الرد على الموضوع

رد: أسوأ مطعم

أسوأ مطعم هو فريج صويلح و ميس الغانم و فيلا فيروز و مطعم مركز سلطان و مطعم الفايز
أفضلها
ريكاردو في الشيراتون و دون متريوز و اوبن فليم في 360 و لونوتر

رد: أسوأ مطعم

مطعم سراي البدع ..۔ فعلا ماعجبني ما يستاهل العنوه .

رد: أسوأ مطعم

بالنسبة لي



مطعم فريج عقاب اللي في أجيال مول في الفحيحيل

رد: أسوأ مطعم

/



مطعـم سراي ( البدع )

الأكل ممتـــاز جداً بس الشباب اللي عم بـ يحطّوا الطلبات ناسيين إبتساماتهم في البيت ..!




/

رد: أسوأ مطعم

المطاعم السيئه كثيره والممتازه هم كثيره

رد: أسوأ مطعم

مطعم ما اكلته وحرمت اكله مطعم فتوش بسوق شرق

جيت بطلب منه ولاهذيك اللبنانيةالي مسويه ضجة بالمطعم

لانها لقت صرصور بالاكل

بعدها حرمت كل مطاعم شرق

رد: أسوأ مطعم

مطعم ناز .... فعلا ما عجبني حيل عادي وسعره شوي غالي .

رد: أسوأ مطعم

قائمة المطاعم تطوول

اسوأ مطعم مطعم ناااز اللي بشرق الله يديم النعمه لا شوربه مثل الاوادم ولا الامرقه ولا الدياي ولا شي فيه زين سمع عالفاضي

كنتاكي ماادري شلون الناس تاكل منه خاااااااايس بمعنى الكلمه كله دم ومومستوي وريحته زنخه


نايف
برجر كنج
فايز
عقاب
xxxxxxxxxxxxx حرمت اروح لهم مره 2

رد: أسوأ مطعم

اسواء مطعم طبعاً مطعم جمعيتنا !!!!!!!
هههههههههههه
والله اسواء مطعم هو برج الحمام الاكل باين علية بايت و الخدمة مو حلوة ..

رد: أسوأ مطعم

ماشاء الله عتدنا بالكويت بين كل مطعم ومطعم مطعمين

================================================== ===

مطعم الصنوبر الي بالبدع الله يزيد النعمه الاكل ماله طعم,,, حسافه على المكان بس

مطعم قيصر واايد الناس خابينه فيه مع اني اشوف اقل من عادي والطعم كله يتشابه,,,

روبي تيوزدي اهوو زين بس لي كليت منه يقعد على جبدي الله يزيد النعمه يقثني,,,

هذا الي في بالي حاليا,,,

رد: أسوأ مطعم

مطاعم امريكانا عموما سيئة وغير نظيفة وخدمتها ليست بالجودة المطلوبة وعلي راس القائمة كنتاكي
المطاعم الجيدة كثيرة حسب النوع

اللبناني يمدحون عبد الوهاب علي البحر
الامريكي شيليز وجوني روكت
بيتزا قيصر جيد ( ليتل سيزر)
بوفيه مطعم سلطان - سوق شرق- وبوفيه ابراج الكويت جيد ايضا
الفنادق غالبية مطاعمهم جيدة
مشويات كبابجي لا باس
فطاير ومعجنات زعتر وزيت

في مطاعم كثيرة جدا بالكويت وبعضها مميز جدا وعليه طلب لكنه من الخارج شكليا لا يوحي بذلك كما ان موقع بعض المطاعم صعب الوصول له ويعضها ليس لها فروع في المناطق وانما فرع واحد فقط..
عموما لزوار المجمعات لن تقع في حيرة حيث توجد مطاعم مختلفة وعديدة وحسب ذوقك
وهذا موقع طلبات كوم. للطلب من النت اذا كنت في سكنك بالكويت وهو موقع جيد ومجرب لكن لا بد من الطلب بوقت كافي ومناسب http://www.6alabat.com/arabic/index.asp


ابوخالد

رد: أسوأ مطعم

وااااايد


سفن سيز ( بحري) بس عادي النوخذه وايد احلى منه والمطعم ظلمه ماتشوفون شي داخل

قيصر ( استغفر الله ياربي مادري على شنو الناس هابين فيه) طلبت منه برياني مره وحرمت عقبها صجم وبارد

بيت ستي (مطعم سوري) عادي والاكل بارد و مو متنوع

نولدز هاوس (اعتقد سنغافوري) مع اني من عشاق الاكل الاسوي بس هذا لا يطااااااااااق ريحه زفره البيض من عند الباب تنشم والاكل ما قدرت اكله من زفرته

الخيام ( ايراني) بس دووون المستوى توقعته احسن من جذي

رد: أسوأ مطعم

أتذكر مرة أحد المشتركين بالمنتدى كتب موضوع عن نسبة الخدمه وزيادتها ونقصها وكيف تكشف الفندق وتشتكيـــــه... رديت عليه بموضوع الأكل وردائته.... ومن تشكي له وكيف تستند بشكوتك....
ماأظن أي مطعم من الخمس نجوم بها لذة ونهكهة المطاعم الشعبيه ... يمكن التنوع ينقص ويمكن المطابخ تنقص... لكن في العموم تبقى جميع مطاعم الخمس نجوم تشترك بصفة سيئة وهي فقط التكلفه العاليه والمذاق المتواضع بالأكل...
اما المطاعم الشعبيه برغم إستعفافا الكثير عن حضورها وتحاشيهم زيارتها .. تبقى الألذ والأشهى والأرخص برغم محدودية الأطبـــــــــــــــاق

رد: أسوأ مطعم

مطعم البلد اللبناني

طلبنا وااايد ولاشي عجبني

رد: أسوأ مطعم

انا من اشوف اسم مغل محل يجيني مغص والسبب أن في الخبر مطعم اسمه مغل وشفت بالايميل صورة صحن برياني وفيه زهيوي (صرصور) بس صغير مايسوي شي
بعدها عرفت قذارتهم الهنود .. لا والمشكله يمدحونه واولهم اخوي المسكين

فريج صويلح عجبني اكله الشوربة ومطبق الزبيدي يعني من ناحية الأكل أوكي .. لكن في شي شفته في المطعم خلاني مافكر اروح له مره ثانية وانصدمت صراحه من شفته وهو يتعلق بإهمال إدارة المطعم عن بعض سلوكيات الزباين لأن هذا الشي يطيح من سمعة المطعم والله يستر على بناتنا وعيالنا

رد: أسوأ مطعم

صدقتو اماكناتكي دايم والله احصل دم بالدجاج صراحه دايم مدري حظي الردي ولا من كثر ماانا موس وس من المطعم غير الاسهال تكرمون بس مو دايم وصار من المطاعم بالقائمه السوداء

رد: أسوأ مطعم

الله يعافيكم عطوني قائمه افضل المطاعم

لانكم كذا خوفتوني
وانا ان شاء الله ناويه ازور الكويت باذن الله عن قريب

رد: أسوأ مطعم

اسوء المطاعم من تجربتي
النظافة "كل مطاعم شركة امريكانا ...... كنتاكي - هارديز .... الخ"
الطعم "فريج صويلح السالمية - ليالي الخيام الايراني قرب الابراج - اورينتال الديرة - شيرين بانو دسمان"

رد: أسوأ مطعم

مطعم مغل محل

رد: أسوأ مطعم

مطااعم كنتاكي اذا كانت الخدمه يقووم فيهاموظفين (مصريين ) لا مبالاه لانظافة ولا ذوق ولا كانهم في مطعم افرعه في جميع بلدان العالم ...سيئه سيئه الي ابعد حدود وخاصة الي عند بيتنا....!!!؟

رد: أسوأ مطعم

مطعم ساكورا الياباني .. الله يزيد النعمه .

رد: أسوأ مطعم

في بعض المطاعم الله يعز النعمة اول مرة اسمع فيها ...........المطاعم الاسيوية ما اطيقها وخاصة السوشي وعلى شنو غالي ما ادري...........يبا روحوا مطعم كباب الحجة للي ما يعرفونه تراه من احسن مطاعم الكباب في الكويت ويمكن الاول بعد ودايما زحمة عنده بس الطلب يطلع بسرعة

رد: أسوأ مطعم

مطعم ناز بشرق .. تجربة سيئة الله يديم النعمة .. ولا يهون دجاج نايف فرع شرق .. الظاهر أي مطعم فيه المعلم (حسنين والباشا محمدين) تطير منه البركة .. الله يعين

رد: أسوأ مطعم

واسابي البدع .. مغل محل .. !!
أسوء مطاعم .. والله يزيد النعمة ..!!

جوني كارينوز .. فريج صويلح
مع إنة المطاعم الرائعة كثيرة بصراحة بس المطعمين هذيلا الأفضل ..!!

رد: أسوأ مطعم

بم ان انا وزوجي تخصص مطاعم شدني هالموضوع خصوصا ان اليوم اول مره نجرب مطعم rice بالافينيوز تبون الصراحه لا طعم ولا لون ولا ريحه والاكل باااااارد وابدا ابدا مايستاهل سعره

ثاني مطعم عندكم بخارى اللي بالشيراتون والله اشاز اللي بالافينيوز يطقه 10 صفر ومع ذلك غاااااالي جدا يعني انا وزوجي طلبنا 2 برياني ومقبلات طلع علينا 50 دينار ويا ريت عجبنا

ثالثا مطعم واسابي الياباني الله يديم النعمه حده زفره انا لما كليت السوشي قمت ابلعه بالبيبسي بس عشان ماحس بطعمه من الاحراج

وسوري عالاطاله

رد: أسوأ مطعم

مطعم كنتاااااكي ما يبيله كلام
ما وراه الا المغص والتسمم
وبشهادت وتجارب الكل

رد: أسوأ مطعم

بالنسبة لي اسوأ مطعم هو مطعم كنتاكي

وافضل مطعم هو مطعم البلد ببرج شرق اكل وايد زين مو غالي وهو مطعم لبناني والمطعم يدور بيك ومنظر الكويت روعة من داخل المطعم .... وبالهنا والشفا.

رد: أسوأ مطعم

يؤؤؤؤؤؤؤؤؤؤؤ خوفتونى ....
......................

رد: أسوأ مطعم

وانا كذلك قمت بتجربة مطعم بو مزيان في برج جاسم .. بصراحه موقع مميز روعه وخدمه ونظافه متميزان .. أما بالنسبة للأكل ... فالأخت بنت دسمان قالت ( الله يديم النعمه ) .

رد: أسوأ مطعم

المشاركة الأصلية كتبت بواسطة الكويت-25
http://www.arabtravelersforum.com/tr...3/#post3277273

من وجهة نظري
أسوأ مطعم في الكويت
هو
مطعم مراكش
الموجود في أبراج عاليو وغالية
ما خذ سمعة والكله الله يديم النعمة ريحة خايسة وأكل سيء وسعر نار
والمطعم هذا انا مسمسة أبو زبون مرة واحدة
يعني تلقى زحمة من ناس أول مره يزورونه ومن تطلع تحسف انك دخلته ،،،





صح واللة ماخذ سمعة على الطل


والاكل خايس والمرق اللة يديم النعمة

رد: أسوأ مطعم

الحمد لله ما طاح بحظي مطعم سيء بالكويت

رد: أسوأ مطعم

يبدو أن قائمة المطاعم السيئه طويله جدا

رد: أسوأ مطعم

مشكور اخوي ع الموضوع

رد: أسوأ مطعم

المشاركة الأصلية كتبت بواسطة newstyle
http://www.arabtravelersforum.com/tr...4/#post3290894

ماا يبيله بعد اسوأ مطعم بلا منازع
كنتاااااااااااااكي
هههه
والله صراحة مادري شلون الناس ياكلون منه
والا شرايكم؟



اي والله كلته مرتين وجاني الله يعزكم اسهال .. كرهت المطعم ... ومافي احلى من أكل البيت

رد: أسوأ مطعم

مافي مثل اكل البيت اخذ غريضاتك وسوهم بالبيت ياحلاة اكل البيت

رد: أسوأ مطعم

المشاركة الأصلية كتبت بواسطة dr.daloo3a
http://www.arabtravelersforum.com/tr...1/#post3289421

أسوأ مطعم هو مطعم مغل محل




بالعكس انا حبيته اكلهم لذيذ بس الفرع اللي عندنا بالعين مب حلو بالمررره

رد: أسوأ مطعم

المشاركة الأصلية كتبت بواسطة miss kuwait
http://www.arabtravelersforum.com/tr...7/#post3337137

لي تجربة فاشلة جداً


كنت في منطقة الفحيحيل وهي من


وبعد ماخلصنا من التسوق ..

قلنا نبي نتعشى ..

ولقينا بكل أسف..

مطعم ( تنورين )

كانت الجلسة حلوه خارجية كراسي وفوقها عريش ..

لكن ماتتصورون عن ( قذراة ) الأطباق والملاعق ..

طبعاً بأنفسنا نغسل الأطباق ..

والأكل سييء جداً

كان يوم فاشل ..



المطعم اغلق خلاص

رد: أسوأ مطعم

المشاركة الأصلية كتبت بواسطة خليجية 2009
http://www.arabtravelersforum.com/tr...7/#post3286467

فيه مطعم ما أذكر أسمه بس شئ التركي بمنطقة الفحيحيل بجانب الخطوط الكويتية

ديروا بالكم من جد البنات في الدوام تسمموا منه :112:



مطعم المنصورين التركي

رد: أسوأ مطعم

افشل مطعم بالدنيا مطعم الفايز بالفروانيه واااااااااااااي لا مابي اذكر ذاك اليوم اللي اكلت فيه بقيت اموت من اكلهم استغفر الله

رد: أسوأ مطعم

لي تجربة فاشلة جداً


كنت في منطقة الفحيحيل وهي من المناطق اللي اجهلها ..


وبعد ماخلصنا من التسوق ..

قلنا نبي نتعشى ..

ولقينا بكل أسف..

مطعم ( تنورين )

كانت الجلسة حلوه خارجية كراسي وفوقها عريش ..

لكن ماتتصورون عن ( قذراة ) الأطباق والملاعق ..

طبعاً بأنفسنا نغسل الأطباق ..

والأكل سييء جداً

كان يوم فاشل ..

رد: أسوأ مطعم

الله يديم النعمة علينا وعليكم وعلى كل مسلم ...

والله يا اخواني واخواتي ما فيه احسن من الاكل اللي في البيت ...

عن نفسي انا لو اروح لاي مكان لازم ومن الظروريات عندي عزبة الطبخ معي كامله ..

تحياتي لكم ..

رد: أسوأ مطعم

حقيقت(ن)
والحق يقال
اسوا مطعم على الإطلاق (( استغفر الله))
اذا ماخاب ظني اسمه الشاطر عباس
ومن وين ابتدي ياحظي الردي يوم نختاره ونتغذا فيه

رد: أسوأ مطعم

اسوأ مطعم أبو نواس الجو سئ والاكل لذيذ لكن نصيحة خذه سفري , عندك مطعم أبل بيز بكورنيش الخبر سئ والجو روعة

رد: أسوأ مطعم

من تعليقاتكم على المطاعم تشوفون ان لولا الاذواق لبارت السلع مو كل الناس لها نفس الذوق .اما بالنسبة لي ما احب كل مطاعم الاكل الاسيوي صيني او ياباني او تايلندني الله يزيد النعمة يتراوالي كل اكلهم من الصراصير والديدان ولحم الفيران والقطاوة.

رد: أسوأ مطعم

فعلا التسيمو أكبر مقلب .. ولي تعليق على بعض المطاعم لاحقا .

رد: أسوأ مطعم

أخت خليجيه ,,,قصدك البستان التركي ,,,أنا بعد تسممت منه ,,
وأسوأ المطاااعم عندي ,,,

مراكش,,
الفايز,,,
قيصر الفحيحبل ,,,
ألتسيمو أكبر مقلب ,,,

رد: أسوأ مطعم

مغل محل

مطعـم سئ جــــــــدا

رد: أسوأ مطعم

ماا يبيله بعد اسوأ مطعم بلا منازع
كنتاااااااااااااكي
هههه
والله صراحة مادري شلون الناس ياكلون منه
والا شرايكم؟

رد: أسوأ مطعم

أسوأ مطعم هو مطعم مغل محل

رد: أسوأ مطعم

فيه مطعم ما أذكر أسمه بس شئ التركي بمنطقة الفحيحيل بجانب الخطوط الكويتية

ديروا بالكم من جد البنات في الدوام تسمموا منه :112:

رد: أسوأ مطعم

المشاركة الأصلية كتبت بواسطة رحال نجد
http://www.arabtravelersforum.com/tr...9/#post3259979

لاتنسى مطعم ابراج الكويت سئ جدا جميع اللحوم مبردة وغير طازجه ابدا وعلى مسئوليتي والشخص بـ 8 دينار مقابل لاشئ للاسف الشديد .
فارجوا من الاخوة من يزوروا الابراج الاكتفاء باخذ نظرة سريعة و الى المصعد مباشرة .






انا معاك بالراى مطعم فاشل جدا اخرمره اكلته منه .من سنين وحرمت اعيد الكرة فاشل بدرجة امتياز اهو والكوفى:101:

رد: أسوأ مطعم

اسوء مطعم اكل وخدمة عبدالوهاب اللي قبل كان فردكرز
ومطعم ناز ماعجبني اكلة اللي بالشويخ

رد: أسوأ مطعم

مطعم سفن سي الي بادور الثاني في مطعم برج الحمام غالي و ما يستاهل بعكس الي بادور الارضي الي هو برج الحمام راقي و حلو و سعرة رخيص

رد: أسوأ مطعم

من وجهة نظري
أسوأ مطعم في الكويت
هو
مطعم مراكش
الموجود في أبراج عاليو وغالية
ما خذ سمعة والكله الله يديم النعمة ريحة خايسة وأكل سيء وسعر نار
والمطعم هذا انا مسمسة أبو زبون مرة واحدة
يعني تلقى زحمة من ناس أول مره يزورونه ومن تطلع تحسف انك دخلته ،،،

رد: أسوأ مطعم

أسوأ مطعم من وجهة نظري مطعم أولاد البشوات طبينا فيه اول زيارة لنا للكويت لأننا ماكنا ندل بالكويت زين ومن بعدها انمرضنا انا واخواني ..

اول واخر مره نروح حق هالمطعم ..

رد: أسوأ مطعم

أسوأ طعم كليته الله يديم النعمة نودلز فاكتوري

رد: أسوأ مطعم

المشاركة الأصلية كتبت بواسطة رحال نجد
http://www.arabtravelersforum.com/tr...9/#post3259979

لاتنسى مطعم ابراج الكويت سئ جدا جميع اللحوم مبردة وغير طازجه ابدا وعلى مسئوليتي والشخص بـ 8 دينار مقابل لاشئ للاسف الشديد .
فارجوا من الاخوة من يزوروا الابراج الاكتفاء باخذ نظرة سريعة و الى المصعد مباشرة .




رايي من رايك وانا ماعيبني اكل الابراج اما
السعر بالعكس رخيص

رد: أسوأ مطعم

مطعم الفائز في ابو حليفه

صراااحه عكس مطعمهم اللي في السالميه احلى من اللي في ابو حليفه

طلبت سباغيتي و الله يديم النعمه

وشكرا لكم

اختكم

رد: أسوأ مطعم

مشكور اخوي على الموضوع ....
الشي السيء في التسيمو انه الاكل قليل و الاسعار غاليه ...تكلمت عنه بتقرير

رد: أسوأ مطعم

اسوأ مطعم اكلت فيه هو مطعم تاكو القريب من فريج صويلح على شارع الخليج العربي

مشويات قليله وسيئه واسعار غاااليه للاسف يعني شخصين مشويات ب10 دينار سفري بعد لو بالمطعم كان قلنا رسوم خدمه انا مستعد اجيب لك كيلو مشاوي من اطلق مطعم بالخبر مايتعدى 7 دينار مع السيرفس والمقبلات