الرد على الموضوع

رد: انا في ورطه ومحتاج مساعدتكم تفضلوا

هلا اخوي ابن الرفاع

مادري إذا يصير اقول رايي او لا ؟؟:114:
بالرغم اني ليحين ما رحت امريكا و ما شرفتهم بزيارتي:106: بس اتوقع ان كاليفورنيا احلى و فيها نشاطات متنوعة اكثر من فلوريدا .. و اذا كلش مالك بد من الشاطئ الشرقي تقدر تخلي تذكرتك البحرين نيوررك - لوس انجلوس البحرين و بجذي تكون جفت نيويورك و تقعد فيها 4 او 5 ايام و باقي المدة تخليها في كاليفورنيا .

رد: انا في ورطه ومحتاج مساعدتكم تفضلوا

اشكر كل من ابدي رأيه وان شاء الله ناخذ بمشورتكم ونرتب الحجوزات ونوافيكم بالتقارير اول مانرجع ..

رد: انا في ورطه ومحتاج مساعدتكم تفضلوا

كاليفورنيا ..

راحت الحيره .. ياك الراي بالاجماع ..

الله يتمم عليكم وان شاءلله تستانسون

رد: انا في ورطه ومحتاج مساعدتكم تفضلوا

كاليفورنيا طبعا

رد: انا في ورطه ومحتاج مساعدتكم تفضلوا

من رأيي تجمع ما بين الشرق و الغرب بحيث تختار أحلى المدن

نيو يورك 4 أيام

أورلاندو 10 أيام

ميامي 3أيام

لاس فيغاس 3 أيام

لوس انجلوس 10 أيام

و إذا مصر على منطقه وحده ممكن تختار الغرب

نيويورك 4 أيام

نياغرا يومين أو 3

لاس فيغاس 3 أيام

سان دييغو 3 أيام

لوس انجلوس 13 يوم موزعه بين الشمال و الجنوب سانتا مونيكا و لونغ بيتش مثلا

سان فرانسيسكو 4 أيام

بالتوفيق

رد: انا في ورطه ومحتاج مساعدتكم تفضلوا

انا افضل كاليفورنيا .. فيها انشطه متنوعه اكثر من فلوريدا..

مع اني احب شي اسمه ميامي

رد: انا في ورطه ومحتاج مساعدتكم تفضلوا

كاليفـورنيـا دام إنكم رايحيـن شهـر عسـل و بعـد ما معاكم يهـال .... أرقـى

رد: انا في ورطه ومحتاج مساعدتكم تفضلوا

أخوي ابن الرفاع

بما ان سفرتك في July فأنا أنصح بالغرب

فلوريدا في الصيف حر و رطوبة صحيح مو مثل البحرين بس احنا نبي لما نسافر الجو يكون حلو

كاليفورنيا جوها ربيعي في الصيف يعني أحلى

بس لازم تقرر بسرعة عشان الحجوزات و الأسعار تغلى كل ما قرب الموعد

موفق أخوي

مع ودي
أم عالية

انا في ورطه ومحتاج مساعدتكم تفضلوا

السلام عليكم ورحمه الله وبركاته

يالله حي هالمنتدى واعضائه الطيبين ...

بختصار عشان ما اطول عليكم .. انا من كم شهر كنت مخطط اروح امريكا شهر عسل في شهر 7 الجاي وجلست ابحث وادور وشفت جميع تقارير الاعضاء عن امريكا سواء الشرق او الغرب .. وكنت الصراحه محتار بين نيويورك وفلوريدا .. وبين كاليفورنيا .. كل منطقه فيها عيوبها وفيها حلاوتها .. ونا ما اقدر اغطي الشرق والغرب لان الفتره شهر واخاف الميزانيه تقصر وايضأ بيكون التنقل متعب .. ففكرت اني اروح يا الشرق ولا الغرب .. ولغايه الان مو عارف ايهم افضل وجاني شور اني اهون عن امريكا لاني الصراحه تعبت من التقارير وقرايتها .. شهرين ونا اقرا يمكن كل تقرير شفته مرتين ولحد الحين مو عارف اختار .. فقررت اني انزل الموضوع للأعضاء يشورون على لاني ماقد رحت امريكا وابي مشورتهم وعلي مشورتهم بحدد اذا بروح امريكا ولا بهون وبروح اوروبا ..

ابيكم يا اخوان ولا تهونون تخبروني ايهم افضل في شهر سبعه لسياحه شهر العسل لمده شهر كامل .. والميزانيه بدون تذاكر 5000 دينار

الشرق ولا الغرب ..

اتمني يا اخوان كل من يقرأ الموضوع يدلو بدلوه لاني فعلا محتاج مشورتكم ..

ولكم مني جزيل الشكر