الرد على الموضوع

رد: ابي تقييمكم لرحلتي للسويسرا

ماقصرت اخوي اسم على مسمى ردك كافي ووافي الف شكر من الموبايل

رد: ابي تقييمكم لرحلتي للسويسرا

وعليكم السلام ورحمة الله وبركاته

الجدول حلو ,, ومن وجهة نظري بيرن تقدرون تزورونها من انترلاكن ويوم واحد يكفيها
بحيث تزورون المدينة القديمة و bern bear park

حديقة الحيوانات ممكن تزورون حديقة حيوانات زيورخ لانها افضل واحلى من اللي في بيرن

- اليوم الاول ,, جدولكم حلو

- اليوم الثاني ,, ممكن تلغون بحيرة زوج والاكتفاء ببحيرة زيورخ

- في اليوم الثالث عند الانتقال من زيورخ ممكن تزورون قمة تتلس ومن ثم مدينة لوزيرن
والافضل من وجهة نظري تلغون تلفريك كابريو

- اليوم الرابع زيارة بيرن من انترلاكن والسافة بينهم اقل من ساعه

- اليوم الخامس والسادس جدولكم جيد

اليوم السابع ,, تقديم برنامج اليوم الثامن و الافضل تخلون جدولكم قمة جونغفرو وقبلها شلال تروميل باخ

- اليوم الثامن ,,,عند مغادرة انترلاكن تمرون على البلوسي ثم الاوشن سي لانهم على طريق زيرمات
ومن ثم تصعدون بالسيارة على القطار من قرية كاندسنيج


- اليوم التاسع ,, التمشي في زيرمات وزيارة قمة ماترهون

- اليوم العاشر ,, مغادرة زيرمات الى لوجانو والطريق حوالي 3 ساعات ونصف
مع اختيار الطريق الجبلي واللي فيه بتصعدون بالسيارة على القطار من oberwald الى realp
واذا كان وصولكم بدري للوجانو ممكن قبل الوصول لها تمرون على قمة تامارو وفيها زحليقة صيفية

اليوم الحادي عشر ,, جدولكم حلو وممكن تزورون قمة بري بدل جبل سلفادور وممكن تضيفون في هذا اليوم
حديقة سويسمنيتر بدل اخر يوم واعتقد هو يوم المغادرة

اليوم الثاني عشر ,, مغادرة لوجانو واذا اكنت طيارتكم المسا ممكن تمرون على قرية vico morcote
او تمرون على مصنع الشوكلاته تشترون منه

واتمنى لكم رحلة موفقة

رد: ابي تقييمكم لرحلتي للسويسرا

اين القوم 😭😭😭😭👏👏👏👏👏👏 من الموبايل

رد: ابي تقييمكم لرحلتي للسويسرا

شكرا اخوي
ان شاء الله بتكون السفره بشهر 5


حابه اعرف بعد القمم الثلجيه اللي كتبتها راح تكون حلوه بشهر 5 لان بعض الصور اشوف الثلج فيها خفيف

وبالنسبه للجو كيف راح يكون عشان اعرف ايش اخذ ملابس لاني مابي اكثر عشان الوزن


بالنسبه للقانو سمعت انهم نصابين حبتين واهي نقطتنا الاخيره وناويه اخذ منها شوكولاته صوغات عشان ماتخترب مع التنقلات فشرايكم اتوكل واخذ منها والا

وحابه اختم الرحله قبل روحتنا للمطار بالاسترخاء بقريه لحد موعد الاقلاع واخترت فيكو موروتي شرايكم فيها والا اختار تامارو احلى
وحابه اعرف اذا في بسويسرا حدائق حيوان حلوه تسوى الروحه لها حتى لو بغير المناطق اللي كتبتها
ومشكورين

رد: ابي تقييمكم لرحلتي للسويسرا

ما شاء الله تبارك الله

جدول رائع ومختلف

لي عوده لاحقاً لضيق الوقت والمناقشه اكثر

الا اذا احد تكرم وعقب على الموضوع

ابي تقييمكم لرحلتي للسويسرا

السلام عليكم
حابه اشكر كل الاعضاء شكر كبير لاستفادتي الكبيره من مواضيعهم وردودهم
وهذا البرنامج يبدا من الصباح
ابي تقييمكم لبرنامج كل يوم هل راح يكفيني اسوي كل الانشطه اللي فيه وبكتب اساله بعد كل يوم اتمنى تجاوبون عليها
اليوم 1:زيورخ
شلالات الراين - قريه هايدي- المبيت بزيورخ

اليوم 2:
وسط المدينه والساحات والمدينه القديمه _ بحيرة zug-المبيت بزيورخ

اليوم 3:لوزرين
الانطلاق للوزرين- تلفريك كابريو - engelberg & titlis - بحيرة لوزرين والجسور اللي فيها -الانطلاق الى بيرن والمبيت فيها
يقول زوجي مالاداعي نروح كابريو وتايلتس كلا مرتفعات لانها تزحم الجدول انتو شرايك وابي وصف واحداثيات كابريو

اليوم 4: بيرن
Tierpark dahlholzli - bern bear park- old town- الانطلاق لانترلاكن والمبيت فيها
شرايكم بحديقة الحيوانات ومنتزه الدببه يسوون اروحهم والا اكنسلهم لاني ماشفت عنهم تقارير كثيره

اليوم5: انترلاكن
Harder klum-heimwehfluh-الحديقه اليابانيه - وسط انترلاكن _المبيت بانترلاكن

اليوم6: انترلاكن
قرية برينز مع البحيره -bdlenberg -ريخن باخ- جس باخ -المبيت بانترلاكن

اليوم7:انترلاكن
البلوسي- oschiensee- adellboden- thun -المبيت بانترلاكن

اليوم8:انترلاكن
Schilthron- لاوتربونان وشلالات التروميل باخ اللي فيها - قرية wenegen -قمة jungfraujoch -الانطلاق لزيرمات
هذا اليوم حيييل مزحوم 😭😭بس شسوي انتو السبب حطيتوا عنهم تقارير حلوه
ايش اقصر طريق من انترلاكن لزيرمات بالسياره او القطار

اليوم9: زيرمات
جلاسيير-غابات المرح او المتاهه the maze - المبيت بزيرمات
شرايكم في المتاهه وغابات المرح يصلحون للكبار لان مامعي اطفال وهل يسوون اروحهم والمشوار لهم

اليوم 10:زيرمات
الماترهون و gornergrat - وسط المدينه -الانطلاق ل لوقانو والمبيت فيها
ايش اقصر طريق بالسياره من زيرمات ل لوقانو

اليوم 11:لوقانو
جبال san salvatore-بحيرة لوقانو - الساحه الرئيسيه وقطار الla freccia rossa - المبيت بلوقانو
لقانو مليانه جبال هل في جبل احلى من san salvatore بلوقانو

اليوم12:لوقانو
Swissminiatui- قرية vico morcote - كان صادف وجودي بلوقانو ثلاثاء او اربعاء بروح السوق حقهم -المطار 😥
هل في قريه اقدر اروح لها بلوقانو احلى منvico morcoto لاني ناويه اختم فيها الرحله

زوجي يقول اني زحمت الجدول حييييل وبنتعب خاصه ان احنا بنروح المانيا قبل اسبوع اما انا رايي هذا السفر وغميضه نوصل لهالمدن ومانروح هالاماكن الحلوه اللي فيها لاني ماراح ارجع لها مره ثانيه

وشكرا من الموبايل