقات ووو. عموماً الله يعطيك العافية ويبيّض وجهك يا أخوي . وننتظر مداخلات باقي الأخوة تحيّاتي الصّادقة
رد: سبق وزرت الكويت ولكن ياهلا وحياك الله ماشاء الله انت تجي الكويت وانا اروح امريكا ماتبادل؟؟ عمومآ بالصيف مالك الا المجمعات التجارية .. كأماكن سياحيه انا ما انصح لأن الجو مايساعد!! حاااار جدآ مع شوية غبار مع شوية لواهيب مو طبيعيه!! خخخخخخ ماعلينا.. نبلش .. المركز العلمي Funny& intresting الابراج ..امممم حلوه !! عندك قرية المسيلة المائية و الاكوا بارك مع ملاحظة ان في ايام مخصصة للعايلات والحريم والشباب.. المجمعات الكبيرة .. الافنيوز حاليآ التوب بينهم وبعده المارينا مول وشارع سالم المبارك .. وك فنادق .. الموفنبيك .. المارينا.. حق الصيف نايس وموجود تقارير عن باجي الفنادق.. وبس هذا اللي عندي حاليآ اتمنى باقي الاخوه يفيدونك وشرفت
سبق وزرت الكويت ولكن السّلام عليكم ورحمة الله تعالى وبركاته في البداية صلّوا ع النبي , أنا طالب قطري في الولايات المتحدة واللي حدني ع الاستفسار أنّه ستكون لي إجازة بعد أيّام , ومواعد اخواني لـ سفرة لـ الكويت إذا الله أشاء. مع العلم أنّه قد سبق وزرت الكويت لـ فترة قصيرة ويعلم الله انّي حبّيتها وهذا الكلام ليس محاباة منّي. أعلم أن هنالك مواضيع لـ الاستفسارات ولكن الرحلة ستكون عائليّة وأبي أسامي أفضل الفنادق والمولات والأسواق والمطاعم الخليجيّة مثل فريج صويلح :smile: كذلك ملاهي مائيّة وغير ذلك , متاحف مراكز ترفيهيّة ....etc باختصااار , جميع الأماكن السياحيّة ويعلم الله ان استفساري هذا هو أكبر أسباب تسجيلي في الموقع , وما نستغني من فزعتكم يا أهل الكويت. ولكك منّي تقرير إذا يسّر الله وزرتها . تحيّاتي
سبق وزرت الكويت ولكن
قوانين المنتدى