رد: الفزعه في ترشيح المناطق وترتيب خط للرحله
الله يعافيك عمي
بالنسبه لجزر بالاوان هيه النيدو وكورون وكل جزيرة تشابه الاخرى يعني الافضل انك تختار وحده منهم
والاسهل لكم هيه كورون لانه فيها مطار وقريب من الجزيرة اسمه مطار بوسوانقا ورمزه USU
جزيرة النيدو أجمل في الحقيقه لكن الوصول لها متعب لانه مافيها مطار الا مطار العاصمه بويرتو برنسيسا
ومن المطار تركبون باص او فان ويوديكم الجزيرة في 5 ساعات و 45 دقيقة
ولكم الاختيار بينهم بالرغم انه جزيرة كورون جميله برضو
سيبو مدينه اثريه اكثر من انها طبيعه اذا كنت من محبي الاماكن الاثريه تقدر تزور معالم سيبو
التخطيط الاخير يبين لكم اذا كانت سيبو من ضمن الرحله او لا
لانه مطار بوهول مافيه رحلات مباشره لبعض المطارات الاخرى لازم يمر ترانزيت على مانيلا
لكن لو تسافر من مطار سيبو راح تحصل دايركت
اليوم الاول بعد الوصول لمانيلا الراحه من عناء السفر الطويل عشان تاخذون نفسكم مرا ثانيه
وفي مناطق تستاهل الزياره حول مانيلا مثل المطعم العائم في منطقة سان بابلو
او جولة حول النهر وزيارة الشلال على ظهر القارب الخشبي في منطقة لاقونا
زيارة اكبر مول في اسيا اسمه Mall of Asia
زيارة حوض السمك في مانيلا
صدقني الحماس اللي انتوا فيه الحين راح يفرق وقت السفر لانه كثرة السفر الداخلي متعب ومرهق
خصوصا انه مدة سفركم طويلة ماشاءالله
لاتظغطوا انفسكم في الرحلات الكثيرة عشان تنبسطوا براحتكم
واي استفسارات اخرى حاضرين ان شاءالله
تحياتي