أضف مشاركة إلى الموضوع: ميزانيه هل تفى بالغرض
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: ميزانيه هل تفى بالغرض لاشكر على واجب يالغالي حنا بخدمه الطيبين عالعموم رحله موفقه ان شاء الله بس من باب الاحتياط خذوا معاك زياده ماحد يدري وايش يصير له بالذات انك راح تكون في بلد غير بلدك اما بالنسبه للسكن عندك استون مارينا شقق فندقيه جدا رائعه اسعارها مابين 200_250ريال الجبل اسالوا اهل الخبره فيها لاني سكنت في فندق سيروني و فلل كوتا بونقا وهي غاليه شوي بس فيه فلل ارخص منها بس مش متاكد من اسمائها بالي عندك فندق ماكسي هوتيل في شارع لقيان موقعه جدا رائع صحيح ماهو بذيك الفخامه بس انه نظيف وخدماته ممتازه واسعاره جدا مناسبه وبالنسبه لحجز الفنادق احجزها من مطار جاكرتا من مكتب كاها اسعاره مضمونه وممتازه وبالنسبه للصرف اصرف من جاكرتا افضل اذا طلعت بعد ما تاخذ عفشك راح تلاقي مكاتب كثيره Change money اصرف من هناك ويستحسن ان المبلغ يكون كامل معاكم اصرفوا كل فتره المبلغ اللي تحتاجونه احسن مما تصرفون من البنوك وفي كل مره ياخذون منكم فوائد هذا اللي يحضرني اللحين واي استفسار انا حاضر تقبل تحياتي ومروري
رد: ميزانيه هل تفى بالغرض
رد: ميزانيه هل تفى بالغرض صقيع شاكر لك مرورك الاكثر من رائع والله لا يهينك على هذه المعلومات الطيبه ,,,,,,,,,,,,,,,,,,,,,,,,,, اخوي الناصر اشكر لك مرورك ونصحك على العموم زودنا على الشباب القطه 2000 ريال للشخص تحسبا لأى طارء
رد: ميزانيه هل تفى بالغرض ياولد لا توهق 30000 الف ما تسوي شي هالايام خذا معك 1000 زياده
رد: ميزانيه هل تفى بالغرض السلام عليكم ورحمه الله وبركاته الاخ العزيز / ابو ساره خالص تحياتي لك ورحله سعيده ان شاء الله عالعموم بالنسبه للميزانيه مثل ماتفضلوا الاخوان اللي قبلي انها راح تكفي بس للحيطه يكون معاكم زياده انا سافرت لاندونيسيا السنه الماضيه بعد عيد الفطر وكانت روحتي انا والمدام بالنسبه لي بعطيك افضل تقسيم بالنسبه لرايي الشخصي 4 ايام الجبل 4 ايام بالي ويومين جاكرتا يااما تكون اخر يومين او يوم بالوصول ويوم بالرجعه موجز بسيط عن الجبل انا بصراحه ماحبيتها حسيت كاني في ابها بس بزياده خضره وحلاوه جو مافيها اماكن كثير للسياحه غير الناس اللي فيها بدائيين جدا وفيه نصب بالاسعار مجرد يشوفونك عربي هاك يالنصب غير ان الاطفال وراك بلوس بلوس وان عطيت واحد تجمعوا عليك وبصراحه غاليه بالنسبه لبالي بالي وماااااادراك مابالي صح تسافر لها بالطياره بس بصراحه جزيره تستاهل العنا اذا جيت من ناحيه الطبيعه مايحتاج والجو يوم مطر يوم لا وهكذا الناس فيها بمنتهى الادب والاخلاق النصب مايعرفونه اصلا بحكم ان الزوار اللي هناك اجانب فالاسعار ثابته ماتتغير واسعار بصراحه ارخص من الجبل جدا اما بالنسبه لباندونق فما انصح فيها ابد رحنا لها يومين انا والمدام جاتنا حاله نفسيه ما فيها حلو الا المقاهي او اذا تبي تتسوق اما الطبيعه ماهي بليهناك والاماكن محدوده واغلب السكان مايتكلموا عربي ولا انجليزي يعني يالله حصلنا المرشد السياحي في الفندق اللي سكنا فيه يتكلم انجليزي بحكم شغلته وصار مرافق لنا طول مده اقامتنا هناك عالعموم تقبل مروري ولو اني يمكن طولت عليك وكثرت بالكلام بس حبيت افيدك واعطيك رايي بحكم زيارتي رح بالي وصدقني راح تدعي لي واذا بحاجه اي سؤال انا مستعد افيدك تروح وترجع بالسلامه
رد: ميزانيه هل تفى بالغرض السلام عليكم ورحمته الله وبركاته مشكور اخ كاشخ على الافاده،،، بس انت كتبت بالرد اني اخذف بالي من الجدول واستبدلها بباندونق...... مع ان الكل مدح لى بالى كأول سفره اروحها انى لازم ازور هالديره وإذا احد يقدر يعطيني مميزات عن باندونق وبعدها عن جاكرتا واسعار السكن هناك اكون له ممنون ومره ثانيه مشكور اخوي كاشخ على الافاده الاكثر من مفيده ....... ؛؛؛؛؛؛؛؛؛؛؛ واشكر كل من ردو علي وافاادووني...
رد: ميزانيه هل تفى بالغرض الله يوفقكم ورحلة سعيدة الي العمة
رد: ميزانيه هل تفى بالغرض اخوي العزيز رحله موفقة جمعه مباركه
رد: ميزانيه هل تفى بالغرض بارك الله بالجميــع أفادوك أخي الكريم وتمنياتي لك برحلـة موفقــة ..
رد: ميزانيه هل تفى بالغرض اي عمليه سحب او شراء , ياخذ عليك بنك اندونيسيا 3 % من المبلغ و بنك السعوديه ( الاهلي ) ياخذ عليك 35 ريال على العمليه , حتى لو كانت استفسار عن الرصيد واذا كنت تحاسب ببطاقة فيزا ما تحسب عليك الـ 35 ريال , لكن لو سحبت فيها يخصم عليك 100 ريال اذاَ الخصم عليك من الجهتين , اشوف انك تاخذ كاش افضل ,, تحول جزء منها دولارات , وجزء روبيات ,, و تخلي البطاقه للضروره ,, الفنادق الجبل بونشاك : فندق سيروني جاكرتا : فندق قران ميليا او بما انكم مجموعه ممكن شقق في اريدوتا سمنقي بالتوفيق ,,
رد: ميزانيه هل تفى بالغرض انا اقول بتكفي بحول الله و الأفضل وللإحتياط خلو الأكل اندومي فقط ... كذا راح توفرون هههههاي رحلة موفقه
رد: ميزانيه هل تفى بالغرض مثل ماقال اخوي كاشخ زيد شوي بالمبلغ للاحتياط .... وانصحكم كثروا الايام بالجبل لان الصرفية فيه بسيطة ...
رد: ميزانيه هل تفى بالغرض والله يابو ساره الميزانيه بعد التذاكر بتطلع 16500 الف في 10 ايام لخمسة اشخاص ارى انها كافيه ان شاء الله ولكن لا مانع من وجود مبلغ احتياطي للازمات جاكرتا يومين كثير لها خلوها يوم واحد في الروحه ويوم اخر في الرجعه بالى احذفوها من الجدول واستعيضوا عنها بباندونق والجبل مهما جلستوا فيه ما تملوه ابد الفندق في جاكرتا انصحكم بفندق منهاتن والفلل في الجبل تشيكروم والاموال تصرفونها مناك او من هنا ماراح تفرق والافضل تخلون الفلوس في البنك وتسحبون بالبطاقه من هناك. بالتوفيق ان شاء الله
رد: ميزانيه هل تفى بالغرض ياشباب هذى سفرتي الاولى للعمه ارجو الافاده
ميزانيه هل تفى بالغرض السلام عليكم ورحمه الله وبركاته اخوانى الاعزاء انا ومجموعه من الزملاء عزمنا على السفر إلى إندونيسيا اذا الله كتب الفتره من (13-09-2010) إلى (24-09-2010) مع العلم انه تم الحجز على الخطوط السعوديه الذهاب والعوده على نفس التواريخ المحدده مسبقاً العدد 5 اشخاص مجموع الميزانيه المرصوده 30000 تكلفه التذاكر 13500 خطه الرحله: جاكلرتا ليلتين بالي 3 ليالي الجبل 5 ليالي استفساري هو: 1- هل الميزانيه كافيه مع العلم انه الفنادق 4 نجوم 2- اسماء للفنادق والفلل الموصى بها 3- هل احجز الفنادق من السعوديه او من مطار جاكرتا 4- صرف الأموال من السعوديه افضل ام من جاكرتا وكيفيه الصرف (اصرف من الريال-الدولار -الروبيه)او (الريال -الروبيه) وشاكر لكم تعاونكم
ميزانيه هل تفى بالغرض
قوانين المنتدى