رد: سيؤول وجزيرة جيجو
يا هلا ومرحبا
بالنسبة للبرنامج ... بإمكانك القيام بزيارة اربع أماكن في اليوم الواحد لأن النهار طويل نسبيا
إقتراحي لك في اليوم الأول انك تروح للبرج على وقت الغروب بحيث انك تلحق على نهاية النهار وبداية الليل عشان تشوف المدينة بشكلين رائعين. وتقدر تضيف زيارة للقصر الملكي مع المتحف في النهار وبعدها ترتاح في الفندق وتطلع بعدها للبرج و منطقة Cheonggyecheon مع العلم ان المنطقة جميلة في الليل عشان هندسة الاضاءة.
والوصول لها سهل ، ماعليك إلا انك تمشي على خط رقم 1 أو 2 لمحطة Gwanghwamun وتطلع مع مخرج رقم 4 وبعدها تمشي أقل من خمسين متر على الزاوية اليسرى وراح تلقى درج ينزلك للمنطقة.
اليوم الثاني بامكانك اضافة مجمع تايم سكوير بحكم انه أفضل المولات وأكبرها في سيؤول مع تنوع البضائع وجودتها ابتداء من ماركات سوق العويس لحد ماركات سنتريتا مول. اليوم الثالث قد يكون متعب شوي عشان القرية التراثية وأفضل انك ترتاح وفي الليل تروح لعرض ميسو عشان تروق .. وفي نفس منطقة ميسو من محطة City Hall في مقاهي رايقة.
بالنسبة لليوم الرابع بإمكانك الخروج بدري والمرور على مجمع لوتي - المركز الرئيسي LOTTE MAIN BRANCH ولا تنس تروح للطابق التاسع عشان السوق الحرة.
بالنسبة للعروض .. أنصحك بعرض JUMP JUMP SEOUL إذا عندك وقت خاصة إذا عندك أطفال.
بالنسبة لصرف الفلوس أنصحك بمحلات الصرافة العادية اللي ما تتبع للبنوك ... أسعارهم أفضل بكثير من البنوك .. بالنسبة لمنطقة Gangnam كلها بنوك ولا أذكر إذا كان فيها صرافين ، لكن إتيوان فيها أكثر من صراف.
تمنياتي لك برحلة ممتعة