الرد على الموضوع

رد: ░▒▓ اجمل ايام عمري في النمسا تقرير لون الغيم ▓▒░

رحلة ولا اروع من كذا تخطيط حلوو مع المدام الله ييسر عليكم و يستر بسترة و يحفظكم
انا استفت من التقريرمع ان قديم بس الصراحة اوكي

رد: ░▒▓ اجمل ايام عمري في النمسا تقرير لون الغيم ▓▒░

الاخت عاشقة جنيف ..ارجوا تحديد مكان المنطقة التي ذكرتيها لاني ساير الاسبوع القادم النمسا وحاب ارتب البرنامج لعدة مناطق في النمسا ...والحديقة هذي هل تعتبر من الحدائق الكبيرة ولا عادية وتستاهل الزيارة... واذا تقدرين تعرفين المسافة منها لسلامزي ( ادري اني مصختها بالاسئلة )..؟

رد: ░▒▓ اجمل ايام عمري في النمسا تقرير لون الغيم ▓▒░

لوميا المعذره اختي الكريمه منك على بالي اسم رجل ... على العموم صدقيني ممتعه الشلالات ومب شرط تطلعين لأعلى المصب لأنها تعب .. وبالنسبه للكهف الجليدي اهو حلو بس مثل ماقلت لك اهي تجربه لا اكثر ولا اقل يعني مو ذاك المتعه فيه .. فقط تجربـــــه يعني اعتقد انها تستحق المحاوله .. والله يوفقك ويختار الي فيه الخير لك ولاهلك ...
===============================
عاشقة جنيف .. اممممممم ... اول مشاركه وفي تقريري ماشالله عليك .. بصراحه اكبر فخر لي .. ولكن انا عاتب عليك .. ماشالله عليك 45 يوم وفي النمسا وحارمتنا من تقريرك ومن تجربتك .. مالك حق والله .. يمكن 2004 ماكان وقتها منتدى بس برضه لابد تتحفينا على الاقل ببعض الصور من رحلتك اعتقد وقتها كان فيها كميرات هههههه ... على العموم النمسا هي فعلا جنه وياريت اني رحت المدينه الي قلتي عليها بس ماعرفتها والله .. على العموم فرصه سعيده اختي واكرر تشرفت باول مشاركه لك في موضوعي .. وياريت ترسلين لنا من الكيك

رد: ░▒▓ اجمل ايام عمري في النمسا تقرير لون الغيم ▓▒░

الصراحة انا زرت النمسا سنة 2004 وايد حلوة يلست فيها 45 وايد حلوة استانست فيها خاصة
في مدينة بادهافجاستن وايد حلوة هذه المنطقة لانها فيها حديقة طبيعية ومنتجعات صحية وشلالات
تجنن اسمها ناشونال بارك وايد حلوة كنا كل يوم نسيرها لانها فيها حرمة وزوجها يسوون كيك ولا اروع ما يكون

رد: ░▒▓ اجمل ايام عمري في النمسا تقرير لون الغيم ▓▒░

المشاركة الأصلية كتبت بواسطة lomeea
http://www.arabtravelersforum.com/tr...3/#post1398073

اخي لون الغيم لقد ابدعت في وصفك
وادخلتنا معك في تفاصيل رحلتك باسلوبك الشيق
فبارك الله فيك

لدي سؤال من فضلك بخصوص زيارت المرتفعات الجبليه
الكريمل - الكهف الجليدي - مغارة هتلر- ايضا هناك منطقه جبليه لا اعلم مااسمها
وللتوضيح هي تاتي بعد الرحله النهريه في زيلامسي؟
هل هي صعبه على الاطفال من وجهة نظرك ؟8-9سنوات?
وما اسم هذه المنطقه وكيف يمكنني الذهاب اليها بالسياره ؟
ام انه لا بد من القارب للوصول اليها ؟؟



العفو لوميا وان شاء الله يكون تقريري قد حاز على رضى الجميع ..
بالنسبه لاسئلتك فاعتذر عن عدم تمكني بالاجابه عليها لأنني لم ازرها كلها بل زرت فقط شلالات كريمل والكهف الجليدي فقط ولا اعلم عن المنطقه الجبليه التي تقصدها في سؤالك في زيلامسي بصراحه .. الاماكن الي اعرفها هي الي كتبتها في تقريري فقط .. وبالنسبه لمغارة هتلر سمعت عنها بس مارحتها والله ... بالنسبه للكهف الجليدي فبصراحه الصعود له متعب جداااااااااااا انا نحن الكبار فمابالك بالصغار ... على العموم لا تحرمونهم هذه التجربه وخاصة ان الكهف الجليدي من الداخل يشكل تجربه جميله ورائعه ولكنه شديد البرد فخذوا حذركم عليهم في الملابس وانتبهوا لكي لا يزلقوا على الدرج والسلالم التي بداخله ... اما بالنسبه للكريمل فهي شلالات جميله جدا وليست بصعبه للوصول اليها ولكنني لم اصعد لمصب الشلال بصراحه وسألت البعض واخبروني بانها لا تستحق التعب للصعود للمصب .. هذا والله اعلم واتمنى من من يعرف اكثر مني ان يتفضل ويجاوب على السؤال .. واعتذر مره اخرى عن عدم الاجابه والله اعلم

رد: ░▒▓ اجمل ايام عمري في النمسا تقرير لون الغيم ▓▒░

اخي لون الغيم لقد ابدعت في وصفك
وادخلتنا معك في تفاصيل رحلتك باسلوبك الشيق
فبارك الله فيك

لدي سؤال من فضلك بخصوص زيارت المرتفعات الجبليه
الكريمل - الكهف الجليدي - مغارة هتلر- ايضا هناك منطقه جبليه لا اعلم مااسمها
وللتوضيح هي تاتي بعد الرحله النهريه في زيلامسي؟
هل هي صعبه على الاطفال من وجهة نظرك ؟8-9سنوات?
وما اسم هذه المنطقه وكيف يمكنني الذهاب اليها بالسياره ؟
ام انه لا بد من القارب للوصول اليها ؟؟

رد: ░▒▓ اجمل ايام عمري في النمسا تقرير لون الغيم ▓▒░

يسلمو اخت عنود والف شكر على نصايحك الثمينه .. وماشالله على عيال ابو مانع والله يحفظهم له .. على العموم مسألة السفر بالاطفال هذي يبي لها موضوع كامل وخاص لكي نحصر المساوء والمحاسن وباذن الله نصل الى توصيه ناجحه بسبب تجارب الاخوان المجربين ...

رد: ░▒▓ اجمل ايام عمري في النمسا تقرير لون الغيم ▓▒░

لووول الله يسلمك اصلا نو وي اسافر معاه ونو وي اتركه مده طويله للاسف نصيحه اخت استانسو قبل لا تجيكم عيال هذا اذا للحين ماجتكم عيال لان بعدها صعبه تحركاتكم واذا حصل وسافرتو معاهم ماراح نشوف تقرير مسافر فعال اذا شفنا صوره كويس خخخخ الا اذا ربي رازقكم عيال كيوت وممكن تسيطر عليهم زي ابو مانع الله يحفظ عياله كل مكان موديهم معاه ماشالله تبارك الله شي ثاني
وعلى طاري كندا ترا يمدحون فانكوفر وفكتوريا دونت مس ات

رد: ░▒▓ اجمل ايام عمري في النمسا تقرير لون الغيم ▓▒░

اهلين عنود الرفاع .. بخير والله الله يعافيك .. والمدام تسلم عليك من عقب ماارسلتي سلامك هذاك اليوم ..هههههههه .. باذن الله اذا رحت امريكا راح اكتب لكم تقرير .. هههههه بس بتكون زيارة عمل يعني ماراح يضبط التقرير .. لكن اصبري باذن الله السفره الجايه ناويها على كندا وبكتب تقرير عنها ميه ميه باذن الله ... يالله بالتوفيق وسلمي لي على النونو الي مابغيتوا تاخذونه وياكم حرام عليك .. هههههه

رد: ░▒▓ اجمل ايام عمري في النمسا تقرير لون الغيم ▓▒░

لون الغيم كيفك وانا اختك كيف المدام سوري على اللقافه خخخ بس قريت انك رايح امريكا لا تنسى تقرير امريكا قوود لاك

رد: ░▒▓ اجمل ايام عمري في النمسا تقرير لون الغيم ▓▒░

سلام حار جداً للغالي ((لون الغيم )) كيف احوالك اتمنى لك التوفيق والسعادة وسؤالي وش برنامجك هالصيف ولعله يتوافق مع برنامجي(بس هالمره مو عائلي مع الشباب) دعوة لك .......كان بتشرفنا

بس حبيت احيييك

رد: ░▒▓ اجمل ايام عمري في النمسا تقرير لون الغيم ▓▒░

سلام حار مني للون الغيم الغالي جداًعلى قلبي اي والله وين أيامك وش عندك من برنامج هالصيف 2007
اتمنى ان يكون متوافق مع برنامجي .

رد: ░▒▓ اجمل ايام عمري في النمسا تقرير لون الغيم ▓▒░

ياسلام علي الصور وعلي الريف اوربي شي جميل شكرا لك

رد: ░▒▓ اجمل ايام عمري في النمسا تقرير لون الغيم ▓▒░

تقرير رائع وحبيت اسألك بكم اسعار الفنادق اللي سكنتها وش المكتب اللي حجزت منه

رد: ░▒▓ اجمل ايام عمري في النمسا تقرير لون الغيم ▓▒░

:114: يعطيك العافيه أخوي بصراحه تقرير متعوب عليه وأكثر من رائع :24: بس عندي استفسار بسيط الله يحييك انا في الانجليزي مو لهناك :110: وبصراحه عشان اكون صادق معك لغتي ضعيقه شوي ما ادري هل ممكن امشي حالي والا بلاقي صعوبه :110:

رد: ░▒▓ اجمل ايام عمري في النمسا تقرير لون الغيم ▓▒░

حياك الله اخوي سفير الدلو .. وسلمت يداك على ما سطرته اناملك ردا على تقريري .. وجزاك الله خير على توضيح النقاط التي تخفى على معظمنا .. الف الف الف مليون شكر اخوي الغالي

رد: ░▒▓ اجمل ايام عمري في النمسا تقرير لون الغيم ▓▒░

هلا والله عنود الرفاع .. وثانكس على الدعوه ... مررررررره كوووووول .. اني هاو .. انتي خذي البيبي معاك وباذن الله راح تستانسين وماراح يزعجكم .. واذا ازعجكم عاد شتسوين .. امر الله ههههههههه .. يالله بالتوفيق وسلامك وصل للمدام

رد: ░▒▓ اجمل ايام عمري في النمسا تقرير لون الغيم ▓▒░

الله يعافيك اخوي سلوم ... ومشكور وماقصرت حبيبي ...
+++++++++++++++++++++++++++++++++++++++++++
عنود الرفاع هلا وسهلا فيك اختي .. ويامرحبا والله .. في سالزبورق انصحكم بليلتين فقط .. وفي زيلامسي اربعة ليالي فقط .. وبالنسبه للطفل صراحه مااقدر افتيك والله لأن ماكان معاي اطفال ( نسأل الله الذريه الصالحه ) .. لكن صدقيني ماراح تستانسين الا اذا كان معاك طفلك .. بس اهم شي لاتروحين الكهف الجليدي في سالزبورق ومعاك طفلك لأنه مرررررررررررررره تجمممممممممد وبرررررررررد .. وحرام والله يدخل الولد بهالعمر هناك .. .. بالنسبه لفنادق زيلامسي .. مثل ماذكرت في تقريري اذا لقيتوا غرفه مطله على البحيره في فندق قراند فاستاجروا فيه وانتوا مغمضين لأن المطل على البحيره يرد الرووووووووح ومرررررررره رووووووووووعه والله وما يتفوت ابدااااااا .. اما اذا مالقيتوا غرفه مطله على البحيره فلا تستاجرون فيه لأنه غالي نوعا ما ... وابحثي في تقارير الاخوه عن فنادق ينصحون بها اخرى لعلك تجدين ما يسرك باذن الله ... وشكرا لك على ردك على تقريري
اخوك لون الغيم

رد: ░▒▓ اجمل ايام عمري في النمسا تقرير لون الغيم ▓▒░

المشاركة الأصلية كتبت بواسطة لون الغيم


++++++++++++++++++++++++++++++++++++++++
سلوم العفو حبيبي ومشكور وماقصرت على ردك الرائع ..وصدقني بيكون لي الشرف لو تعرفت عليك والله اخوي في النمسا على العموم كمل التقرير للاخير وفي الاخير يمكن تتذكرني
++++++++++++++++++++++++++++++++++++++++



الله يعطيك الف عافية أخوي لون الغيم على التقرير والتفاصيل الدقيقة التي بالتأكيد بيستفيد منه جميع الأخوان والأخوات قاصدي السفر للنمسا .

أنا كملت التقرير إلى الآخر وشفت صورتك بس ماأذكر اني شفتك ، يمكن شفتك بس ماأنتبهت لك :101: ،
وأنا كذلك لي الشرف لو تعرفت عليك . :101:

رد: ░▒▓ اجمل ايام عمري في النمسا تقرير لون الغيم ▓▒░

أخوي نكبة زمانه .. هلا وسهلا فيك حبيبي .. بصراحه لا اعلم هل سيتم تغيير القطار ام لأ في سالزبورق.. هي ماراح تفرق معاك اذا تغير او لا .. اصلا التعب عليك من فينا الى سالزبورق فقط ... على العموم الرجاء سؤال الموظف المختص بقص التذاكر في حالة السفر من فينا الى سالزبورق متوجها الى زيلامسي .. وذلك ليختار لك اقرب رحله لكي لا تنتظر في القطار او في محطة سالزبورق واجد ... والله يوفقك يالغالي

رد: ░▒▓ اجمل ايام عمري في النمسا تقرير لون الغيم ▓▒░

السلام عليكم ... بالنسبه لاخوي احمد71 جبت لك صوره وجدتها بين الصور للقطار الذي يوجد به كبينه وهذا هو .. سوف ترى وجود 3 مقاعد وهناك 3 مقاعد مواجهه لها وهذه كلها كبينه .. ان شالله اكون افدتك اخوي ..



++++++++++++++++++++++++++++++++++++++++++++++
دلماوي 2003 ... خلها 1300 يورو واضمن لك باذن الله تكفيك وزياده ..
+++++++++++++++++++++++++++++++++++++++++++++
KANAMEESH هلا وسهلا فيك يالغالي .. الفلتر هو BLUR
++++++++++++++++++++++++++++++++++++++++++++++
OK... تسلم حبيبي ومشكور وماقصرت يالغالي ..
++++++++++++++++++++++++++++++++++++++++++++

رد: ░▒▓ اجمل ايام عمري في النمسا تقرير لون الغيم ▓▒░

التقرير 100%

ولك رسالة على الخاص .
تحياتي ,,,

رد: ░▒▓ اجمل ايام عمري في النمسا تقرير لون الغيم ▓▒░

جزاك الله خيرا ... فتقريرك مرتب.. وتفاصيله ممتعه..
وعندي تساؤل.. أي فلتر استخدمت بالفوتوشوب للحصول على هذا المنظر الجمالي للصوره ..
و ياريت يتبعونك الاعضاء بفلتره صورهم .. لتعطي لموضوعات منتدانا الرائع لمسه جماليه خاااصة
تحياتي .. وأتمنى لك المزيد من هذه الرحلات الجميله.

رد: ░▒▓ اجمل ايام عمري في النمسا تقرير لون الغيم ▓▒░

مشكور يا اخوي على ردك الجميل

انا قريت باول تقرير انك شال معاك 1000 يورو بما يعادل 5000 درهم تقريبا

هل هذا المبلغ كفاك للحواطه والسياحه والاكل ولا صرفت اكثر

انا اعرف انه كل انسان ومصاريفه لكن بغيت هل كفتك هل عشر ايام ...؟؟

وتحياتي لك

رد: ░▒▓ اجمل ايام عمري في النمسا تقرير لون الغيم ▓▒░

مااااااااااااااااقصرت يالغالي عرض شيق ...,تحياتي لك

رد: ░▒▓ اجمل ايام عمري في النمسا تقرير لون الغيم ▓▒░

أخوي لون الغيم ماشاء الله عليك متواصل مع الاخوان وتجاوب الاسئله اول بأول وحبيت أسأل 1-القطار اللي يطلع من فيينا الى زلمسي دايركت ولا لازم اوقف في سالزبيرغ 2- الدرجه اولى فيها كباين ولا بس كراسي جلد مثل الصوره اللي انت حاطها 3- شنو الفرق بين الدرجه الاولى والثانيه انا قريت لاحد الاخوان ان الفرق بس الكرسي واحد جلد والثاني مخمل 4- هل في حلاقين للحيه ولا ممنوع مثل امريكا واستراليا لأنه ماشاء الله اشوف صورتك منوره المنتدى 5- هل الماء متوفر في الشوارع مثل ما قالو الاخوان ولا اشتري ماي صحه حق الرحلات واشلون اعرف المياه الغازيه من العاديه .ومشكور :101:

رد: ░▒▓ اجمل ايام عمري في النمسا تقرير لون الغيم ▓▒░

تسلم حبيبي على اجابتك الوفيه والكافيه

هي نعم كنت اقصد القطار مو الميترو

ومشكور على نصيحتك

بس سوال واسمحلي يا ما كثر الاسئلة

المحطة اللي ذكرتها فيها محطة القطار تكون برع محطة الميترو ولا بنفسها ... ..؟؟

وبغيت اعرف بعد المغرب في فيينا وين تنصحني اروح ... هل مراكز التسوق تكون مفتوحه المولات الكبيرة ... ؟؟

وننتظرك

رد: ░▒▓ اجمل ايام عمري في النمسا تقرير لون الغيم ▓▒░

اخوي نكبة زمانه العفو حبيبي والله يطول بعمرك .. ومشكور بالمره على ردك .. ههههههه لا والله مب مدرس ابداا....
++++++++++++++++++++++++++++++++++++++++
سلوم العفو حبيبي ومشكور وماقصرت على ردك الرائع ..وصدقني بيكون لي الشرف لو تعرفت عليك والله اخوي في النمسا على العموم كمل التقرير للاخير وفي الاخير يمكن تتذكرني
++++++++++++++++++++++++++++++++++++++++
اخوي دلماوي ركز معاي حبيبي ... بالنسبه لميترو فينا لو تروح وين ماتروح طول النهار والليل ماعندك اي مشكله خلال 3 ايام بالتذاكر ... يعني انت قص التذكره اول يوم مثلا حلو .. ولف فينا وروح كل المشاوير الي تبيها وتذاكرك بجيبك اذا احد سأل عنها بس وغيره خلها بجيبك ولف فينا ماعندك مشكله ..
.. اما سؤالك الثاني فما اعرف هل انت تقصد تروح بالميترو ولا بالقطار ؟؟ طبعا اذا كان قصدك بالميترو من فينا لزيلامسي فهذا الشي مايصير ابدا .. لأن الميترو داخل فينا بس .. واذا كان قصدك علشان تروح بالقطار من فينا لزيلامسي وسؤالك هل تقص التذكره حقة القطار بنفس اليوم او اليوم الي قبله وهذا الي انا اعتقد ان سؤالك عنه ..فانا اشوف انه اذا كان عندك وقت فاضي في اليوم الي قبله روح وقص التذاكر لو بالليل حتى ... بس لاتنسى تاخذ معاك الجوازات... لأن الوصول الى محطة ويستبانهوف الي عندها محطة القطار للغاية سهل وعلشان تعرف متى قطارك بدال ما تروح بنفس اليوم ويصير اقرب قطار بعد ساعتين مثلا .. يعني لطعه ماتستاهل ..بالاضافه الى انك بتشوف طوابير على شباك تذاكر القطار .. فاشوف انك تنلطع اليوم الي قبله ولا نفس اليوم .

رد: ░▒▓ اجمل ايام عمري في النمسا تقرير لون الغيم ▓▒░

المشاركة الأصلية كتبت بواسطة نكبة زمانه


maramy اول شئ لو سمحت اخوي وش نوع الكاميرا اللي استخدمتها بالتصوير ؟؟؟
بصراحه الصور رائعه جدا ... ووضوحها اروع ..
وماعندك صور سلف لسي هوتيل تحطها لنا ؟؟؟
وتقبل تحياتي وتقديري




الكاميرا اسمها NV-GS500 Panasonic
وهذي صورتها


وللأسف ماعندي صورة الاوتيل الثاني

رد: ░▒▓ اجمل ايام عمري في النمسا تقرير لون الغيم ▓▒░

maramy اول شئ لو سمحت اخوي وش نوع الكاميرا اللي استخدمتها بالتصوير ؟؟؟

بصراحه الصور رائعه جدا ... ووضوحها اروع ..

وماعندك صور سلف لسي هوتيل تحطها لنا ؟؟؟

وتقبل تحياتي وتقديري

رد: ░▒▓ اجمل ايام عمري في النمسا تقرير لون الغيم ▓▒░

لون الغيم..
يعلم الله أني كنسلت السفر هذا العام بسبب تقريرك ..
وأقسمت على نفسي أن تكون سفرتي للنمسا ولو بعد عشرات السنين
شكرًا لجهدك ، ونقاء روحك , شكرًا

رد: ░▒▓ اجمل ايام عمري في النمسا تقرير لون الغيم ▓▒░

المشاركة الأصلية كتبت بواسطة لون الغيم


مرامي ... وربي الصور خيااااااااال ورائعه جدا واطلالات رومانسيه جداااااااا .. الف الف الف مليوووووووووووون شكر على هذه الصور الرائعه وفعلا الان ارتحت لمن شفت الطله على البحيره .. من جد شكرااااااااااااا ... وبصراحه اقولها وبقوه الان حاول بقدر استطاعتك يلي بتستاجر في زيلامسي ان تستاجر غرفه في القراند مطله على البحيره واذا مالقيت لا تستاجر فيه .. .. Thx Maramy



احنا حاضرين وبالخدمة ، خجلتونا :106: والفندق كل شي فيه حلو الا المعامله زفت والحمدلله وباقونا حسبي الله عليهم

رد: ░▒▓ اجمل ايام عمري في النمسا تقرير لون الغيم ▓▒░

المشاركة الأصلية كتبت بواسطة لون الغيم


زيلامسي zeel am see
غرفتنا كانت في المبنى الثاني التابع للفندق الي موجود فيه المطعم .. وهو مبنى صغير موجود على يسار الفندق الرئيسي المهم .. دخلنا الغرفه وفعلا تفاجأت ...!!! بصراحه الغرفه لم تكن بتلك الفخامه التي توقعناها والتي رأيناها في فنادق سالزبورق وفينا وبصراحه ماأعطيها حتى نجمتين .. وحرام تلك الغرفه مقارنه بقيمتها لا والي زاد الطين بله انها ماكنت مطله على البحيره . ( طبعا المكتب الي حجزت في الرياض عندهم قايلين لي من الاول ان الغرف المطله على البحيره كلها فل فاظطريت اخذ غرفه غير مطله على البحيره ) . .. ومن هنا ومن هذا المنبر انصح الجميع باستاجار غرفة على البحيره في فندق القراند هوتيل ورؤية البحيره تهون عدم فخامة الغرفه وبصراحه تستاهل هالرؤيه مايدفع في الغرفه اما اذا كانت الغرفه غير مطله على البحيره نصيحتي لا تستاجر في هذا الفندق لأنه غالي شوي وماتسوى عليك الي تدفعه اذا كانت الغرفه غير مطله على البحيره .. وأعلم ان بعض الاخوان قد يلومني وقد يكون له رأي آخر يختلف عن رأيي .. انا ما اكذب عليكم وربي استانست حييل حتى بالغرفه الغير مطله على البحيره لأنها كانت مطله على الجبل ومطله على طريق صغير جنب الفندق ... كنت قاعد واناظر بالعالم والسياح يعني من جد استانست .. بس لو اعيدت لي الكره يا استاجر غرفه ليك فيو او استاجر في فندق اخر ... المهم موقع الفندق رائع جدااااااا بصراحه
..

الأخ لون الغيم ولا يهمك انا بورّيك صورة الغرفة اللي تطل على البحيرة والمنظر من الشباك علشان تحس انك كنت فيها ههههه

الغرفة حلوة ومرتبة والمنظر من شباك الغرفة يشرح الصدر شوف المنظر هذا كان في وقت المغرب

وهذا المنظر لما تطل من الغرفة على الفندق تحت

شراااااااااايك :101:

رد: ░▒▓ اجمل ايام عمري في النمسا تقرير لون الغيم ▓▒░

الاخ العزيز لون الغيم
مجهود رائع وجبار لرحلة رائعه اصطحبتمونا فيها معكم ولم تبخلوا على احبابكم بأي صغيرة أو كبيرة
اهنئكم مرة اخرى على هذه الرحلة الرائعه متمنياً لكم رحلات اسعد بعدها

وتقبل وافر تحياتي وتقديري

رد: ░▒▓ اجمل ايام عمري في النمسا تقرير لون الغيم ▓▒░

لون الغيم .. الحمدلله على السلامه .. بصراحه اهنيك على تقرير الرائع لو انك بشركه وطلبوا منك تقرير ماسويته مثل هذا هههههههههههه ... تحياتي لك

بس عندي سؤال اتمنى الاجابه عليه .. انت يوم طلعت من قراند هوتيل بتاكسي لــ كابرون تقول اخذ 25 يورو .. العوده كانت سهله انك ترجع في باص ؟؟ او بتتعب تدور لك احد يرجعك ؟ يعني هل الباص يرجع القروب اللي معه فقط ولا عادي اي واحد ؟ وكيف نحصل على تذاكر الباص وقتها من عنده او من مكتب هناك ؟؟؟؟ ولك مني جزيل الشكر والتقدير

انتظر اجابتك ..

رد: ░▒▓ اجمل ايام عمري في النمسا تقرير لون الغيم ▓▒░

عسى الله لا يحرمك الاجر على هالتفصيل الدقيق الي ربما اتعبك لكن استفاد منه الكثير

رد: ░▒▓ اجمل ايام عمري في النمسا تقرير لون الغيم ▓▒░

تقرير راااائع جدا ... بارك الله فيك اخوي ((لون الغيم)) وحفظك اينما حللت.

رد: ░▒▓ اجمل ايام عمري في النمسا تقرير لون الغيم ▓▒░

الله يعطيك العافيه على الصور والتقرير الرائع

رد: ░▒▓ اجمل ايام عمري في النمسا تقرير لون الغيم ▓▒░

احمد71 الله ييسر لك امورك يالغالي وتسلم لي على ردودك الرائعه والجميله وصدقيني هالشي يشرفني والله ... والله يرجعك بالسلامه للكويت.وننتظر تقريرك الرائع وانا متأكد منه باذن الله .. :24:
++++++++++++++++++++++++++++++++++++++++++++++++
رومانتيك لاندمت يالغالي والله يسلمك ومشكور على ذوقك في الرد ...
++++++++++++++++++++++++++++++++++++++++++++++++++
ابو عواد تسلم لي يالغالي وانا موجود معاكم ما بروح .. من ناحية السلبيات فهي غلاء الاسعار .. فمثلا حبينا نشتري عطر نينا ريتشي توه جديد نازل ولقيته في النمسا ب 260 ريال .. ولمن جيت دبي لقيته توه نازل في السوق الحره ب 150 ريال فقط .. يعني الفرق 110 ريال .. بالاضافه الى اسعار الكولا مثلا ارخص ماتلقاها في السوبر ماركت بينما تلقاها حتى لو في البوفيه العادي باغلى .. فهذي يمكن اكبر سلبيه واجهتني اما الباقي فصدقني والله حبيت اسلوب حياتهم .. وشكرا لك
++++++++++++++++++++++++++++++++++++++++++++++++++
مضيع الدرب .. الله يخليك وتسلم لي على ذوقك ياعسل وصدقني احب اهل الامارات والله مرررررررررره .. ومن ناحية الكاميرا خذ راعية الهارد ديسك اشوفها افضل والله .. وعلى قولتك تصور لين تتعب ..
++++++++++++++++++++++++++++++++++++++++++++++++
دلماوي حبيبي حياك الله يالغالي ومن عيوني والله بس الحين يمكن مااقدر اطول على النت لأني موجود في منطقه ثانيه مع الاهل ومشغول معاهم شوي .. فانت لو تقدر حط اي اسئله تبيها لو هنا او بالخاص ومن عيوني ادخل واجاوب عليها باذن الله ..
++++++++++++++++++++++++++++++++++++++++++++
خالد الله يعافيك يالغالي وتسلم لي .. وبانتظار تقريرك باذن الله ..
+++++++++++++++++++++++++++++++++++++++++++++
ابو نواف الله يعافيك يالغالي ... امممممممم فاقد الشي لا يعطيه .. والله يالغالي ما اعرف بالنسبه لتذاكر الاولاد .. والله يرزقنا الذريه الصالحه

رد: ░▒▓ اجمل ايام عمري في النمسا تقرير لون الغيم ▓▒░

مشكور ويعطيك العافيه ، مابقيت شئ ماشاء الله عليك ، استفسار بسيط هل الاطفال تشملهم تذاكر الوالدين اولابد لهم من تذاكر " الاطفال مادون الــ6 سنوات "

رد: ░▒▓ اجمل ايام عمري في النمسا تقرير لون الغيم ▓▒░

يعطيك العافية على هالتقرير وان شاء الله عقبال تقريري

رد: ░▒▓ اجمل ايام عمري في النمسا تقرير لون الغيم ▓▒░

اقوووول سواليفك حلوة تكفى لا تروووح:110:
بعدين نبي انطباعاتك عن السلبيات بالنمسا
لانا شبعنا ايجابيات:109:
الله يحييك ويحيي علمك:x1:

رد: ░▒▓ اجمل ايام عمري في النمسا تقرير لون الغيم ▓▒░

مضيع الدرب تسلم لي يالغالي والله يعطيك مليون عافيه ويحفظ لك اولادك يارب ..
++++++++++++++++++++++++++++++++++++++++++++++++
ناريمان تسلمين ومشكوره يالغاليه والله يعافيك
++++++++++++++++++++++++++++++++++++++++++++++++

رد: ░▒▓ اجمل ايام عمري في النمسا تقرير لون الغيم ▓▒░

ما شاء الله علي التقرير
خمسه وخميسه الله اكبر سبحان الله
ابداع رائع يعني مهما وصفت لن استطيع:24:
:x1: :x1: :113: :x1: :x1:

رد: ░▒▓ اجمل ايام عمري في النمسا تقرير لون الغيم ▓▒░

ميس مووون الله يعافيك اختي وتسلمين لي على مرورك ...
++++++++++++++++++++++++++++++++++++++++++
الراسيه تسلمين اختي .. وباذن الله اخلص لكم التقرير في اقرب وقت ...
+++++++++++++++++++++++++++++++++++++++++
رومانتيك .. امممممممممم بصراحه تاخذ وقت طويل في النزول ما حسبتها ... ولكن لن تتعدى الخمس دقائق بالكثير .. بس وربي ممتعه جدااااااااا .
+++++++++++++++++++++++++++++++++++++++++
مضيع الدرب لا عادي حبيبي ومن عيوني بجاوب على كل استفساراتك واسئلتك .. بالنسبه للتصوير .. نعم التصوير فوتو وفيديو يتخزن كله بالميموري كارد ومثل ماقلت لك انا اتشريت ميموري كارد 2 قيقا علشان تكفي كل صوري وتسجيلي لكامل الرحله .. ومع ذلك لم افضيها وانقلها على اللاب توب الى الان بل نقلتها على اللاب توب لأعدل فيها لا اكثر ولا اقل ... الميموري كارد يخزن ويظل يخزن الى ان تنتهى مساحته وطبعا تختلف حجم الصوره باختلاف قيمة الميقا بيكسل الي اخترتها فكلما اخترت قيمه اكبر يعني اخترت مثلا 7 ميقا بيكسل حجم الصوره الي تبي تصورها كلما قل عدد الصور الي باقي تستطيع ان تصورها وهو يعطيك كم عدد الصوره التي تستطيع ان تصورها واذا اخترت 5 ميقا يعطيك صور اكثر وهكذا .. ولكن نصيحتي لك اذا انت رحلتك طويله وماراح تاخذ لاب توب معك انك تشتري 2 ميموري كارد كل وحده 2 قيقا .. وباذن الله ماتخلص كامل الرحله بس لا تسجل فيديو كثير لأن تسجيل الفيديو ياخذ مساحه اكبر من الميموري .. هذا بالنسبه للتصوير ..
اما بالنسبه للجو .. بصراحه كان الجو معتدل ومشمس طول وقت رحلتي باستثناء يوم واحد .. بس في وقتكم انتوا اعتقد انه بيكون امطار .. على العموم الجو معتدل وبالنسبه للمكيفات موجوده بكل الفنادق باستثناء فندق القراند في زيلامسي الي موجود مب مكيف انا مروحه لتغيير الهواء فقط .. وبالنسبه للاكل .. بصراحه يمكن هو يكون اكثر شي راح تواجه فيه مشكله بما ان عندك اطفال .. فنصيحتي لك اذا وصلت فينا تمر على سوبر ماركت بيلا او اي سوبر ماركت اخرى وتتقضى من عندهم خبز واجبان وبلاش تجيبها معاك من البلاد .. ان شالله اكون افدتك ..
++++++++++++++++++++++++++++++++++++++++++++++++++
baby pink تسلمين وهذا من ذوقك اختي .. وصدقيني انا احاول اني اخليكم تعيشون امتع اللحظات الي انا عشتها من حبي لاعضاء هذا المنتدى الرائع جدااااااا...

رد: ░▒▓ اجمل ايام عمري في النمسا تقرير لون الغيم ▓▒░

يالله شو هاي الصور الحلوه والاسلوب الاروع ، ماشاالله عليك ما خليت شي حسيت نفسي كاني امشي على الثلج ..... الصراحه رهـــــــــــــــيــــــــــــــــــــــــــــــــ ـــــــــب

رد: ░▒▓ اجمل ايام عمري في النمسا تقرير لون الغيم ▓▒░

مشكور يا لون الغيم:24:
على صور الكاميرا والشرح بس انا ما خذت للحين لابتوب لو فيها كلافه شوي يعني الميموري كارد كم ممكن تحمل صور ومقاطع فيديو:114:
اظن لازم لابتوب عشان تفرغ الميموري فيه صح؟:114: :114:
واصل الشيخ واحنا معاك حرف حرف هههههه:109: :109: :109:
:113: :113: :113: :113: :113: :113: :113:
و
اخوك والله انه بالكمبيوتر وفالفوتوشوب مييييح هههههههههه:109: :109: :109:
بس بتعلم عشان استفيد واتمتع وامتع زوار المنتدى والمشرفين الصراحه خدمه على مدار الساعه وحلول و
اجوبه وووووو والله ما عليه قصور الله يجزي اصحابه والمشرفين واخواننا المسافرين كل خير:113: :113: :113: :113: :113: :113:
بس ابي اسألك عن الجو ترا الصغار وام لعيال ماينامون الا على صوت المكيف هههههههه والبروده ولو الجو حار سهارى تراهم حتى فالشتاء ما شي نوم الا على انغام المكيف ههههههههه:109: :109:
وسؤال ادري غثيتك بس انشاءالله نردها لك يوم بتشرفنا بالامارات....شو عن الاكل:114: طبيعته يعني الصغار ممكن شو ياكلون غير الماكدونلدزوالبيتزا وأكلهم حلال ونظيف وفيه خبز وأجبان ولا نجيب معانا؟:114:

رد: ░▒▓ اجمل ايام عمري في النمسا تقرير لون الغيم ▓▒░

رااااااااااااااائع يالون الغيم....
اكمل ونحن بنتظارك...

رد: ░▒▓ اجمل ايام عمري في النمسا تقرير لون الغيم ▓▒░

تقرير رائع ..يعطيك العافية ..ياسلام على النمسا ..رووووعه

رد: ░▒▓ اجمل ايام عمري في النمسا تقرير لون الغيم ▓▒░

جمال الصباح اعتذر لك عن عدم ردي عليك لأنني لا انتبه لبعض الردود الا فيما بعد .. سامحني يالغالي ..
الله يعافيك وشكرا على الرد

رد: ░▒▓ اجمل ايام عمري في النمسا تقرير لون الغيم ▓▒░

مشكور لون الغيم:24:
الله يهنيك وشو الجو عندك ترا عندنا حر فالشارجه هههههههههه:109:
والايام ما تطوف بس عندي كمن سؤال اذا بتتكرم وتجاوبني؟:24:
انا رياضي وعندي معسكر بعد ما ارجع من النمسا26/8 2006 بروح مع النادي ف30 /8 /2006والحين يالس اتمرن عشان اعوض اللي بينقصني فالسفر من تمارين...
وين الاماكن اللي اقدر اجري فيها في فيينا ولا اذا فيه صالة تمارين أثقال ومن هالقبيل أنا حاجز بهيلتون الدانوب 4 ليالي وبعدين بسير سالزلبورق وبعدين زيلامسي هل فيه أماكن مخصصه للجري والتمارين او صالات للأثقال لاني بقعد حوالي 20 يوم ويمكن اسير ميونخ بعد....:surf :11ight: مشكور على سعة صدرك وردودك الله يحفظك:113: :113: :113: :113: :113:
وسؤال عن الكاميرا انا حصلت كاميرا سوني 4 ميجابكسل فيديو وفوتوغرافي الفيديو التصوير على سي دي والصور على الميموري كارد وفيها اوبشن زين بس سعرها غالي شوي 4000 درهم:114:
وحصلت وحده ثانيه 8.1 ميغابكسل بيس هذي مثل الكاميرا الديجيتال مال الصور وفيها فيديو بعد بس عالميموري كارد:114:
ما ادري شو اخذ اذا ممكن تحط صوره حق الكاميرا اللي عندك بكون شاكر و تخبرنا عن سعرها:109: :109: :109: الله يحفظك

رد: ░▒▓ اجمل ايام عمري في النمسا تقرير لون الغيم ▓▒░

صح لسانك وسلمت اناملك.


لي يا طو يل العمر بعض الاسئلة
بس ابنتظر تقريرك الين يخلص.

نبيك تمشينا في زيلامسي . ومعاك من محطة لي محطة.

رد: ░▒▓ اجمل ايام عمري في النمسا تقرير لون الغيم ▓▒░

الشروق + بينك + خاص + رومانتيك تسلمون على ثناءكم وجايكم في اروح لحظات الرحله في كابرون
+++++++++++++++++++++
رفيعة الشان جزاك الله مليون خير على ذوقك وعلى ردك الرائع والذي لا استحقه ... وباذن الله راح تستمتعين ايضا في رحلتكم والله ييسرها لكم

رد: ░▒▓ اجمل ايام عمري في النمسا تقرير لون الغيم ▓▒░

أخي لون الغيم أولا
الحمدلله على السلامة:101:
وثانيا تسلم على هالموضوووع بصراحة افدتني وافدت كثير من الأعضاء وخاصة:24:
الي راح يسافرون قريب انشاء الله وخصوصا الي يزورونها لأول مرة تقرير كامل وماكامل الا وجهه
سبحانه وحتى لو كان عندي أسئلة وإستفسارات:114: خلاص شلتها :108: لأن موضوعك شامل من كل النواحي
جزاك اله ألف خير وجعله في ميزان حسناتك إنشاء الله :113: صج شوقتني وانا بعد 10 أيام بسافر انشاء الله:24:
وإنشاء الله أقدر أنقل لكم تفاصيل رحلتي وشكرا:x1:

أختك
رفيعة الشان:106:

رد: ░▒▓ اجمل ايام عمري في النمسا تقرير لون الغيم ▓▒░

الله يعطيك العافية علي الصور

رد: ░▒▓ اجمل ايام عمري في النمسا تقرير لون الغيم ▓▒░

كالمعتاد توضيح وتفصيل وتشويق ،،،،،،، وبانتظار المفاجآت الثلجيه

رد: ░▒▓ اجمل ايام عمري في النمسا تقرير لون الغيم ▓▒░

تقرير جميل مااقدرش اقول حاقه عنه:101:
بإنتظار المزيد

رد: ░▒▓ اجمل ايام عمري في النمسا تقرير لون الغيم ▓▒░

انصح الجميييييييع بالذهاب الى هذه الملاهي وخاصة في الليل لأنها ما تقفل الى وقت متأخر من 12 وورا .. وبعدها عدنا للفندق وكنا في غاية التعب والارهاق وانتهى بذلك اليوم الثاني في فينا



بالنسبة للرجعه من الملاهي بالليل عادي الوضع ولا يخوف ؟

خصوصا بالميترو .. واحنا عائلة وحاطين ببالنا مشاويرنا تنتهي بغروب الشمس ( نخاف نطلع بالليل d: )

رد: ░▒▓ اجمل ايام عمري في النمسا تقرير لون الغيم ▓▒░

استعجل علينا ودي اشوف تقرير زيلامسي قبل نروح : (

رد: ░▒▓ اجمل ايام عمري في النمسا تقرير لون الغيم ▓▒░

هالله هالله عليك ياخوي والله شوقتنا حق السفره بس الايام مب طايعه تمر....:108: :108:
واصل يا خوي ولو تعور قلبنا بس ماشاءالله عليك معيشنا وياك:109: :113:
والله يحفظك حق غالينك والله يهنيكويزيدك من نعيمه:101:
أخوك شرجاوي مضيع الدرب:109: :109: