الملخص المالي..
كانت الامور المالية تحت ادارتي الحكيمة
و كانت الميزانية مدروسة و موزعه قبل لا نسافر..
أنا من سابق خبرتي و تجربتي.. اسبوع في اوروبا تكلف 10000 درهم للشخص شامله التذكرة و الفنادق و المواصلات و الاكل و تسوق بسيط و سياحة..
طبعا اذا الواحد حصل على تذكرة طيران رخيصة و فندق بسعر معقول و استعمل المواصلات العامة بيزيد وياه من المبلغ..
و لو زود ايام على الرحلة أكيد لازم تزيد التكلفة..
هذي الحسبة تنفع كتخطيط.. بس الواحد قبل السفر بأسبوع اول اقل لازم يكون عارف و مخطط كل اللي له و اللي عليه..
و الحين اترككم مع الملخص المالي التقريبي للرحلة..
التذاكر.. لـ3 أشخاص كبار: 7500 درهم
الفنادق.. 9 ليالي.. غرفتين وحدة لشخصين و الثانية لشخص واحد: 11000 درهم تقريبا
المواصلات.. القطارات و التكاسي و المواصلات العامة: 2900 درهم تقريبا
الأكل.. و يشمل الوجبات الرئيسية و الكوفي شوب و البقالة: 2700 درهم تقريبا
السياحة.. الدخول للأماكن السياحية و الصور التذكارية: 1000 درهم تقريبا
التسوق.. التذكارات و مشترواتي أنا فقط: 2000 درهم تقريبا
المجموع التقريبي.. 27100 درهم..
الخطة المالية قبل السفر..
التذاكر طلعناها من الحسبة..
الفنادق اسعارها معروفه قبل السفر.. و عزلت مبالغ كل فندق في ظرف مستقل..
المواصلات حطيت لها 5000 درهم (1000 يورو) صرفنا منها 2900 درهم
الاكل و البقالة حطيت لها 5000 درهم (1000 يورو) صرفنا منها 2700 درهم
و 5000 درهم للتسوق و السياحة وخلافه (1000 يورو) صرفنا منها 3000 درهم
يعني من غير الفنادق و التذاكر كان معاي 15000 درهم يعني 3000 يورو و صرفنا تقريبا ثلثين المبلغ..
الحمدلله.. رحنا و سافرنا و انبسطنا و الميزانية كفتنا و زادت بعد.. و لو كنا ناويين نقتصد في السفرة كان زاد عندنا أكثر.. بس هدفنا كان ننبسط و نستمتع و نغير جو دون التقيد بالميزانية (مع اهميتها)..
نصيحتي المالية.. مثل ما قلت قبل.. اسبوع يكلف 10000 درهم شامل كامل.. و الصرف يعتمد عليكم.. و أفضل شي توزيع المبلغ في اظرف قبل السفر.. على حسب المدن و الفنادق (يعني ظرف للمدينة الفلانية يشمل الفندق و المواصلات و الاكل.. و اللي بيزيد يدخل في خانة التسوق.. و هكذا)..
أحر التحايا..
أخوكم.. أحــلــى الــتــفــاصــيــل
^__^