الرد على الموضوع

رد: احد سمع عن الزلزال اللي يقولون ممكن يصير بكاليفورنيا ؟؟؟

والله امس انا شايفهم على قناة العربية جايبين تقرير عن زلزال قوي بيكون هذي السنه في كاليفورنيا


ومتوقعين يكون فيه عدد وفيات كثير واصابات كثيره

(( حددوها باالارقام بس ما انتبهتلها والله ))

رد: احد سمع عن الزلزال اللي يقولون ممكن يصير بكاليفورنيا ؟؟؟

أخوي المفجر

توكل على الرحمن
وان شاء الله دروبك كلها سلامه

رد: احد سمع عن الزلزال اللي يقولون ممكن يصير بكاليفورنيا ؟؟؟

السلام عليكم

أخوي الزلازل في كاليفورنيا و الاسكا و جزر هاواي كثيرة و يومية البعض تشعر بة و البعض لا. أم علماء الجلوجيا فينسبون التوقع الي عدم حدوث زلزال كبير منذو فترة مما يولد ضغط شديد لحدوث كارثة كبيرة و هم في كل سنة يعيدون التحذير. والكوارث موجود في أكثر الولايات كما قالوا الأخوة.

وهذا موقع لمتابعة النشاط الزلزالي في كاليفورنيا و العالم يوميا.
http://earthquake.usgs.gov/recenteqs/

رد: احد سمع عن الزلزال اللي يقولون ممكن يصير بكاليفورنيا ؟؟؟

[align=center]اخوي المفجر

لا أحد يعلم متى تحدث الزلازل الا الله
وألا كان ما احد مات وتضرر من الزلازل
وهذي من حكمته سبحانه انه حتى التكنلوجيا الحديثه عاجزه عن توقع الزلزال، مو مثل المطر والاعصار

وكاليفورنيا عموما (حالها حال ايران واليابان وتركيا) معرضه للزلازل بحكم طبيعه الجيولوجيا لأن فيها صدع أو شق ارضي ضخم اسمه سان اندرياس، وهذا الصدع النشط يقطع كاليفورنيا من سان فرانسيسكو شمالا الى لوس انجليس جنوبا.
وبحكم تحرك طبقات الارض (خلني اتفلسف عليك شوي بالجيولوجيا :106: ) احتمال كبير يتحرك الصدع وينشأ زلزال في اي وقت.
الخلاصه، كايفورنيا معرضه لزلزال.... متى؟ الله اعلم

ما نقول الا الله يستر والله يحفظنا ويحفظ المسلمين في امريكا
اعذرني عالاطاله

مع تحيات الجيولوجي

فتى الشرقيه[/align]

رد: احد سمع عن الزلزال اللي يقولون ممكن يصير بكاليفورنيا ؟؟؟

والله الولايه هذي صار فيها زلزال خيالي في التسعينيات

والعلمااء متوقعين زلزال قوي جداً خلال السنتين الجايه ويمكن السنه هذي الله اعلم

عموماً توقعات العلماء تقول ان من شدة الزلزال راح تنفصل اجزاء من الولايه وتصير على شكل جزر والله اعلم

والكلام هذا سامعه من 7 سنوات ويقولون متوقع يكون في 2005 او بعدها بفتره بس بعدها ماعندي اي معلومه

والحافظ الله ... امريكا فيه كوارث طبيعيه كثيره اما تورنيدو او فيضانات او اعاصير من البحار او زلازل او براكين ولكن لازم تكون عندك خلفيه عن الطبيعه هناك ... كنت انا في كولورادو بدنفر المطار دايم يصير فيه اعاصير ويكون فيه غرف حمايه داخل المطار فلازم تكون عندك فكره شامله عن ولاية كاليفورنيا بس بيني وبينك الولايه اسعارها ناااار يعني كنت في 2001 هناك جلست فيها عشر ايام بس بين سان ديغو ولوانجلوس وسانتا مونيكا وغيرها العشر ايام هذي كلفتني اكثر من مايقارب نصف الميزانيه وجلست بولاية كولورادو ونيفادا مايقارب شهر ونص ماكلفتني العشر ايام اللي جلستها في كاليفورنيا

احد سمع عن الزلزال اللي يقولون ممكن يصير بكاليفورنيا ؟؟؟

السلام عليكم

اخواني ماودي اخوفكم لكن دقوا علي اثنين من الشباب اليوم وقالوا لي انت اي ولاية بتروح لها قلت كاليفورنيا قالوا حنا سمعنا اليوم ان فيه علماء يتوقعون والعلم عند الله ان كاليفورنيا بيصيبها زلزال

وبحثت في اكثر من موقع اخباري وماحصلت شي


فاللي عنده علم ياليت مايبخل علينا



سلاااااااااااااااااااام