الرد على الموضوع

رد: ياجماعه الخير اتمنى انكم تجاوبون على سوالي لان مخ اخوكم ضرب

الوقت......
احسب وقت دخول المغرب في فانكوفر مثلا نقول 9 مساء اذا شفت الساعة عندك صارت 9 مساء وانت بالطيارة صل المغرب والعشاء جمعا لانه في اقل الاحوال دخل الوقت لصلاة المغرب في فانكوفر ولم يخرج وقت العشاء في المكان الي تطير فيه الطيارة بذيك اللحظة.
اما صلاة الفجر افتح الدريشة واذا شفت الدنيا اسفرت صل اهم شئ ان الشمس ماطلعت .. واذا مافيه مكان صل وانت جالس بمحلك الرسول عليه الصلاة والسلام كان يصلي على الراحلة مع اني اجزم ان فيه مكان بوسط الطيارة بين المطبخ ودورة المياة استاذن من المضيف وافرش سجادتك ولاتخجل من دينك ترى كثير من الناس يخجل انه يصلي اهم شئ لايطلع الوقت ماصليت واذا جيت تكبر تكبرة الاحرام التفت للقبلة وكبر و باقي موب لازم تتجه للقبلة لانه فيه مشقة عليك _ اذا الطيارة طالعة من امريكا لاوربا شف الخريطة الي بالشاشة ووين الشرق الاوسط واتجه له اتوقع انها تكون على حجاجك الايمن ( باتجاه حاجبك الايمن _يعني موب قدامك ولا يمينك اذا الكبينه قدامك_ بينهن)
والدين يسر ولاتنسى تدعي لي ترى دعوة المسافر مستجابة.

رد: ياجماعه الخير اتمنى انكم تجاوبون على سوالي لان مخ اخوكم ضرب

اتمنى من الاخوان لايبخلو علينا يعني معقووووووووله

الاغلبيه مامرت عليهم نفس السفره وتداخل الاوقات

وانت في السماء

اتمنى ان لاتبخلو علي وماقصر اخوي alsahernet وفواز كندا

انتظركم بفارغ الصبر

رد: ياجماعه الخير اتمنى انكم تجاوبون على سوالي لان مخ اخوكم ضرب

المشاركة الأصلية كتبت بواسطة alsahernet
http://www.arabtravelersforum.com/tr...6/#post1522096

يا جماعه .. صل وانت جالس ومو شرط في اتجاه القبله ... اهم شيء تصلي في الوقت
اتقوا الله ما استطعتم ..



الله يجزاك خير اخوي

ومثل ماتفضلت تصلي في الوقت بس الوقت مجهول:112:

الله يعطيكـ العافيه ويوفقك دنيا واخره

رد: ياجماعه الخير اتمنى انكم تجاوبون على سوالي لان مخ اخوكم ضرب

يعطيك العافيه فواز كندا

والله يجزاك خير

بس اعتقد ان الواحد لادخل الوقت يصليها في الطيارة

بس الوقت متى يدخل الله لايعيد اوقاتهم

ومشكور على كل حاااااال

والله يجزاك الجنه

رد: ياجماعه الخير اتمنى انكم تجاوبون على سوالي لان مخ اخوكم ضرب

يا جماعه .. صل وانت جالس ومو شرط في اتجاه القبله ... اهم شيء تصلي في الوقت
اتقوا الله ما استطعتم ..

رد: ياجماعه الخير اتمنى انكم تجاوبون على سوالي لان مخ اخوكم ضرب

السلام عليكم ورحمة الله وبركاته
شف ياخوك والله انا مثلك مخي ضرب ابد مثل رحلتك تماما انا وش سويت اقلعت من فانكوفر الساعة سبع المغرب قبل دخول صلاة المغرب بغيت اصلي داخل الطيارة مافي مكان مو مثل الخطوط السعودية فيه مصلي اخر الطيارة لكن وصلت مطار هيثروا تقريبا الساعة وحده الظهر وفي مطار هيثروا صليت المغرب وصليت العشا وصليت الفجر والظهر مره وحده .. مافي حل غير كذا وقلت يارب تتوب علينا وترحمنا برحمتك هذي قصتي ياخوك بالنسبة لصلاة .
والله يوفق الجمـيــــــع
ولــكــــــــم تحـيـــــــــــــــاتي ,,,

رد: ياجماعه الخير اتمنى انكم تجاوبون على سوالي لان مخ اخوكم ضرب

الله يجزاكـ الف خير

معك حق نقدر بس الوقت تخيل تطير الساعه سته وتوصل 11 من اليوم الثاني الصباح

يعني الوقت مختلف ميه وثمانين درجه

الله يعطيك العافيه على ردودك ويوفقكـ لكل خير

بس اتمنى يااخوان اللي انكم تفيدووووووووووني اكثر ولاتبخلون علي

ولكم دعوه بظهر الغيب

وانتظر ردودكم

رد: ياجماعه الخير اتمنى انكم تجاوبون على سوالي لان مخ اخوكم ضرب

والله ا اعرف تمام لكن قدرها مثلا بعد ساعتين من الاقلاع اتوقع يكون وقت مناسب للصلاه للجمع ..

رد: ياجماعه الخير اتمنى انكم تجاوبون على سوالي لان مخ اخوكم ضرب

alsahernet

مشكور والله يعطيكـ العافيه

بس الله يرضى عليك كيف اصليها جمع تقديم وانا مدري متى وقتها

لاني ابطير الساعه سته يعني باقي على صلاه المغرب تقريبا ساعتين ونص

والوقت يختلف وابوصل للندن من اليوم الثاني الساعه 11.45

يعني بصراحه ابي اعرف وش انا علييييييه لاني بصراحه افكر فيها كل يوم

كيف ابصلي المغرب والعشاء وايضا الفجر لان الوقت ابي اعرف احسبها ماقدرت

لحس مخي التوقيت

الله يعطيك العافيه

واتمنى من اللي عنده اي شي بخصوص الموضوع لايبخل علي

والله يجعل من يرد ويساعدني في الشي هذا في جنات النعيم

وتقبلو تحياتي

رد: ياجماعه الخير اتمنى انكم تجاوبون على سوالي لان مخ اخوكم ضرب

alsahernet

رد: ياجماعه الخير اتمنى انكم تجاوبون على سوالي لان مخ اخوكم ضرب

المغرب والعشاء تصليها جمع تقديم ..
والفجر في الطائره تقدر تسال عن وقت الدخول وتصليها في الطائره ..
وانت تقدر الوقت .. تقريبي يعني ممكن تسال عن وقت الشروق وقبلها تصلي

"فاتقوا الله ما استطعتم"

هذا على حسب علمي ..

ياجماعه الخير اتمنى انكم تجاوبون على سوالي لان مخ اخوكم ضرب

السلام عليكم

بس ياجماعه الربع

السالفه ومافيها

اني ابطير من فانكوفر تاريخ 25 السااعه 6 المساء الى لندن

ثم ابوصل لندن بتاريخ 26 الساعه 11.45 الصباح

سوالي الله يجزاكمـ خير

صلاه المغرب والعشاء وايضا الفجر كيف ادري دخل وقتها وكيف اصليهااا

لان مخي ضرب ابي اعرف ولاقدرت :110:

وكلش الا الصلااااااااااه عندي :106:

انتظر الردود منكم والله يوفقكمـ