رد: أمريكا كما رأيت
المشاركة الأصلية كتبت بواسطة alkabtin
http://www.arabtravelersforum.com/tr...0/#post3671550
هلا فيك اخوي الغالي
مشكور وما قصرت على هالكلام الحلو بصراحة فرحتني لأنه أول موضوع لي بالمنتدى
بالنسبة للفيزا: سهالات ان شاء الله وما توقعت انها بهالسهوله
أولا لازم تروح تدفع رسوم الفيزا عن طريق بنك برقان 40 دينار وتاخذ معاك صورة الجواز
وبعدين تستلم الوصل، وتدخل على موقعهم بالنت وتعبي بيانات الاستمارة ثم تاخذ موعد للمقابلة في نفس الوقت
وبعدين تطبع الأوراق وتاخذهم معاك في يوم المقابلة، ولا تنسى تاخذ معاك الجواز والبطاقة المدنية والوصل مال البنك، وفي المقابلة وانت واقف عند الشباك يسئلك كم سؤال عالسريع مثل: ليش بتروح ومنو عندك هناك تعرفه ومن معاك وشنو وظيفتك وين تشتغل.... أسئلة عادية وبعدين يختملك عالجواز 10 سنوات وبعدين وانت طالع من السفارة تدخل عاليمين مكتب صغير fedex تدفع له مبلغ يمكن 10 دنانير علشان يوصل لك الجواز البيت
العملية كلها ما تاخذ أكثر من اسبوع
ولا تنسى بعد ان في الاستمارة الي تعبيها لازم تكتب السبب حق سفرتك والمده و لا تكتب معلومات خاطئه ، وان البيانات الي تكتبها نفس الي بتجاوب عليها بالمقابلة
أرجو ان يكون شرحي واضح ومفهوم
وحاضرين لأي استفسار أو توضيح
تحياتي..............الكابتن
الله يطمئنك
بصراحه كنت احاتي موضوع الفيزا
الموضوع طلع سهاله الحمدالله
تسلم على الجواب الشافي الوافي
وربي يوفقك دوم وربي تقرير اقول للمرة المليون روعه في روعه