الجزء الثاني
اول ما وصلت البوابة استغربت .. زحمة .. الظاهر الطايرة مليانة ..
كنت متوقع انه ما حد يسافر موريشيوس
تصدقوا حتى من بريطانيا رايحين موريشيوس عن طرق دبي ... عمار يا طيران الامارات
الطايرة طارت في حوالي الساعة 2:30 ... بعد ها الوجبة الخفيفة
العرسان راحو في سابع نومة .. و ما صحيوا الا على موعد وصول الطايرة ... و الحق يا لوك على الكاميرا . و هاي شوية صور التقطها لكم من الطايرة
وهاي صور للمطار من الطايرة
بعد الوصول و اجراءات الجوازات البسيطة ... تعال نسيت اقولكم على الاستمارات اللي يوزعوها في الطايرة عبوهم لانهم يطلبوهم في المطار .. الغريب انه حتى و انت مسافر من عندهم يطالبوك انك تعبي نفس الاستمارات اللي تسألك وين عنوانك في موريشيوس و كم يوم بتقعد عندهم
مندوب وكالة وايت ساند تورز white sand tours كان في استقبالنا و سلمنا مظروف عليه اسمنا و فيه كتيبات للاماكن السياحية و خريطة لموريشيوس
بصراحة انصدمنا من الجو في البداية اول ما طلعنا من المطار ... كان حار وايد بس كان فيه غيم
بعدها عرفونا على السواق الي بياخذنا على الفندق و ركبنا السيارة
السواق كان طيب و سوالف معاه طول الطريق. بعدها ها كان طبعي مع كل السواقين
تعال يا جماعة انا نسيت اقولكم عن الفندق اللي سكنته في البداية .. قلتكم انه في الجنوب بس ما قلت اسمه
اول خمسة ايام كانت في فندق Les Pavillions اللي بخبركم عنه بعدين
بصبركم بشوي من الصور للطريق من المطار للفندق .. الصراحة عندي صور بالهبل بس احاول اختار لكم شوي منها
اتمنى اسمع رايكم في الصور لانه خبركم خويكم ماله بالتصوير بس الموضة كده