الرد على الموضوع

رد: ارجو المساعده في مخططي لمدن اروربيه

سترابسبورغ لحاله بس ما انصح يعني يبيلك يورب بارك تمرينها
الريف فيه مناطق كثيره جنبها ولازم سياره

رد: ارجو المساعده في مخططي لمدن اروربيه

السلام ....
مشكورين على الرد ....
انزين الحين شو الاحسن و الاحلا اروح ل ستراسبوغ او الريف الفرنسي ؟؟؟؟؟
محتاره من بينهم ....

رد: ارجو المساعده في مخططي لمدن اروربيه

ما قصرن الاخوات
اذا ديزني يوم خليكم في باريس واطلعوا لها يوم وردو
اسكنو في لاديفانس شقق كبيره وارخص وانتم بموسم رايحن
البندقيه شيلوها من راسكم

رد: ارجو المساعده في مخططي لمدن اروربيه

..

اذا تبون الريف الفرنسي اسكنوا ب آنسي
روحوا منه لجنيف + ديفون + شاموني + ايفان
وبعدها على انترلاكن .

رد: ارجو المساعده في مخططي لمدن اروربيه

شكراااا ما قصرتووووو .
انزين يحتاي اسكن في الريف الفرنسي و لابس ازورهم من خلال سكني في انترلاكن ... لانه اقولون يقدر الواحده ازورهم في يوم واحد..
انا حطيه دزني لاند اول الانه بنكون مارين عليها ونحن ياين من المطار
و خليت ستراسبوغ بعد باريس الانه قالولي تبعد من باريس 3 ساعات و انسي 5 ساعات
. فاقلت اروح ستراسبوغ بعدين انترلاكن و نخصص ايوم لريف الفرنسي لانه يبعد ساعتين ... و هذا ما قريت ..

رد: ارجو المساعده في مخططي لمدن اروربيه

هلا فيك

ما قلتي العودة من وين

اذا تبين ترتيب الاماكن على حسب القرب من باريس

الريف الفرنسي (ديفون - أنسي - شامونيه - ايفيان ) وجنيف

انترلاكن
البندقية تبعد تقريبا 500 كيلو من انترلاكن

و ستراسبوغ تبعد عن انترلاكن تقريبا 350 كيلو

رد: ارجو المساعده في مخططي لمدن اروربيه

..

اهلين اختي
احنا بنساعدك باللي يخص فرنسا
ما بعد فرنسا خبراء البوابات الثانيه بيفيدونك
بس اهم شيء حددي الدوله اللي تبونها
ايطاليا ممكنه اذا تخلصين من سويسرا
وبالطيران المخفض او بالسياره من جنيف الى فنيسيا بالسياره 5 ساعات
طبعا شوفي خبراء سويسرا او ايطاليا يرتبون لك خط السير بالمدن اللي تحبين تزورينها
سويسرا والنمسا متشابهات بالطبيعه والفعاليات والاماكن كثثير يعني ماتنجمع مع بعض
المانيا جميله ممكن تدخل بالخطه
فرنسا نقول انها المحطه الاولى تقعدوا بباريس المده اللي تبونها بعدها دزني
وومكن تاخذون سياره منها وعلى آنسي الفرنسيه
ومن آنسي تروحوا على شامونيه وايفان وجنيف
وبعدها على انترلاكن ....
وممكن تروحوا بعد باريس لـ ستراسبورغ
وطبعا دامكم عائله لا تكثرون التنقلات ابدا لان هالشيء بيتعبكم وبتروح متعة السفر

وهنا بتلقين اشياء كثير تخص باريس واهم الاماكن السياحيه وجداول جاهزه لعده ايام فيها
http://www.arabtravelersforum.com/travel900575/

ارجو المساعده في مخططي لمدن اروربيه

السلام عليكم
اخواني الاعضاء و المشاركين السلام عليكم و رحمه ...
ابي مساعدتكم في رحلتي اليايه الي بتكون في الصيف لاروبا.
قريت وايد تقارير من بين الدول الاوربيه و المدن و حست اني ابا ازووور كل شي ههههه.
بس حسيت بلخبطه من بينهن و ما عرف كيف بتكون مخطط الرحله .
اولا الرحله بتكون في الصيف في شهر ثمانيه (August)
عائليه ما بين 6 -7 اشخاص كبار و ثلاث اطفال صغار.
فحطين مخطط اولي و حبيت مساعدتي فيه تعديله و تزويدي بالمعلومات .
الانتقال باسياره بين المدن .
المخطط: فرنسا-الوصل لدزني لاند و المبيت فيها يوم لذهاب لمدينه الالعاب دزني لاند و مدحولي فندق
ماريوت لسكن في فله .
ثم لباريس لعده ايام (غير محدد الايام ) بنزور برج ايفل و متحف لوفر و شانز وغير ..(اذا في اشاء اذكروها لي بليز ..
ثم الذهاب الى ستراسبورغ المبيت فيها ..
ثم الى انترلاكن و المبيت فيها (الذهاب الى الريف الفرنسي من افيان و خواتها)
و احنا حبين روح الي ايطاليا لبندقيه بس حسيت انها بعيد .
و هذا المخطط...الاولي
انا قريت عن النمسا و المانيا ...
اذا في مدن غيرها و تستاهل الواحد اروحلهااا ارجو الذكر .
واذا تعرفون عن الفنادق زودوني بها (شقق او اكواخ و غيرهااا).تكون اسعارها تناسب العائله و نظيفه .
شكرااااا اخواني و سامحوني على الايطاله....