أضف مشاركة إلى الموضوع: أنقذوا شهر العسل
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: أنقذوا شهر العسل على كذا لا تزور اليوروب بارك ..!! اليوروب بارك في الصيف لا تحسبها فاضية ...كويس اذا لعبت في 7 العاب من الالعاب الحلوة ..من قوة الزحمة والسرى. وهذا من الصباح اقصد ..كيف لو كان بعد الظهر فقط. حقها يومييين ..او يوم ونص . وتبغى تقنعني انك بعد اللعب والفرفرة ..تمسك خط الى جنيف بالليل ؟؟ مو معقول يا شيخ. في هذه الحالة والوقت الضيق أنصحك بزيارة مونترو يومين..مدينة حلوة وجميلة وتكنسل انشطة اليوم اللي في انترلكن والمخصص لزيارة المصنع. لأن مونترو قريبة منه ..وانت خارج من انترلكن تمر عليه...وترتاح في مونترو. عاد يعتبر من افضل الشوكولاطات السويسرية ..يا شيخ لاتذكرني بس. وبإمكانك الشراء منه وحمله معاك الى السعودية.
رد: أنقذوا شهر العسل
رد: أنقذوا شهر العسل صحيح .. الإياب إن شاء الله راح يكون من جنيف وإحتمال كبير عشان ما يكون الوقت ضيق في موضوع الذهاب لجنيف والإستعداد للرحله .. اني اخذ سكن في يوروب بارك لمده يوم واليوم الثاني بعد ما نخلص الأنشطه هناك نروح لـ جنيف ( ومنها نجرب التمشيه بالسياره بالليل ) ... الله يعطيك العافيه بالنسبه لمصنع الشوكولاته هذا اللي انت ذكرته تبع نستله ؟ هل هو الأفضل هناك لان بناخذ معنا للسعوديه وياليت تذكر الاماكن اللي فيها فنادق حلوه وقريبه من الاماكن اللي بزورها .. عشان اعرف وين اسكن بـ سويسرا ووين افضل الاماكن اللي احجز فيها فنادق بالنسبه لجنيف ماراح امرها الا في رحلته للإياب .. عشان ما افوت على نفسي مناطق حلوه بالرحله خصوصا ان جنيف في اقصى غرب سويسرا
رد: أنقذوا شهر العسل رجعتك من جنيف؟؟ولا راح تريح فيها ؟؟ تراها مخاطرة اذا كانت رحلتك بدري من جنيف...أربع ساعات المشوار. اذا كانت رحلتك بعد الظهر..يبغالك من الصباح بدرررري تحرك. على فكرة ...هل ودك تزور زيرمات ولا لأ؟ http://www.aboaziz.net/blog/?p=242 اذا ايوة ..عشان تزورها وانت طالع من لوقانو. واذا لأ..اخليك تزور لوزيرن قبل لا توصل انترلكن هذا اليوم الاول. --------- اليوم الثاني: https://maps.google.com.sa/maps/plac...dAPkjj4rDcmjQQ46.569719,7.914276شلال تروميل باخ Jungfraujoch46.547351,7.979035قمة اوروبا --------------االيوم الثالث NestléSuisse SA - Broc 46.606998,7.107811 زيارة مصنع الشوكولاتة Hostellerie Le Castel en Gruyère 46.59426,7.058372 زيارة قلعة جريير وهي قريبة من مصنع الشوكولاتة HarderKulm 46.690929,7.865138 زيارة مطل هاردركلم واذا عندك وقت ..زيارة حديقة الجنقفرو ..المايستري بارك Jungfrau Park 46.681714,7.877884 حديقة جنقفرو ---------------------- اليوم الرابع Rodelbahn Kandersteg 46.497447,7.682018 الزحليقة الصيفية في كاندرشتج Oeschinen Lake 46.49792,7.728882 اوشن سي Blausee 46.532443,7.664595 بلاوسيه واذا كان عندك وقت ..زيارة كهوف ساينت بيتس St. Beatus Caves 46.684541,7.782784 كهوف ساينت بيتس ----------- عاد تطلع من انترلكن وتتوجه الى شلالات الراين.. ثم تحرك الى رست ..وتدخل مدينة الالعاب وتاخذ تذكرة نص يوم واليوم الثاني تذكرة فل. تعرف زحمة وما يمديك تشطبها في هذا الوقت من السنة. ---------- وبعدها من صباح ربنا ...تهندل الموتر وعلى جنيف..عندك وقت ..زور سوق الباليكسرت. ما عندك وقت ..على طول على المطار. ------------ اتمنى اكون افدتك يا عسل.
رد: أنقذوا شهر العسل إن شاء الله راح تكون الرحله بدايه بـ إيطاليا .. وانتهاء بجنيف هات المخطط والأنشطه اليوميه يا بطل التاريخ إن شاء الله راح يكون 20 اكتوبر + 21 اكتوبر + 22 اكتوبر ( ايطاليا ) 3 ايام 23 اكتوبر + 24 اكتوبر + 25 اكتوبر + 26 اكتوبر ( سويسرا ) 4 ايام 27 اكتوبر + 28 اكتوبر ( المانيا والعوده لجنيف ) يومين
رد: أنقذوا شهر العسل بيرن ؟؟ وش الطاري؟؟..فقط تمر عليها مرور. شوف ايش يصير معك وحنا في انتظارك يا قميييل.
رد: أنقذوا شهر العسل إذا كان الذهاب من السعوديه لجنيف .. معناته بنطلع من جنيف لـ رست الالمانيه ( تقريبا 350 كيلو ) بالسياره والعوده راح تكون لـ بيرن ومنها الانطلاق لباقي المدن السويسريه.. صح علي ؟ بالنسبه للسياره راح تكون فقط لين لوقانو وبعدها بطلع بالقطار لميلان ( او فيرونا وتكون ميلان اخر وجهه عشان الأياب للسعوديه بيكون منها ) إلى الأن محتار وش أنسب دوله تبدا فيها رحلتك .. نقطه البدايه من وين , راح ارد عليك قريب بس بدرس الموضوع واشوف الأنسب لانه بناء عليه تعتمد امور كثيره ... جايك ياحلو بس اخذ كم نظره للخريطه ولمواقع تأجير السيارات
رد: أنقذوا شهر العسل السلام عليكم ورحمة الله وبركاته:: المعذرة ..تأخرنا عليك. حلو ..جميل جدا..وتفكير سليم ما شاء الله...عشان تخلي التسوق برضو مرة وحدة اخر ايام السفر. لكن على بالي انك حجزت التذاكر خلاااص...وكنت بقول لك اطلع على جنيف بالقطار من ميلان...وخذ السيارة من هناك. على فكرة..مطار جنيف ..ينقسم الى قسمين..فرنسي وسويسري..والقسم الفرنسي ارخص بكثير من السويسري. حاول في اليوروب كار تحط الدولة فرنسا ..والموقع مطار جنيف..وشوف السعر كم بيطلع. ونفس الحكاية جرب في شركة سيكست. وشوف كم تطلع التكلفة ايضا لو كان التسليم في ايطاليا في ميلان.. او سويسرا في لوقانو + سعر تذكرة القطار من لوقانو الى ميلان. موقع القطارات السويسرية http://WWW.SBB.CH وأنصحك أخوي تستعمل خرائط قوقل..سهل جدا ولا فيه تعقيد. https://maps.google.com/maps?hl=en&q...0BELYD&safe=on راح اعيد صياغة ترتيب المدن في الرحلة:: الوصول جنيف والمغادرة ميلان. الوصول الى جنيف والسكن في ديفون او لوزان او بالقرب من المطار...لمدة يوم واحد. مدينة الالعاب اليوروب بارك يومين انترلكن ثلاثة ايام ميلان ثلاثة ايام. وهذا رابط للمسار المطلوب من جنيف لقرية رست الالمانية اللي فيها الالعاب https://maps.google.com/maps?hl=en&i...-A8wAA&safe=on بالنسبة للأنشطة اليومية ..راح نحددها باذن الله بعد اعتماد المخطط. ها شو رأيك خيوو.؟
رد: أنقذوا شهر العسل الله يوفقكم يارب .. وانا ان شاء الله بعد ما ارجع راح انزل تقرير بكل التفاصيل بحول الله
رد: أنقذوا شهر العسل استفدت من موضوعك أخوي و تساؤلاتك بالتوفيق لك وياليتك تبلغني بعد السفرة لأن يظهر لي أنكم بعدنا بالايجابيات و السلبيات.
رد: أنقذوا شهر العسل الأسعار جدا غاليه وتفرق كثير بين لوقانو وجنيف ... جنيف ارخص بكثير ( اتكلم عن يوروب كار ) ** اللي اكتشفته انك لو تستأجر من جنيف راح يكون ارخص شي ... حتى لو بتسلمها بـ لوقانو اما العكس لو تستاجر من لوقانو وتسلمها بجنيف بيطلع ضعف المبلغ واكثر بعد عشان كذا ممكن نقول ... ابدا الرحله من جنيف واطلع لليوروب بارك وبعدها ارجع لسويسرا 4 ايام لين اوصل لوقانو .. وهناك اسلم السياره وبالقطار لـ ايطاليا وتصير المغادره من ايطاليا للسعوديه رأيك ؟
رد: أنقذوا شهر العسل انا خذيت خريطه لـ إيطاليا وخريطه لـ سويسرا من النت وحددت بعض الأماكن عليها .... مثلا بـ إيطاليا حددت المدن الثلاثه اللي بروح لها ( ميلان, فينيسا, فيرونا ) , منها اعرف وين مكانها بالخريطه عشان احدد من وين ابدا الرحله واتجه شمالا لين اوصل لـ سويسرا .... بالنسبه لـ سويسرا زي ما قلت انت ونصحت انه تكون نقطه البدايه من مدينه لوقانو السويسريه واستأجر منها سياره ( يعني من إيطاليا لين لوقانو بالقطار ) باقي للحين ما حددت المدن السويسريه لاني ضعت بينهم بصراحه وقاعد اراجع كلامك بالصفحه الأولى عشان تتضح الصوره لي خصوصا اني ناوي استاجر سياره بحكم انها ارخص واكثر عمليه وعشان ما تفوتنا المناظر هناك ... بالنسبه للسياره راح استأجرها من لوقانو واسلمها بـ جنيف .. هل عادي كذا ؟ ولا بيحسبون ضريبه بعد ؟؟ ** ياليت بالنسبه لـ سويسرا تذكر لي المدن اللي تشوف يفضّل امرها .. عشان اعلمها بالخريطه وبعدها عطني اسماء الاماكن لاهنت .. الشلالات ومصنع الشوكولاته والامور اللي سبق وذكرتها المعذره بتعبك معي بس فعلا الواحد يضيع بـ سويسرا لاشاف الخريطه مايدري وين يروح عطني الله لا يهينك أفضل مسار من سويسرا لين مدينه الألعاب بجنوب ألمانيا ( رست اتوقع اسم المدينه ) ثم ايابا لـ جنيف ومنها بتكون الرحله للسعوديه إن شاء الله ... وابي بعد أفضل مكاتب تأجير السيارات بـ سويسرا , اللي اعرفه يوروب كار بس ما ادري اذا فيه غيره انسب واسعاره افضل اكون شاكر لك قاعد احاول اخفض ميزانيه المواصلات قد ما أقدر عشان ازيد بميزانيه شي ثاني على حسابها
رد: أنقذوا شهر العسل ألمااااانياااااا..سلامات وش الطاري.؟؟مو قلنا جنيف..؟ والسيارة استلامها من لوقانو ؟؟ وبكذا تتفادى الضريبة ؟ ألمانيا تكون وسط الرحلة ..ولكن لا تنفع للرجوع .. اذا كنت على السعودية ..العودة من جنيف او على غير السعودية ..زيورخ مثلا. واذا كانت المغادرة من ألمانيا ..من شتوتقارت لغير السعودية مثلا او فرانكفورت لغير السعودية او السعودية معا ..لابد تسلم السيارة في اخر نقطة حدودية..مثلا بازل...او الشافهاوزن...وبالتالي تتفادى الضريبة. وانا ما انصحك تطلع واجد شمااال في الفترة الضيقة اللي عندك. ارجع من جنيف ..ومر على لوزان والريف الفرنسي..تراه رائع. هذا من رأيي الشخصي..والموضوع راجع لك. ويا طويل العمر..تراه مو مشوار بين مدينة الالعاب الى جنيف..اصلا كلمة تعب في ذيك الديااار..ااااه..تنساه ابدا . ايش المناظر وايش التنظيم وايش المتعة في القيادة..وايش التسهيلات وش اخلي وش ابقي. ترتاح مثلا في لوزان ..مو شرط جنيف..او في ديفون الفرنسية او توواريه الفرنسية القريبين من المطار. واي استفسار اخر..احنا حاضرين.
رد: أنقذوا شهر العسل الله يعطيك العافيه .. بتعبك معي شوي بس كله بأجره إن شاء الله :d بالنسبه للسياره , ضريبه التسليم من دوله ثانيه كيف اتفاداها ؟ بمعنى إذا أستأجرت من ميلان وسلمت السياره بـ ألمانيا بيحسبون علي تقريبا ضعف المبلغ وأكثر لكن ابي اتفادى هالنقطه وهل تنصح أخذ السياره من ميلان ؟ ولا من أخر نقطه بـ إيطاليا استاجر واطلع لسويسرا لاني بنزل بمطار ميلان وبعدين بروح لفينيسيا وبعدها فيرونا ( او العكس فيرونا وبعدين فينيسيا ماشيكت ع الخريطه ولا شفت وش اقرب لميلان ) وهل تنصح الإياب للسعوديه يكون من ألمانيا ؟ ولا من سويسرا ؟ يعني هل تكون اخر وجهه مدينه الألعاب ومنها للمطار ؟ لاني احس الجدول يبيله نشاط ههههه كل يوم بمدينه غير أعذرني على اسئلتي الكثيره .. بس احاول قد ما أقدر تكون الرحله مرتبه جدا والاماكن اللي بزورها تكون من نخبه الاماكن لان شهر العسل بالذات ما يتكرر حتى لو تكررت الزياره ومنها ان المدام جدا متحمسه وودي الرحله تبيّض الوجه :d الله يعطيك العافيه مره ثانيه وآسف على كثر الأسئله لكن ان شاء الله بعوضك بتقرير يحبه قلبك هههه
رد: أنقذوا شهر العسل NestléSuisse SA - Broc 46.606998,7.107811 زيارة مصنع الشوكولاتة Hostellerie Le Castel en Gruyère 46.59426,7.058372 زيارة قلعة جريير وهي قريبة من مصنع الشوكولاتة HarderKulm 46.690929,7.865138 زيارة مطل هاردركلم Rodelbahn Kandersteg 46.497447,7.682018 الزحليقة الصيفية في كاندرشتج Reichenbach 46.719449,8.187771 ريخن باخ Oeschinen Lake 46.49792,7.728882 اوشن سي Blausee 46.532443,7.664595 بلاوسيه heimwehfluh 46.675995,7.850246 مطل هيموخفلو https://maps.google.com.sa/maps/plac...dAPkjj4rDcmjQQ 46.569719,7.914276 شلال تروميل باخ Jungfraujoch 46.547351,7.979035 قمة اوروبا Giessbach 46.736008,8.024397 شلال القس باخ Aareschlucht 46.719858,8.181896 خوانق نهر الار Luzern 47.051587,8.31562 زيارة مدينة لوزيرن Kapellbrücke 47.052289,8.308153 الجسر الخشبي في لوزيرن Lion Monument 47.058809,8.310213 تماثيل الاسود في لوزيرن Glasi Hergiswil 46.982126,8.311157 مصنع الزجاج في لوزيرن PARAGLIDING & HANG GLIDING 46.688044,7.861061 الطيران الشراعي St. Beatus Caves 46.684541,7.782784 كهوف ساينت بيتس Jungfrau Park 46.681714,7.877884 حديقة جنقفرو zermatt 46.022714,7.748108 قمة جبل الماترهورن في مدينة زيرمات.
رد: أنقذوا شهر العسل هذه خريطة انترلكن التفاعلية موضح فيها الاماكن السياحية ومعلومات عنها. http://www.arabtravelersforum.com/travel569078/ وهذا رابط للاماكن السياحية في انترلكن http://www.arabtravelersforum.com/travel61679/ انترلكن. وبإمكانك قراءة الدليل السياحي السويسري http://www.arabtravelersforum.com/travel51030/ وايضا في المرفقات ..ملف جميل عن مدن سويسرا..
رد: أنقذوا شهر العسل الله يسعدك ويوفقكم في رحلتكم . ونقطة مهمة جدا انت ذكرتها وهي تطبيق المدن على الخريطة ..جميل جدا وراح يفيدك. ولا تشيل هم ..ما تطلع من السعودية الا وانت واااكي باذن الله. بالنسبة للإحداثيات راح انزلك اياها بالاضافة الى مرفق للاماكن السياحية ..باكر الصبح موعدنا ان شاء الله. ((موجودة على جهاز اخر ..والنت عندي يا شيييييخ الله وكيلك ..مدري وش صابه)) لا تحول مبالغ كثيرة ..واذا لقيت سعر الفرنك بنفس السعر الموجود في مواقع التحويل أقولك أوكي. لأنهم مبالغين في سعره شويتين...أقصد الصرافين حبايبنا. وبطاقة الفيزا ..اللي حروفها بارزة لازم تكون معاك ..عشان ايجار السيارة ..وايضا بطاقة الصراف في حالة الزنقة الميزانية تتراوح طال عمرك من 150 الى 200 يورو في اليوم ..تزيد او تنقص ...كمعدل طبعا. وسويسرا راح تكون اغلى شويتين من الباقين. لشخصين يعني . والسكن مثلا اول يكون متوسط ..والقرى في الغالب ارخص من وسط المدن . مثلا مو شرط تسكن بإنترلكن نفسها ..توجد قرى حواليها جميل السكن فيها مثلا جريندلوالد ولوتربرونن وثون وشبيتز وبرينز وغيرها وفي العودة الى جنيف .لا تسكن فيها ..توجد خيارات في ديفون وتواريه جميلة..وقرب المطار وارخص من جنيف. بالنسبة السويس هاف فير ..او السويس باس ..ماراح تستفيد منه بالشكل المطلوب الا اذا كانت انشطتك مررة كثيرة وفترة مكوثك في سويسرا طويل وتنقلاتك بالباصات والترام القطار. لكن معاك سيارة ..وكلها أربعة ايام في انترلكن ..فصعب راح تحلل البطاقة. بالنسبة لهايدي الجميلة ..توجد لها قرية ومتحف تبعد ساعتين عن انترلكن ..والمشكلة انها ابدا ابدا ماهي بطريقك...انا راح اقولك انها ما تستاهل العنوة ..لكن في أنشطة افضل من خسارة أربع ساعات رايح جاي على متحف. وشوف تقارير هايدي لاند ولك الحكم والقرار أخوي. ولي عودة لك باذن الله..لأستكمال ما بدأنا فيه ..من أنشطة واحداثيات وخلافه. تحياتي وبالتوفيق
رد: أنقذوا شهر العسل يا سلام عليك .. والله قليله بحقك مبدع بالتخطيط بس محسوبك شوي بليد خصوصا في بعض التفاصيل اللي بحاول اعرفها .. مثلا انت عطيتني رؤوس أقلام عن مناطق معينه بس الملخص كان كالتالي 3 أيام إيطاليا 4 أيام سويسرا 2 ألمانيا ( اليوروب بارك بألمانيا صح ؟ بأي مدينه بالضبط ) بفتح الخريطه واشوف مسار الرحله وابحث عن بعض النقاط المهمه جدا واللي انت ذكرتها او اذا عندكم احداثيات او نصائح معينه ياليت ماتبخلون علينا .. بالنسبه للكاش .. احول الفلوس لـ يورو ؟؟ ولا اخلي ميزانيه لكل دوله بعملتها المحليه ( مثلا احول الريـال للفرنك بسويسرا .. وانت ماشي ) على هالترتيب والجدول اللي ما قصرت اخوي ميدو وعطيتني اياه .. كم توقع الميزانيه الكامله للرحله ؟ لاهنت والله يسعدك ملاحظات بسيطه // تنصح اخذ السويس باس؟؟ سمعت عن فندق اسمه هايدي هوتيل اظن .. او شي كذا وش قصته ووين فيه بالضبط وهل يستحق العناء ولا انا فاهم غلط :d
رد: أنقذوا شهر العسل الله يعافيك ويسلمك يالغالي:: طيب ما دام ايطاليا مخططين لها ..يبقى المخطط الثاني اللي هو :: النزول الى ميلان والرجوع من جنيف. ميلان ثلاثة ايام (ومنها تزور فينيسيا وفيرونا ) انترلكن أربعة ايام (تاخذ السيارة من لوقانو - تمر على بحيرة البلاوسي - يوم كامل لاعلى قمة في اوروبا مع زيارة شلال التروميل باخ - زيارة مصنع الشوكولاتة والقلعة القريبة منها وكهوف ساينت بيتس - زيارة خوانق نهر الار ومطل الهاردر كلم وحديقة المايستري بارك. يومين اليوروب بارك (في الطريق تور اكبر شلال في اوروبا ..شلال الراين ..ومدينة كولمار الفرنسية ..واليوم الثاني كاااامل للالعاب..مع ان بإمكانك اخذ نصف تذكرة اللي بعد الظهر لو ما ودك تزور كولمار الفرنسية.) يوم في جنيف والمغادرة...ومو شرط تكون جنيف اذا كنت على غير السعودية ..خليها زيورخ مثلا او بيرن العاصمة. مطار جنيف سلمك الله له مخرجين ..من ناحية سويسرا ويسمونه الجانب السويسري...ومن ناحية فرنسا يسمونه الجانب الفرنسي. والا هو مطار واحد...والعجيب في الموضوع ان ايجار السياارات في الجانب الفرنسي ارخص بكثير من الجانب السويسري. أوكي؟ وصلت ؟. بالنسبة للجو ..طبيعيا..كلما اتجهت شمالا في اوروبا ..تقل درجة الحرارة. لكنها في بداية اكتوبر في حدود المعقول. تحياتي اخوي.
رد: أنقذوا شهر العسل ايه صحيح .. كيف الجو بـ إيطاليا / سويسرا / ألمانيا في شهر أكتوبر ؟
رد: أنقذوا شهر العسل الله يعطيك العافيه ويسلم يدينك .. أعجبني كثير مخططك الأول بس للأمانه إيطاليا ضروره .. يعني يومين إن شاء الله راح تكفي هناك لأنه فيه مكان تبي تروح له المدام ههههه وهو جنب ميلان تقريبا ساعتين زمن بالنسبه لـ ألمانيا اقصد الجنوب الألماني , هل فيه متعه لو أروح له ولا اخلي يومين بـ إيطاليا وباقي الايام ب سويسرا ؟؟ زي ما انت شايف الوقت اللي عندي جدا ضيق تقريبا 8 أيام ولا ودي يضيع بالتنقل اتمنى اوصل لمسار مرسوم رسم .. من إلى ,, وزي ما قلت لك المخطط الأول حقك بطل جدا خصوصا ان فيه تنوع .. ومصنع الشوكولاته هذا لازم أمره موصيني عليه الأهل بالنسبه لموضوع جنيف .. ما فهمت وش سالفه الجانب الفرنسي والجانب الثاني مدري وشو ياليت شوي توضيح لاهنتم عشان أكون بالصوره فقط
رد: أنقذوا شهر العسل السلام عليكم ورحمة الله وبركاته::أخوي الله يسلمك ..في هذا الوقت المحدود جدا ..حاول تركز في المخطط ولا يكون مشعتر...عشان لا يكون ضريبة على الراحة والاستجمام... انا لا اعلم ماذا تقصد بألمانيا..هل تقصد ميونخ ؟ او كونستانس والغابات السوداء ومينة الالعاب في الجنوب الالماني ؟؟ --- هذا مقترح مخطط كالتالي: جنيف جنيف جنيف والسكن في لوزان يوم واحد انترلكن أربعة ايام يورب بارك (مدينة الالعاب في ألمانيا ) يومين جنيف والريف الفرنسي يومين. مخطط مختصر ..ومتنوع...مدن قرى العاب بحيرات شلالات انهار اودية كهوف حدائق منتزهات متاحف قمم ثلجية مطلات مصانع شكولاتة وجبن قلاع وغيرها من الانشطة . الا اذا كانت زيارة ايطاليا شي حتمي: ميلان جنيف النزول في ميلان ثلاثة ايام (ومنها يوم لفينيسيا)....وبالقطار الى لوقانو ..استئجار السيارة والذهاب الى انترلكن أربعة ايام..ثم جنيف يومين ايام. ((لتفادي ضريبة استلام السيارة من دولة وارجاعها في دولة اخرى)) للمعلومية ..الخطوط السعودية للرحلات الدايركت على ميلان وجنيف فرانكفورت وباريس...القريبة من مخططك. لكن لو على اي خطوط اخرى ..بإمكانك المغادرة من اي مدينة . ---------- نعم .. الشنقن من الدولة الاكثر اقامة ...سويسرا نظاميا والا اذا تتكلم غير كذا ..يا كثر اللي يتحايلو على النظام ..بحجوزات وهمية وخلافه . ------------- مصروف الجيب يتراوح ما بين 150 الى 200 يورو في اليوم عاد شهر عسل ما يبيلها...لازم صرفية وتبحبح الميزانية شويتين. ---------------- والله يا طويل العمر والسلامة ..السيارة لها متعة خاااصة ..لكن اذا كانت المسافات بين الدول كبيرة ...راح تكون متعبة عشان كذا ..خليها ملمومة جنب بعض ومركزة ..والفكرة هي الاستمتاع والاسترخاء. وميزة السيارة توقف متى ما تبغى وتحرك متى تبغى ..وانت حر نفسك ..منت مقيد بقروب ولا بمواعيد باص او قطارات. فهذا من رأيي...والامر راجع لك.. واغلب الاعضاء يفضلون اخذ السيارة من الجانب الفرنسي لمطار جنيف لكونه ارخص من جنيف نفسها..وتوجد رحلات متوفرة على هذا المطار كثيرة. مثلا للدايركت السعودية ..او الشرق الاوسط اللبنانية او الاردنية والتركية والاماراتية والمصرية واللوفتهانزا والقطرية والاتحاد وغيرها. والسعودية الحمد لله ..طائراتها المتجهة لاوروبا افضل بكثير من غيرها..ويكفيك الرحلة دايركت ومافيها ترانزيت واسعارها مقبولة. الكي ال ام الهولندية اغلب عروضها من الدمام . انتا شوف كل وحدة فيهم ..تواريخهم ومواعيدهم وكم وقت الترانزيت في المطار ..وبعدها قرر. ------- على فكرة ..اغلب الانشطة من يوم 25 أكتوبر راح تكون مغلقة...لبداية دخول موسم الشتاء. الجو في ذا الوقت يعتبر يعني دخلة البراد ..جكيت على ملابس صيفية وشوية بيجامات عند الصعود للقمم الثلجية. ---------- بالاول نتفق ونحدد المخطط ثم ندخل على الانشطة اليومية. والله يتقبل منا ومنكم صالح الاعمال وألف مبروووك مقدما.
رد: أنقذوا شهر العسل شكرا .. بإنتظار الرد على بقيه الأسئله من الأعضاء
رد: أنقذوا شهر العسل رحله موفقه انصحك تزور النمسا اذا شهر عسل بالنسبه للخطوط انا افضل السعوديه لانها دايركت بس لك الحريه الفيزه سهل امورها انت تطلعها وصحيح الافضل تطلعها من الدوله الاكثر اقامه من الموبايل
أنقذوا شهر العسل السلام عليكم ورحمه الله وبركاته في البدايه أحب أن أشكر الجميع على هذا الصرح المليء بالفائده والمعلومات ... واسأل الله لي ولكم الأجر والثواب على ما تقدمونه من مجهود انا إن شاء الله ناوي أزور أوروبا في شهر أكتوبر لقضاء شهر العسل هناك .. ومحتار بصراحه وين أقضي أجازتي .. مع العلم انها 9 أيام فقط راح يتخللها إيطاليا لمده يومين بالكثير وممكن ألمانيا 3 أيام و 4 أيام في سويسرا * هل مسار الرحله مبشر بأجازه جميله ؟ أو ان هناك دول أفضل زيارتها من اللي ذكرتها قبل ؟ * بخصوص الفيزا .. أنا قرأت اني استخرج الفيزا من الدوله اللي راح أقضي فيها أطول مده خلال الرحله .. يعني وبناء على المسار اللي قلته فوق المفروض أطلعها من السفاره السويسريه .. صح علي ولا انا فاهم غلط ؟ * بخصوص الاجواء خلال شهر أكتوبر القادم .. هل هي بارده بالدول اللي ذكرتهم ؟ يعني ادور ملابس شتويه من الحين ولا الوضع هناك ربيعي * التكلفه ومصروف الجيب ... ماهي أنسب ميزانيه للـ 9 أيام كلهم ( بدون السكن والتذاكر ) يعني مصروف للجيب والمشاوير هناك * هل القطار غالي وتنصحوني فيه او فيه خيارات افضل ؟ لاني ناوي اروح من دوله لدوله بالقطار .. احسه تجربه راح تكون جميله لكن ما أدري عن أسعاره بصراحه .. ولا استأجر سياره من هناك ؟ ( التكلفه + الراحه ) هي المهمه * أفضل خطوط جويه من ناحيه الراحه والأسعار ( الراحه اساسا تتضمن الأسعار ههههه ) لأن الخطوط السعوديه صايره كنها النقل الجماعي .. طول الرحله مطبات وهبال ( رأيكم بـ إتحاد الإمارات ؟ كي ال ام ؟ ليفتانزا ؟ القطريه ) ولا فيه خطوط أفضل من هذولا ؟ * كل عام وانتم بخير .. والله يقبل صيامكم وقيامكم مقدما وشكرا للجميع
أنقذوا شهر العسل
قوانين المنتدى