رد: متجه إلي أمريكا ومحتاج توجيه
هلا والله باخوي الكريم
المعهدين ممتازين
وصراحة ماقدر ارشح الافضل لان كلهم قويين ويتبعون جامعة حكومية
وبرامجهم بمعنى الكورسات والمواد اللي التُدرسْ ومعلمينهم على كفائة عالية !!
وترا المعهدين في مناطق جداً جميلة
ومعروفة بالسياحة العالمية
راح تحبها
الاول في ضاحية ويست وود في شمال لوس انجلوس والمنطقة باكملها راقية وسياحية وونيسة يعني ماراح تمل
والسنه الماضية في شهر 7 يوليو زرت احد الاقارب هناك
فوق اني متأكد من قوته الا ان قريبي اثنى عليه
والثاني في مدينة سان دييغو المدينة الحالمة كما اسميها رايقة وحلوة
وايضاً احد معارفي درس فيه من سنوات ايام دراسته للماجستير
ويوصي به اي حد ناوي يدرس في امريكا
ومريت على الجامعه ايضاً الصيف الماضي
لكني مادخلت الحرم الجامعي
بس لازم يكون عندك علم بإن المنطقتين السكن فيها موب رخيص خصوصا لوس انجلوس
يعني لازم تحط في بالك ان السكن بيكون من 1500 وطالع !!
ايضا في معهد جامعة كاليفورنيا في ايرفاين
وهي تقع بمنتصف المنطقتين اللي ذكرتهم
بين ويست وود ساعه تقريباً الى ساعتين مع الزحمه
والمعهد زرته السنه الماضيه وقعدت مع المشرفة على الطلاب وشفت سير العمل بنفسي وانصح فيه
يتميز هالمعهد ان المنطقة ارخص قليلاً من ناحية السكن
على العموم اخي الكريم
كالي كما يسميها اهلها اختيار صائب
واذا الله وفق ورحت هناك ودرست
راح تنبسط وتتذكر ايامها
وعسى ربي يوفقك
تحياتي