المشاركة الأصلية كتبت بواسطة Bu Rashed Al Shamsi
http://www.arabtravelersforum.com/tr...5/#post6909095
السلام عليكم اخوي خالد
مشكور على الرد و الاهتمام بتساؤلاتي
اولا احنا شخصين وطفل
ثانيا نعم الرحلة بتكون بالسياره
ثالثا سبب دخولي انترلاكن لاني ابا اشوفها ومنها اني اكون داخل سويسرا
رابعا خاطري اسير فيينا وسبب وصولي لميونخ لاني ابا استأجر سياره من ميونخ واردها ميونخ
والصراحه خاطري اتمشى هناك بالسياره
واسمحلي
هلا فيك يالغالي
بصراحة ما اقدر اقول شئ اذا كان في شئ بخاطرك ودك تشوفه
كان الغرض من وجهة نظري هو انك ترتاح بالرحلة وتستمتع كثر ما تقدر
التنقلات الكثيرة مرهقة جدا وتخليك تنسى بعض الأماكن اللي المفروض تشوفها ناهيك عن مدة الرحلة
بالنسبة لي وهذا كمثال فقط
ما افكر اروح فيينا نهائيا لسبب
عادية جدا ومقطوعه ما حواليها أماكن ممكن الواحد يشوفها ويرجع اللي اقصده انها مو نفس ميونخ في كثير مناطق حواليها
بالاضافة انك راح تصرف فيها مبلغ وقدره وايضا راح تأخذ منك كذا يوم
بالنسبة لي راح اصرف المبلغ بمكان أفضل من فيينا وايضا الايام ممكن استغلها بمكان أروع من فيينا
أما سويسرا
نعم بلد جميل وطبيعة روعه ولكن
طبيعه النمسا أحلى من سويسرا والاماكن السياحية اللي بالنمسا أكثر وايضا ما نصرفه بالنمسا باسبوع راح تصرفه بسويسرا بيومين
بتقولي بشوف انترلاكن بقولك انترلاكن والله ما فيها شئ غير شارع وكله عرب
بحيرات النمسا وفعالياتها تفوق بحيرات سويسرا بكثير وهذا ليس تقليل من سويسرا بل بالعكس سويسرا بلد رائع ولكن في بديل عندك وأفضل
ألمانيا فيها أماكن والله لتقف عندها ولا تدري ماذا تفعل
اما الكيلومترات فلا تحسبها بهذه الطريقة لان العداد راح تشوفه يتحرك والارقام تتسارع وانت ما تدري
ان فكرت بسويسرا الطريقة الصحيحة هى ربط ايطاليا معاها
وان فكرت بجنوب ألمانيا فربط النمسا هو الافضل
والقرار لك يالغالي واحنا بالخدمة لاي استفسار
