الرد على الموضوع

رد: استفسار بخصوص دراسة الماجستير

مرحبا اخي سمارت الرياض
حبيت اوضحلك ان السفارة الحين ممكن ترفضك بسبب المعدل بالاول الوضع كان عادي ولو ترجع لبعض المشاركات تجد ذلك ولكن لك الحل :
اطلب تأشيرة دراسة اللغة الانجليزية فقط واحصل على قبول من اي معهد ترغب فيه وتحصل على i_20 حتى لو بشهادة الثانوية عادي وبعد ما تجتاز التوفل فيه كثير من الجامعات تقبل بدوت جي ار اي او جيمات ومعترف فيها ممكن تقدم على اكثر من جامعة والله ييسر امرك .
وبكذا تقدر تنضم للمبتعثين من خلال الملحقية الثقافية بواشنطن اما انك تحصل على البعثة من هنا خلينا واقعين انسا الموضوع .
موفق عزيزي

رد: استفسار بخصوص دراسة الماجستير

اخي العزيز سمارت الرياض

شوف وانا اخوووك انا الحين بامريكا

واعرف واحد من الشباب معنا تقديره مقبووول بس مدري عنه هو معه واسطه ولا لا

اما بالنسبة انه السفارة ترفضك لانه تقديرك مقبوول فهذا الكلااام غير صحيح لانه فيه كثير شباب بامريكا تقديرهم مقبول وما رفضتهم السفارة

وانت قدم واللي فيه الخير يكتبه ربك

وبالنسبة للجامعات والقبوول فيها شد حيلك باختبار الجيمات وجيب فيه درجه عاليه وهذا راح يعوض ضعف المعدل عندك

ونصيحة لك مني اذا لغتك تعبانه شد حيلك من الحين وادخل اي معهد وحاول تاخذ البدائيات في اللغة الانجليزية

وموفق خير ان شاء الله

رد: استفسار بخصوص دراسة الماجستير

الله يعطيكم ألف عافية ما قصرتوا بنصايحكم.. و الله يكتب اللي فيه الخير

رد: استفسار بخصوص دراسة الماجستير

العائق الأول : السفارة (الفيزاء)
العائق الثاني : الوزارة (إذا لم يكن لديك واسطة)
العائق الثالث: الجامعة.
وكل هذه العوائق مرتبطه بالعائق الأساسي وهو المعدل

رد: استفسار بخصوص دراسة الماجستير

المشاركة الأصلية كتبت بواسطة eagle One
http://www.arabtravelersforum.com/tr...2/#post1026802

المطلوب جيد جدا
حتى لو ابتعثوك فماراح تقبلك الجامعات, الا الجامعات الضعيفة والغير معترف بها من الوزارة
ونصيحتي لك تدور لك على وظيفة وتتمسك فيها , وبعد5-6 سنين تطلع بعثة على حسابك, لأن بعض الجامعات تطلب الخبرة للماستر, وبعدين تحول بعثتك للوزارة
موفق خير




هذا عين العقل

رد: استفسار بخصوص دراسة الماجستير

لاحول ولا قوة إلا بالله.. أختي بنت الصقور ضيقتي صدري والله.. أول مره أعرف أن السفارة لهم دخل بالمعدل بعد.. طيب لو رحت على أساس أتعلم لغة وبعدين هناك أتصرف و إلا ما يصير؟ والله يجزاكم خير تعبتكم معاي..

رد: استفسار بخصوص دراسة الماجستير

يعني محد جاب طاري الفيزا !!! حتى لو جاك قبول و جبت واسطة و طلعتلك بعثة .. السفارة عادي ترفضك لأنه معدلك ضعيف ...

رد: استفسار بخصوص دراسة الماجستير

الله يعافيك أخوي

رد: استفسار بخصوص دراسة الماجستير

المطلوب جيد جدا
حتى لو ابتعثوك فماراح تقبلك الجامعات, الا الجامعات الضعيفة والغير معترف بها من الوزارة
ونصيحتي لك تدور لك على وظيفة وتتمسك فيها , وبعد5-6 سنين تطلع بعثة على حسابك, لأن بعض الجامعات تطلب الخبرة للماستر, وبعدين تحول بعثتك للوزارة
موفق خير

رد: استفسار بخصوص دراسة الماجستير

يعني ما فيه أمل بالبعثة

رد: استفسار بخصوص دراسة الماجستير

لكن الوزارة ماتبتعث الا اللي معدلهم جيدجدا فما فوق ... يعني 3.75 من 5

رد: استفسار بخصوص دراسة الماجستير

.. إنتظر إعلان الوزارة عن البرنامج الجديد للإبتعاث بعد كم شهر ..

استفسار بخصوص دراسة الماجستير

السلام عليكم..
عندي استفسارت يا إخوان بخصوص بعثات الماجستير يا ليت لو ألقى إجاباتها عندكم..
1- أنا طالب بالجامعة وتخصصي ماليةFinance وراح أتخرج نهاية هالفصل إن شاء الله لكن معدلي مقبول..
هل تتوقعون إنه ممكن أحصل على بعثة من الوزارة أو لا؟
2-هل الجامعات بأمريكا تطلب تقدير معين للقبول؟
و إذا أحد عنده نصايح لي ياليت يقول لي رأيه,,
و جزاكم الله خيرا,,