الرد على الموضوع

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

وعليكم السلام ورحمة الله

الف مبروك يا غالي واسأل الله لك التوفيق والسعادة والراحة الزوجية

بالنسبة لشهر العسل

المالديف اختيار ممتاز جدا لا تتنازل عنه ابدا - نصيحة من مجرب - ولا تزيدها عن 5 أيام

بالنسبة للدولة الثانية

انا بتكلم عن تجربتي وشوفها ممكن تناسبك

انا رحت المالديف جلست فيها 5 أيام وبعدها توجهت مباشرة الى ماليزيا لمدة 15 يوم

المالديف = البحر الصافي والهدوء والاسترخاء والسباحة

ماليزيا = التطور والازدحام والصخب والمولات والطبيعة والحدائق والمطاعم والسينمهات والجبال

بالنسبة لي كانت تجربة من اجمل التجارب والمغامرات في بداية الحياة الزوجية

...

اما اذا لم ترتاح لماليزيا هناك خيارات اخرى

المالديف مع دبي

المالديف مع سنغافورة (علما بان سنغافورة صغيرة جدا ويكفيها 6 أيام بالكثير لذلك لا أؤيد هذه الفكرة بالإضافة لازم تطلع فيزا من السفارة السنغافورية)

المالديف مع اندونيسيا (علما بأن اندونيسيا ارخص من ماليزيا ولكن لا تقارن بماليزيا من ناحية التطور )

واسال الله لك حسن الاختيار

واي أسئلة لا تتردد

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

هلا اخوي



شهر عسلي كان بين المالديف 5 ايام و سنغافوره 4 ايام و ماليزيا 10 ايام



ايام المالديف كانت جداً جميله و الوقت اشوفه كافي 5 ايام ..



سنغافوره ما عجبتني لأنه ما فيها فعاليات غير سانتوسا و السفاري الليلي و حديقة الطيور - اغلبها تسوق و خيارات الأكل قليله



ماليزيا حبيت هاذي البلد و من زيارتي لها في شهر العسل صارت محطه رئيسيه في كل عام و لا امل منها



إقتراحي لك المالديف 6 ايام بين فله شاطئيه و فله مائيه ..



ماليزيا 10 ايام



واختار إما سيلانجور - لنكاوي - كوالا 2-4-4



او بينانق - كاميرون - كوالا 4-2-4

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

محتاج آراء أصحاب التجربة والخبرة .. ولهم مني خالص الدعوات

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...4/#post8339777

و عليكم السلام



الفكرة جميلة خاصةً ان المالديف يغلب عليها الهدوء

اشوف سنغافورة مناسبة للعرسان بلد مرتب و فيه كل ما تحتاج

و اسعارها قريبه من ماليزيا

ممكن تلقى عروض اذا حجزت بدري

المهم نفس الخطوط عشان يقل السعر



1000 مبروك مقدماً



الله يبارك فيك .. وشاكر لك اقتراحك الجميل وصراحة سنغافورة كانت غايبه عن بالي ..

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

المشاركة الأصلية كتبت بواسطة old tourist
http://www.arabtravelersforum.com/tr...4/#post8339551

اقترح فكرة جديدة - زيارة جزيرة بوركاي في الفلبين وقضاء بعض ايام ومن الفلبين بالطائرة الى جزيرة هاواي الامريكية







مشكور اخوي .. لكن كم ساعة طيران بين الفلبين وجزيرة هاواي الامريكية ؟

رد: وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

اقترح فكرة جديدة - زيارة جزيرة بوركاي في الفلبين وقضاء بعض ايام ومن الفلبين بالطائرة الى جزيرة هاواي الامريكية

وش رايك بفكرة وجهتين لشهر العسل الاولى المالديف، والثانية ؟؟؟ يسعدني اقتراحك

السلام عليكم ..



مخطط لشهر العسل في جزر المالديف وتقريبا محدد له 15 الى 18 يوم .. وبعد ما قريت تقارير الاعضاء مشكورين لقيت أغلبهم متفقين على ان اقصى فترة تجلس في المالديف هي 7 ايام فـ جتني فكرة ان السفرة تكون لوجهتين :



الاولى : جزر المالديف

الثانية : ؟؟؟؟



بشكل عام هل فكرة الدولتين حلوه للعرسان ؟ وهل هي مكلفة ماديا خاصة مع زيادة وجهة طيران ؟



والوجهة الثانية محتاج اقتراحاتكم بدولة مناسبة لشهر العسل وتكون لها الايام الباقية .. مع العلم اني ذهبت الى سيريلانكا واراها غير مناسبة لشهر العسل ..





فيه اقتراح جاءني وهو اني أقضي باقي الايام في ماليزيا (لينكاوي وبينانج ) -وانا رحت لماليزيا السنة الماضية لكن ماسمحت الظروف لزيارة لينكاوي- .. وش رايكم















مع الاخذ بالاعتبار الميزانية ليست مفتوحه طبعا ههههه





ألف شكر لكم مقدماً ..