أضف مشاركة إلى الموضوع: طلبتكم يالغالين لاتردوني
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: طلبتكم يالغالين لاتردوني اخوي خالد مثل ما قالت اصول و abcd المنطقه بس يعيبها الزحمه .. انزين ليش ما تشوق شقق بودل ولا بلازا اثينا حلوين ومواقع ممتازه
رد: طلبتكم يالغالين لاتردوني
رد: طلبتكم يالغالين لاتردوني صحيح فندق هوثون بحولي وتمتاز هذه المنطقة بالزحمة بس الفندق وايد يمدحونه.
رد: طلبتكم يالغالين لاتردوني ما انصحك بهذا الفندق لوجوده في منطقة حولي والمكان اللي فيه دائما زحمه انا انصحك في ايبس السالميه رخيص وكويس ومكانه اكثر من رائع
رد: طلبتكم يالغالين لاتردوني مشكورين اخواني على حسن تعاونكم لي ملاحظات على الخيارات اللي حطيتوها لي ميراج حلو لكن الواضح ان اثاثه قديم ذا بالم حلو لكن انا حاولت اني ابعد عن المنتجعات لان بصراحه الجو مايساعد على البحر في هالحر وبالتالي ماله فايده لسكني في منتجع اذا ماراح استفيد من البحر والشاطئ ريجنسي حلو وهذا اللي يستهويني بس انه فوق الميزانيه لي رويال حليو ولو تغاضينا عن الزياده البسيطه اللي حاطه في بالي بس قرات في الملاحظات ان الغرف الستاندر صغيره مره وانا مااحب الكتمه حبيت اخذ رايكم بفندق هورثون بحولي كيف وضعه؟
رد: طلبتكم يالغالين لاتردوني ماقصروا اخواني في المعلومات .. وبضيف فندق على اللي ضافتهم اختي الكويتيه واماكنهم في الوسط 1 - ميراج http://www.booking.com/hotel/kw/mira...-us&aid=358324
رد: طلبتكم يالغالين لاتردوني موفنبك المنطقه الحره جيد .. و بالسياره تقريبا لي افنيوز اقل من ربع ساعه و نفس الشي لي 360 حسب الزحمه 30 دقيقه هذا اذا بتروح ابببببعد شي .. فحيحيل مثلا الكوت او المنشر .. بس المنطقه الحره صارت شوي منطقه نايمه بسبب اغلاق المطاعم و الكافيهات و البنوك اللي فيها .. شوف فندق ذا بالم .. تقريبا ال3 ليال 2500 ريال http://www.booking.com/hotel/kw/the-...tml?aid=358324 ريجنسي توا مجدد http://www.booking.com/hotel/kw/the-...tml?aid=358324 شوف ايضا هذا علي البحر و سعره اقل من 2000 لل3 ليال http://www.booking.com/hotel/kw/le-m...tml?aid=358324
رد: طلبتكم يالغالين لاتردوني لمعرفةالاماكن السياحية باكويت شوف تقريري ( رحلتي الي الكويت ) فية كل الي تبي تعرفة عن الكويت ان شاء الله يفيدك انت و المدامو حياكم الله بلدكم الثاني الكويت و فندقك ما انصح فيةلبعدة عن اماكن الحيوية شووووف غيرة و انصحك بفندق ايبس في السالميةاو شرق هناك اثنان و الله يوفقك
رد: طلبتكم يالغالين لاتردوني مشكورين ماقصرتوا بس انا حاط ميييزانيه السكن 2000 ريال لكل المده ونص ساعه والله مهب سهله يعني انت مسافر وعليمي بالطرق الظاهر النص ساعه تصير 45 دقيقه انا سمعت انه فيه اثنين هوليدي ان مالقيت الا واحد بالمواقع وطلعلي المجموع 3500ريال بصراحه كثير على 3 ليال
رد: طلبتكم يالغالين لاتردوني السلام عليكم جرب منطقة السالميه شارع سالم المبارك ( جنب مركز سلطان ) فيه فندق اسمه ( ibis ) سعره 27 دينا وفي ناس تمدحه وتقول رخيص وحلو وهو اهم شارع بالكويت للشباب والبنات وكل الكافيهات وبعض اهم المحلات يمه او جرب فندق الي بالبدع جنب دوار البدع واسمه ( موفمبك ) اعتقد ليلته 60 دينار وهو قريب من كل شي بالسياره من خمس الى عشر دقايق الى شارع سالم المبارك وعشر دقايق الى مجمع 360 ويمه راح تلقى بعض الكافيهات والمطاعم الي يرتادها اغلب اهل ( وشباب وبنات الكويت ) ةعندك هوليدي ان الي عند تقاطع شارع البلاجات مع شارع الخليج وماهو غالي 4 نجوم وحليو عموما لازم ليم توصل الكويت تزور الافنيوز ( وهي بمنطقه الري ) و مجمع 360 ونسميه ثري سكستي يعني نقراه بالانجليزي علشان لا تسال احد وين مجمع 360 ويضحك عليه ويقع بمنطقة الزهراء بجنوب السره
رد: طلبتكم يالغالين لاتردوني المشاركة الأصلية كتبت بواسطة خالدالحزين http://www.arabtravelersforum.com/tr...4/#post5325770 مساء الخير جميعا انا بااذن الله جاي للكويت بالسياره انا وزوجتي بنهاية هالشهر وبصراحه حبيت اني ادور مكان مناسب للسكن حق 3 ليالي وبسعر مايكون مبالغ فيه فتحت موقع البوكيينق وشفت سعر الماريوت والسفير وغيرها لقيتها غاليه والشقق الفندقيه مااعجبتني خاطري بفندق فشفت عرض لفندق الموفنبيك ( بالمنطقه الحره) مناسب جدا لي ولكني لاني اول مره ازور الكوييت مااعرف هل هذا الفندق موقعه مناسب للمجمعات التجاريه الحلوه والمناطق الحيويه الضروريه؟ لان تنقلاتي بتكون بسيارتي ومااحب المسافات الطويله بالمشاوير ياليت تفيدوني يالغالين وياليت تقولون لي عن مستوى الفندق نفسه اذا تكرمتوا حياك الله اخوي خالد انت والمدام وبتنور الديره بييتكم .. فندقكم ممتاز وحلوو .. بس المنطقه الحره تعتبر اشوي بعيده عن المجمعات يعني حواليه شركات و كافيهات .. بس الفندق ممتاز واذا معاكم سياره ما اعتقد بيكون سبب المكان لكم لان ابعد شي تقريبا من المنطقه الحره لو قلنا لي فحيحيل تقريبا 30 دقيقه .. واذا تعتبر مسافه 30 دقيقه بعيده تشوفها نقدر انرشحلك فنادق ثانيه .. انت تقريبا جم ميزانيتك لليله في الفندق ؟؟
طلبتكم يالغالين لاتردوني مساء الخير جميعا انا بااذن الله جاي للكويت بالسياره انا وزوجتي بنهاية هالشهر وبصراحه حبيت اني ادور مكان مناسب للسكن حق 3 ليالي وبسعر مايكون مبالغ فيه فتحت موقع البوكيينق وشفت سعر الماريوت والسفير وغيرها لقيتها غاليه والشقق الفندقيه مااعجبتني خاطري بفندق فشفت عرض لفندق الموفنبيك ( بالمنطقه الحره) مناسب جدا لي ولكني لاني اول مره ازور الكوييت مااعرف هل هذا الفندق موقعه مناسب للمجمعات التجاريه الحلوه والمناطق الحيويه الضروريه؟ لان تنقلاتي بتكون بسيارتي ومااحب المسافات الطويله بالمشاوير ياليت تفيدوني يالغالين وياليت تقولون لي عن مستوى الفندق نفسه اذا تكرمتوا
طلبتكم يالغالين لاتردوني
قوانين المنتدى