رد: مسافر لاول مره ولحالي
المشاركة الأصلية كتبت بواسطة الدمام تايم
http://www.arabtravelersforum.com/tr...6/#post5667596
السلام عليكم ورحمة الله وبركاته:
انا بسافر خلال اليومين هذي لاندونيسيا ولحالي واتمنى انكم تفيدوني من ناحية السفر لوحدي فوايده واضراره يعطيكم العافيه علماً بان مدة الرحله عشرة ايام .
الموضوع ببساطه رأي شخصي ويمكن مره تفكر تروح مع أصدقاء ومره تفكر تروح بلحالك حسب مزاجك وهدفك من السفر ومن الأشياء اللي لاحظتها أن المسافر بلحاله يقدر يروح ويجي على كيفه بدون ما يكون تخطيطه مرتبط بمزاج أحد غيره
أيضاً عدم ارتباطك بميزانيه معينه لأن خويك يمكن ميزانيته أكبر من ميزانيتك أو يمكن أقل من ميزانيتك فأحدكم يضطر يمشي على مقدار ميزانية الآخر
إذا كنت تحب الهدوء والاختلاء بالنفس فهو مناسب لك
بعض الأصدقاء في السفر قد يصدر منه مالا يعجبك ويكدر خاطرك (مره زميل عمل سرق بعض فلوسي من السيفتي بوكس) والثقه العمياء مشكله مع بعض الناس ، الحين بعض الناس تسلفه ما يرد لك فلوسك
بعض الأماكن يحتاج يكون معاك فيها خوي أو أكثر يونسك ويعاونك زي جلسات الفلل بالجبل أو ألعاب الملاهي
الرغبات قد تختلف من شخص لآخر وقد تكون رغباتك وتوجهاتك تختلف عن توجهات خويك
هذي بعض الأمور اللي لاحظتها وأنت فكر وشف اللي يناسبك ويمكن الأخوان يعطوننا من تجاربهم ويفيدونك
وعموماً هذا البلد بتنبسط فيه سواء معك أحد أو بلحالك ، أنا جربت الثنتين
وبالتوفيق اخوي