الرد على الموضوع

رد: الى خبراء سياحة الجزر بليز بليز

تصحيح اخوانه المصريين

رد: الى خبراء سياحة الجزر بليز بليز

انا بعد اقول موريشوس مثل ماقالو الاعضاء ارخص ونفس المستوى

ثانى شئ لعشان الزلزال اللى صار والواحد بورحه خايف

وثالث شئ فيه سوق عندهم كل اللى يشتغلون فية اخانة المصريين ومطاعم

مواضيع موريشوس كلها موجودة فى بوابة الجزر وراح تستفيدين

وانا اايدك لما قلتى مليت من التسوق مافى احلى من سوق الكويت كل شئ فية

ولى ماتحصلينة فى السوق بس ماعليك الا تبطلين الكمبيوتر وطلبية وخلال اسبوع عندك

السفر اهم شئ راحه نفسيه وجسدية وذهنيه

وتروحين وتردين بالسلامة

رد: الى خبراء سياحة الجزر بليز بليز

باااااك

هلا والله اخوي بويارا ومشكور عالنصيحة الجيدة بس ترى انا غيرت رايي عن المالديف
والحين في انتظار جزيره موريسش الجميله خصوصا ان فيها حدايق وطبيعه غير الشواطيء
واتوقع هالشي يناسبني .. اضافه الى ان نقدر نغير الجهه من شمال وجنوب وشرق وغرب



وبانتظار جدول مقترح للرحله





تحياتي

رد: الى خبراء سياحة الجزر بليز بليز

أعتقد أن أكثر من ثلاث ليال في فندق واحد في المالديف ستكووووووووون انتحااااااااااااااااااار وراح تندموا على اليوم اللي حجزتوا فيه على المالديف .... المالديف ثلاث إلى أربعة أيام فقط ... ولكن أربعة أيام غير فيها أنواع الروقان والرومنسية والهدوووووووووووء والبعد عن أجواء المدن والعودة للطبيعة

تحياتي،،،،،

رد: الى خبراء سياحة الجزر بليز بليز

هلا والله بالخبراء

مشكور اخوي بوعزيز جدا جدا على الرد والاقتراح وسوري بالنسبه للموضوع الثاني لان ماكنت عارفه خاصيه المنتدى بان الردود ماتكون على طول

عموما انا يمكن رديت بس اشوف الرد ما وصل مع ان من امس !

وفكرت بموضوع موريشس وشفت انها مناسبه خصوصا انها جزيره واكيد بتكون حلوه من التقارير اللي شفتها عنها من الاخوان الاعضاء اللي ماقصرو

فالسؤال نفسه راح ينتقل لجزيره موريسش واتمنى ان تكون الرحله ماتزيد عن 15 يوم واذا اقدر اروح من موريسش الى دول جنوب افريقيا وشنو ممكن يكون جدول الرحله المناسب

وشاكره لك التعاون وتعبناك معانا



[line]

اخوي بدر مشكور عالتواصل وانشالله باخذ بنصيحتك بمويسش :113: وكلامك صحيح نحتاج بعد الاستجمام والراحة ليومين مزحومين شوي


[line]

وبانتظار الرد

رد: الى خبراء سياحة الجزر بليز بليز

أنا أرفع يدي مع ابو عزوز

وأقول

موريييييييييييييييشس


10 ايام في فندقين مختلفين, وباقي الايام خليها بدبي (يمدحونها كثير هالسنه) وأيضا كنوع من التغيير بعد الهدوء والاستجمام في موريشس.

رد: الى خبراء سياحة الجزر بليز بليز

aboaziz مشكووووور جدا على الرد والتفاعل

بصراحه انا مارحت المالديف ولا موريشس ولا سيشل وهالسنة مفكرة بوحدة من هالجزر
ابي مكن في راحة ورومانسية ومالي خلق الروحات والييات والتسوق بس خلاص مليت
ابي سباحة ورياضات مائيه وبيتش حلو وهذا لقيته في المالديف
بالنسبه لموريشس اطلعت عليها بس ماعندي فكره كافية عن شواطئها ومنتجعاتها حلوه مثل المالديف؟ وبالنسبه للنظافه ونوعية الاكل والمطاعم عندهم جيده ولا دون المستوى ؟

وموريشس شنو جدول الرحله ممكن يكون واذا في دول قريبه منها ممكن نزورها على ان الرحله ماتكون متعبه وتكاليفها معقوله :212: خصوصا انها على حسابي وهدية مني

:114: لو كانت على حسابه مو مهم التكلفه لووووووول

وبانتظار الردود

رد: الى خبراء سياحة الجزر بليز بليز

بالعكس السعر جدا معقول لهذا الفندق بالذات ومعروف عن المالديف تفاوت الأسعار بين الفنادق وخاصة الفنادق اللي انتي تبحثين عنها

طيب ليه ما تروحون موريشس الأسعار أرخص والجو أحلى في شهر 8

فكري

رد: الى خبراء سياحة الجزر بليز بليز

:114:
وينكم ؟؟
أين خبراء الجزر ؟؟

رد: الى خبراء سياحة الجزر بليز بليز

بليز ردو لا تتاخرون علي بالرد

الى خبراء سياحة الجزر بليز بليز

مساء الورد
طبعا انا عضوه جديده عليكم واتمنى ترحبون بانضمامي لكم

انا مخططه للسفر للمالديف مع زوجي هالصيف :surf

شنو ممكن يكون جدول الرحلة وهل اقدر اسافرها مع دول ثانيه قريبه ؟

رحت طيران الامارت وانصدمت ان السعر حق شخصين فقط ( 10 الاف دولار امريكي لمده 7 ايام ! )

معقوله هذي الاسعار ولا المنتجع one & only اسعارة بهالطريقه ؟

ودي اذا احد يقدر يساعدني في ترتيب جدول للرحله كامله بليز بليز وباسرع وقت وراح اكون شاكره له جدا

بالنسبه للمنتجع اهم شي نظافته واي احسن بيتش فيلا ولا ووتر فيلا ؟


معلومات عن الرحله

تكون بدايتها من تاريخ 3 اغسطس وبعده يعني ممكن 4 ولا 5 بالكثير

ماتزيد عن 15 يوم !! :110: زوجي مشغول بعد هالفتره

الطيران افضله على طيران الامارات وماحب السيريلانكيه ابدا والطيران راح يكون من الكويت

المنتجع يكون نظيف اهم شي ومو شرط الاسم عندي والشهره بس دامة نظيف جدا ومريح خلاص

اذا في دول قريبه ممكن تنضاف للجدول عشان الرحله ماتكون قصيره جدا

هل الافضل منتجع واحد ولا اكثر ؟؟

ممكن ان تدخل دبي اخر الايام في جدول الرحله ماعندي مانع

واخيرا ترى هالرحله هديه مني لزوجي لمناسبه خاصه واتمنى تبيض الوجه الرحله

واخيرا معتمده على الله ثم عليكم وخصوصا ان اغلب مكاتب السياحه والحجوزات ماعندهم معلومات كافيه عن المالديف للاسف الشديد


وسوري جدا عالاطاله